黑木堂

營業中

休息中

星期日周圍都勁多人迫到爆! 為左避開人潮同埋排隊等位, 今日揀左黎奧運站附近搵食雖然唔近旺區, 但好多特色小店可以揀, 經過見到黑木堂好似幾抵食環境都OK, 所以就決定一試。唔洗等位就有得入LU, 位置近門口, 但2個人坐都OK 唔會太迫。我叫左吞拿魚海膽同三文魚籽壽司飯~$110, 男朋友叫左三文魚帶子壽司飯~$68, 刺身冇重覆, 可以試哂5款一黎到試左壽司飯先，覺得佢煮過左少少，唔夠粒粒分明，但醋味調教得幾好，令人好開胃帶子同三文魚都幾新鮮, 三文魚食到魚油甘香, 帶子就肉質好甜唔會霉海膽黎到賣相一般, 因為個樣有D溶左, 不過食落唔腥,甜味就有D淡, 吞拿魚就唔得喇, 食落完全冇味,又瘦 仲要好多筋,唔合格！不過要讚一讚三文魚籽, 因為粒粒都好飽滿, 咬開仲有超濃既魚油同海水味, 用黎撈飯即刻每啖飯都好JUICY，算係成晚最好食既野整體都ＯＫ，價錢合理，只係地點唔方便，如果下次再經過都可以再黎食既！

星期一的晚飯大約八點十五分到黑木堂，門口已經有4人等緊台，我們3人等了大約10分鐘都總算入到店內坐下。1. 餐廳店員未能主動提供服務店面只有1個店員，主要負責點餐、傳菜等，我們一坐下，店員沒有主動給予餐牌，我們要求看看餐牌，店員才拿給我們。另外，桌子上的水壺、醬油經常沒有，店員沒有預先為客人準備，需要客人主動要求才把水壺、醬油給滿。2. 等候時間約1小時我們點了3個魚生飯，店員遲遲未能提供食物、我們也看到其他食客桌子上也是空空如也、沒有食物，等了大約45分鐘，餐廳內其他食客開始埋怨，我們從店員和其他食客的對話得知，飯沒有了，準備不夠，只好用其他紅米飯代替。經過再三催促，等了1小時，我們的魚生飯才送到。3. 材料供應不足等了大約1小時，我們的魚生飯總算上菜了，但原本的三文魚飯，店員說三文魚也沒有了唯有用普通三文魚，我們也無可耐何地接受。總括而言，店內食物味道重點可口，但是，等候時間的確令人卻步。下一次，我們都不會再去黑木堂了。

環境：⭐️⭐️⭐️⭐️⭐️店舖很有日本小店食堂風格，以木系色調及設計為主，配以暖色黃光燈泡，給人有溫暖幸福的感覺！餐廳坐位不算多，約二十多個坐位，但星期六午市不算人多！食物：⭐️⭐️⭐️⭐️⭐️午餐牌選擇有十多款，價錢由60-120都有，柚子魚生切角丼，配送沙律同魚湯，$78，抵食！魚生粒用柚子汁撈過，倍感鮮味，入口清新！服務：⭐️⭐️⭐️⭐️店內侍應只得一位，做埋收銀，可能小店，故人手不多，但繁忙時間會很忙，點餐需時！註：⭐️⭐️⭐️⭐️⭐️五星為最高分，⭐️一星為最低分！

第一次寫食評，不過呢個係差評。 好多年前同太太食過，食物質素都還可以，夠新鮮。 但今日同個仔去幫襯，成間舖都無人理我地，自己入去搵位坐底，一坐底個女人就黑口黑面攞個餐牌放係我面前，欠你錢咩。好喇點完餐茶壺無水，叫佢fill水，又唔識應人，唔鍾意唔好返工喇。個仔份鰻魚飯就好快到，食到一半先上個湯，個飯食完先上前菜，喂，前菜呀，你咁遲不如叫後菜。好喇我個仔碗飯都食完，由落單起計成半個鐘，熟既到左，反而我叫既帶子、海膽，三文魚刺身飯竟然未到，你間鋪都未坐滿，得果6台客都做唔掂。好喇等到個飯到，帶子得一粒切開兩塊再開邊，三文魚三塊，海膽舖平大過5蚊銀小小，個飯好乾，似大排擋白飯，咁就收百幾蚊。快快手手食完叫埋單，終於肯冷冷淡淡應我一句好呀，多謝，比完錢後離開，滿肚氣，真係不吐不快。總結，食物差，態度差，價錢貴，中伏

