麻吉灶咖

營業中

休息中

星期四晚海港城無乜人，walk in 有好多位新裝修，望落都幾別緻，職員招待好熱情，真係好似台灣人咁，後黎落單時講廣東話先知係香港人🤣因為兩個女仔，又唔太餓，又乜都想試，Menu上有個「麻吉三小碗」就集齊哂：迷你肉燥飯、迷你蚵仔麵線、墨汁鹽酥雞呢個組合同份量真係好岩我地想試哂又食唔哂嘅客人！個柯仔麵線無諗過有成6粒蠔，係咁細碗麵線黎講都算多喎！但就無台灣咁濃味、同埋唔夠爛 。肉燥飯都ok、墨汁鹽酥雞就無乜特別，係黑色版嘅鹽酥雞咁🤣 我覺得佢仲唔夠熱 。另外再點左個軟殼蟹蛋餅，個蛋就一般，無乜蛋味同太厚唔滑，但個組合係好食嘅，軟殼蟹配左生菜同啲沙律醬，好難唔好食🤣環境係幾舒服嘅，只係味道都仲係爭啲 。

今日下晝嚟咗尖沙咀海港城嗰邊行街，朋友就推介呢一間台灣嘅嘢食，下晝時間都幾多人食，我哋都要等咗一陣先有座位🙈 餐廳嘅座位幾舒服，唔會係太迫嘅格局，我就今日揀咗台灣嘅紅燒牛肉麵🙈紅燒牛肉麵嘅味道非常出色，牛腩嘅味道非常入味，而且非常林，入口就可以食得度，證明餐廳用忟嘅時間都做咗好耐，牛肉呢一個位非常出色，可惜佢入面嘅硬度有少少奇怪，有少少太淋嘅感覺，影響咗成個整體嘅發揮，餐廳喺個面仲有作出其他嘅配菜，例如蟲草花，都增加咗成個面嘅口感🙈

👌🏼招牌麻辣鴨血鍋 麻辣湯底頗濃郁，唔算好辣易入口，花椒味較淡。鴨血整得好軟滑又有煙煙韌韌嘅口感，質感令人滿意，份量都足夠。午餐配料單調d。如果晚餐就$198 ，加埋一啲肥牛、金菇等嘅配料。👌🏼藤椒牛肉撈麵：麵上面灑上大量嘅青花椒，賣相吸引。食落味道溫和，麻椒嘅味道唔算特別濃烈。我個人嘅口味會prefer再椒麻啲。牛肉係同紅燒牛肉湯麵一樣，唔算特別軟腍，有啲硬同纖維感。麵係刀削麵，冇咩特別。🤔 紅燒牛肉麵（半斤半肉）湯底：普普通通，唔夠濃郁唔夠香。冇咩特別。麵：呢個最值得讚！麵條質感脹卜卜，好彈牙。嗰種脹卜卜嘅質感未喺其他餐廳食過，覺得幾有新意幾特別，而且都好味。材料：牛肉如上述所講，口感較硬同有纖維感。牛筋都算腍，但又未算好入味，正正常常。環境：★★★☆☆ 味道 : ★★★☆☆ 推介度：★★★☆☆

訂咗枱，有朋友先到有朋友遲到，照俾你入場坐落枱。一入場話75分鐘用膳時間，我哋全部人理解。但係估唔到由第1分鐘坐落去就已經吹到你命都冇。一嚟就吹你落單，跟住就keep住問你係唔係齊人，其他人唔黎㗎啦。吹到我地仲以為要轉細枱，但原來又唔係。先到嘅朋友都順佢意已經落咗單先，後來嘅朋友都已經一坐落枱就已經加單，想快啲食完快啲走。但係估唔到佢呢75分鐘都係keep住吹，經常埋枱問你呢碟食完未，可唔可以收走。Literally每次傾兩句計就有人埋枱問你野打斷你。我哋其實去到一半時間未食飽想添嘢食，但係都已經唔敢再叫，預備好換過第二間再食過。但原來時間愈接近尾聲，吹得愈急。原來佢哋嘅75分鐘用膳時間係講緊75分Sharp 攞埋手袋起身走人。我哋起身嘅時候睇錶剛剛好75分鐘，但係我哋已經俾人吹埋單兩次，仲要好無禮貌，講嘢好倔擂槌，俾你覺得阻住佢做生意。呢間嘢多人排隊食我哋見到，我地都已經配合，但唔該個75分鐘都俾啲安寧既時間啲客人。麻煩同事訂位嘅時候就講明一般餐廳90分鐘，但佢地係75分鐘，唔人齊唔俾入。又或者係咁爆嘅話，搵間大啲既舖，唔使75分鐘咁慘。如果一早知75分鐘，朋友食飯聚餐唔會揀呢度。講

