黑木亭居酒屋 (清風街) (已結業)

今日來到天后揾食，真係好多好想食既餐廳，揀左好耐，終於選定左呢間充滿日本裝修感覺既居酒屋，好掛住日本食串燒😮‍💨天氣太熱，先點三點刺身盛（三文魚、劍魚腩、油甘魚）$181做前菜🤣几新鮮，油甘魚几鮮甜然後梗係點居酒屋不可不食既串燒😋點了鹽燒雞翼$32、茄子$18、蜜糖厚切豬頸肉$38、麻辣黑豚五花腩 $52、粟米$22、鴛鴦翠玉瓜$22。真係好有日本既感覺，五花腩同豬頸肉都好好食😋翠玉瓜有明太子醬同芝士，好特別！可以食到不同味道跟住就叫返碟壽司，火炙左口魚裙邊$148火炙過既左右魚油分滲透左落壽司嗰度好香而左口魚入口就溶化👍👍👍再來點分芒果芝士龍蝦 $288搭配芒果及芝士中和返沒有好漏嘅感覺芒果香甜，成個配搭好新鮮飲品方便叫左葡萄檸冰$58同蜜桃烏龍熊茶$58飲品上都有放玫瑰花瓣，所以飲品都有少少玫瑰花香，熊茶真係有隻熊仔冰係度，巧得意呀

平時喺呢度附近做嘢，其實好少係呢佢食晚餐，多數都返屋企食，但今日屋企冇飯食，唯有自己出去食好西，即刻search搵吓附近睇吓有冇啲好嘢食，咁啱見到呢間日式餐廳，有龍蝦，二話不說，就起行。雖然一個人嚟，叫咁嘅份量係有啲多，但係話晒都咁少出嚟食晚飯，享受一下都唔過分姐☺️☺️ 呢間餐廳好有日式居酒屋的格調，我今日主要叫咗一個main , 一個小食。 叫咗個澳洲龍蝦二食，雖然係比兩個人食，但冇男朋友嘅我唯有幫手食埋，希望食完之後就有男朋友啦。😭🤣🤣 另外仲叫咗個海膽燒飯團。介紹吓啲食物先，澳洲龍蝦味道一流，雖然小食，但都食得出佢嘅鮮同埋甜味，只能夠用好食黎形容，因為小妹比較少食龍蝦，同埋上面有蟹自己配搭，加埋個超入味嘅龍蝦麵豉湯都好正😍😍 另外個海膽燒飯團，其實對於我來講有啲飽，但我都食得晒，因為平時飯團都食得多，但呢個海膽飯團有啲燒焦嘅效果，會食到炭香味，加埋新鮮嘅海膽，都係一個字正☺️☺️ 希望食完呢餐可以快啲搵到男朋友啦下次就可以帶埋佢一齊嚟食🙊🙊😍😍😍

一間性價比高嘅港島居酒屋🏮牆身掛上大型日本壁畫 加上柔和嘅燈光係度食野個vibe係真係幾唔錯☺️🇯🇵-🦞芒果芝士龍蝦 $288餐廳新推出芒果系列嘅主打之一🥭師傅好細心咁將龍蝦起肉切件 方便食客進食👍🏻龍蝦啖啖肉 加上芒果同火炙過嘅芝士真係好滋味😛-🥭芝芒將軍卷 $148將軍卷入面有青瓜同蟹柳🥒🦀面頭加上鮮甜嘅芒果 非常清新😗-🍣三點刺身盛 $258三點分別為三文魚 油甘魚同劍魚腩 全部都好新鮮我想講 軟綿綿嘅劍魚腩真係無得頂🤤-去居酒屋又點可以唔嗌串燒呢🍢黑豚荔枝卷同黑豚露荀卷($38)都好重豬味清甜荔枝令肉味提昇 而多汁嘅露筍起解膩嘅作用蜜糖雞翼($32)燒得焦脆 蜜糖唔會搶味👍🏻-除咗肉類 我地都嗌咗野菜類串燒🥬鴛鴦翠玉瓜($22)分別配上芝士同三文魚沙律 而茄子($18)就配上木魚同日式和風醬🍆兩樣都超juicy好好味!!!😋-除咗野食高質外 呢度嘅野飲都好靚好啱打卡特別推介北海道士多啤梨牛乳乳酸($48)佢入面有士多啤梨肉同一啲脆脆 口感💯

