麻甩系(花甲粉)

營業中

休息中

荃灣不嬲都多小食同特色嘅食店，有啲真係好有新意，今次就見到有一間新餐廳，個名叫「麻甩系」，以為係主打川味野，好似水煮魚嗰啲，入到去原來係食花甲粉，見果名幾特別，又未食過花甲粉，就決定試一試！店舖既選擇好多，有花甲粉、炸物（例如炸饅頭，雞軟骨），街頭小食，炒粉麵（蒲燒鰻魚飯，肥牛炒烏冬），仲有糖水。粉絲同湯底會分開嘅，湯入面有豆卜，金菇。麻辣湯底幾惹味，又可以帶出海鮮味，粉絲湯底好夾！今次點了花甲粉配香茅豬扒和花雕雞扒，餐廳即叫即煮，夠新鮮。花雕雞扒炸左，都食到好香濃嘅花雕味，值得一試！另外點了咖喱牛筋腩飯，牛筋腩嘅份量都好多，牛腩好淋好入味。最後糖水點了綠豆沙，跟餐只係需要$8，性價比好高！糖水選擇多，凍熱都有！

冬天最啱就係食花甲粉熱辣辣又香又麻又好食知道荃灣新開左一間食花甲粉出名嘅餐廳一於買外賣試一試—————————世一花甲粉 $52揀咗中辣入面有娃娃菜豆卜金菇同幾十粒花甲粉絲份量非常多一個人真係未必食得晒因為用咗花甲所以湯底都特別甜麻甩系炒烏冬 $68味道幾惹味有海鮮又有雞鎚仔麻辣花雕雞配年糕 $45呢個組合真係第一次試雞扒再加上花雕味味道都唔錯鍾意年糕煙煙韌韌嘅口感炸魷魚鬚 $36如果即刻食 應該好好食味道都唔錯油菜 $16返到屋企都仲係保持翠綠色份量都唔錯再加上番薯糖水係綠豆沙糖水二百幾蚊又一餐

星期六日難得有me time要好好珍惜，下星期去到年尾又開始忙到癲，bookmark左呢間荃灣既麻甩系花甲粉，今晚一於揸車去買外賣先🌟世一花甲粉 ($52)湯底用上新鮮花甲、金菇同娃娃菜，加上自家製蒜蓉醬熬製而成，鮮味十足，一定要揀粉絲，吸收哂湯底既精華，值得一讚既係店主好細心地將粉絲同湯底分開，另外佢地既麻辣湯底都好值得試，唔會辣到食唔到，反而用一種較溫和既麻辣湯底帶出花甲既鮮味，下次再encore要試下佢地既麻辣湯底先🥰🌟麻甩魷魚鬚 ($36)小食我就揀左魷魚鬚，即叫即炸熱辣辣，上面加左少少椒鹽更覺惹味呀😋😋🌟街頭小食孖寶 ($22/10粒)呢個街頭小食孖寶都好出色，有豬肉燒賣、魚蛋各5粒，豬肉燒賣好好食👍🏻👍🏻👍🏻🌟冰凍木瓜雪耳 ($18)超足料既木瓜雪耳，滋潤養顏之選，而且甜度適中💯😌

今日同朋友嚟左荃灣搵食🥳🥳🥳嚟到享和街發現開左好多新食店☺️見到呢間花甲粉好吸引！一於嚟試下啦😝😝店舖環境以木色系為主題🍥幾有特色～～店員好好人～會介紹下有咩好食☺️我就叫左啲招牌花甲粉～好驚喜☺️整體都唔錯😌😌呢度除咗花甲粉😙仲有好多唔同嘅主食😝見到有飯/炒烏冬等等(◐‿◑)🍜世一花甲粉（腩肉）第一次食花甲粉，原來花甲粉即係花甲湯粉絲，個湯底濃郁、鮮味十足！仲可以加辣令風味昇華！腩肉食落油脂均勻、肉質鮮嫩！🤪🍥炸饅頭炸饅頭即叫即炸～炸到金黃色香噴噴～食落外脆內軟，有煉奶點綴味道一流！😝😝🍘金菇肥牛卷肥牛味道香口，金菇食落爽口🥧番薯糖水期間限定～最適合喺而家天冷嘅環境食～好多粒粒番薯🍠好足料之餘食落暖笠笠，甜度適中🤣🤣-

