黑木堂

營業中

休息中

離開商場 發掘一下周邊的好味道 行下行下就到了一間美式風格的小餐廳 走近一看原來是日式丼來了兩個三文魚丼三文魚不過不失 呑拿魚味道口感都不錯 入口即溶帆立貝 味道很淡 可能是存放過久總的來說，魚生質素普通 份量也不足 ，食到尾 已經唔夠送飯反而燒蠔有驚喜 上菜是還卜滋卜滋 入口很鮮 再有微辛香的味道

星期六去朋友屋企探貓咪之後～突然想食日本野⋯朋友就推介左呢間日本野～價錢唔貴～而且質素都算不錯～一人一個丼我就叫左呢個～我個人比較貪心～樣樣都想食😂😂而朋友仔就叫左呢個～一黎到見到個樣都勁吸引～平時我唔多去大角咀～但去過就發現原來都幾多野食～

成日係屋企附近路過既居酒屋🏮人唔多 適合同frd傾計食串燒魚生質素唔錯應該係幾生鮮既食材處理得都幾細心海膽屬於common level三文魚腩好厚 少少肥膩吞拿魚就剛剛好串燒特別推薦燒牛舌一定要岩岩出爐既時候食表皮少少脆 入口軟糯燒羊架同三文魚餃都算OK串燒等待時間要耐d應該都係臨時醃製先燒相比較串燒同魚生飯沙律就好一般魚生飯份量好足魚生👍但係飯有少少夾生 扣分尤其是鰹魚沙拉 好鹹加埋source味道已經完全覆蓋魚既鮮味

尼排爆X丼咁hit搞到我好想試一試，但一見到佢地個menu就算係lunch set都要百幾蚊先落到樓，仲要排餐死，真係耍手兼擰頭啦。但無奈地個刻真係好想食魚生丼，於是乎男朋友介紹左佢年幾前食過都幾好嘅尼間餐廳比我。一路睇menu一路係到話:嘩，好抵呀，爆XX嘅一半假錢咋。海膽半板淨係六十幾蚊，o曬嘴。三文魚 葱柱吞拿魚腩丼$78: 首先外觀方面都幾吸引，又橙又綠又粉紅咁。其次，三文魚切得都偏厚身。之後再落啲醬油將所有野撈埋一齊食好正。三文魚 帆立貝丼$68: 價錢完全好抵，平時出去淨食幾塊刺身都要尼個價，更何況而家仲要有兩款刺身連埋啲日本飯，真係抵到爛。刺身新鮮又厚身。

看到網上流傳的香港十大刺身丼，這間的位置在大角咀比較偏的地點，好奇的想知道這小店成名在那裡？便走來試試吃，價錢是比較平宜的，但是並沒有網上所說的那樣...大碗又抵食！材料尚算新鮮，刺身份量一般並沒有看見便會"嘩"一聲的，丼飯份量偏小，是女孩子的份量吧，我弟弟吃了一碗不夠飽，要再多叫一碗呢！

我食過三次，頭兩次我都覺得好好，因為我真係好鐘意食剌身飯，之前特登search到呢間野。頭一兩次佢d miso soup又有落salmon去煮，剌身飯亦同相中一樣，所以我先會幫襯第三次，點知出事了…話說，情人節食西餐食到悶，又特登係mk行到大角咀食我鐘意既剌身飯，湯冇變，嗌左之前都食過既三文魚籽拼海膽，海膽由6片變為三片，同相中不符，亦同我之前食果時份量不符，你點解要呃人？！我真係希望你有改善，變返以前咁

原來出名大件抵食，雖然又遠又唔就腳，都會專程去，依家轉左細細碗，同樣價錢出面好多選擇唔會去大角咀，而且服務出名差，老闆係想搞改革，餐牌靚左，用電話落單，只可以講：我會永遠懷念你，阿門

想試好耐，今日終於有機會！去到唔洗等，兩個人直接坐低。叫左一個海膽，带子，三文魚籽飯同一個海膽，甜蝦，三文魚飯。雖然份量唔多，不過新鮮，味道都ok。我地仲叫左個期間限定既燒青魚，味道非常好！！燒得外皮鬆脆之餘，仲保留到魚既嫩滑，實在出色！今次試食滿意，會再去~

大角咀搵食都幾難，要坐得舒服，都要搵搵，經過此店，裝修幾有特色，試試此店吧。店舖內裡很細，只有廿零三十個座位，但佈置環境舒適清雅，有午市套餐，但我點了餐牌上單品，什錦魚生飯$48.-，侍應提議加$15.- 有沙律和湯，之後發覺不加亦夠飽，魚生飯賣相吸引，入口感到新鮮，唯切得太細粒，肉質及結實，份量夠飽，水準，份量，味道都可以推薦，價錢亦不貴。走先發現此台只開 1200-1530, 1800-2300 hrs

