黑木亭居酒屋 (清風街) (已結業)

天后美食遍佈各大街小巷，Openrice見到呢間居酒屋好評如潮，於是今晚同朋友去試試，果真無令我失望，而且比我預期中高質，值得一推👍👍👍👍👍值得一提嘅係，服務態度很好👍，員工都好好禮貌，好細心，整個用餐過程都好舒服😌🦞芒果芝士澳洲龍蝦 $288大大舊嘅龍蝦，烤到表面焦香，內裏仍然好爽口，大大啖咁咬落去，好滿足😍，再配上香甜的芒果，上面鋪滿咸香味嘅芝士同蟹子，層次口感都好豐富👍🐟火炙左口魚邊卷 $148一碟六舊，望落幾大舊，但完全唔係好似其他鋪頭咁，全部都係飯，距飯中間包住蟹柳、青瓜同玉子，餡料好豐富，上面嘅左口魚油脂好甘香，上面再鋪上黑蟹子同醬汁，個醬汁好好味，真系回味無窮😋🍣三點刺身盛$181包含三文魚、油甘魚、劍魚腩，刺身好新鮮，全部厚切，油脂甘香🤤🍢串燒系列黑豚荔枝卷 $38原條黑豚露筍卷 $38鴛鴦翠玉瓜 $22蜜糖雞翅 $32雞腿肉（明太子）$38串燒烤得好出息，表面焦香，但肉質好嫩滑，咬落去完全無渣，特別黑豚荔枝卷，好特別的搭配，必試👍，翠玉瓜同露筍外焦內脆，中和一下肉食的油膩感，很好的搭配👍🍹士多啤梨益多多熊冰（無酒精）$68係一杯草莓沙冰，酸酸甜甜，甜味亦啱啱好，再配上

黑木亭居酒屋 (天后)天后居酒屋 平凡價錢平凡食物見Openrice咁少負評又因為餐廳當時做推廣就去左試 點知真係好普通 但價錢比一般居酒屋相宜#環境餐廳環境不算差 坐位都舒適雞皮餃子 $48係全餐比較好食既一道小食但比起銅鑼灣居酒屋 餃子餡不夠 令外型同口感略差雞皮炸得不夠脆 但味道可以接受鹽燒帆立貝 (2隻) $58 帆立貝價錢不高 但味道一般 不能吃到鮮味燒得太乾但外層亦不脆 同鹽燒這個形容有出入茄子 $28太油 而且不夠熱 不熱的燒茄子真係….法式羊仔架 (1件) $58 / 牛肋串 $48 / 脆燒豆腐 $38 / 鹽燒白鱔 $68羊仔架亦比較普通 同係超級市場買完自己煎差不多牛肋串 脆燒豆腐 鹽燒白鱔都係同煎/烤出黎既味道差不多如果懷住食日式燒物心情去品嚐 就一定失望所有燒物都不能做到鎖汁及保留食材鮮味燒牛油甘薯 $38不推薦 同干煎煮法效果一樣味道做不做香甜軟糯 仲得4片only清酒煮硯 $98不推薦 清酒煮硯個湯底係野菌?!清酒本身係甘甜 但淨係食到澀味 同野菌的霉味 硯的口感亦不是口感細滑 湯底懷疑有味精 吃後超口渴其他曾經有懷疑過因為OPENRICE做緊85折 所以

标题党午餐说消费券398 实际埋单500！说要收取原价10%的服务费 并用很小的字标在不显眼的地方 也没有服务生提醒 很气愤！误导消费者 insufficient disclosure ！

