麻甩系(花甲粉)

營業中

休息中

最近我發掘咗一間好正嘅外賣店，佢叫做「麻甩系」，唔好睇佢係細細間，佢嘅食物真係好正啊！特別係佢嘅花甲粉同小食。首先嚟緊講下「世一花甲粉」啦🍜，呢碗花甲粉真係好正呀！個湯汁好清甜，花甲嘅鮮味加埋蒜蓉嘅香氣，真係一啖就咬唔停嘅感覺。粉絲口感好適中，唔會太軟都唔會太硬，真係一流啊！然後就係講返啲肉啦！「蒜爆腩肉飯」🧄🍚，好豐富嘅腩肉呀！條條都係蒜香味道濃郁，口感又滑又嫩，好入味，啖啖都想食。上面配返啲白飯同粟米，真係好滿足！「金菇肥牛卷」🍄🍱，佢嘅外皮好酥脆，肥牛又好嫩，有啲微甜嘅金菇好啱咬，口感真係好好。成盒嘅卷外觀色澤金黃，好吸引人食慾啊！最後，係「木瓜雪耳糖水」🥣，真係好清新嘅一碗糖水，木瓜味唔會太甜，夾埋啲雪耳嘅質感，啖一啖口感好唔同，真係好爽！經過荃灣一定要試下啊！佢都有兩張枱仔，可以堂食同外賣都可以，下次一定要試下佢哋嘅麻辣菜式先！

一個人唔想出街食，唯有揾下外賣返屋企解決，上黎見到荃灣有呢間花甲粉，其實聽都未聽過咩係花甲粉，所以好奇去睇下岩唔岩食，去到門口覺得呢間小店幾特別，同週圍既食店氣氛好唔同花甲粉係咩可能唔係個個都好清楚，但一黎到門口見到有詳細介紹，即刻明白晒裝修好特別，仲有好復古既風格黎到已經見到有唔少人買完坐低食，雖然小店無堂食，但唔介意企或者坐木椅就可以買完即刻開餐餐牌有主食，小食，糖水，湯，飲品，食物種類都算唔少揀左一個自選麻甩粉再加花雕雞扒同煎蛋，再加左個雞槌同木瓜雪耳糖水，一個人返去慢慢歎店舖內好乾淨企理，因為落單後先即整，等左大約10分鐘就拎得，落單時問左句雞槌會唔會好辣，老闆即刻話可以整唔辣真係要比讚湯底好鮮甜香濃好欣賞佢唔會好重口味好死鹹，配粉絲味道好夾煎蛋真係好驚喜，原本以為普普通通無特別蛋一隻，但煎到燶邊，蛋黃剛熟又咁香軟，真係好好食花雕雞扒都好正，花雕味好香濃，肉腌得好入味，雞肉又嫩又滑又入味食到唔停口成個粉真係好配得好好，湯底配粉絲係絕配雞槌好惹味，其實好欣賞店舖咁有心去做好食物，每件雞槌都會𠝹開，令到雞槌更入味，食既時候都方便啲最後飲埋個滋補木瓜雪耳糖水就無得彈，糖水唔會好甜，但

黎到荃灣想食宵夜就比佢個名&招牌吸引左見花甲系列最出名太肚餓啦叫左一碗花甲米線+一款小食+糖水三樣野加埋都唔使$100 超抵食🤩⭐️花甲米線揀咗蒜香湯底勁香勁正😋平時唔食辣只可揀清湯今次有蒜香選擇 勁開心好有誠意花甲至少有六粒以上超甜加埋米線都彈牙好食好滿意😊⭐️雞鎚本身擔心好熱氣但食落唔算好炸👍🏻外賣回家，仍然熱辣辣雞鎚惹味三隻分量剛剛好⭐️腐竹雞蛋糖水好友住家feel 唔會好甜夠足料好味🥳本身前邊有幾個人買驚要等好耐但老闆又好快手👍🏻整體覺得幾滿意CP值高😃地點又方便 近巴士站外賣包裝又細心🤩

主打招牌花甲粉嘅外賣店，另外仲有日式同中式類食物。因為當晚7:30花甲粉已賣晒，所以就暫時無緣食到，小店每張單都係即叫即煮，所以下單後需時20-35分鐘不等，個人覺得慢功總是會出細貨，而且食物係要夠熱先好食嘅！所以都係值得等待勁炒海鮮烏冬 $52幾欣賞呢款炒烏冬！有鑊氣喎！而且味道唔鹹，又唔太油，炒烏冬仲有d細細粒嘅蜆仔同細細條魷魚鬚，蜆仔bb無腥味，魷魚鬚有彈性照燒雞扒飯 $48炒飯底！都幾大盒！🍚炒得夠乾身，每粒珍珠米都炒得粒粒分明。 照燒雞扒都幾大塊🍗，醃得味道甜甜鹹鹹，肉質煎過都唔乾柴，亦唔韌*～**～**～*～**～**～*～**～**～*～**～💌地址：麻甩系(花甲粉） (荃灣)荃灣享和街43號地下A1號舖*～**～**～*～**～**～*～**～**～*～**～