今日朋友介紹去咗呢間喺天后嘅居酒屋！！之前喺OpenRice都收藏過呢間餐廳，一直都好想去試吓，見到啲相同埋呢度嘅菜式好有創意，所以一直都好想試吓！！今日終於都可以去啦🥳呢間餐廳好chill！而且有好多日式嘅裝飾，非常之有和風味道！！而且餐牌價錢合理，種類都算好多！！不過難得嚟到，就梗係食啲特色野啦🤣🤣🤣呢個係將軍薯仔沙律入面有好多魚子，仲有好豐富嘅蟹肉！對於鍾意食魚子嘅我來講真係好正，好爽口！！而且薯仔加埋晒所有嘢嘅味道好清新好夾👍🏻絕對唔係普通嘅沙律！！叫咗一個好有創意嘅菜式，呢個海膽吉列和牛三文治！！成個感覺好精緻，而且好高級🥳🥳吉列牛再加埋海膽一齊，感覺更加突顯左海膽嘅鮮甜味道！而且呢個吉列牛本身都好脆口，但係入邊嘅肉質好林好香嘅牛肉味😙😙仲有依個蟹甲羅燒！！配合埋多士一齊食！呢個蟹甲羅燒非常豐富，有蟹膏蟹肉蛋同埋蔥仲有魚子溝埋一齊！！就咁上枱已經聞到好香好香嘅蟹膏味！！而且再將所有材料撈勻擺上多士上面一齊食🥳好香好香！

有質素的居酒屋🏮尋日去咗呢間黑木亭居酒屋食嘢，食物嘅種類選擇非常之多，而且質素都好高！非常推介😋餐廳小店好親切，而且牆上面都有好多唔同日式風格嘅掛畫，好有日本嘅感覺！！哈哈，去唔到旅行去食下日本嘢都可以過吓癮😙😙叫咗呢個期待咗好耐嘅和牛海膽丼😋呢個和牛燒過之後非常之香口，而且牛肉嘅肉質非常之多，好香，而且牛嘅油香味好濃烈！！再撈埋海膽一齊食超級爽！！而且呢個海膽好鮮甜，係好新鮮好好食嘅海膽！！另外仲有一個係海膽燒飯團，身為海膽嘅愛好者，一定要試吓！！呢個海膽燒飯團真係一定一定會再去食！！飯團本身好香濃嘅醬汁味，而且燒到有焦香！！再加埋咁新鮮嘅海膽一齊食！！好出色👍🏻👍🏻食到好食嘅日本嘢真係會有好感動好滿足嘅感覺😋😋