今晚約了多年無見嘅好友dinner, 佢最鍾意食日本嘢，咁我就帶他到黑木亭食吓好嘢啦！店子以木為主調，裝修甚具日本風，尤其喜愛牆上壁畫，畫工精細， 顏色鮮豔奪目， 配上柔和的燈光，令人心情放鬆。三點刺身盛$181~ 油甘魚，劍魚腩和三文魚每款三件，厚切。油甘魚~ 肉質結實爽脆，油脂豐富，魚味甘甜。劍魚腩~ 肉質柔軟脂肪多，口感細膩而鮮甜。三文魚~ 肉質細膩富彈性，十分肥美。黑豚荔枝卷$38/原條黑豚露筍卷$38~兩款燒卷都是以薄薄的黑豚豬腩肉分别包住露筍和荔枝，豬腩肉表面燒得焦香，肥美嫩滑，有少許麻辣味道，十分惹味。無論包住香甜多汁的荔枝，或是嫩綠清甜的露筍，都非常配合。沖繩黑糖燒菠蘿$38~表面有少許香脆甜蜜的焦糖，咬下去勁甜爆汁，好好味呀！鴛鴦翠玉瓜$22~燒翠玉瓜分別鋪上大量芝士和明太子沙律醬，同樣惹味可口。蜜糖雞翼$32~雞翼燒得焦香，蜜糖味香濃。茄子$18~燒茄子多汁軟嫩，加上木魚花，增加不少鮮味。芒果芝士龍蝦$288~ 爽脆彈牙，肉質鮮甜的龍蝦肉上佈滿芝士，芒果和蟹籽，好味到停唔到口。芝芒將軍卷$148~以飯包住青瓜和紫菜，上面再加上大量芝士，芒果肉，芒果醬和蟹籽，酸酸甜甜

食物一般般不過不失，但這種價錢就不合理，份量也很少，上枱時又唔夠熱，成餐食完好似冇咩食過。 A4和牛上枱時 是微暖 咬落肉質淋 沒有牛味 完全不像A4的質素 價錢是388 不值芝士芒果龍蝦 味道正常， 但上枱時亦都是微溫 串燒是正常味道 沒有驚喜 2 人付一千蚊 在其他餐飯可以食更好。叫了兩杯飲品 士多啤梨牛奶乳酸 只是飲到牛奶和士多啤梨味 少量乳酸 另一杯烏龍茶 不過不失 。 餐廳環境昏暗， 細小 ，不適合一班人聚會。我和朋友食完 也立即走了 再去下一間餐廳食其他野

🍣黑木亭居酒屋🍠喺香港好食嘅居酒屋唔多 呢間黑木亭可以話係我最近食過最高質 梗係要推介俾大家啦😋芒果芝士龍蝦 $288真係無得彈 鮮甜芒果配搭大大舊爽口新鮮龍蝦肉 完全唔同出面普通雪咗好耐嘅龍蝦 加埋表面嗰層火炙芝士 食落有幾重口感 簡直係味覺享受🤤三點刺身盛 $181三文魚 油甘魚 同劍魚腩塊塊都夠曬厚身 入口感覺好軟滑 魚腥味唔會太重 肉質新鮮之餘味道仲有回香 正!🤤芝芒將軍卷 $148呢碟啱晒最鍾意芒果嘅我 鹹甜配搭新鮮得嚟又幾match 😌串燒: 蜜糖雞翼$32 茄子$18 沖繩黑糖燒菠蘿$38 原條黑豚露筍卷 $38厚切豬頸肉串$38 黑豚荔枝卷 $38每一串都燒得好脆口 尤其係雞翼 有驚喜調味啱啱好 唔會太淡或者太鹹 簡直好似去咗日本居酒屋咁 蜜桃烏龍熊茶 $58 洛神檸冰 $58一見到咁得意嘅熊仔 緊係要即刻影番張相啦今日咁鬼熱 飲咗一淡又凍又甜 即刻透心涼 😆整體嚟講真係好值得推薦嘅居酒屋 食物真心高質😋

