黃埔小廚

營業中

休息中

芝麻脆皮雞好脆，上面有白芝麻，又有芝麻醬，係真係幾好食的。外面比較少食到。另外粟米魚肚，魚肚粟米都夠料，好好飲。以上兩款都不錯。另外叫了蜆，正常。價錢不算便宜，服務態度男員工好好，女員工就。。。。。。還說粗口。本身見到蝦球，炒蟹想試試，但都要諗諗先。想食乳鴿可以去對面蹈香。另外，我們用 網上外賣APPS入面訂個呢間餐廳的食物，但錯手按制按多左1次，之後打電話叫佢取消1張，保留1張。佢地按錯制，幫我取消晒，但APPS照扣錢，但佢唔肯退錢，又無食物送到黎

去完大酒店搜尋吓附近有乜小菜食，萬國殯儀館行過嚟大約13分鐘。一行九人浩浩蕩蕩行過嚟，因為驚冇位，所以事前打電話留枱。八點半左右到達，果然店內只有兩張大枱兩張小枱。侍應推薦鹽水浸鵝，芝麻雞，我哋每樣叫咗半隻。芝麻雞$200.半隻，但略嫌雞肉比較乾。鹽水鵝出街少有就得食。菠蘿咕嚕肉有驚喜，熱辣辣外脆內軟，配合新鮮菠蘿冇得彈。炸大腸炸得比較乾，冇乜脂肪，不推介。通菜炒鮮魷是全枱人都說讚的一個餸，通菜放了一段時間都沒有變黑，鮮魷唔似交貨，有誠意。胡椒酸菜豬肚蜆，酸菜不算是鹹菜，蜆無沙，整體一般。另外點了豉油王炒麵，唔油好吃。藍妹啤酒只售$25支算是抵飲。服務熱情，但店內冷氣不足，廁所空間很少。

小菜不錯，乳鴿，炸大腸也炸得不錯。唯獨價錢有點貴，與訂座時報價有出入。我們埋單時發現瓜子斑收費為$1513，報價大約$1000，問及我們食的是瓜子斑，為何打單為老鼠斑，店員稱沒有瓜子斑可以輸入。而大約一斤九節蝦$396，飛天龍蝦$1152，價錢比較貴！埋單時，第一次賬單顯示所有項目為正價收費，總數四千二百幾，我們看到賬單上顯示我們沒有落單的功夫飯炒芋頭，需收費一百多元，詢問店員後，我們需取消沒有落單的功夫飯炒芋頭。但在賬單更改後，店員說全單給予9折，我們發現那個沒有上枱的功夫飯炒芋頭變成免費，但我們也沒有要求上枱了。事後我們再計算食品價錢，發現賬單有問題，沒有顯示原價，只有打折後價錢，那我們怎樣知道原價，然後計算全單9折呢?!再者，發現海鮮價格與第一張 賬單相同，沒有打折。我們再與店主理論，店主態度惡劣，還說我們不懂食海鮮！我知道海鮮是海鮮價！但與報價出入大，我們消費者也要清楚明白！最後店主退回$266.4了事。但賬單上為何出現$4678為總數，仍是一個謎！本人對這間食肆這種經營手法，價目透明度不足，本人不會再有下次光顧！

看到網路力推就嚟一試究竟！隱世私房菜到底有多好吃🤔提前兩天訂枱尚算順利。但原來大部分嘅菜式都要預訂，否則就無緣了⋯⋯訂座時又冇提示⋯⋯真。菠蘿咕嚕肉$118用真菠蘿做咕嚕肉其實都唔係新鮮事，個人覺得有點強差人意。新鮮菠蘿坊間一係切塊一齊炒，－係用嚟伴碟，出面做法係會燒香菠蘿至5成熱，哩到只輕輕燒過，一口咬下心仍是冷！咕嚕肉炸得唔夠香脆，覺得個脆醬有問題，有陣化學味，肉質鬆軟到完全冇肉味。唔收貨👎🏻黃金蝦球$128蝦球口感係爽口，可惜都係冇蝦味，好在鹹蛋黃外皮尚可，夠乾身唔會一pat水。芝麻雞 $200招牌菜冇預訂都食到，不過唔叫好彩，炸得太乾肉質同外皮都偏硬，哩個價錢，憑咩？豉汁白鱔煲仔飯$200味道唔錯，𡯁其係個飯底係真煲仔飯，火喉啱啱好👍🏻 不過餸就少咗啲，哩個價錢值得落多兩舊囉！不過個豉油就好一般。椒絲腐乳炒通菜$78正常發揮，好味但份量實在太少！