公司附近原來有間居酒屋，店內裝修有日本居酒屋feel，收工就同朋友相約在此；店內仲有間VIP房，可以坐到8-11人，想成班朋友一齊坐就啱哂 入到去望住個餐牌已經睇到好多款美食，我坐嘅位置，仲可以睇到師傅係廚房燒緊串燒 首先嚟嘅係兩杯飲品【北海道士多啤梨牛乳乳酪 $48】清新配搭好夾，味道甜甜地；另一杯【蜜桃烏龍“熊”茶 $58】被隻可愛熊仔吸引住，冰熊仔浮上面，玫瑰花瓣帶點花香味，蜜桃烏龍茶甜度剛好。咁靚嘅飲品打卡就最正 我地揀咗4款串燒【原條黑豚露荀卷(麻辣) $38】黑豚肉味濃，露荀清甜好味，仲搽上麻辣醬，辣得惹味、【黑豚荔枝卷(麻辣) $38】黑豚肉彈牙，夠入味、【沖繩黑糖燒菠蘿 $38】燒菠蘿，甜到入心、【雞翼 (蜜糖) $32】甜甜蜜糖雞翼好入味；另外仲有【茄子 $18】外層燒得乾身，內裡軟綿綿 食完串燒，當然唔少得就係食刺身啦，叫咗個【三點刺身盛 $258】有三文魚三片、油甘魚三片、劍魚腩二片，每件都係厚切，鮮甜肥美 (份量減少咗，每款二片 $181) 重頭戲嚟啦【芒果芝士龍蝦 $288】原價係276，依家半價就食到原隻波士頓龍蝦，仲要起哂肉，龍蝦肉鮮甜好味、爽口彈牙，仲要

難得今日放假，同朋友行街，因為平時比較少出天后，今日咁啱陪朋友嚟呢邊買嘢。預咗會食埋冷飯先返屋企，咁啱同朋友意見一致大家都想食日本嘢，最後我哋就選擇咗你呢間喇✌️✌️😍 呢度嘅環境好別緻如果去過日本嘅人就會覺得佢同日本嘅餐廳感覺好似，一入門口就係日本式嘅吊燈，入邊有好多裝修同埋牆上嘅壁畫都好靚。一你就佔咗我電話十幾20張相喇😆😆呢間一定要講嘅係佢唔可以唔試既 和牛 dinner set , 我哋叫咗個A4和牛他他，入口即溶，食得出佢係高級野，雖然我唔識食🥲😆😆😍 ， 但真係好好食！ 另外叫咗兩set 串燒，一 set 辣，一set 唔辣。因為朋友佢唔食辣，但係我好鍾意食辣，而呢一個麻辣串燒，真係超級超級入味，食一舊出晒汗🥺 串燒有麻辣雞翼，帆立貝，黑豚蘆筍卷，黑豚五花腩串。啲雞肉小辣好香，帆立貝燒得啱啱好又爽又辣又清甜，黑豚蘆筍卷原來咁包法都真係幾配，仲有呢個黑豚五花籃串唔肥唔瘦啱啱好！ 朋友都食得好開心，仲偷食咗我一嚿麻辣，辣到佢飛天。

同朋友一齊喺天后，佢話想食美味日本餐🇯🇵，要我揸主意，咁我即刻響人肉電腦裏邊搜尋一下😆，就決定帶朋友嚟呢度開餐😋- $168嘅「雙重芝士鰻魚卷」：鰻魚幾厚肉，味鮮😋，配芝士🧀，出奇地夾😋，仲係雙重芝士🧀🧀，鰻魚底下同青瓜條外邊都有芝士，芝士熱溶咗少少令到鹹香味更濃郁😋；鰻魚➕雙重芝士➕米飯＝好美味😋- $288嘅「芒果🥭芝士🧀龍蝦🦞（原價 $576，依家半價優惠😆）」：龍蝦🦞完全拆咗肉，真係啖啖肉，肉質結實鮮甜😋；龍蝦肉上邊鋪滿芒果肉🥭同芝士汁🧀，仲加咗啲蟹籽，又係好好味😋- $52嘅「黑豚五花腩串」、$32嘅「蜜糖雞翼」、$32嘅「脆燒豆腐」、$38嘅「沖繩黑糖燒菠蘿🍍」：呢幾樣串燒🍢放喺同一個碟上邊，全部都幾好味，尤其係：「黑豚五花腩🐷」半肥瘦好甘香😋；「蜜糖雞翼🐓」皮脆肉嫩😋；「沖繩黑糖燒菠蘿🍍」又香又多菠蘿汁😋- $58嘅「蜜桃烏龍熊茶」：有好香嘅蜜桃味🍑，非常清新😋；我仲諗緊點解叫「熊茶」😆，原來係做咗個「小熊🐻」嘅冰塊🧊放喺杯上邊😆，都幾 kawaii 🤩