上Openrice search到呢間好評餐廳no.2的居酒屋，細細間咁但食物有驚喜！就算係星期一晚都好多人，book咗枱黎到都要等一陣🥲芒果芝士龍蝦 (speical price $288)瘋狂多的沙律醬鋪在半蓉的芝士上連埋啖啖肉龍蝦擺入口，Oishi! 龍蝦表面經過火灸，十分香。龍蝦是的殼擺在旁邊，可想而知所見到整條都是肉，大滿足！三點刺身盛 (speical price $181) 三款唔同既刺身，ok！串燒系列：玉子燒 ($32) 方形一粒粒的玉子燒，本身玉子係我最愛，外部燒香甜甜地細細粒但都能吃到蛋的玉子燒的層次感～蜜糖雞翼 ($32) 雞翼拆開燒，皮燒香惹味！蜜糖厚切豬頸肉串 ($38) 一層肉一層油脂，燒得乾身綜和肥膩感，不錯的。麻辣原條黑豚蘆筍卷 ($38) 黑豚包住柔嫩嘅露筍, 豚肉很鬆軟，加上麻辣醬汁唔會太辣，成件事更好味！麻辣黑豚荔枝卷($38) 黑豚包住一粒軟淋淋既野係咩黎？原來係荔枝～食法很新鮮！鴛鴦翠玉瓜($22)明太子鋪面燒翠玉瓜，瓜吸收了面層的汁融合一齊食，成口滿滿係醬非常邪惡！壽司系列：火灸左口魚邊卷 ($148) 左口魚裙邊他們用火槍將左口魚邊表面輕

我哋由佢一開張頭幾日已幫襯過 當時餐牌上食物不齊全 我哋都冇介意 覺得新試業食物也唔錯 支持的之前見好多人排隊 打算再次嘗試 我哋book咗位8:30pm 朋友已早到15分鐘 冇問題的係我哋早到 我等 之後再等多30分鐘 當時8:45pm我哋再問有位未 侍應回覆準備埋單 我哋再等多15分 即9:00pm 還未能入坐！所以我哋最後決定吾會幫襯!也不再有下次無了期嘅等待！

今日同朋友特登book咗位喺呢間天后嘅黑木亭居酒屋食飯😙😙❤️之前都喺呢度食過一次lunch，好鍾意呢度嘅氣氛！知道夜晚好full，所以特登book定位🤣🤣見到有人推介呢個板燒日本產A4和牛魔方！超級有氣派嘅和牛粒！呢個擺盆冇得輸😙一上到嚟，我同朋友即刻忍唔住要影相打卡🤣🤣少女心爆發💕而且呢個牛肉粒冇得輸，真係冇得彈，入口即溶而且牛油味好香！！好鍾意！A4和牛他他！配合埋醬汁同洋蔥一齊食！成個口感同味道一流！呢個和牛他他嘅牛肉味配合埋洋蔥同埋醬汁，係好有特色！而且係更加食到牛肉原本嘅味道👍🏻👍🏻呢個真係要介紹俾朋友食下先得！！整體食物質素同埋環境都好好高質素！而且呢間餐廳嘅菜式好特別！完全唔似普通嘅日式料理餐廳！如果鍾意試新野嘅朋友都一定要試吓👍🏻👍🏻

今日約左個係天后返工既朋友收工一齊食飯,見佢提到一間評價幾好既日式居酒屋好似幾吸引就決定左收工一齊去試下.三點刺身三款魚類刺身新鮮又富有光澤,肉質望落好飽滿.入口帶有魚油甘香而且肉質彈牙,作為日本菜刺身真係不可缺少.芝芒將軍卷蟹柳青瓜卷上鋪上一層芒果及蟹籽,顏色好鮮艷又吸引.鹹香清爽既蟹柳及青瓜卷再配上香甜既芒果及脆卜卜又帶鹹鮮香既蟹籽不論味道及口感都相當有層次感.芒果芝士龍蝦碟上掛上一隻龍蝦尾做裝飾已經格外有氣勢.係堆疊成小山丘既龍蝦肉上加上芒果然後再係芒果面上加入大量芝士及蟹籽,相當邪惡！龍蝦肉鮮甜帶濃郁既蝦香味,肉質爽脆唔會過老,加上芝士更濃郁.清新既芒果剛好平衡返芝士既膩感,令龍蝦入口無咁heavy.麻辣黑豚荔枝卷荔枝咬開既時侯溢出香甜既荔枝汁令黑豚肉油膩感減低.黑豚肉燒你香脆又唔會過柴,加上麻辣汁更惹味.麻辣黑豚五花腩串黑豚五花腩肉質彈牙帶陣陣豚脂香得黎又唔會咬落成口油.串燒既火喉掌握得啱啱好令肉質唔會過韌.蜜糖厚切豬頸肉串香甜既蜜糖配上爽脆既豬頸肉串,鹹香中又帶住蜜糖既蜜香,味道好幸福.蜜糖雞翼雞翼醃得夠香,雞翼外脆內香嫩,咬開仍帶有肉汁.燒茄子係茄子上灑上木魚絲,令本身味

