麵鮮醬油房周月 (啟德零售館2)

本來想去『碌鈴』，點知排晒隊，結果變咗揾食，一出嚟見到呢間～麵鮮醬油房周月，又「米豬蓮」，又拉麵，為食嘅我～唔係好肚餓都要試吓。叫咗～辣味噌拉麵，同埋～和牛拉麵。另外加咗碟～紫菜，呢碟紫菜有啲特別，係要加埋落碗湯麵一齊食至過癮好味。和牛拉麵（$143），價錢係有啲高，但由湯底，和牛，以至啲脆筍，都相當好水準，牛肉份量其實唔小，二塊大加二三塊小的，夠食有餘（總扺過上次二片雞肉），牛肉入口咬落去，牛嘅嫩度牛嘅油脂同牛味，雖然薄切，但到足以滿足到我，順帶一提，以前食日本拉麵都會經常有「筍」呢樣野，依家拉麵店真係小見咗好多。女友食呢個，辣味噌拉麵～入面燒果個日本黑豚肉，真心不錯，辣味噌湯夠味，唔夠辣，女友加埋啲辣椒粉～完滿。攞咗塊黑豚肉試，你哋睇吓幾有層次？！同埋都有相當厚度。紫菜幾得意，撈埋落麵食，真係又另一番口味。埋單三佰有找。回頭度～9/10真心好食，真係食得好開心，好耐未試過有咁嘅感覺，水準絶對對得住個價錢，期望佢哋保持水準之外，再多啲選擇！以上純粹個人食後分享，絶對沒有收受任何利益或優惠。對於本人所有嘅言辭，一律承擔所有責任。…查看更多

《山椒油 • 麵 🍜》係啟德店限定，之前一直冇試，而家正藉天氣炎熱，正好係食撈麵嘅好時機，所以一於試試佢。山椒可能對香港人較為陌生，不過如果你有關注開日本料理，不難知道山椒係日本普遍會採用嘅辛辣調料，例如食鰻魚飯多數會習慣加山椒粉提升風味。而山椒同香港人較熟悉嘅花椒味道雖接近，不過山椒會比較溫和清香，帶柑橘味, 而麻痹感亦冇咁重。《山椒油 • 麵 🍜》香味 (3/5)山椒味為主，冇乜其他香味可言，香味較單調調料 (4/5)周月最令人津津樂道嘅首推佢嘅秘製醬油。有左佢加持，加上生蛋中和左山椒同青蔥嘅辛辣感我認為相當好味，不過較為淡左少少。好彩，店家一早有所準備，只要點呢款麵，店員會另外比一樽醬油，正好可以為呢款撈麵加味。醬油嘅豆味非常香濃，而且好夠鹹，加埋醋，令個調料嘅味道提升左一個層次。麵條 (5/5)同沾麵同一款麵，煙韌有彈性，麵味強，好食！配料 (3/5)配嘅叉燒粒都係切頭切尾d位，偏硬。蔥同芽菜配埋個醬同個麵一齊食，增加口感，效果不錯。完食冇難度！整體 - 值得推薦 👍👍👍👍…查看更多

麵鮮醬油房 周月 係全港榮獲 《米芝蓮指南香港 澳門》推介之沾麵專門店💫當中自家製麵同埋醬油湯底相當出色😋✨和牛壽喜燒沾麵點選左涼麵100g💯壽喜燒湯底甜而濃郁😍和牛份量適中💫油脂分布相當平均，入口即溶100g份量剛剛好 可以食埋其他小食✨兒童餐蕃茄炸雞湯麵🍜蕃茄湯底酸酸甜甜 食落好開胃炸雞外脆內嫩😋周月餃子🥟 -食落卜卜脆 令人回味Tropicana 蘋果汁🧃好解膩✨蟹肉沙律切片嘅青瓜🥒加上滿滿嘅蟹肉蟹籽層次感十足 ✨飲品蘋果梳打 非常解膩…查看更多