餐廳外觀大大隻字寫有「世一花甲」，當然唔可以錯過花甲。除左花甲粉，仲有多款小食炸物。全部食物即叫即煮，所以大約預計10分鐘左右。店內有高枱、門外亦有長凳，可以坐住等。蒜腩粉($49)，蒜香味超濃超重。餐廳貼心將腩肉及湯底分開，咁就唔怕影響腩肉口感。望見腩肉已經非常開胃。 蒜爆腩肉用厚切既方法，腩肉肉質結實，烤燒後腩肉油脂逼哂出黎，但食落口完全唔會覺得油膩。蒜香令賊肉更惹味。湯底有大量娃娃菜、金菇、豆卜、芽菜等，材料吸湯，而加配既花甲係哂底部，隻隻都大粒飽滿，新鮮鮮甜，冇沙，處理得好。如果想食多d花甲，加配2份就夠哂喉。鹽酥香雞($39)，冇諗過一份超多。外皮炸粉唔厚，亦唔會炸到好油。香脆既口感，而肉有汁，唔會好乾。一口放入口剛剛好，夠方便。整體，非常有誠意既花甲粉鋪頭，尤其湯底美味，邊食邊飲絕配。餐廳貼有圖片可以參考，同製作既食物幾乎冇疑。而且，經過鋪頭時，已經聞到陣陣香味。

經過鋪頭已經傳來陣陣麻辣蒜香味，以花甲粉及麻辣花雕雞做招牌，供應多款重口味小食、滋補糖水等。雖然店名有麻甩二字，但裝修都唔馬虎，貼住食物照片，又有五光十色嘅燈光影照。話明係招牌，一定要食世一花甲粉，配麻辣湯底，麵底揀粉絲。食物即叫即煮，熱辣辣。新鮮花甲每隻飽滿，完全冇沙。配料有大量金菇、娃娃菜、豆卜，全部用料都能夠吸盡湯底精華。而且粉絲另外分開放，唔怕浸得太耐。少辣唔會好嗆，辣度足夠，蒜蓉香配辣味絕配。望見湯底都唔係艶紅辣色。冬天食麻辣粉，夠暖。麻辣花雕雞，可以配年糕或者薯條。一打開蓋，呢個麻辣味比花甲粉濃烈好多。雞件面頭已經見到有花椒乾粒，另有香菜配搭。辣味滲入哂去雞件肉內，外至雞皮，內至咬雞骨，都食到花椒嘅辣味。後勁感覺到麻味，嘴唇會麻麻地。做到帶辣及帶麻嘅口感，唔係得死辣。而年糕片煙韌，原本年糕冇味，但配辣汁一齊食，完全夾。鍾意食辣嘅人，一定唔可以錯過鋪頭嘅辣味食物之選，唔食得辣嘅，可揀蒜或者其他食品。

麻甩系(花甲粉） (荃灣)荃灣享和街43號地下A1號舖我平時得閒鐘意睇OpenRice 食評，周圍揾下有乜想食，尤其係小店！ 今日特登出荃灣試下呢間花甲粉，店名叫麻甩系，都幾特別☺️想知點麻甩法😅😂😂喺荃灣廣場出咗無耐就去到享和街即呢間餐廳所在位置，途中經過幾間車房，所以如果你鐘意睇車用品，都可以順便黎幫襯下😎我叫咗世一花甲粉麻辣中辣 $52 加豆卜 $5鰻魚飯 $55加配糖水 $8 （腐竹蛋）世一花甲粉有幾款麵條可以揀，我地揀咗最傳統既粉絲😋 粉絲份量都幾多，係較硬身既粉絲黎既，有咬口，所以更飽肚。朋友鐘意食豆卜，所以加配咗😉鰻魚飯整得好日式，有酸薑和粟米！配埋鰻魚汁，撈飯一流！腐竹雞蛋糖水好有甜意，食落口有甜蜜蜜感覺！小店做既呢款糖水，雞蛋係打落果糖水度，岩哂鐘意食流質食物既老人和小朋友，而大人就可以睇得放心😉😉