好耐都冇出去食日本嘢，成日都心思思好想食一間好食嘅日本菜，不過一直都搵唔到！同事介紹話公司附近呢一間黑木亭好正！所以就即刻約埋朋友去咗呢度試吓🤩🤩見到海膽燒飯團忍唔住一定要叫！本身已經好鍾意食小飯團，仲要加上海膽，真係好少地方可以食到！！呢度嘅海膽好新鮮，而且一啲都唔孤寒，俾咗大大嚿嘅海膽，而且燒飯團有少少飯焦味好香！！再加埋海膽嘅鮮甜，一個脆卜卜，一個軟林林，口感非常正🤩🤩絕對值得一試！！另外仲叫咗一啲串燒，其中呢個沖繩黑糖燒菠蘿好正，燒到外邊有脆脆嘅糖蕉，入面嘅菠蘿好甜好甜！！超級吸引！！仲有食日本嘅一定會叫嘅清酒煮蜆，呢度嘅蜆肉大大粒，而且一啲沙都冇！！呢個真係好緊要，而且蜆肉加埋清酒嘅味道好夾！清酒唔會蓋過咗蜆肉嘅鮮甜味，做得非常出色！！

黑木亭居酒屋出品一向高質，換新Menu之後多咗好多款特式食物同埋飲品！ 蜜桃烏龍熊茶 $58可愛嘅熊仔係茶味嘅冰，能一直保持冰涼，又唔會愈飲愈淡！最重要嘅係，杯飲品真係好靚！洛神檸冰 $58清爽開胃之中帶一點點甜，唔錯！三點刺身盛 $181原價$258嘅刺身盛，有7折優惠！三文魚、油甘魚和劍魚腩都係新鮮，必點item！雙重芝士鰻魚卷 $168鰻魚味道濃郁，肥美可口！卷物中間有芝士，而鰻魚和卷物中間就有另一層火炙過嘅芝士，雙重芝味！雞翼 $32可選鹽燒、蜜煻、或麻辣口味。蜜糖嘅甜美同燒到皮脆肉嫩嘅雞翼係絕配！原條黑豚肉露筍卷 $38黑豚荔枝卷 $38可選麻辣、或鹽燒口味。油香滿滿嘅黑豚肉配爽脆嘅露筍，清爽解膩！配荔枝就多了一份甜美！茄子 $18鴛鴦翠玉瓜 $22茄子多汁又夠香口！芝士同明太子口味嘅鴛鴦翠玉瓜，夠晒滋味！芒果芝士龍蝦 $288店員推介菜式！龍蝦尾啖啖肉，面層鋪上龍蝦頭肉、芒果、芝士、蟹籽、同埋醬汁，鮮味層層堆疊上去，正！

黑木亭居酒屋 (天后)📍天后清風街10號清風大廈地舖係維園個邊銅鑼灣運動場跑完步，行返去天后諗住搵日本餐食下，見到有間新既居酒屋，入去試試，味道又不錯😬👉🏻芒果芝士龍蝦原價$576特價$288原隻龍蝦上，唔講你開頭會以為下面係飯黎，點知係大半隻龍蝦肉配芒果醬，配菜有粒粒芒果、蟹子、少量蔬菜、蕃茄，另外送埋個龍蝦殼俾你影相🦞👉🏻雙重芝士鰻魚卷🍣$168怕食唔飽，叫一個卷物醫肚，大舊幔魚配埋醬汁，好味，鰻魚卷上都有芝士，食落都幾creamy 👉🏻三點刺身盛原價$258特價$181三文魚、油甘魚、吞拿魚刺身，每塊刺身都非常新鮮，刺身夠凍，厚切得黎夠哂大舊食完刺身、龍蝦、卷物，點少得串燒，一共叫左五串！ 大部分都有得揀：鹽燒，蜜糖，麻辣其中一隻味道👉🏻鴛鴦翠玉瓜$22翠玉瓜聽落無特別，但呢味菜食落有驚喜，2舊瓜2個醬汁：明太子醬汁、牛油醬汁，個明太子醬勁creamy 好好食，點知牛油仲好食！👉🏻玉子燒$32厚砌玉子好味，夠哂熱👉🏻雞翼（蜜糖） $32雞中翼，外皮燒到脆卜卜，食完想再食👉🏻黑豚荔枝卷$38👉🏻厚切豬頸肉串 $52兩款都唔會太油膩，燒得岩岩好居酒屋師傅係你旁邊即叫即燒，醬料同醬汁都