慶祝亞仔18歲生日🎊佢揀咗呢間居酒屋🏮食物嚟講都唔錯，只係甲羅燒食咗有啲失望。嚟到個樣巳經唔係好掂，蟹蓋爛既，法包穿窿既，連賣相同味道都比我食過既差至於環境方面都係麻麻地，地方比較細，太嘈吵，播歌太大聲，連員工都大大聲跟住唱埋一份，好似係大排檔食飯咁芒果熊茶、蜜桃熊茶Beer Beer好可愛刺身三點盛好新鮮，冇得輸黑蟹子龍蝦沙律真係好食到不得了，第一次食黑蟹子，咁樣配搭好好味三貫幾豐富芒果好甜好日本A4和牛三文治配搭豐富嘅海膽加埋黑松露，真係絕配，加上份量真係唔少，超級好味芝士鰻魚卷鰻魚燒得好香，好濃味，一件夠晒數串燒係居酒屋梗係唔少得啦！厚燒牛舌牛肋串黑毛和牛串帆立貝串燒整體都唔錯，夠香夠味 甲羅燒唯獨是呢個有少少失望味道麻麻，上枱已經唔熱少少微溫咋，賣相都唔及我食過既，要扣分

成日喺IG見到朋友喺呢間餐廳食嘢都好似好正咁，一直都想搵機會過嚟試吓，今日終於收工有時間可以慢慢嘆吓放鬆吓咁過嚟食！！😍😍😍餐廳環境非常舒服，而且店員好親切，會有用心推介食物！呢度嘅盒仔鮑魚好出色，本身就已經好鍾意食鮑魚，見到呢度有得叫即刻嗌咗，呢度嘅鮑魚好大隻，而且非常有彈牙！！好新鮮，係好好食嘅鮑魚😍😍另外仲有呢個原條黑豚蘆筍卷，成日見到有蘆筍嘅嘢都會好想試吓，因為都唔多餐廳會有得做路上，呢個再加埋黑豚豬肉包住喺出面，燒嘅時候肉汁浸晒入去蘆筍入面！！好正！！重點推介呢個和牛他他！！配合洋蔥同埋特製醬汁一齊食，好好食！！鍾意食和牛嘅人一定要試吓，係出面食唔到！！👍🏻好高質嘅一餐，好開心好滿足，下次要再帶埋其他朋友一齊過嚟，試吓其他菜式先！！