荃灣外賣花甲粉【麻甩系 】世一花甲粉 ＄52麻辣蒜香 粉絲 中辣勁足料又大碗 有花甲、娃娃菜🥬金菇芽菜豆卜🟨蔥花芫茜🌿重會好貼心分咗湯 唔驚粉絲會浸到太淋變到一pat嘢 中辣都唔算太辣 蒜香味重過麻辣味 粉絲質感都好爽口 加湯汁嘅浸透 成個精華即刻濃縮 再搭配菜都好入味 正～狂惹炸魚蛋 （10粒）$22 勁多辣粉夠晒惹味！細細粒口感煙靭易入口～雞軟骨（2串）$20比較起嚟呢個就有啲單調因為無調味粉🤣冰凍腐竹蛋花 $18麻甩女子茶（桂花紅棗桂圓茶）$22麻甩系(花甲粉） (荃灣)荃灣享和街43號地下A1號舖

今日買外賣做晚餐，選定了一間外賣店，名字叫麻甩系，名字好趣緻裝修亦好特別！食物好多種類，小食 麵類 飯類 糖水 都有，非一般的外賣店初嚟報到就梗係要試下招牌菜, 世一花甲粉啦我叫左麻辣湯底, 米線+ 豆卜同香茅豬扒在加惹辣魚蛋沿路返屋企嘅時候已經聞到豬扒嘅陣陣飄香, 返到屋企已忍唔住先食小食😂 各樣食物都好有驚喜,辣妹至愛的狂惹辣魚蛋同麻辣米線, 湯底鮮味足料（冇添加味精喔） 好味到要開罐可樂嚟一齊嘆 用心經營的一間小店,會大力推薦比同事,以後放lunch 又多一個選擇了

There are many good restaurants in Tsuen Wan. However, we only want to eat some snacks. Therefore we choose MAA4LAT1GANG to have a try. We order pork siu mai, fried Soup Dumplings, Stir-fried Rice Cake with Pork and Kimchi, and Stir-fried Onion pork belly. All the food are made per order and need to wait for 15 mins. The siu mai is yummy. It is my first time trying fried Soup Dumplings, it is quite special. Both rice cake and pork belly have a strong flavor. Next time I want to try the signature

平時去荃灣廣場睇完戲都係出去隔離嗰條街食嘢，但係今日午飯時間見到好多人就諗住行遠啲，點知行去後一條街就見到呢間新開嘅麻甩系，一於試吓。見佢大大隻字寫住花甲粉，仲有唔同湯底選擇好似幾得意咁，自己就揀咗麻辣蒜香世一花甲粉絲($52)，泡菜豚肉炒年糕($45)同狂野辣薯條($28)。世一花甲粉絲：外賣粉絲同湯底會分開嘅，有豆卜，金菇，菜同十幾隻花甲。雖然叫咗麻辣，但係其實辣度打開可以再自己揀幾，小辣自己就覺得啱啱好，可以帶出海鮮嘅鮮味，湯底鮮甜配上金菇同豆卜啱啱索晒啲汁，正。我諗粉絲會同呢個湯底夾得好過米線。泡菜豚肉炒年糕：年糕係長方形嘅，同平時食開韓國一條條嘅有啲唔同，但同樣煙韌，而且唔會過辣，配合返香港人嘅口味。狂野辣薯條：本身想嗌啲魷魚鬚，但係覺得喺其他舖頭都食到，所以想試吓啲新嘢，朋友食得辣嘅，所以就嗌咗呢個。老闆仲話啲粉係自己調味嘅添。雖然我唔太食辣，但係食落去都OK，覺得啲粉可以再多少少，會再更加惹味，好似食緊熱浪咁樣，而家世界盃睇波一流。總結：喺同區應該搵唔到呢種花甲粉，都算係新嘢，而且湯底都幾好食，粉絲份量都好夠，可以再加多少少要其他肉類，咁就可以一餐啦。同場加映anson

