黔知味牛肉米線

營業中

休息中

1️⃣ 黔知味辣子雞米線（加脆哨）🐣辣子雞嫩滑多汁，辣度恰到好處，辣得過癮但唔會太刺激🔥。米線煙韌，吸滿湯底嘅香辣味，脆哨更係畫龍點睛，帶嚟豐富嘅口感體驗，食完即刻有幸福感！💯2️⃣ 黔知味怪味牛肉🐮牛肉非常嫩滑，入味到位，而「怪味」係結合咗酸、辣、麻嘅複雜層次，酸中帶辣，辣中有麻，味道唔會過重，但令人越食越上癮。呢道菜真係幾有驚喜！✨3️⃣ 黔知味糯米糍粑🍧煎到外脆內軟嘅糍粑，煙韌嘅口感超滿足，配合微甜嘅糖漿，甜度適中，唔會過膩，非常適合作為飯後甜品。簡單卻能俘虜味蕾，推薦！🍡4️⃣ 黑糖珍珠奶茶🧋🧋黑糖香氣濃郁，珍珠彈牙有嚼勁，奶茶口感順滑，甜而不膩，飲落令人相當滿足。同辣味主菜一齊搭配，完美平衡味蕾！💛5️⃣ 黔知味大定玫瑰冰粉🌹🌹玫瑰香氣清新，冰粉爽滑透心涼，一口解辣又解渴，特別係食完辣味主菜後嚟一碗，清涼又舒服，簡直係完美嘅收尾甜品！❄️

最近天氣有小小涼～想食熱辣辣嘅米線🍜路過一間貴州嘅米線 位置好闊落😊就入來試下～點知有驚喜！蹄花米線🍜超好味😋！豬腳燜得勁淋～BB辣剛剛好～米線好淋好入味 唔掛得之剛才叫老闆娘推介是 佢話款款都咁好味🤣怪味牛肉🐮食肉怪來啦！又想食🐷又想食牛～一次滿足兩個要求哈哈哈哈哈哈哈好味！鹵牛肉超級入味 ～桂花酒釀雙花（桂花+蛋花）一到秋天就特別鍾意桂花味～食完米粉再食個甜品真係超正😄三色糍粑🍡我真係勁鐘意食糍粑！呢個糍粑有三隻味～粟米、糯米、高粱～好特別！夾埋黃豆粉 超正！涼拌青瓜🥒再加個超級清爽嘅青瓜～正啊！

晚上10點諗唔到食咩 經過入左去。叫左個牛肉麵，辣子雞米線，雲吞，酒讓丸子，凍奶茶。牛肉麵幾好食，下次試下唔辣，辣子雞就一般，個口感好似回鍋肉多d,個丸子最好食，甜甜地我覺得依種口感，凍奶茶麻麻，似珍珠奶茶味用粉沖個種。下次都可以再試下其他。

今天下午， 我們去到荃灣海壩街黔知味牛肉米線(荃灣) 午餐。在貴州的美食中，黔知味牛肉米線無疑是一道極具代表性的料理。這道米線以新鮮的牛肉為主料，配上香濃的湯底，米線滑嫩，湯汁鮮美，每一口都令人陶醉。此外，黔知味的夜郎糍粑也不容錯過，分別是糯米糍粑、玉米糍粑和高粱糍粑，三種不同口味的糍粑，讓人嘗到各種獨特的風味，口感嚼勁十足。最後，搭配兩杯凍檸茶，不僅解渴，更增添了清新的口感，讓整個用餐體驗更加完美。貴州的美食真是多姿多彩，令人流連忘返。

在荃灣區搵食，各式食肆臨立，在海壩街食牛肉米線，喜歡其飽肚又抵食。餐廳裝修簡約，尚算整潔。黔知味牛肉麵 $45牛肉爽口有肉香，湯底清甜，麵條彈牙之餘亦份量十足。黔知味蹄花米線 $46豬腳腍滑鬆化，口感令人回味。米線和清湯味道亦十分夾。鮮肉雲吞 $40雲吞大大隻，鮮肉餡肉汁豐富，抵食又美味。黔知味大定玫瑰冰粉 $22冰粉口感爽滑，配芝麻麥片卻又能提供粗糙口感，反差中見和諧，頗具心思。黔知味宣慰府豆幹 $24炸脆的豆腐小食，外脆內軟，豆味香濃。黑糖珍珠奶茶 $28凍檸檬茶 $22

