影片
更多
2022-08-14
468 瀏覽
當年「黑布小巷」仲喺旺角嘅時候，我成日幫襯。不過搬舖後位置無咁方便，就有一排無食。最近得知炮台山開咗分店，嚟開附近就可以重拾舊味☺️。炮台山係外賣店🥡，位置同樣係喺小巷內。但唔知係咪新開張嘅關係，呢度無芋圓賣，有啲可惜。另外，今日炸爐亦都壞咗，無得嗌小食🙈。食物定價唔貴，份量都OK，味道富台灣風情🇹🇼。古早味手工滷肉飯($38)，🍚滷肉飯採用傳統台式做法，滷水味恰到好處，唔會過重口味。以豬腩肉製成嘅滷肉粒好邪惡，肥膏位慢煮至入口即溶，幸好有酸蘿蔔解膩。飯底用上珍珠米，粒粒分明，估唔到睇落細細碗，食起嚟都幾多。麻辣鬼椒雞腿芝士蛋吐司($55)，🍞吐司賣相超吸引，兼且好足料。麵包烘至金黃色，但始終多醬，偏濕少少，所以唔算好脆。醬汁驟眼睇只覺得有瀑布芝士同流心蛋🧀，點知中間蘊含咗麻辣味，而且辣度唔講得笑，不過好惹味啊🌶，令人又愛又恨。唔食得辣嘅都可以放心，因為佢有原味可選。麻辣鬼椒肉蛋芝士吐司($55)，吐司有兩款肉餡可揀，分別係香煎美國大草原穀飼豬扒🐷同烤嫩滑雞腿🐔。我認為雞扒比較好食，因為厚身啲同埋肉質嫩滑啲。飲品方面🥤，嗌飯同多士可享套餐優惠價，我哋要咗自家煲製冬瓜茶(+$8)同桂花烏龍
當年「黑布小巷」仲喺旺角嘅時候，我成日幫襯。不過搬舖後位置無咁方便，就有一排無食。最近得知炮台山開咗分店，嚟開附近就可以重拾舊味☺️。
炮台山係外賣店🥡，位置同樣係喺小巷內。但唔知係咪新開張嘅關係，呢度無芋圓賣，有啲可惜。另外，今日炸爐亦都壞咗，無得嗌小食🙈。
食物定價唔貴，份量都OK，味道富台灣風情🇹🇼。
古早味手工滷肉飯($38)，🍚滷肉飯採用傳統台式做法，滷水味恰到好處，唔會過重口味。以豬腩肉製成嘅滷肉粒好邪惡，肥膏位慢煮至入口即溶，幸好有酸蘿蔔解膩。飯底用上珍珠米，粒粒分明，估唔到睇落細細碗，食起嚟都幾多。
麻辣鬼椒雞腿芝士蛋吐司
$55
6 瀏覽
0 讚好
0 留言
麻辣鬼椒肉蛋芝士吐司($55)，吐司有兩款肉餡可揀，分別係香煎美國大草原穀飼豬扒🐷同烤嫩滑雞腿🐔。我認為雞扒比較好食，因為厚身啲同埋肉質嫩滑啲。
自家煲製冬瓜茶
1 瀏覽
0 讚好
0 留言
題外話，小店服務好貼心❤️，食物包裝上會黐上貼紙，以分辨係豬定雞。
總括嚟講，黑布小巷嘅食物喚起咗台灣原味道，我當自己去咗一轉夜市㗎喇✈️。希望小店遲啲有多啲嘢食賣啦，例如有拌麵同甜品等，咁就食多幾次都唔怕厭。
張貼
