黑布小巷 (木蘭苑) (已結業)

見到好多人都share過主打台式三文治嘅黑布小巷，今次去到北角終於可以試下。由於係小店嘅關係，所以不設堂食。但係由於距離海邊嘅東岸公園好近，步行大約5到20分鐘，所以我就專登買完去海邊食。今次去主要叫左台式吐司同埋台式飯。台式肉蛋芝士吐司 $53首先吐司兩邊都經過多士爐烤過，所以特別香脆。炒蛋採用日本蛋，咬開戈時仲係流心。加上一大塊嘅熱溶瀑布芝士同埋秘製醬汁，未食已經流晒口水。慢烤雞腿芝士吐司 $53慢烤嘅雞腿特別嫩滑，加上上面提到嘅流心蛋同埋瀑布芝士，咬開嘅時候醬汁同埋蛋汁都一齊流晒出嚟，好juicy。冬瓜茶 +$8 跟餐最近每日都30幾度嘅天氣，好適合飲一杯冰凍嘅冬瓜茶消暑。飲完都覺得好清涼。桂花烏龍 +$10 跟餐淡淡清香嘅桂花味，好解膩。古早味手工滷肉飯 $38滷肉採用傳統台式做法，主要係用半肥瘦嘅豬腩肉，加上自家製滷水汁長時間慢煮，相當入味。飯亦都採用珍珠米加上解膩嘅酸蘿蔔，入味嘅滷肉送飯一流。