✳️周二午膳，我去咗荃灣嘅「黔滋味」，想試下佢哋嘅貴州美食，真係要分享一下！✨首先，我叫咗一碗**黔滋味牛肉米線**~$45。米線滑溜溜，牛肉嫩滑，配上特製湯底，簡直係一碗滿足感爆棚嘅美味！湯底有啲微辣，但唔會太重，正好令我每一口都想再來多一口。✨然後，我仲試咗**鮮肉雲吞**，十個只需$44，真係好抵！雲吞皮薄肉滑，內餡鮮美，每一口都係滿滿嘅肉汁，簡單但好正！我建議大家搭配凍奶茶，$10嘅價錢，飲落去清新又唔會過甜，仲可以解辣。✨最後，當然唔可以唔試佢哋嘅甜品，**黔知味桂花酒釀雙花小丸子**，熱食$22。小丸子外脆內軟，桂花香氣撲鼻，酒釀嘅味道又唔會太重，真係滿足。

📍黔知味牛肉米線 (荃灣)荃灣海壩街97-101號昌泰大樓地下1B&1C號舖行開荃灣發現有間貴州美食，一入到去老闆娘超熱情有種勁賓至如歸嘅感覺，佢寫到明啲嘢係新鮮即制，唔會用預製菜👉涼拌海帶絲💰28😋😋😋😋.8/5海帶絲酸酸甜甜勁開胃，我問老闆娘咩係折耳根？原來係用嚟煲糖水嘅魚腥草，佢話驚我哋食唔慣，所以落幾條俾我哋試吓，真係超級好👉涼拌青瓜💰28😋😋😋😋.8/5佢哋涼拌嘅食物全部都係即叫即制，所以啲青瓜特別爽口，真係好好食☺️👉黔知味宣慰府豆幹（6塊）💰24😋😋😋😋.8/5第一次食呢個豆乾食落去有啲臭豆腐嘅感覺，但係又冇咁強烈，佢另外配製咗啲辣粉俾我哋自己㗎，驚我哋食唔到辣實在太貼心👉鮮肉雲吞（8粒)💰40😋😋😋😋.8/5呢個真係超出色，皮薄餡靚，佢入面嘅鮮肉唔係用肥豬肉，但係完全唔會嚡口，好有肉汁，另外佢個湯底係用紫菜同埋蝦皮鮮熬成好正👉 黔知味辣子雞米線💰45😋😋😋😋.8/5辣子雞米線佢嘅米線同平時食嘅唔一樣原來貴州嘅米線係大條啲，但係食落都好滑唔錯喎辣子雞份量都幾多抵食回頭:yesyesyes!!!食物質素真係好好，佢哋標榜所有食物即叫即制，但係都唔會要等好耐而且重點係價錢好抵食

叫咗牛肉蹄花米線，本來想叫小辣，老闆娘好心提醒小辣可能太辣，建議叫BB辣先~不過食得辣嘅話BB辣=0，後悔冇叫油辣椒另上😔湯底好清，有蔥花唐芹，鹹咗小小，未至於食完口渴，有辣椒應該香好多牛肉份量唔少，比較乾身襟嚼，有牛肉香。蹄花係煮到腍身脫骨嘅豬手， 外皮軟滑肉又腍又香，唔算好肥膩，味道清淡，點湯食啱啱好。米線先係重點，比起平時食嘅粗身但係好索湯，又軟又滑，超正！冰粉好清爽，入面有碎冰、山楂、提子乾，好多配料，收尾啱啱好！因為老闆娘又要落單又要落廚，所以等得耐啲，不過舖頭細人唔多，坐得幾舒服，苦蕎都好飲一個人食quota有限，下次再試吓其他菜式~

原本去到見到米線店同隔離台灣菜人龍比較下，仲有少少猶豫到底食邊間好諗緊個陣上openrice睇下食評，見到大家對呢間米線店都係大讚，所以就試下。叫左一碗辣子雞米線同牛肉米線，再加左份三色糍糕同冰粉做甜品。米線口感真係同連鎖店唔同，而且辣椒油好香。三色糍糕個人最中意係粟米味，但糯米味口感係最軟糯！冰粉入面加左玫瑰花，所以好清香。2個人食完都係HKD150左右，出門口真係忍唔住講左句：好彩試左米線，又平又好食。