啟德零售館有好多嘢玩、好多餐廳，我哋都經常帶女兒嚟玩～上星期日嚟啟德玩完後，肚餓了，見到呢間米芝蓮推介嘅拉麵店，我哋都試吓先！呢度除咗有多款拉麵，原來沾麵都好出名！我哋叫咗沾麵拉麵各一款、一款小食，仲有兒童餐添！啱晒女兒食呀😋.燒黑豚拉麵 —拉麵幼身唔硬，軟硬度啱啱好湯底有雞湯、帆立貝油、魚介粉及周月特制醬油，好香濃，滿滿香蔥味，唔錯黑豚肉燒得幾香！邊邊位有焦香，油脂分泌平均，肉質嫩滑配料有半隻溏心蛋、荀。兩者都幾甜，我覺得幾好食.和牛壽喜燒沾麵 —呢款沾麵味道好特別！第一次見壽喜燒配沾麵，但又幾夾幾好食👍🏻湯底有木魚昆布醬汁、帆立貝油、魚介粉、木魚湯，湯底甜甜哋又好飲A5和牛好嫩滑！充滿油脂香，好食沾麵麵條好彈牙，都做到掛汁效果配料有溏心蛋，好滑好甜.兒童餐 —有麵/飯 + 小食 + 果汁，好豐富呀！晴晴叫了鹽味叉燒拉麵、日本甜薯及蘋果汁。拉麵幼滑，湯底唔會太濃太油，啱晒小朋友食叉燒有焦香，肉質嫩滑麵底份量都唔少日本甜薯真係好甜好好食！.周月餃子 —餃子皮薄，煎得好脆！做到外脆內軟餡料有菜同肉，味道唔錯👍🏻…查看更多

前幾日去開啟德玩原來啟德零售館2開咗一間「麵鮮醬油房 周月」在過去數年全港唯一榮獲《米芝蓮指南香港 澳門》推介之沾麵專門店😍自家製麵同醬油湯底相當出名我哋叫咗拉麵沾麵餃子🥟甜薯小食都覺得好好味✨和牛壽喜燒沾麵$143可選擇涼麵或熱麵，麵量可自行選擇100g-300g價錢都係一樣相當抵食😋A5和牛肉質柔嫩，沾麵彈牙有勁，和牛和沾麵一齊食甜中帶鹹，多重口感食完仲可以免費添加經六小時熬製的清雞湯，香濃雞味✨和牛拉麵$143拉麵麵條細緻有咬口，濃郁雞湯湯底，大塊A5和牛，肉質鮮嫩，油脂分布均勻✨兒童餐$72相當抵食，有拉麵、小食同飲品細佬食咗鹽味叉燒拉麵和周月餃子🥟 鹽味鮮甜湯頭，叉燒肉質軟嫩，帶有微微的焦香，相當惹味✨ 周月餃子$46外皮薄透，內餡豐滿，口感鮮嫩多汁✨日本甜薯$22自家製關東煮日本甜薯，外皮柔軟，內裡綿密，勁濃番薯味，非常香甜…查看更多

岩岩既周末我地試左一間人氣沾麵店🌟麵鮮醬油房周月🍜呢間係黎自日本愛媛縣既拉麵店，除左係日本，佢係英國、美國、香港等地都有分店。而香港仲有3️⃣間分店添，分別係中環、鰂魚涌同埋啟德。「周月」仲係全港唯一連續12年榮獲米芝蓮指南推介既沾麵專門店添🤩餐廳門口望入去就見到有一部大機器係到，原來果部就係佢地特別從日本訂購返黎既製麵機，為左確保麵條每日係香港新鮮製造❤️燒黑豚沾麵🍜好欣賞呢到有好多野比顧客選擇，包括麵量可選100/200/300g (圖為200g正常份量)，麵底可選涼麵/熱麵，汁可選濃/淡，最後仲有得揀少油添！今次媽媽揀左淡味汁同少油，好適合媽媽既口味。呢到既沾麵麵質煙韌有彈性，汁無出面d汁咁愈食愈鹹既感覺，而且仲有濃郁既鮮味同鹹香。和牛拉麵🍜和牛肉質嫩滑，拉麵麵質彈性足夠，湯底濃郁鮮甜，能夠帶出和牛既鮮味🐄兒童餐🍜拉麵、小食同飲品都可以揀小朋友自己鍾意食既口味，今次我地就揀左鹽味叉燒拉麵配周月餃子，兩兄弟清晒成個餐，見到佢兩個都食得津津有味，就係對味道最好既肯定👍🏻呢餐我地全家都好滿意，食得好滿足😋另外值得一提既係，由於我地溴住兩兄弟有時手忙腳亂，店員都好nice，會主動提出協助，真係好加分💯非常推薦大家下次去啟德都去試下🤩…查看更多