食咗好飽嘅下午茶，到比較夜嘅時間先開始覺得肚餓，喺屋企附近行一行見到呢間餐廳非常吸睛，店面佈置好潮，食物又幾啱我口味就決定試下要左以下幾樣食物：麻辣花雕孖寶佢嘅孖寶就係豬肉燒賣同魚蛋，白魚蛋彈牙，個人鐘意白魚蛋多過炸魚蛋，所以覺得寧舍啱口味！豬肉燒賣比起魚肉燒賣個餡料會實在啲唔似食緊粉咁，最令人滿意嘅就係佢嘅麻辣醬汁唔會太辣但係有一定嘅辣勁而且都好香至於個世一花甲粉，最令我滿意嘅就係佢嘅湯底調味非常好味，香濃得嚟帶少少酸辣，特別作為宵夜真係好適合同開胃！而且佢哋嘅粉外賣會分湯，食落好qq彈牙，再吸收埋啲醬汁，配埋其他配料例如，豆卜，金菇，芽菜一齊食，味道豐富又惹味！當然佢嘅花甲就相當唔錯，食起嚟好嫩口同甜，唔會話因為浸係湯耐就老曬，仲要咬落去咁多隻都無一隻會有沙，真係要讚下！我哋再點多咗個糖水就係腐竹蛋花糖水，唔會太甜，好有豆香同埋蛋絲都好足，口感滑溜溜好夠香，食完辣野之後食返呢個糖水平衡下，超滿足！

香港買少見少既花甲粉！揀左蒜香味，撈埋花甲個湯超夾。叫左外賣返屋企食，一打開係勁香！湯扇有勁陰蒜粒，中意食蒜味既朋友一定會超中意，夾埋花甲好夾！仲要勁足料！有好多隻花甲。😍😍個湯底係好濃既花甲煲，再加金菇，草菇，芫荽，葱，豆卜！個豆卜吸收晒啲濃湯精神，好好食😋😋😋再叫左一個蒜辣腩粉😋中意食辣+蒜既人一定會覺得正！個腩肉係好似燒烤咁，面頭有好香既調味粉。腩肉唔鞋口唔硬，做到岩岩好，好似燒烤咁香口惹味！😋連湯都可以飲埋！食完唔口渴，冇味精！🤫🤫🤫份量好大份，一個人食一碗都好飽😋👍🏻再叫左一個小食-炸曼頭！炸曼頭真係買少見少啦！炸到熱辣辣脆卜卜，再溝練奶真係一流！✌🏻✌🏻

呢間麻甩系鋪面好潮，播住d rap pop歌，掛滿七彩燈泡，行過傳來陣陣香味，剛好諗緊要食乜，就望望😏蒲燒鰻魚飯 $55轉炒底 +$8邊行返屋企，邊嗅到陣陣香氣😄鰻魚飯炒底師傅係即order即整，等嘅時候已feel到鑊氣十足！一開盒，果然有驚喜！d炒飯底好正，香氣撲鼻，個飯用醬汁炒完，d飯粒索哂d汁之餘，都係粒粒分明，而且好惹味😙開頭見到d鰻魚細細粒，有d唔開心，殊不知啖啖都有鰻魚肉，仲有粟米粒、葱粒，呢個炒飯好得！強烈建議大家要轉炒飯😎將麻辣雞年糕加埋落炒飯一齊食，自製麻辣雞炒飯，非常美味😊麻辣花雕雞 年糕 $45花雕雞+麻辣配已經夠新穎，再加年糕底，好想試試咩冬冬😄呢個麻辣汁掂～麻香帶點辣，同年糕真係好夾，吸收哂麻辣汁嘅年糕，堅好食！下次要加底先得😜麻辣雞亦好得，啖啖肉，成個餸嘅麻辣汁最出色，喜歡麻辣嘅朋友一定要試。新野喎～甩野家溫泉蛋😂

麻甩系主要係做外賣，裝修好得意有好多彩色燈泡，位置近荃灣廣場，主力賣花甲粉但有唔少既小食同埋飯類第一次食花甲粉最簡單快捷就揀招牌花甲粉！入面有花甲、娃娃菜、芽菜、豆卜、金菇，湯底好濃蒜香味，清清地又可以飲下D湯。另外叫左韓式泡菜豚肉年糕夠辣同有唔少既豚肉不過我自己就覺得肥左少少但幾鐘意有爽口既椰菜，年糕似上海果款比較煙韌，雞鎚好香口夠味有少少似土匪雞翼既味