來這裡食個魚生飯，原因完全是因為外面個賣相實在是太靚。魚生飯包括有三文魚腩，帆立貝等。其實都堆得幾高幾滿，感覺份量都唔細。一食之下，發覺同賣相有少少距離，三文魚算是一般，未是最新鮮。帆立貝也還算有甜味，但也不是極為新鮮。反倒是裡面的牡丹蝦的質素不俗，頗為鮮甜爽滑，很喜歡。整體來講，有點期望太大的後果。

先講食物，食物一般，味道還可以，份量一般，如果用快餐店形容會比較好。1. 刺身飯：刺身份量少，飯一般，沒有口感2. 象拔蚌刺身：標榜新鮮，但一入口與普通刺身冇分別3. 燒帆立貝：等了45分鐘都係凍嘅，唔熱然後服務，服務比茶餐廳還要差。一開始沒有給優惠餐牌，所以我們完全不知道有優惠食品，我到埋單先發現，收銀連一句道歉都沒有。然後是漏單，我為左等一串食落口凍的燒帆立貝等了45分鐘。第三，原來要收加一，但店內 menu 一句都冇寫，服務當然是沒有。感覺受騙！

朋友住附近，成日經過呢間日本野都會想試下，但又好似無乜人咁有啲驚，好彩無伏 三文魚拼吞拿魚他他唔好要求到啲刺身新鮮到會跳起，要求高的人不會用60幾蚊來食魚生飯。以60幾蚊有兩款刺身來講，係非常好味同埋刺身份量唔算小。飯來講，我鐘意佢既甜同酸度，剛剛好。但以一個女仔來講，飯既份量真係好多，下次我會叫佢少飯唔洗浪費三文魚拼吞拿魚其實在香港食吞拿魚，除非去好貴既食店，如果唔係都係差唔多質數，所以唔好要求高，不過不失就好了。其實仲叫左個焗蠔，個焗蠔最好食!(可惜無影相><)佢係用蟹子沙津汁去焗蠔，好開胃！重點係佢又係好平！又平又好食總結: 性價比高的小店! 好過好多香港其他食魚生飯的店! 有次去左I square 有間食魚生飯，比起呢間貴一倍但同呢間質素差不多，比我就會幫襯呢間又平又好食!

在大角咀反工，行去行富來來商場都幾方便。同事話果頭多野食，於是就去咗呢間食日本丼嘅餐廳黑木堂。同事話過呢到既魚生大份又新鮮，都抵幾食。我就點咗最簡單既三文魚丼，不跟套餐，當中有一些配菜以及一定份量的三文魚，上菜時間都好快，大概等了兩個字就上枱了。三文魚好大塊，又夠厚身，不過份量唔算多，如果多一些就好啦；三文魚色澤鮮艷，沒有多餘的根，入口即溶，又不會難以咀嚼。而三文魚鮮味很濃，比起其他連鎖店的三文魚味道更好。配菜方面，有紫菜、酸片及芥末，酸片味道幾好，非常開胃，而且幾爽口；而芥末味道夠濃夠辣，可以刺激味蕾及帶出三文魚的鮮味。價錢中價約50元，絕對抵食！

成日行開呢頭,一直都冇試過呢間日本野,琴晚放工夜左,10:30pm 行過, 佢地剛剛10:30pm last order,都做埋我生意, service 幾好,實在太肚餓啦,所以我叫左焗蠔,燒帆立貝, 燒雞軟骨,燒蝦,同埋海膽飯4隻焗蠔 ($36) (堂食$100 就可以order 一份)-底食, 蠔上面有沙律醬&蝦子, 蠔身唔乾,仲有蠔汁, 上面d濃感覺似火槍燒過, 但都唔錯海膽飯 ($180)-海膽係加拿大海膽,唔錯,份量都多,都幾大份,夠新鮮, 入口即容, 鐘意海膽既朋友必食燒帆立貝, 燒雞軟骨,燒蝦燒帆立貝(好似$ 14) - 味道一般, 有d乾,貝身有d似帆立貝乾燒雞軟骨 ($14) - 唔油, 必試燒蝦 (忘記$28 or $38, 都係堂食$100 就可以order 一份)- 好普通既燒蝦, 上面有沙律醬&蝦子(同焗蠔上面一樣), 蝦身長大約18cm, 唔太大隻, 可以試下總結, 佢d燒物係唔錯, 但食唔到用炭爐燒既味道, 感覺似用光波爐整,但佢既燒雞軟骨真係得, 一定要試. 睇佢個menu, d食物都有d貴,但一班人去食就可以一次過試多d野,我會再去 ~

見門面、餐牌精美，被吸引內進晚飯，點左：燒三文魚飯（一般）、焗蠔（幾夠熱但係酸既）、甜蝦無乜蝦味、三文魚海膽Don（三文魚只有雪味）、海膽正常加一（自助式服務）：一句都無問就過黎自動波收野，大佬吹緊水唔代表食完，剩番小小你就以為人地唔食，問一句有幾難？）水自己倒、錢自己出去找（其實好小事，但加一既意義係邊？）伏已中，Never come back!