麻辣串串香

營業中

休息中

行過被佢d香噴噴既串燒吸引住，唔買返幾串黎食下都唔得，價錢又唔貴都幾抵食呀，鋪頭除左串燒，仲有車仔麵，酸辣粉！不過因為已經食左野，所以買住幾串串燒黎試下叫左見唔係度度都有既脆脘魚，連埋皮一齊燒，食落更加得好香脆，魚肉好嬾滑鮮味，配埋醬汁食更加惹味！金菇肥牛，外面燒得有少少乾脆脆地，但入面又好juicy，好夾都唔錯！ 蒙古羊肉串，燒得好香，羊肉一d都唔蘇，肉質唔會韌仲好淋，同埋串燒上既味粉一齊食，更加惹味非常！勁辣手拍青瓜，切到岩岩好一口一舊既青瓜好新鮮爽脆，配埋鋪頭特醬既勁辣醬汁一齊食，非常好味！

行開附近買金魚, 一個人唔知食咩好, 見呢間有酸辣粉同串燒, 啱晒我口味, 一於試下先.粉類有兩款, 分別係重慶酸辣粉同麻辣燙車仔麵, 配料類別一樣, 價錢都係一樣.要酸辣粉湯底米線, 配料要蘿蔔+豬腩片, 未知呢間辣度如何, 所以要BB辣.等左一陣就黎, 一上枱已聞到陣陣酸辣味, 先飲一啖湯, 酸酸地唔油, BB辣辣度相比其他米線鋪屬小辣了.配料非常多, 花生, 辣肉碎, 炸菜, 絕不吝嗇.豬腩片軟嫩唔韌, 肥瘦適中, 而且每片都係大大片. 仲有蘿蔔, 又係好多舊, 索晒個湯, 夠腍又入味, 食到D辣好刺激.仲有串燒, 不過祗分辣同唔辣, 要左串辣雞腎, 係一粒粒既雞腎, 燒得乾身唔油, 咬落唔韌好爽口, 不過辣度好辣下, 應該係面頭D粉, 一路食一路流鼻水, 好刺激.另一串要唔辣既羊肉串, 大大串, 羊肉有羊味但唔算太臊, 肉質軟嫩, 又唔會太多脂肪.整體對於我黎講都幾辣, 不過好過癮, 食完個胃仲暖暖地, 好舒服. 下次等再凍D食仲正.

同舊同事好朋友們去食野，契女媽媽話想約響荃灣食仲要近西鐵站，佢就選擇左食呢間串燒。 串燒店裝修響嗰區都算幾好， 有咩食，一目了然。 太肚餓，一定要叫碗粉食。 粉有兩款，麻辣燙同酸辣湯兩款。朋友們都選酸辣，我就選麻辣燙中辣啦！ 野飲種類很多，有大量選擇既啤洒同汽水外，仲有凍熱豆漿，凍檸茶奶茶嗰啲仲有啲菓汁特飲！我就算左Apple Cider,又凍又清甜，又有汽，解辣一流。 麻辣燙真係好辣，而裏面的餸有好多，例如雞絲，原來係雞柳來的，有成七八件，不過就幾淡下，應該無醃；金錢肚份量亦多，彈牙有咬口。 面水餃就有兩粒，每粒裏面都有韮菜等，調味亦很好。薯粉晶瑩爽口煙靱，雖然辣到不行，但都忍不住吃完一口又一口。 明太子雞翼外面燒得卜卜脆，香盬味，咬落去出煙的，而且有少許明太子，有點咸香魚春味。 芝士翠肉瓜很正！唔係hea放芝士響面就算，成塊翠肉瓜的面都充滿芝士，仲要係厚層的，少少濃面，半溶狀態！ 羊肉串 孜然粉同辣椒粉舖滿羊肉串，都幾多肉，唔會得五六粒，肥膏又唔多，無顫味，肉邊少少焦，香香地，脆脆地，又唔重味精！ 同朋友食下食下唔覺唔覺就好飽，成個人暖笠笠咁走！