因為晏晝食得太飽晚餐想食得light少少 唔好太飽於是外賣買咗啲小食返去食之前經過呢間都想試下今日終於有機會試下店面裝修好有特色 用咗好多彩色燈泡仔但又有滑板 懷舊復古得嚟又有啲潮味 睇得出店家好畀心機去經營呢到主打外賣 有花甲粉亦都有好多街頭小食外賣嚟講 選擇都好多無論係港式魚蛋燒賣糖水 定係日式丼飯炒烏冬又或者炒花甲、芝麻雞翼等小食選擇超多 範圍超廣 你諗到諗唔到嘅都有決定買幾款小食同糖水返去食3件雞槌$25 可以揀辣或唔辣即叫即整 返到屋企都仲係好香好脆揀咗唔辣都好好食 雞肉外脆內嫩炸饅頭$20 又係勁香外面好酥脆加埋煉奶一齊食好正😋金菇肥牛卷$28有4件 好juicy扎扎實實嘅肥牛加一束金菇加埋好好食嘅sauce so good~冰糖木瓜雪耳糖水$18剛好未雪凍 係室溫 今日天氣又突然勁凍所以食起嚟就啱啱好👍🏻真材實料 勁多木瓜同雪耳冰糖甜度剛剛好 飲完好滋潤

🦪 世一花甲粉 $52招牌花甲粉！除了有新鮮唔腥的花甲，配料仲有娃娃菜、芽菜、豆卜、金菇，搭配自家制蒜蓉醬烚煮，仲可以加香蔥、芫荽。如果想自選麻甩粉或花甲粉加配料的話，有18款食材供選擇，每款 $5-$14不等。麵底、湯底、辣度，均可自選，我選了麻辣蒜香，小辣，配粉絲。麵底： 粉絲/ 米線/烏冬 (3選1)湯底 ： 蒜香/ 香辣蒜香/麻辣蒜香/酸辣 (4選1) 辣度 ： 小/中/大 (3選1)🍗 麻辣花雕雞飯 $50本身以為是麻辣味的花雕醉雞件，原來是濃郁入味的麻辣雞扒肉，花椒八角味香！飯粒用的是珍珠米飯 🍠 跟餐糖水 (原價$18，跟飯可 +$8加購)是晚糖水可選 ： 凍腐竹蛋花 / 熱夠薑黑糖蕃薯糖水夠薑黑糖蕃薯糖水，足料！蕃薯多，黑糖味、薑味夠濃而唔嗆辣！🍖 麻辣花雕牛肉球 (2粒) $12同雞扒一樣，用同一款濃香麻辣花雕醬，入味，花椒八角味香！_______________麻甩系(花甲粉） (荃灣)荃灣享和街43號地下A1號舖_______________

📍 麻甩系(花甲粉） (荃灣)荃灣享和街43號地下A1號舖📍（只供外賣）食後感：對上一次係東涌食完花甲粉，搵搵荃灣有冇，原來真係有間花甲粉係荃灣廣場附近。味道：世一花甲粉（麻辣）小辣（$52）：湯底似譚仔不過多左小小鮮甜味亦都冇咁咸，粉絲夠曬多，食落爽口彈口，我平時好小食粉絲，呢間粉絲軟硬煮得岩岩好，湯入面包左唔小蔬菜，😬✌🏻最鍾意有菜食。花甲都有八隻左右，粒粒冇沙鮮甜。金菇肥牛卷（$28/4件）：肥牛唔太肥，入口好juicy，金菇爽口新鮮，加上燒汁好惹味。冰凍腐竹蛋花糖水（18）：糖水好足料呀，平時出面多數都係煲腐竹雞蛋糖水，依度係蛋花🥰重有薏米添呀，增添不少口感。食到一滴渣都冇，yummy 🤤