🍽️ 周月麵鮮醬油房今日一家人去咗【周月麵鮮醬油房】享受一頓日式拉麵，餐廳環境日系簡約，氣氛溫馨，啱晒家庭聚餐。我哋揀左：👶 兒童餐 $72-鹽味义燒拉麵 ：湯底清爽，叉燒軟嫩，唔會太鹹，啱晒小朋友口味-配小食炸野菜魚餅：外脆內嫩，蔬菜香氣同魚味融合得好好-Q○○桃汁：果味香甜，家姐飲得好開心🍅 蕃茄炸雞湯麵 $72-湯底酸甜開胃，炸雞外脆內多汁，配埋小食周月餃子（2粒），香口又飽肚-Q○○白提子汁：清新解膩，配炸物一流，妹妹好鍾意🥩 和牛壽喜燒沾麵（熱面300克）$143-壽喜燒湯底甜香濃郁，和牛油脂分佈均勻，入口即化-麵條煙韌，份量十足，食完超滿足（食完仲有碗雞湯飲，有中和壽喜燒湯底既鹹味，絕配👍🏻👍🏻）🍜 周月拉麵（濃湯）$116-招牌湯底由沙丁魚、鯖魚、昆布熬製，味道層次豐富-麵條掛湯力強，食完回味無窮🍢 關東煮五點盛 $82- 包括蘿蔔、紫薯、竹輪及帶子等，吸晒湯汁精華，暖心又滋味🥤 飲品-汽水（可樂）$20 ：經典搭配，食完重口味拉麵嚟杯可樂，爽！周月一向以自家製麵同醬油湯底見稱，今次試咗咁多款，無論係拉麵、沾麵定小食都保持高水準。特別推介和牛壽喜燒沾麵同蕃茄炸雞湯麵，味道有驚喜，份量又足。…查看更多

琴日係附近玩完搵野食～見到哩個「兒童餐」比佢吸引咗就近近地入左去食🥰估唔到有驚喜💕仔仔竟然食得晒成個「兒童餐」真係無揀錯！個蕃茄湯底夠晒味～真係食到舔舔脷，配左個炸餃兩隻都唔夠食😍本身想再叫多碟～原來炸餃係兒童餐限定先有，無得單點🥲媽媽揀左個黑豚沾麵試下～正常份量200g都好多！多肉又多麵～麵好彈牙大滿足🥰🥰 除左美食連個環境都一樣咁掂！職員亦有細心介紹涼都同熱麵嘅分別～服務相當好～咁啱當日唔算多人好快已經安排入座，有機會會再去食…查看更多

好開心周月喺九龍區開分店（終於唔駛過海）[芫茜控必試]期間限定嘅芫茜豚肉拉麵，預設湯底比平時食開嘅款式較清（少油）加埋滿滿嘅芫茜，口感唔錯（只係拉麵無硬/淋 同埋 無濃湯/淡湯選擇）平時嘅主打每次食都有質素，香蔥濃湯拉麵，辣豚沾麵，餃子都係必嗌嘅食物啟德舖環境闊落光猛D，中環/鰂魚涌/無咗嘅銅鑼灣舖燈光較暗，坐位迫D但好有日本格局，主觀嚟講環境會鍾意舊舖多D💪🏿希望Keep住水準（食咗超過十年周月因為期間限定所以先comment）…查看更多