朋友新屋入伙，住荃新天地附近，夜晚大家又唔想叫Pizza同炸雞，就落樓下食飯，朋友帶我地食串燒。餐廳不大，但叫一見關七，只要有需要店員都會睇到立即黎幫。抬頭望見到有個3週年facebook任務，送野喎我梗係唔執輸啦！已經玩了，名額40個！由於唔特別肚餓，我只叫了串燒，先叫了燒羊架，$28一件，羊架厚實，肥大肉厚，so味唔多，只食到好香的燒野同七味粉味。鹽燒牛舌充滿鹽味，燒過既鹽味道不一樣！牛舌軟軟地，又厚，有嚼勁！明太子雞翼很特別，雞翼表塗左層燒烤醬，雞翼燒到橙黃色，明太子係餡料，加添左雞翼味道，燒既時候剛剛好，表皮少許脆，入面又熟，加埋明太子，令雞肉好香。燒茄子係原條上，切開好大條，我地叫左中辣，食落都幾辣，茄子切開一絲一絲，茄子肉又軟潤，茄子經常同其他食物一齊煮，都會被其他食物搶左味，但今次可以食到茄子原來的味道！芝士翠肉瓜都幾特別，翠肉瓜本身無味，芝士燒過之後變得有啲融融地，熱融左既芝士展發左芝士既香味，令平平無奇既翠肉瓜加左兩分！食下野當然都要飲下野，Apple Cinder係我今晚既選擇！串燒配啲酒好爽，仲要係有氣蘋果酒！無啤酒咁粗獷，好味得黎斯文，好酒好酒！

放左工，拉左同事黎陪我食酸辣粉，好想食紅薯粉呀，黎左麻辣串串香，有粉又有串燒食的。寫紙仔落完單，睇下周圍先，見隔離枱日本人點左幾樣串燒後，又點左清酒同啤酒，仲手指指呢對酒，可能想叫？哈哈，聽唔明。小店用即棄餐具，不環保只用了筷子，發泡膠碗就退給店員了，盡量少用吧。旁邊的黑杯子是羅漢果水，天氣涼了，又食啲刺激性食物，點杯羅漢果潤下先，清甜天然，好味。朋友不點辣的，要了一個清湯車仔麵，配上響鈴，雲吞同午餐肉，車仔麵最少要點30元，呢碗啱啱好湯底似係雞湯，仲有芝麻香。河粉頗淋身，份量都幾多。自己點左酸辣紅薯粉，配料要了海帶同豬大腸，辣度要了少辣，一上枱已聞到好勁的酸辣味，好有國內個種酸辣味。紅薯粉有韌度，軟硬適中，吸飽了湯汁好正，湯底夠酸微辣好啱口味，加入了肉碎，花生，咸菜，芫荽等，口感豐富又好味。見隔離枱啲串燒咁正，又點了雞翼，餃子同玉子試下。雞翼燒得皮脆肉嫩，加了孜然粉，香味十足。餃子飽滿，外面香脆，入面仲有肉汁，咬第一口時勁燙口，小心食。玉子香甜又脆又軟，雙重口感好正埋單119不用加一，兩個人食飽飽了