上星期日和家人去紅磡食飯，朋友介紹這餐館好夠鑊氣，我就去試試，店面不是很大，有些少懷舊的感覺。芝麻雞，賣相超吸引，整隻雞鋪滿白芝麻，很特別，雞的外皮很香，淡淡的芝麻香與雞皮的油香混成一體，雞肉嫩滑，熟度剛好，令人相當回味。羊腩煲，好大煲，份量足，好多羊腩，配料豐富，馬蹄、支竹、東菇、筍是少不了，南乳腐乳炆，超入味，冬天暖胃佳品。帶子西蘭花，夠鑊氣，菜綠肉香，帶子好大隻，先煎封表面，入口更鮮香，西蘭花炒得恰到好處，爽口不過硬。菠蘿咕嚕肉，配搭新鮮菠蘿，賣相不錯，以為是一般咕嚕肉，但口感與平日的不同，好酥脆，好好味，新鮮菠蘿稍為煎過，更解膩香甜。三弄蝦球，三種味道，黃金蝦球，帶有香濃的蛋黃香味，咕嚕蝦球，甜酸開胃，柚子蝦球，柚子味幾香，不太甜，令人好想食。蝦球相當大隻，爽口彈牙，好新鮮，而且份量都好多。潮州蠔仔粥，好大鍋，很多蠔，加上些魚干，十分惹味，相當飽肚，抵食。

近排四圍去,今日去咗黃埔小廚食飯。🥢鮮菠蘿脆皮咕嚕肉咕嚕肉炸得脆卜卜,肉質都幾爽,味道幾甜,菠蘿較酸不過冇渣。🥢懷舊芝麻雞一隻雞的份量都幾多,雞皮鋪滿芝麻,而芝麻跟雞皮完全融合,皮脆肉香,雞肉很嫩滑,就連雞胸口感都滑而唔鞋口。🥢三弄蝦球食呢個菜可以滿足多心的人,蝦球有三種口味，柚子、鹹蛋、咕嚕。柚子蝦球,蝦肉彈牙,柚子醬甜美;鹹蛋蝦球,鹹蛋的脆漿完全包着蝦肉,有鹹鮮味;咕嚕蝦球,咕嚕醬做得酸酸甜甜。

這間菜館就連Google map都找不到，是住紅磡的朋友介紹，今晚就多人來到聚聚，店舖不太大可容納約30人，最好預早訂位，7時多已滿坐。【鮮菠蘿脆皮咕嚕肉】經典的甜酸口味佳品，菠蘿的鮮甜與酸度恰到好處，充分中和了炸豬肉塊的油膩感。豬肉外皮炸得酥脆，內裡仍保持嫩滑。【懷舊芝麻雞】外皮金黃酥脆，芝麻香氣濃郁，雞肉鮮嫩多汁，咬下去每一口都充滿層次感，唯獨調味稍微偏淡，可再提升鹹香。【黃金鮮魷】新鮮魷魚裹上濃郁鹹蛋黃醬，外層酥香內裡彈牙，鹹蛋黃的香氣徹底融入魷魚中，十分誘人，外皮有點厚略顯油膩。【椒鹽百福豆腐】外層炸得香脆，內裡軟嫩滑溜，椒鹽的香氣帶來鮮明風味，搭配蒜香粒，增添了味覺的層次感。【蝦醬通菜牛肉】牛肉嫩滑，份量亦多，通菜的爽脆口感也保留得很好，蝦醬味稍重。