荃灣最近開左一間新外賣小食店，位於荃灣既市中心，地點都算幾方便，以外賣為主星期五晚唔想煮飯就可以叫外賣！而且店主好熱情咁介紹唔同既食物！👍呢間小食店主打係花甲粉，荃灣都比較少地方可以食到花甲粉分別有4種味道選擇蒜香/麻辣/酸辣/香辣另外仲有唔同既炸物同埋街頭小食，糖水等品種都幾多樣化由於唔係好食得辣，所以就選左蒜香花甲粉內有花甲，娃娃菜，粉絲同金菇，估唔到都幾大碗，兩個人share就岩岩好，花甲好大隻，好鮮甜肥美，而且分量都幾多，湯都好清甜，如果蒜味再濃d就更加好！另外叫左個芝麻雞翼，雞翼外皮金黃酥脆，好香口，雞肉都好嫩滑！最後仲叫左個麻甩魷魚鬚，魷魚鬚好大條，真材實料，而粉漿唔會好厚岩岩好

比呢間裝修吸引以灰色外牆 黑色粗體字 招牌 寫住{麻甩系}左右兩邊牆身 寫住{世一花甲粉 麻辣香雕雞}店內掛住彩色波波燈仲有點餐櫃 貼左11塊唔同圖案既滑板老闆夠晒潮😆呢間餐廳主要係做外賣生意店內都有一張圓枱 方便食客企喺度食小食店外亦有兩張木櫈比客人坐低等候外賣既然寫得{世一花甲粉} 當然要試下佢哋嘅主打揀咗蒜香湯底既花甲粉絲 加左一款餸 黑椒馬蹄丸每碗花甲粉都有花甲 娃娃菜 豆卜 金菇 芽菜 芫茜 蔥店員好細心會主動問洗唔洗走任何配菜另外叫咗兩款小食 雞軟骨 蒜香LLT腩肉外賣返屋企途中都聞到外賣袋好香花甲湯粉絲同所有配菜都好夾 和諧既感覺份量多 好足料 花甲有8粒 最後連湯全清2粒黑椒馬蹄丸 唔算重黑椒味 馬蹄係碎粒雞軟骨 調味適中蒜香LLT腩肉 用左薄既腩肉片好惹味

荃灣又開始好多好嘢食，喺荃灣西附近，開咗一間專食花甲粉，上網睇個份量好似都唔錯，同埋味道好似好吸引，所以今晚兩個人特登過嚟買外賣返屋企試吓。間舖頭嘅裝修都好吸引，大大隻字寫住麻甩系，仲要每款食物都有張圖同埋價錢。叫咗個花甲粉，蒜香味唔太重，但係啲豆卜同埋啲粉吸滿晒佢湯底嘅味道，啲粉軟硬適中，每一條都彈牙。另外叫咗份芝麻雞翼，芝麻雞翼香辣可口，大小適中，咬落去入邊都仲有好多肉汁。個魷魚鬚勁吸引，$36呢個價錢真係唔貴，入邊計計埋埋有成六七條魷魚鬚，同樣炸起上嚟好香口。到最後食完炸嘢梗係要下下火，叫咗個腐竹蛋花糖水，又唔會太甜，同埋入邊有薏米粒，好味。因為外賣關係，拎返屋企嘅時候都已經唔太凍，特登放入雪櫃再雪一雪佢。

荃灣開左間專食花甲粉既舖頭，由細到大都冇試過，今晚經過想試下。不過舖頭得外賣，有堂食不過企位，所以買左返屋企食。舖頭外觀都幾得意，好潮😂😂同埋都多人食，同埋價錢都唔係貴。叫左個麻甩系炒飯，個炒飯底好多海鮮，上面有隻蛋同埋兩隻雞槌，雞槌有少少微辣，不過好惹味。同埋個炒飯好有鑊氣。之後個花甲粉係分開裝，咁樣唔會整到啲粉淋晒，我哋另外仲叫咗個肥牛，佢份量都唔少，因為我哋唔食啦，所以叫咗個蒜香，啲花甲好新鮮，成個湯底都好甜。最後叫咗個木瓜雪耳糖水，甜度適中，食完個花甲粉食返碗糖水啱啱好。