已經第二次幫襯，OK，好食，極似係貴州食過嘅味道！湯底冇乜味精，粗米線亦係其他地方少見，有暖麥茶第一時間奉上，枱面有辣辣面（粉）,花椒粉，醋等自助，甜品有即做糍粑和冰粉！

到荃灣做嘢經過呢間牛肉米線，睇個店名應該係貴州省的。Lunch time未食嘢又唔趕時間，自己又中意食米線，就入去試下。睇價錢做人，點咗45蚊牛肉米線，諗住牛肉應該唔會多。點知上到嚟，啲牛肉唔大塊，但都唔細，數量都唔少，至少每次起手夾到牛肉😄😄👍👍更正嘅係仲有啲真正嘅牛肉粒沉底，以前食完米線同餸係撈花生同肉碎，宜家係撈牛肉粒🥹🥹數量唔敢話多，但滿足到我個人嘅要求👍👍同埋啲牛肉真係有牛肉味😍😍湯底夠清，一上嚟就聞到肉味，唔鹹，唔會食完係咁想飲水。湯底雖然清，但好味，唔會好似其他米線店咁，好多調味料。唔想再食連鎖米線店嘅你，建議到此一試👍👍見佢店鋪個位置雖然喺街口，但好似冇乜人流。希望佢做得住啦！有嚟路德圍吃喝玩樂嘅你，有機會可以試下😉😉

应该刚刚开业，我们四个人点了四种米线和四样小吃，都没踩雷，店家态度非常好，价钱不贵，此外，几种蘸料感觉都是内地空运，辣椒粉和醋都很安逸，可惜住的比较远，希望有机会再来。

個人本身幾鐘意食米線，食得太多連鎖店，覺得有d厭，見店舖已開左幾個月，但一直唔太多人幫襯，所以都打算搵日試下，早排店員將價錢貼喺玻璃，見到價錢都算幾合理，第一次幫襯，店員有主動斟茶，態度幾nice，試左黔知味牛肉米線，因唔食得辣，叫左唔辣，湯底夠清，麻而不辣，唔覺有落味精，牛肉有9片，切薄片，咬落唔韌，都夠牛肉味；米線係最掂，同連鎖店冇得比，夠彈牙，好耐冇食過呢種。整體份量適中，可以多少少米線就更好，

昨晚跟家人出去荃灣食晚飯，意外地去到此店食牛肉米麵，由於此店是新開張，店內不是很多人，所以諗住試一試。店內食品種類不算多，我們叫了一個牛肉麵和一個牛肉米線，我覺得米線好麵好多，因為米線比較有質感，而牛肉就似台灣嘅牛展，好好味😋！不過牛肉比較薄一點，但份量也不算少👍🏻令我最欣賞的是該店之苦蕎茶，好似一般蕎麥茶咁，但我覺得比蕎麥茶更好飲，還有我們有事糯米糍，不過不失😊

來荃灣行下，經過呢間新鋪幾特別，裝修又乾淨企裡，竟然有折耳根食(雖然我唔敢試), 入去試下。點知幾好味，價錢又相宜。貴州牛肉粉米線(45HKD)食之前買過即食嘅貴州花溪牛肉粉，都幾中意。今次見到45蚊一碗，段估冇咩肉，點知來到都幾多牛肉吓。湯底鮮且比較清，冇咩油，嗌咗中辣，開頭唔覺辣，點知越食越辣，不過唔係譚x嘅工業辣味。推薦推薦脆哨燃麵經常係網上見到脆哨，想試下咩味。應該係五花肉切到細細粒，炸透後製成，口感好香脆，連唔食肥豬肉嘅老婆都大讚好味。拌麵睇落似冇咩料度，白白地。點知食落口都好濃味，仲有陣焦香，唔知點做到嘅另外又嗌咗兩款小食都冇踩雷不過直到七點半都係見到得兩檯客，可能係宣傳不足，openrice連個餐牌都未有，真係替店主擔心。希望間鋪可以撐耐d，另到我地唔駛返大陸都有呢d野食