今日去紅磡探朋友，晚上和他們食晚飯，朋友帶我去一間有大排檔風味的餐館，店面不是很大，主打夠鑊氣，而且都幾多人客。菠蘿咕嚕肉，看似沒有太特別，但一口咬下，和以前食的咕嚕肉完全不同，炸皮相當鬆脆，處理方法與其他的不同，十分好食，鮮菠蘿再煎一下，顯得更香甜解膩。雙冬羊腩煲，好大煲，夠份量，好多羊腩，傳統口味，配料豐富，冬菇、筍、支竹、馬蹄等等，南乳腐乳炆，夠濃郁，還有一大碟生菜。芝麻雞，賣相超靚，之前未食過，雞皮上舖滿芝麻，入口陣陣芝麻香味，但不會搶了雞的香味，口感一流，皮香肉嫩。三弄蝦球，三種不同做法，黃金蝦球、咕嚕蝦球、柚子蝦球，色彩吸引，好有心思，外皮酥脆，球球好大隻，又爽口彈牙，各種味道都好食，尤其是柚子蝦球更正。潮州蠔仔粥，沒想過是那麼大鍋，蠔仔都好多，加上魚干提味，好惹味，但不會太咸，恰到好處。美極蜜汁煎封白鱔，白鱔相當新鮮，肉質緊緻彈牙，煎封後有些脆感，略帶微甜，好好味，連墊底的薯粒都好惹味。

今年到朋友新家拜年聚會，朋友帶我到附近的黃埔小廚食小炒，位置確實有點隱蔽，平時好少機會經過。有鑊氣小炒、海鮮、煲仔飯等多種菜式選擇，有些還要預訂。生炸爆乳鴿 $160外皮確實炸得無比香脆，不油膩，乳鴿肉仍保持到嫩滑有肉汁。芝麻雞 $200（半隻）這個要預訂，半隻份量都好似一隻。芝麻蒲在雞皮上炸是頭一次品嘗，雞皮好似薯片般脆口，加上芝麻又香，雞肉嫩滑，點芝麻醬又是另一個味道幾夾。三弄蝦球 又是大大碟，分別有甜酸、柚子及鹹蛋黃。全部炸皮做得好薄，甜酸的味道好似咕嚕肉，個糖皮好脆又乾身。柚子滑新開胃。鹹蛋黃是最香口惹味，蝦球是大大隻好彈牙。豉椒炒花甲 $118有蒜頭、青紅椒、薑片爆炒花甲好夠鑊氣，花甲無沙鮮味。

天氣突然轉涼，朋友介紹這兒的小炒很好味，於是便早幾天訂座，來這兒試一試。這兒非常旺，整晚不斷有人walk in，可惜早已訂位滿座，要吃絕對要早點訂座。這兒整體食物份量非常多，連作為小吃貨的我也感到份量比想像的大，沒有4-5人是沒法吃完！🥢粟米魚肚羹一大碗粟米魚肚羹份量非常多。魚肚切粒，爽口彈牙。粟米羹味道清甜，綿滑易入口。我家孩子一個人吃了3碗😆！真的很適合小朋友！👍🏻🥢腐乳通菜牛肉通菜很新鮮，咬下去完全沒有渣，牛肉也夠嫩，份量也是非常多。🥢臘腸排骨煲仔飯煲仔飯有一陣煲仔的「鑊氣」，絕對是誠意之作！兩條長臘腸，大家不用搶食😆我個人喜歡它的排骨，肉質嫩滑。加上香脆的飯焦，令人大大滿足❤️🥢古法雙冬支竹新鮮羊腩煲這個羊腩煲十分足料，羊腩有肥有瘦，份量非常多，馬蹄、支竹、冬菇等配料也十分多，大大鍋的，差點滿溢！🥢三弄蝦球三弄蝦球就是有三種不同味道的蝦球。一款是一層柚子蜜味的糖衣包裹著蝦球，甜滋滋的。另一款是鹹蛋黃味蝦球，金黃色的外表酥脆爽口，非常邪惡🤤。還有一款是酸甜汁味，十分惹味。蝦球非常大，因為蝦肉本身都十分大，份量十足。