有日係K11 Art唔知食咩好，隨便入咗地鐵站口嘅台灣菜餐廳－麻吉灶咖，餐牌除咗地道台灣菜，仲有唔少fusion款式，走新派路線🥳Lunch time叫咗二人餐，$468包小食、蛋餅、鍋物、甜品、飲品，份量幾豐富，性價比唔錯🤑二人餐🌶️脆皮蘿蔔糕配辣味蒜香蛋黃醬表面煎得金黃香脆😙加上蒜香蛋黃醬微辣惹味。不過蘿蔔糕中間粉感較重，唔算好多蘿蔔絲，所以口感有少許黏。🍳三文魚明太子蛋餅西式嘅煙三文魚作為蛋餅餡料，感覺比較fusion。明太子醬好香。中間有啲生菜增添爽口清爽感覺😛😛🍲麻吉臭臭鍋（臭豆腐、豬大腸、貢丸、花枝丸、鴨血、娃娃菜、鵪春蛋、金針菇、炸枝竹、肥牛）香港好少地方食到好食嘅台式臭臭鍋，呢度就食到👏🏻鍋底嘅臭豆腐味好香，發酵嘅味道剛剛好👍🏻不會太淡或太嗆喉。配料好豐富，有好香嘅臭豆腐、鴨血等，肥牛份量好多，娃娃菜索滿湯汁好正😋😋🍨麻糬豆乳芒果雪糕原先以為白色底係椰汁，原來係好軟身軟糯嘅麻糬🤣帶幾香奶味。面頭鋪上豆乳粉同埋大量花生，口感幾好。另外仲有雲呢拿雪糕以及香甜芒果粒，係好啱夏天食嘅甜品🤪🍹鳳梨綠茶、香橙綠茶飲得出係果汁，唔係糖漿嘅清爽感覺😚人均消費：$240推介指數（10分為滿

約左朋友放工去尖沙咀行街同食晚飯，我話想食台灣菜，於是朋友就提議試下係k11既麻吉灶咖。我之前都未食過，過裝潢都好靚，地點又方便。可能六點幾都仲係早既關係完全唔使等位。我地兩個人叫左4樣野加一個甜品同一杯野飲，都係食左總共454元。🔸蚵仔麵線味道正常，唔會好咸，份量多。🔸香菇肉醬秋葵依個幾好食，同個肉醬幾夾。🔸大甲芋泥芝士肉鬆蛋餅唔會出錯既配搭，正常發揮。🔸夜市地瓜條地瓜條會配埋梅粉，甜得黎又有d酸，中和番個油膩感。🔸草莓沙冰芝士奶蓋依杯野飲必叫，個奶蓋好好味，草莓味一d都唔假，絕唔係香精味。🔸開心果雪糕麻薯開心果味道唔太濃，麻薯好軟冧，連埋其他配料一齊食口感豐富。

行完街見已經晚餐時間，間間餐廳坐滿食客，隨心走到一間台灣餐廳，幸運地不用等很長時間便有位，第一次試這間餐廳，感覺坐落舒適，闊落，食物份量恰當，不會太多，也不會太少。點了一碟刀削麵，味道好吃，軟硬適中，下次會再光顧。

入座/訂座時亦沒有告知有限時，但當坐了六十分鐘，就無端白事收走枱上未食完嘅嘢食同畀張單叫我地賣單。之後問返，佢啲同事先話限時75分鐘，第一佢無講畀我聽原來有限時，第二未到時限已經趕人走，仲有無問係咪食完就收嘢，以後一定唔會再幫襯。啲嘢食只係普通貨式，牛肉湯麵正常，但啲麵煮得太淋，湯底普通。黃金茄子唔算太油，鹵肉秋葵唔知點解啲秋葵係無晒啲黏液，但食得落囉。

帶位服務員服務非常好，食物質素滿意晚上繁忙時段很多客人等位。店員分別要照顧有訂枱及沒有訂枱的客人。當然有要求特別無理的客人。例如：沒有取票，不過企正在店員面，不斷問幾時到她。及後店員發現她竟然沒有取票。最初，我以為…因為那客人身形頗大，遮住店員跟其他等位客人的視線。店員行出店，行到「輪到有位」的客人身邊，招呼他們入座。最後輪到我一家。我跟店員有視線交流。不過店員仍然親身行到我哋身邊，招呼我哋入座。這個服務安排，感覺很殷勤。食物質表也不錯。老公係會員，換了一個生日優惠(芋圓），另外叫滿$300又送鹽酥雞。就算贈送的食物，份量及味道也相當好。可以再幫襯。