今晚約左喺荃灣收工嘅fd食野, 由於前晚打左邊爐, 今日唔想再打, 所以決定食串燒. 喺Google map有點難找但其實係楊屋道街市條街尾就是了. 原來除左串燒仲有麻辣粉同其他小食order. 眼利嘅我一睇就睇到尖椒皮蛋, 即刻整碟先, 同3gor唔同嘅係佢個汁料好集中, 彷彿加左d好味肉碎喺個醬度, 2種整法都好味, li間嘅製法之中辣嘅元素超突出, 我吃了一件超多醬皮蛋已經標標地眼水酸辣粉, 今次真係越食越傷心..... 我order中辣3餸酸辣河粉(枝竹+豬大腸+竹笙)原來揀了吸湯的枝竹和竹笙呢, 中辣對我真是一個challenge, 人黎, 紙巾please! 那種辣可怕得令我無法停下雙筷, 流著鼻水也要繼續吃呢, 一個字-正！另外想讚下豬大腸洗得非常乾淨, 整碗河嘅份量多過我expect好多.明明喺牆上有張相係芝士翠肉瓜，點解找極個3張order紙都無嘅？同學，原來我無留心上課, 黑板不就寫上多款串嗎？即叫即燒嘅翠肉瓜鋪上一小片芝士, 還用火槍再燒一下才送上, 外脆內翠！燒牛舌厚切牛舌加d鹽燒得恰到好處, 是必order的串燒.好多地方都切到超薄, 根本食唔到牛脷嘅真味.

朋友聚會當然要食餐好架啦，成日去d靚靚餐廳，食放題都有d悶，今次我做搞手，提議食串燒，要燒得好燒得正都唔係咁易架，呢間做得不錯！地點方面麻麻地，由地鐵站行落黎都行左20分鐘，不過要食野係無計既！餐廳唔太大，我地好好彩搵到張大枱，一黎到叫野飲先∼黑芝麻豆漿，成樽咁十樽都係$8，黑芝麻味好重好香濃，而且夠晒凍，我見無招紙架喎，唔知係咪自家製架呢？呢度有車仔麵同酸辣粉揀，既然串燒都諗住要辣既，所以就揀左唔辣既車仔麵，$30起可以自由揀餸，肚餓既我一口氣揀左幾信餸配紅薯粉，我最中意鮮魚腩，直頭係打邊爐嗰啲鯇魚腩，好肥美，好滑的魚腩位，鹵水雞翼尖炆得好林，一咬已經覺得好林，連雞骨都係林的，鹵水好入味，紅薯粉都沾到dd，第一次食紅薯粉，好滑，係粗版粉絲咁，粗粗地好有口感，仲好煙靭tim！串燒我都唔敢放肆，先食左一串我最愛既鹽燒牛舌，牛舌厚而且味濃，有好香既鹽燒味，唔好睇少鹽，雖然平，但加少少就可以帶出個味，牛舌仲保留住d牛味架！雞太子雞翼好特別，有明太子釀係入面，好滋味，明太子係魚既卵，以為食落會腥，但完全無，燒完陣味仲香，雞翼皮好脆口，如果是全翼我會更開心。原條茄子我最like！因為原條關係，好

荃灣行街要開飯就緊係要行去舊區啦!!價錢同份量絕對是令人滿意的....呢排都好乖地沒有食太多，所以今次獎勵自己有宵夜食、食下串燒咁.....麻辣串串香，感覺上中國地方風味會比較重，又加上重"辣"，咁就很對味的想要試試看.....三張落單紙......我也只係很專心看串燒那張地方都幾大，因為宵夜時段，只有3台人，在這裡吹下水、喝喝酒牛舌串，四川例牌會上一上既辣粉、七味子那些.....牛舌的厚度也令人喜出望外，非常大塊及厚切....可是，亦都因此味道溢入不到，中間位置牛的羶味會有一點......金菇肥牛卷亦是串燒界必點的，燒得剛剛好，金菇出左點水，草青味不會太重，加上灑上辣粉會帶辣.....墨魚咀有成5粒，仲要大大粒.....同日本料理的炸墨魚咀有不同，那種很細的.....墨魚咀更是普通燒一燒就行，炸了那種油膩感還不是太愛.....燒茄子也是重點的所在.....茄子上的香料完全不少，茄子燒後的水融合左個醬料索曬味道後的感覺一流.....起咁多肉類中的健康選擇

無聊試下呢間串串香,點知出事啦。先唔講價錢,個餐等咗40分鐘先黎到,碗烏冬又細又唔環保,用紙黎點餐同做碗。我點咗牛丸,貢丸,煙肉和魚皮餃,烏冬淋到一夾即斷,完全冇彈性,牛丸和貢丸都冇彈性,完全接受唔到。比錢時發覺要成50蚊,食完仲要唔飽(我食哂碗野),一句講哂差到爆!