去完奧海城睇戲，唔想去大商場食連鎖餐廳一直行到去大角咀區尋找小店。今次搵到呢一間裝修充滿日式風味嘅日本料理餐廳。全店以木色做主題，座位多但相對比較逼。店內有不同嘅擺設，有唔同嘅畫同埋唔同款式嘅飲品做裝飾。店內有優惠，凡惠顧滿$200便可以享有特價小食。於是我哋叫咗兩個刺身丼同埋一串雞軟骨，剛好夠數。海鹽燒鯖魚$32用筷子一夾開魚肉，啲魚油直情係湧出嚟！師傅功夫好！完全做到外皮脆，但係肉質唔會過老。食完之後口腔仲留停住魚油的香味，好滿足。海鹽燒雞翼雞翼皮夠脆，溫度亦夠。加入少少檸檬汁去一去油膩感，正！醬汁燒廣島蠔雖然明知道熟蠔其實唔會係新鮮既蠔，但係咁樣燒法再加埋一啲類似沙律醬，少少酸嘅汁配搭起上嚟有幾match喎！我哋叫咗兩款刺身丼，貴啲嗰款係有三文魚腩，只係覺得太薄片，海膽嘅鮮味一般。反而欣賞平$20嘅三文魚配帆立貝丼，雖然張厚切嘅帆立貝劏開一半咁擺，份量唔算多但係都尚算鮮味。香港地鋪租咁貴，周圍都係連鎖鋪頭，一般小店都好難經營。所以我一直都好鍾意去大角咀區既小店，雖然價錢唔算特別平但係好有個人風格，希望大家繼續支持。

黑木堂喺大角咀區最好食嘅日本餐廳lunch set價錢相宜，熟食式魚生丼都整得出色我最常點嘅係雞扒飯，份量不少，lunch set會配有salad及麵豉湯不得不提嘅係店內裝飾擺設似日式居酒屋，坐得好舒服

係大角咀做facial多年，一直都想試下呢間黑木堂，無奈次次做facial都係自己一個，終於有次係有人陪，一於做完facial就食番餐好嘅！店內以木質為主調，空間感算強，坐得幾舒服！點左兩個丼飯，分別係：U4 海膽＋帆立貝＋三文魚籽同埋U6 海膽＋三文魚＋甜蝦分量唔算多 不過用料都算新鮮！下次再有朋友肯陪我做facial，都一定會再encore！

一間小店，朋友介紹黎食，lunch 食左個吞拿魚腩飯。小店通常食魚生都係伏，呢間有驚喜，比想象中好食食材新鮮，老細都係後生仔，用心製作價錢普通，大約$120左右，會再食

好鍾意黎呢間野到開餐，雖然可能價錢偏貴少少少少，但最重要係坐得好舒服，同朋友飲住酒食野吹水一流牆上有直送海產推介飲品櫃想飲梅酒但佢話無~清酒有小冰桶保冷，坐幾耐都飲到冰凍嘅酒入口不太嗆，但飲幾杯已紅都臉曬而且我地酒量差，一住飲一住驚嘆好襟飲，倒極都仲有貝三貫/火炙三文魚三貫/三文魚腩壽司/甜蝦壽司件件魚生大大塊又新鮮，壽司飯結實唔易散食完好想encore，但無羊架不能好吃更多醬燒廣島蠔有個餐牌係話，點其他野滿100蚊就可以特價點某幾樣但因為懶所以無影低個牌我地揀咗呢個蠔，面係啲芝士再用火燒咗兩燒咁嘅樣，好吸引仲有樣主菜係海膽，帆立貝，三文魚丼，因為間野最出名係魚生飯，但無影低hello moto