邪惡指數: 🐽🐽🐽好食指數: 🙆🏻‍♀️🙆🏻‍♀️🙆🏻‍♀️🙆🏻‍♀️無錯，我又去天后食好西喇(無辦法，我正是住港島嘅朋友😆)。上次經過清風街見到呢間門口好似幾有feel嘅日本居酒屋「黑木亭」，今次就嚟try try💁🏻‍♀️⭕️ 串燒串燒串燒 - 每款串燒都👍🏻，講下印象深刻嗰啲先：♥️ 蜜糖雞翼 - 超香嘅蜜糖味，燒得香脆，開邊單骨又方便食，正🤤 絕對可以食好多隻。♥️ 蜜糖厚切豬頸肉：有驚喜😍 口感爽脆，脂香豐富，配埋蜜糖，無得輸！♥️️ 芝士免治雞肉棒：撈埋生雞蛋醬汁食味道同肉質都好好，鍾意佢入面有啲雞軟骨嘅口感。♥️️ 鴛鴦翠玉瓜：上面分別搽左明太子醬同蒜蓉牛油，出奇地夾。⭕️ 三點刺身盛：有三文魚、油甘魚同劍魚腩，厚度適中，鮮甜。⭕️ 芒果芝士龍蝦：龍蝦起晒肉，肉質爽口彈牙，啖啖肉😝配埋新鮮嘅芒果、芝士、蟹籽同醬汁，賣相吸引。⭕️ 北海道士多啤梨牛乳乳酸好靚😍味道香甜，有啲士多啤梨乾碎增加口感，I like it 🙋🏻‍♀️⭕️ 葡萄檸冰似提子梳打，酸酸甜甜好開胃，唔會有藥水味。呢間日本小店鋪面雖然細，但居酒屋氣氛十充，服務都好好，下次同朋友嚟食下串燒飲下sake應該都幾正😏🍶

黑木亭居酒屋 (天后)蜜桃烏龍熊茶 $58有一隻用蜜桃汁造成的熊仔冰浮在烏龍茶上，很像在浸浴一樣非常可愛，上面加了玫瑰花🌹乾，而且味道不會太甜，很解渴🥰葡萄檸冰 $58清香的葡萄味🍇再配上梳打，粉紫色很唯美💜三點刺身盛$181 （原價$258 ）總共有三款刺身，包括三文魚、劍魚腩和金線叼。三款刺身也很新鮮，而且擺盤很美🦋雙重芝士鰻魚卷$168卷物分量十足，上面鋪上了肥美的鰻魚中間夾着熱熔芝士，飯卷內有蟹柳和青瓜，一啖放晒入口，所有材料融為一體，味道十分配合😋麻辣黑豚荔枝卷$38小編認為不會太辣，而且荔枝的香味突出了豚肉的鮮味，荔枝的甜味很清新❤️蜜糖厚切豬頸肉串 $38加上蜜糖的炭燒豬頸肉很有BBQ的風味，豬肉肥瘦均勻😋😋蜜糖雞翼$32蜜糖與雞翼是最佳拍檔🍯 一串兩隻份量啱啱好，雞肉嫩滑～芒果芝士龍蝦$288 （原價$576 ）用燒過的龍蝦殼做半碟，把龍蝦肉拆出來然後再加上新鮮芒果和日式沙拉醬，旁邊配了一些沙律菜，龍蝦肉結實，啖啖肉，再配上香甜的芒果，很適合夏天食用😆😆地址：天后清風街10號清風大廈地舖

本身都已經好鍾意食日本嘢，今次嚟到呢度天后嘅黑木亭，價錢親民，而且性價比好高！！💕呢度主打居酒屋風格，乜嘢類型都有，壽司刺身沙律小食串燒飯團樣樣有齊！😎😎今次就叫咗A4和牛海膽丼💕💕估唔到份量咁大唔瞓，而且係好滿滿嘅和牛！！再加上有好豐富嘅海膽喺上面！！完全係符合需要性價比高嘅我🤣而且呢度嘅和牛牛肉味好濃烈，同埋肉質好林！好易入口！！配合埋海膽一齊食！真係別有一番風味！！冇諗過原來咁match💕另外仲有一個吉列牛三文治🥪咁大個女都係第一次食和牛嘅三文治！哈哈好高級💕而且仲要係分量十足，吉列和牛都係非常高質！！有好香口既外皮，咬落去非常Juice！！👍🏻👍🏻總括來講，呢間餐廳嘅性價比好高，而且裝修環境非常別字，係好值得再次幫襯嘅餐廳！