今日同家人去天后食晚餐。呢間係朋友介紹我地嘅一間日式居酒屋。同天后站距離好近。外面掛著燈籠🏮，門頂有一塊大大牌匾「黑木亭居酒屋」。進內見到的主要是木系裝修，牆上有日式壁畫。水吧位亦排列了不少清酒。🍶居酒屋主打新鮮海鮮、串燒、壽司刺身等店員介紹最近推出咗芒果系列，所以我地都點咗一個「🥭芒果芝士龍蝦」試試。朋友推介咗打卡必備的「蜜桃烏龍熊茶🐻」。浮起的熊仔冰塊是由烏龍茶制成，太可愛。隨熊仔冰溶解，杯飲品維持冷度濃度不減。甜甜地蜜桃味，好好飲。「北海道芒果牛乳乳酸」乳酸味道甜甜酸酸，好岩夏天，解渴一流。首先上枱的是「三點刺身盛」，魚生都係厚切。劍魚腩肉質柔軟脂肪多，鮮甜而不膩。「🥭芒果芝士龍蝦」龍蝦已經起肉切件，再加上芒果果肉同芝士，表面輕炙過，芝士微微焦香。龍蝦肉啖啖肉，好滋味。「火炙左口魚邊卷」左口魚邊火炙後油脂溢出，卷物中間有青瓜，中和返油脂感。至於串燒方面，我們點了「厚切豬頸肉」「鴛鴦翠玉瓜」「黑豚荔枝卷」「茄子」「雞翼」「黑豚露筍卷」。有部份串燒可以自選調味，麻辣/蜜糖/汁燒/鹽燒等...麻辣黑豚荔枝卷口感好豐富，豚肉包裹住荔枝肉，咬落去荔枝汁會爆出來。鴛鴦翠玉瓜有明太子同芝士兩味

天后唔好睇佢地方小小，其實臥虎藏龍，好多小店都好好食😋今晚食呢間居酒屋係好耐之前朋友介紹我既，keep著都會隔一排就去食，老闆娘好nice會記得熟客，食物好食又唔貴，好有日本風味。.🍴澳洲龍蝦二食$239最近新出左既澳龍兩食，呢個價錢黎講好鬼抵食，包括：蘆筍蟹籽炒龍蝦球、龍蝦麵豉湯。龍蝦起肉加上蘆筍蟹籽爆炒，香味十足，由於材料清新，所以都唔會蓋左龍蝦個鮮味👍🏻而龍蝦麵豉湯就好濃同好香，淡淡龍蝦香味慢慢滲透。.🍴松葉蟹鉗配三文魚子醬$138松葉蟹鉗夠鮮味，配上三文魚籽醬出奇地配合，墊底既沙律菜加埋一齊食，好開胃。.🍴日本產A5和牛海膽丼$238用上口感鮮嫩多汁既A5和牛肉油香四溢，配上入口即溶的新鮮日本海膽，每食一口都令人感到非常滿足。.🍴串燒蜜糖雞翼串燒$38厚切豬頸肉串燒$38黑豚五花腩串燒$58原條黑豚蘆筍卷$38沖繩黑糖菠蘿$38鴛鴦翠玉瓜$28喜歡佢地既串燒多選擇且價錢合理，味道調配得好日本style，尤其黑豚五花腩串燒，由五花腩燒成，肉味香濃且多汁，而且嫩滑有彈性！沖繩黑糖菠蘿🍍做串燒好甜又熱辣辣。.🍴北海道芒果牛奶乳酸$48芒果烏龍紅茶$58好欣賞佢呢度既凍飲做得好有心思同