一個人黎到食午餐，叫咗個酸辣粉。加左腐竹，金菇，芝士腸，要紅薯粉同bb辣。一上枱飲咗啖湯，唔係十分之酸，但充滿芫荽味同秘製湯底，同埋夠辣度。一啖紅薯粉一啖湯，食到停唔到口，配菜有比較索味，每樣配料都好夠味，好好味，最緊要係食完唔會覺得勁口渴，啫係唔係味精湯。另叫左個串燒雞翼，小辣。雞翼冇起骨，燒得有啲乾，唔係滑多汁雞肉，係乾但好惹味果種，外面沈滿辣粉同七味粉。好惹味。不過個人都係中意滑滑漲卜卜雞翼多啲。

After work go supper with wife,then Honey she told me that wanna try this bbq shop,as she is a big fans of szechun bbq,the front was closed,and we hv walk in from the back dr,around 30 seats,actually,the design was noon,but it doesn't matter if the food is good,we order a lot of item,chicken soft bone,ox-tongue,chicken kitney, fresh clam,eggplant.....etc(it was amazing good),all of item going very tasty(not only about season)it was the skill of the bbq,the guys got talent on it,and a little disa

今晚同班小同食完飯 想搵個地方再聚 就去咗哩間串燒店🍡🍢 朋友推介話魚麵幾好食😀不過我地本身就飽飽地 所以就主攻串燒小食菜單好簡單:📖📖📖📖我地嗌咗5罐可樂($8罐) 2支Apple Cider ($25支) 另外嗌咗一串雞軟骨 兩串豬頸肉 一串雞肉串 一串雞腎 兩份金菇肥牛卷 同一份燒茄子 一份四川啪青瓜 夾埋370蚊左右💰💰💲哩間開到一點半左右 都幾岩一班人夜聚👪👪另外老闆娘態度幾nice 抵讚👍👍👍

大大碗麻辣燙（$38）大大碗麻辣燙入面有魚蛋、豬皮、時菜（生菜）、魚皮餃、牛腩、蘿蔔、豬紅、墨魚丸，同埋麵類。揀左紅薯粉😋，碗麵睇落細細碗，但啲料真係好多，食極都食唔完！叫左中辣嚟食，但佢唔多辣同麻，啲麻辣味真係來去匆匆😑，刺激唔到我既味蕾！料方面，牛腩都幾香既，蘿蔔就老左少少，其他都算唔錯！味道方面中規中矩，但38蚊有咁大碗，真係幾抵食既。

我個人是比較愛吃辣東西，由其吃面真是無辣不歡...真是大叫過癮~~今次來到位於荃灣︰麻辣串串香其吃法跟車仔面相似，可自選配料，柯打後即叫即燙...辣度可分成 5 級，任你揀到最啱自己的口味。先柯打小吃︰拍青瓜喜歡吃辣會覺得剛剛好，青瓜夠入味又好爽脆...再來是︰麻辣八寶，一辣一唔辣 ^_^八寶包括蘿蔔、海帶、豬紅、滷水雞翼尖、響鈴卷、豬大腸、雲吞及金錢肚，好豐富呢!特別愛吃豬大腸、蘿蔔，味道都十分濃郁。還有自家製無糖羅漢果茶，健康有益。

今日本身想食麻辣燙,之前食過佢d蘿蔔又好食,湯底好香,但今次究竟做咩呀!!將蘿蔔變左做娃娃菜之外，面底都錯埋,唉。。。呢d我都忍。。。但個湯底真系離哂大舖!!!好似清水咁冇尼味道,加d鹽同味精都好吔，好似得水辣椒油咁,淡而無味,真系冇下次,對你好失望!