之前有食過中環嗰間都多人排隊，不過啟德呢一間就唔算好多人排～只係等咗一陣就入得去😚今次嗌咗兩款沾麵，分別係味噌同周月沾麵💕味噌沾麵（$116）：味噌真係好適合一啲重口味人士，因為佢湯汁係極重口味，鹹香味十足～黑豚肉好香口，焦香誘人🥰呢款湯底有多啲配菜，勁多芽菜同埋荀😋周月沾麵（$116）：個人都幾鍾意呢個湯底，醬油味濃郁，仲有魚嘅鹹香味，有少少酸味幾好食😍但不得不說佢嘅湯汁真係好油，油到有層油隔起左🤣呢度有得自己選擇麵量，300g真係好多，不過男士係充分可以食得晒😆而且麵質真係彈牙好食！差唔多食晒，其實可以叫店員加返啲雞湯品嚐下個湯底，不過我今次就冇加～大家有機會下次可以試吓😎…查看更多

過咗去啟德體育園行吓，行到餓想搵嘢食，見未去過呢間《麵鮮醬油房 周月》食過佢哋嘅拉麵/沾麵，就走去試吓。 知道呢間店係米芝蓮推介嘅沾麵專門店，所以都會有少少期望。個餐牌本身幾大個，揭起睇時真會有點唔方便 。 食物唔算有太多選擇，原本打算嚟試吓呢度嘅沾麵， 最後都係叫咗兩碗湯拉麵。 蕃茄湯麵 (粗麺)，另一碗周月拉麵，兩碗麵送到面前，聞起來非常之香。《周月拉麵》- 用上自家特製醬油雞湯底，飲落醬油湯底味道相當鮮味，味道亦唔會過鹹，飲咗一啖會想繼續飲落去。配幼身麵條，麵條食落就較為普通，唔算特別出色。黑豚肉燒得香口 ，但咬落就過硬。 《蕃茄湯麵》湯底茄味唔算濃郁，但整體來講湯底仍算美味 。配粗身麺條，粗麵質感算較為煙韌彈牙。 呢度拉麵嘅價錢算中等，但水準較我預期中普通，但下次有機會都會再來試吓佢哋嘅沾麵。…查看更多

行入啟德零售館四樓，撞正米芝蓮11年加持嘅「周月」新分店🎏標榜每日用日本麵粉+自家製麵機新鮮打麵🍜湯底係用特別調製嘅醬油混合埋沙丁魚、鯖花魚、海帶等材料熬足6-8個鐘，一滴味精都冇🤤【周月沾麵🍜】拉麵同湯底分開上，食嘅時候將拉麵逐少浸落湯入面，好有儀式感！揀左 濃湯底  麵好彈牙掛湯能力一流👍配菜有流心溏心蛋🥚、豚肉🥩、脆筍同芽菜，口感豐富到震～不過湯底對我來講真係偏鹹同油，重口味人士可能會愛，淡口嘅朋友建議加少少清湯稀釋...🤔【燒黑豚沾麵🍜】絕對係招牌周月沾面嘅加肉升級版💥三大塊厚切嘅炙烤五花豚肉🐷油脂香超誘人，入口即化又唔膩不過因為湯底本身已經好濃郁再加埋燒肉嘅油香，成碗麵嘅味道變得更厚重…查看更多

今日繼續喺啟德搵食，聽聞依家沾麵唔錯，就同小朋友一齊黎試吓先～我點咗佢哋嘅招牌麵 周月沾麵(200g) (涼麵)～小朋友就叫 兒童餐，鹽味拉麵 配餃子先試少少個兒童餐，嘅鹽味拉麵，ok嘅，但餃子就普通過普通⋯⋯⋯到沾麵上檯，先試吓個湯先，望落去好似比較油潤，飲啖有豬香，再試個麵夾埋件肥肥地嘅肉，油香肉香，讚。食畢問店員加個雞湯，再一飲而盡～讚～總括嚟講，沾麵好食，個兒童餐就差DDDD會再去食多次嘅，希望keep到戴返頭盔先，我覺得好唔好食≠你覺得好唔好食，好唔好食因人而異。…查看更多