🍤芒果芝士龍蝦 $288 (原價 $576)大大啖龍蝦肉好滿足🥰🥰🥰！龍蝦肉上面鋪滿芒果，芝士同埋蟹子，表面燒到略帶焦香，入口味道好豐富！鮮甜龍蝦，香甜芒果，再加上略帶咸香嘅芝士，不論口感抑或味道都好出色！推介！👍🏻👍🏻👍🏻🍣三點刺身盛 $181 (原價 $258)刺身好厚切🤤 三文魚肉質細膩，肥美鮮甜，魚油香味充滿口腔~劍魚肉質扎實彈牙~油甘魚鮮嫩，味道甘甜~🍥芝芒將軍卷 $148芒果超香甜😍 卷物內有青瓜蟹柳，味道清新鮮甜~ 壽司飯仲好軟糯飽滿👍🏻🍢串燒▫️蜜糖雞翼 $32正常發揮~▪️厚切豬頸肉串 $38肥瘦分佈均勻，肉質好嫩！▫️黑豚荔枝卷 $38荔枝入口有驚喜🤩燒過之後更香甜~ 第一次見呢個配搭，幾好食~▪️原條黑豚露筍卷 $38露筍爽脆鮮嫩，黑豚肉燒得好香~▫️沖繩黑糖燒菠蘿 $38酸酸甜甜略帶黑糖香味~🍹北海道士多啤梨牛乳乳酸 $48酸酸甜甜士多啤梨奶，仲加左士多啤梨乾，入口香甜~🍹士多啤梨益多多熊冰 $68夏天飲好爽🤩 仲好啱打卡🤣 嘢飲入面有一粒熊仔造型嘅冰，好得意🧸

和好友來到天后「黑木亭居酒屋」鋪仔細細己有日本居酒屋feel 我特別鍾意VIP房裏面嘅壁畫朋友話，這裏經常都會有特價菜色，所以我呢亭C9 仔第一件事就翻翻餐牌睇吓今期有乜特價野。因為好多嘢都好抵食，我哋兩個人最後叫到成枱都係 五點刺身盛原價488 而家做緊特價$342店員奉上時刺身盤加上乾冰，形成雲海仙境一樣。五款嘅刺身裏邊有四款都係厚切，絕對係為我而設，因為我超鍾意厚切嘅口感。北海道帆立貝、厚切三文魚、薄切劍魚、珍寶赤蝦和厚切油甘魚咪話我偏心其實我對「厚切油甘魚」情有獨鍾，味道鮮甜中帶回甘，魚脂恰到好處，肉質富彈性和其他刺身味道是截然不同的。另外「北海道帆立貝」都令我幾驚喜，每一片後設嘅帆立貝都用檸檬片格開，讓檸檬香氣滲入帆立貝中，但又不會過多。而大家都知檸檬可以提鮮，也是鐵一般的事實，因為每一片帆立貝都充斥著鮮甜美味。「珍寶赤蝦」就超誇張蝦頭超大，而且睇落好實淨。赤蝦肉比牡丹蝦更爽脆，鮮甜度不相伯仲，如果你喜歡啖啖肉嘅感覺就應該試吓呢隻龐然大物，她可能是你的新寵兒。「薄切劍魚」口感截然不同，雖然冇咗厚切刺身嘅澎湃咁，但鮮味同樣吸引，口感較為爽脆。芒果芝士龍蝦原價$576 特價$28