有同事知道我鍾意食花甲粉，特登介紹呢間舖比我，今日放工順路就順便試試佢😛一黎到就比舖頭既裝飾吸引，點紅點綠既燈色令人一望就睇到。舖頭望落似係老闆一腳踢，所以我諗餐廳名應該形容佢自己🤣我一去到餐廳就即刻話要一碗「世一花甲粉」($52)老闆同我講得返最後一碗咋，因為唔夠花甲！我去個陣係夜晚7點半到，都唔算好夜，睇黎都好多人黎食佢既花甲粉👀建議大家想食花甲粉就要早啲黎丫。我揀左麻辣蒜香，粉絲，小辣，仲加左帆立貝同金菇。粉絲份量好多，佢仲會分湯上，唔怕「索」乾啲湯，花甲有8粒，大粒又鮮甜😋如果大家係比較食得辣，可以嗌勁啲，因為我平時食開小辣至中辣就覺得呢間唔算好辣，不過第一次食我就穩陣啲～但係嗌小辣都食到佢既麻香味😋另外我仲叫左「雞軟骨」（$20），有2串。炸得好香口，即嗌即炸，脆卜卜又香口🤤最後仲有「肥牛金菇卷」（$28）4件，肥牛既生熟度整得岩岩好，唔會老食落去好難咬，肥牛同金菇永遠都係絕配🤤提提大家，呢間餐廳淨係做外賣架咋～同埋我去個陣咁岩餐廳有少量Anson Lo既宣傳卡，各位神徒記得唔好錯過😆

花甲粉其實喺香港已經興咗一排啦之前一直都覺得點解荃灣會冇呢而家終於新開左一間小食店係專賣花甲粉餐廳主要係提供外賣 所以舖頭入邊剩係得一張小圓枱Menu就已經大大個牌擺咗喺門口最主打當然就係花甲粉但其實都有一啲小食同埋飯類而我今次就叫咗世一花甲粉 麻辣花雕雞配年糕豬肉燒賣腐竹蛋花糖水先講世一花甲粉佢個外賣兜設計係已經分湯嘅唔會話浸到啲粉淋晒而佢真材實料真係用花甲整嘅我試過幫襯其他店 佢係用普通嘅大蜆姐佢仲有啲豆卜金菇娃娃菜今次我揀嘅係香辣蒜香湯底中辣呢個辣度啱啱好 食到蒜蓉香味 又會有啲辣味咁配埋粉絲索晒個湯咁食 係好開胃 花甲係洗得好乾淨 完全冇泥嘅 鮮甜得黎又有浸酸辣味 我直頭飲埋個湯添豬肉燒賣佢都係配麻辣汁嘅 咬落去有豬肉味食完好有飽足感 佢麻辣花雕雞配年糕佢係一塊煎香左嘅雞扒雞皮仲會有少少脆口咬落依然keep住Juicy 唔鞋口年糕又煙韌 同個麻辣汁好夾腐竹蛋花糖水腐竹同蛋花都煲到好綿充滿濃郁豆香 每一口都夾雜著清香軟滑蛋絲口感幼滑細緻 味道清甜不膩最啱係咁乾嘅冬天潤下

荃灣多野食到數都數唔哂非正式統計，荃灣平均每日都有一間新嘅餐廳開一位地頭蟲住荃灣嘅同事推介我去今日食嘅花甲粉人氣超旺，最多早d 打電話去落order因為walk in 買，起碼要等10 幾分鐘因為老闆係一個一個咁煮，新鮮同慢功出細課地理超方便，係荃灣廣場對面食完飯，行完街，想買宵夜就啱哂麻甩系炒鳥冬 $68大大份，夠哂飽肚重口味，又足料又蛋又雞，仲有好多海鮮添麻辣花雕雞-年糕 $45花雕味就唔太多，不過都係夠辣同重口味仲有d 咬口嘅年糕，口感一流世一花甲粉（麻辣） $52真係世一又重口味又足料做到哂花甲粉要嘅野麻甩魷魚鬚 $36重口味，熱氣但人人都愛食菜 $18正常冰凍綠豆沙    &  夠薑蕃薯糖水又冰又熱正

荃灣不嬲都多小食同特色嘅食店，有啲真係好有新意，今次就見到有一間新餐廳，個名叫「麻甩系」，以為係主打川味野，好似水煮魚嗰啲，入到去原來係食花甲粉，見果名幾特別，又未食過花甲粉，就決定試一試！店舖既選擇好多，有花甲粉、炸物（例如炸饅頭，雞軟骨），街頭小食，炒粉麵（蒲燒鰻魚飯，肥牛炒烏冬），仲有糖水。粉絲同湯底會分開嘅，湯入面有豆卜，金菇。麻辣湯底幾惹味，又可以帶出海鮮味，粉絲湯底好夾！今次點了花甲粉配香茅豬扒和花雕雞扒，餐廳即叫即煮，夠新鮮。花雕雞扒炸左，都食到好香濃嘅花雕味，值得一試！另外點了咖喱牛筋腩飯，牛筋腩嘅份量都好多，牛腩好淋好入味。最後糖水點了綠豆沙，跟餐只係需要$8，性價比好高！糖水選擇多，凍熱都有！