一班女友很久没有相聚，所以相約尖沙咀地鐵站，K11就方便大家👍一班女仕當然要試地道台式小食：流心芋泥球大甲芋泥芝士肉鬆蛋餅特製鹵肉酸菜刈包寧夏爆汁魷魚特製墨汁鹽酥雞刈包軟殼蟹芝辣醬刈包砂鍋三杯雞滷水大腸麵線麻吉蚵仔煎配海山醬麻糬豆乳芒果雪糕麻吉芋圓愛玉配自製黑糖汁紫米珍珠芋圓配自製椰汁總括台式甜品較出色👍

去到尖沙咀K11，見到新開有間台灣菜， 於是去試試。 一入到去，環境光猛闊落，職員帶位原來入面仲有一個corner 係另一款裝潢。望落都舒服，但就唔知點解有幾枱係特別逼，枱與枱之間根本行唔到人入去坐，要自己拉開坐入去再拉番埋張枱。本身裝潢得好好地既地方，但枱既安排令成個高品味格調破壞左。 終於安頓好就落單叫左： 麻吉蚵仔煎配海山醬 千層蘿白絲拉餅 台灣紅燒風味牛肉麵(半筋半肉 )麻吉蚵仔煎配海山醬味道不過不失，蛋包著蚵仔，同埋唔係平時用既葱，而係生菜係入面。醬汁好一般 千層蘿白絲拉餅性價比唔高。粉多蘿白絲少，當一個普通煎餅既質素 台灣紅燒風味牛肉麵(半筋半肉 ) 三個菜之中最好係呢個。牛肉淋身有咬口，比較欣賞麵質煙韌，湯都可以。 整體餐廳裝潢舒適，但枱既處理安排有待改善，食物一般。

又到咗Happy Friday嘅時候啦，放工同朋友仔去食飯啦，今次我地就揀左尖沙咀麻吉灶咖，位置真係超方便，尖沙咀站D3出口，K11 Art 門口就係啦。今次我哋3個女仔，叫左一個2人餐同一個主食已經好飽啦。麻辣鴨血超推薦！ 又香又麻，鴨血完全無腥味肉鬆芋泥蛋餅麻吉臭臭鍋裏面有真係，臭豆腐，豬大腸，豬肉片，娃娃菜等，味道就食平平無奇，不過不失。麻吉三小碗分別係鹽酥雞，蚵仔麵線同埋滷肉飯，但係蚵仔麵線就大失所望啦，蚵仔係有腥味，見面味道同感覺都完全同台灣唔同。

見到旁邊間牧羊少年人多先第一次過黎食點左大腸麵線同芝士多餅都還可以但最黎飲水個水杯見到佢水杯底原來無洗過基本上係癡住啡色嘅油漬比去其他枱嘅水杯明顯無洗過 超離譜無下次！！

位於尖沙咀K11嘅台灣菜🍴餐廳環境算闊落,裝潢行簡單休閒風食物味道ok不過又唔算好出色🙊但同朋友一齊依飯傾下計都係唔錯選擇~ 麻吉臭臭鍋🥘令人最期待嘅係臭臭鍋~睇落細細鍋,但原來都幾足料,有臭豆腐、肥牛、鴨血、豬大腸、丸類、鵪鶉蛋、菜同菇等等~我地叫左”小辣”🔥一上菜就聞到好香,麻麻地幾入味! 豆腐同鴨血都👍🏻👍🏻三文魚明太子蛋餅🫔蛋餅皮好薄身仲整到少少香脆,入面包住滿滿嘅三文魚,加埋蛋餅上嘅明太子醬~口感味道都幾豐富 麻吉蚵仔煎配海山醬🦪台灣菜又點少得蚵仔煎!! 味道質感都好有台式風味爆汁魷魚🦑大大條嘅燒魷魚,略嫌有d韌比較難咬

在同一個商場裏, 有三家風格和菜色類似食肆, 對食客和商場本身是不是一件好事? 特別是台灣菜的餐廳, 在風格變化不大的情況下, 如何去吸引也是一個問題, 對我和太太意見光顧這裏主要是因為不用等, 而且地點比較就腳. 吃的就是臭臭鍋, 台式粉麵及甜品, 但很明顯見到有些混合的風格. 例如是我吃的麻婆豆腐炸軟殼蟹撈麵, 將雜物直接放在濕醬上面, 很容易會令其軟化和減低酥脆度, 當然味道吃起來也是沒有什麼特別.太太點的臭臭鍋是有肥牛版本的, 接近$200的定價, 便宜與否見仁見智, 料多但份量不多, 而且食材也沒有什麼太大的特色, 臭豆腐符合香港人口味, 不會太臭, 湯頭有點麻辣, 就是這樣很普通的情情況, 沒有什麼好吸引的地方, 說是功能性的一餐, 也有點貴.