影片
更多
2022-08-14
213 瀏覽
📍「黑布小巷」- 北角今次食食食之旅黎到北角😌之前成日見到黑布小巷嘅吐司好吸引，今次召集咗同事齊齊lunch 去試吓🤣📷餐廳位於電氣道，店面比較細，只做外賣，有台式吐司、滷肉飯、台式小食同飲品，岩哂一眾港島區返工嘅打工仔😎😗🍴慢烤雞腿芝士蛋吐司💰HK$53✨推薦指數：8.5/10吐司已經一早對半切好，有齊厚厚嘅雞腿、半溶嘅芝士同流心蛋，好豐富，望到都好想食啦🤩吐司就連埋牛油烤熱咗好香😍咬落去蛋汁即刻流出嚟好juicy，雞腿用慢煮嘅方法保持到嫩滑嘅口感，芝士又香又煙韌，整體非常夾😋成份吐司外層比較油，所以佢哋都好貼心咁提供埋手套，咁就唔驚整污糟😇🍴麻辣鬼椒雞腿蛋吐司💰HK$48✨推薦指數：8.5/10同事中意食辣，所以專登試吓佢嘅麻辣鬼椒版！一開始食落去又唔算好辣，但個辣會慢慢滲出嚟，然後愈食愈辣，纏繞係口腔，幾過癮中意食辣嘅朋友仔千祈唔好錯過🤣呢份就無加芝士，食落去比較甜少少，有芝士就咸香啲😋🍴麻辣鬼椒肉蛋吐司💰HK$48✨推薦指數：7/10試咗雞腿，梗係要試埋豬😎佢哋係用咗美國穀飼豬扒，連埋半流心蛋咁食，咬落啖啖肉得嚟又juicy，唔會好乾 😋不過拎到返office 已經無咁熱，再熱
今次食食食之旅黎到北角😌
之前成日見到黑布小巷嘅吐司好吸引，今次召集咗同事齊齊lunch 去試吓🤣
📷餐廳位於電氣道，店面比較細，只做外賣，有台式吐司、滷肉飯、台式小食同飲品，岩哂一眾港島區返工嘅打工仔😎😗
12 瀏覽
0 讚好
0 留言
6 瀏覽
0 讚好
0 留言
🍴慢烤雞腿芝士蛋吐司
💰HK$53
✨推薦指數：8.5/10
吐司已經一早對半切好，有齊厚厚嘅雞腿、半溶嘅芝士同流心蛋，好豐富，望到都好想食啦🤩吐司就連埋牛油烤熱咗好香😍咬落去蛋汁即刻流出嚟好juicy，雞腿用慢煮嘅方法保持到嫩滑嘅口感，芝士又香又煙韌，整體非常夾😋成份吐司外層比較油，所以佢哋都好貼心咁提供埋手套，咁就唔驚整污糟😇
3 瀏覽
0 讚好
0 留言
7 瀏覽
0 讚好
0 留言
🍴麻辣鬼椒雞腿蛋吐司
💰HK$48
✨推薦指數：8.5/10
同事中意食辣，所以專登試吓佢嘅麻辣鬼椒版！一開始食落去又唔算好辣，但個辣會慢慢滲出嚟，然後愈食愈辣，纏繞係口腔，幾過癮中意食辣嘅朋友仔千祈唔好錯過🤣呢份就無加芝士，食落去比較甜少少，有芝士就咸香啲😋
1 瀏覽
0 讚好
0 留言
🍴麻辣鬼椒肉蛋吐司
💰HK$48
✨推薦指數：7/10
試咗雞腿，梗係要試埋豬😎佢哋係用咗美國穀飼豬扒，連埋半流心蛋咁食，咬落啖啖肉得嚟又juicy，唔會好乾 😋不過拎到返office 已經無咁熱，再熱啲個陣食相信會更好食😍
4 瀏覽
0 讚好
0 留言
🍴古早味手工滷肉飯
💰HK$38
✨推薦指數：7/10
滷肉飯嘅肉用咗慢煮豬腩肉，肥瘦肉嘅比例7:3，啲肉非常入味，而且份量唔少🤗滷肉汁非常咸香，好好餸飯😝面頭仲有兩塊醃蘿蔔，食落酸甜甜好解膩😋
2 瀏覽
0 讚好
0 留言
🍴自家煲製冬瓜茶
💰+HK$8
✨推薦指數：8/10
冬瓜茶好大杯，而且係少甜，飲落甜度岩岩好，夏天飲好解渴😙
2 瀏覽
0 讚好
0 留言
🍴凍頂烏龍茶
💰+HK$10
✨推薦指數：8/10
烏龍茶幾香，唔會太苦😇
張貼