朋友推薦，在紅磡區的黃埔小廚，性價比高；家常戶曉的小菜，尤其出色，特意前來光顧。環境骨子，街坊小店，感覺親切！要多多支持💪💪！大伴兒開兩圍，完全無難度👌三兩知已同樣無問題 👌避風塘炒蟹 $480 （時價），滿滿的炸蒜完全蓋過大蟹，目測都非常美味。炒蟹肥大肉厚，炸蒜香口惹味 😋😋巨型大蟹鉗😍😍😍😍😍蠔仔粥 $88，粥底味道甜美，蠔仔鮮甜大隻，加上喜愛的莞茜，又靚又好味！菠蘿咕嚕肉 $108，賣相精美，有原件鮮菠蘿，相當吸引！咕嚕肉外層香脆，甜酸汁惹味，外出用膳，近乎必點項目。

朋友住何文田附近，帶我去食一家新開小菜，店舖氣氛熱鬧，先來一碗例湯暖胃，餐牌選擇頗多，挑選了幾個招一試。😝避風塘炒蟹⭐️招牌之選，濃厚爆香過的配菜，炒至乾身入味，蟹肉一梳梳惹味非常，一把蒜一啖肉，非常過癮！三弄蝦球⭐️大有派頭的菜式，蝦球粒粒一口大，肉質爽口彈牙，先有蛋黃香濃，咸香十足，再來開胃西檸口味，最後來個酸甜口味，每隻味道各有千秋，搭配得宜！黃金鮮魷穫氣之選，色澤金黃，口感香脆，魷魚鮮嫩彈牙，咸蛋黃起沙得來乾爽，不會過膩！蒜蓉炒芥蘭芥蘭爽甜，炒起來油香十足，色澤熟透依舊翠綠，冬天必點！每碟菜即叫即做，功架十足，帶有滿滿大排檔風味，值得一試！👌👌👌

Authentic HongKongese restaurant@whampoa／Hung Hom..My famies and I went to a restaurant called "黃埔小廚" located in Shop E, G/F, 3 Tsing Chau Street, Hung Hom紅磡青州街3號地下E號舖..this restaurant provides an array of authentic HongKongese cuisines/Chinese cuisines in myriad of cooking style..Pigeon 脆炸乳鴿.with golden crispy skin.juicy and tender meat.no unpleasant gamey flavour at all.dish of the night.."Lamb casserole in traditional style"古法羊腩煲..without any unpleasant gamey flavour .the lamb is succulent,so

最近天氣突然寒流襲港，約好中同聚會都梗係要揀打邊爐驅一驅寒意，聽講係黃埔新開既新鮮圍煮好抵食就過咗黎試下入門後右面係散客區，主打港式風情，牆上都係本地街市既相片，代表食材新鮮靚料，左面係包廂區域，主打日系木紋設計，仲有櫻花點綴象拔蚌刺身拼盤前菜一上就係惹味開胃既一滴入魂酒糟鴨舌同埋勁澎湃既刺身船，元貝食落清甜有點漿口，北寄貝最正係爽口彈牙有咬口，象拔蚌厚身大塊爽甜，特大甜蝦展示咩叫大海既鮮甜本地食材食完花膠雞鍋就可以加湯打邊爐，欣賞老闆都會採用本地食材，身體力行支持本地經濟，鮮乳龍蝦其實係體型較細，肉質比較厚實但啖啖都係精華，口感嫩滑彈牙，雞湯一煮就鮮味湧出

這間位於黃埔的【黃埔小廚】，晚市主打多款懷舊小菜，例如芝麻雞、蝦多士等，另外還有多款新鮮海鮮供應，而且小炒菜式甚多，價錢貼地且份量十足，又無加一收費，過年去食團年或開年飯比酒樓平一截。懷舊芝麻雞必須要早兩天預訂的芝麻雞，表面沾滿了芝麻，炸至金黃香脆，充滿了芝麻香味，而且雞皮皮下脂肪不多，十分香脆，有陣陣雞油脂香，肉質嫩滑多汁。椒鹽鮮魷鮮魷薄薄一層的炸漿，包裏著新鮮的魷魚，外脆內爽，加上椒鹽十分惹味，送酒一流。鮮菠蘿脆皮咕嚕肉咕嚕肉炸至金黃香脆，每粒都沾滿了酸甜醬汁，食到最後都保持脆口，還配上新鮮香甜的菠蘿。蜜汁美極煎封鱔鱔件以蜜汁煎封，外脆肉彈，十分新鮮肥美，配上煎至香脆薯粒。