《麵鮮醬油房周月》蕃茄🍅湯麵🍜＋炸雞🐓＋蟹肉🦀沙律🥗📍九龍城啟德承啟道38-39號啟德體育園啟德零售館2 3樓 M2-316號舖如果你係日式拉麵愛好者，又緊貼巿場資訊嘅話，應該知道今年三月頭《周月》啟德店出左「食品安全疑慮事件」，佢亦响某媒體嘅專頁上致歉及告知會即時改善。就算好似我住得近，又鍾意食都好，都選擇性地避一避。今日一家四口再幫襯，我刻意有留意吓”意外現場”，咁啱又遇到職員整麵，一於八一八。發覺店家之前話會改善，並唔係講完就算，之前出事條渠已經封左，部製麵機比之前更靠近玻璃，職員整麵時亦面向外，此舉會令人更安心。店家嘅誠意，唔知人地點諗，我就收到晒，比個 LIKE 👍🏼!不過以麵論麵，衛生好係基本，更重要嘅係d麵要好食。今次我刻意試一款「啟德限定」，《蕃茄🍅湯麵🍜》，以下係食評：香味 (3.5/5)濃濃嘅蕃茄味，青蔥同洋蔥🧅味，同底湯嘅香味，都幾香。湯 (3.5/5)蕃茄味食落並冇聞落咁濃郁，都過都算夠，估計都有茄汁同茄膏嘅存在不過唔多。除左蕃茄味之外，主要就係周月嘅招牌雞骨底湯嘅味。點呢款麵之前，本身有少少擔心佢會唔會蕃茄撞醬油，好彩就冇，醬油存在感接近零，我估計呢款湯係蕃茄＋塩湯底。質感方便，佢算比較濃稠，所以近乎食每一啖麵都掛到足夠嘅湯。麵條 (5/5)呢款蕃茄麵標明係用粗麵，如果冇錯應該係沾麵隻麵。中太麵至太麵之間，麥味夠，韌性夠，又夠滑，加上完全冇鹼水味，一啖食落去，飽滿感非常足。加上佢自加製麵，比滿分係合理。配料 (5/5)豬叉燒，夠厚切，夠軟熟，唔會乾唔會柴，燒得又夠晒香，又係滿分。溏心蛋就正常發揮，味道偏濃，稍稍甜左少少。因為佢跟左勁多青蔥同洋蔥，令整個用餐體驗更清新。佢嘅量足夠每一啖麵都會食到青蔥同洋蔥，同蕃茄粹撞埋一齊，合體感齊晒。另外，有叫炸雞🍗。比起中環店，我更鍾意啟德店嘅炸雞，因為中環店嘅炸雞比較偏油膩同鹹。呢道就反之，比較清爽同清淡。蟹肉🦀沙律🥗，一路食麵一路食佢，有解膩嘅作用，幾夾。整體 - 值得推薦 👍👍👍👍有兩點我之前唔滿意，今日赫然改善左，上文都有提及：一，叉燒冇之前咁乾咁柴，厚切左同Juicy左，好食左好多。二，麵條嘅鹼水味明顯地少左好多，甚至乎可以話冇，又係好食左好多 。雖然我心目中，中環店還是優勝些些，不過見呢間新店各方面都有改善，睇黎要食都係未駛過返海住。…查看更多

最近去啟德新開的周月店，特地放工過去，但真心有點失望。麵質較淋，吃起來沒什麼口感，湯底的味道也不夠濃，總之跟中環店比起來，差得遠了。中環那邊的麵條彈牙，湯底又香又濃，根本是無法比的。看來以後想吃周月，我還是只會去中環店吧！希望他們能改善，否則真的難以留住客人。👎👎👎…查看更多