呢間上次食過就覺得一般般，今次經過就試下其他野！☀️個丼有三文魚、三文魚腩同海膽。首先個海膽係鮮橙色，似係馬糞海膽，份量算多，擺落口好甘甜，冇腥臭同苦澀味，口感係類似入口即化開咁。🙉個三文魚腩厚薄剛好，咬落好香滑，有油香滲出，一啖魚腩一啖飯食一流🐟

🍎👧🏽前幾日路過大角咀一個屋邨商場 竟然發現有間日式小店 啲魚生飯睇落幾高質 就入左去試下🤓－－－－－－－－－－－Lunch set 大概$58至$138不等 有魚生飯或熟食可供選擇 包埋麵豉湯同沙律 最最最重要 係lunch免加一啊😍 抵過晚市好多！但由於lunch set多數係三文魚🐟既組合 而我就唔係咁鍾意食 所以就任性地散叫個魚生飯👅 其實價錢同set差不多😛.蒽粒吞拿魚丼 $88.吞拿魚蓉好滑 唔腥 加埋啲蔥花🌱 食落更香 份量正常 每一啖都食倒吞拿魚同飯🤤 網上見到唔少評價都話份量偏少 🍎👧🏽自問都幾大食😂 食到最後都仲有飯剩 (因為實在太飽🙈) 以呢個價錢黎講 整體質素算唔錯😉.由於係小店 座位有限 中午時段會比較多人 可能要等下了～

大角咀近幾年多左好多特色食店，今日星期六經過，見到呢間日式店特別多人，就入去試試。星期六都有Lunch set海膽 $88 一板，值得一試呀！Lunch set有前菜有湯叫左兩個Set普普通通， 不過不失吧！

Lunch set 包埋汽水飲品都係約HKD 88.但如果你唔厭冇嘢飲，其實散叫重多選擇，價錢都合理火炙帆立貝三文魚丼 HKD 78(推介）足料新鮮，帆立貝大粒，三文魚都唔會太薄，火炙時間剛好，不過飯方面少左d 燒汁雞扒飯 set lunch HKD 58 雖然價錢抵食，但質素好一般，大大雞扒冇味，燒汁過分杰身，配埋啲飯感覺怪怪......

第二次食呢間，距離奧海城行10分鐘內就到。星期五晚，吾算多人，去到即刻有位之前試過食魚生飯，無咩特別，所以今次試下鰻魚飯，估吾到有驚喜，比想象中大條，而且吾會有腥味，又無乜骨，啖啖肉，仲混合其他米一齊煮，夠健康👍另外叫左個丼，裡面既海膽幾好味，因為最怕就是食到重腥味既海膽，呢個無乜腥。食滿200蚊可以以優惠價叫一碟三文魚刺身

屋企人生日想食日本野，揀咗黑木堂，因為成夜晚9點半先食，一班餓鬼狂叫野食先來一堆串燒-牛舌夠厚身，但唔夠chewy，入口啲散-羊架有D un，同無乜味-其他雞翼, 雞軟骨一般廣島蠔-我食咗芝士，夠香濃，但掩蓋咗蠔味大相樸丼-夠份量，有好多款刺身，4-5人share都得，蝦同三文魚子幾甜，本來對海膽無期望，但反而ok 火灸帶子及三文魚飯-帶子及三文魚件頭大，份量十足壽司-叫咗油金魚、鰻魚同帶子，油金魚唔夠肥美，鰻魚大大件幾抵食刺身拼盤-要彈拖羅咬落去係冰，入口好凍，咁多款比較好食係三文魚腩花之戀- 一款3件，試咗海膽唔錯狂叫野食，每人唔使$300，算抵，味道不過不失