麵留香

營業中

休息中

叫左好簡單既雞扒薯條等足三個字都未有，一黎就黎錯左豬扒，原來將雞扒俾錯左其他人，個呀叔仲同我講一係要豬扒 唔係要等好耐喎！ 我未答佢已經收番個餐掉頭走左！等多四個字先黎岩，點知薯條係放左幾個字，凍晒！點食？太差！另外叫左個西多，林到死！出面士但一間都好食過佢！太差！太差！大家最好唔好去！

今日係太子上堂！ 同同學仔去左附近食粉麵。 平時經過都見到好多人！ 我叫左碗魚多片頭河！ 第一次食片頭！ 原來係咁嘅樣😆 好岩我口味呀！ 其他同學仔叫左牛腩米粉！ 牛腩睇個樣都好出色！ 下次要試下！ 除左粉麵！ 仲有午餐常餐食！ 難怪甘受歡迎！ 門面大， 又多位！ 好岩一班人入去食！ 咩都有得食！ lunch 時間好多人，但伙記服務唔差wo！ 有個同學一路食一路讚， 最後仲買左片頭返屋企煮俾屋企人食😂 雖然我都有衝動買， 但落左堂約左人， 無計

收銀態度極差，埋單多番刁難， 自己嘟錯機，又話夥記開咗單， 搞一大輪，明明就是自己做錯嘢， 全程聲大夾惡，黑面。 張單三十一蚊，不肯收两個五毫，找番一大堆散銀！今時今日，這樣的服務，真係令店家蒙羞，倒米！

星期六中午時分喺太子附近搵食，一定會諗起面留香，快靚正，不過最擔心係店員嘅服務態度。呢度嘅強項係打孖兩間鋪都係佢，左邊有茶餐廳，右邊有麵檔，中間有個窗口互相食到隔離嘅嘢，所謂唔憂做。室內搵位唔易，兩個人要坐四人枱一邊，食客流量確實好大，對面兩位吃完牛腩飯魚蛋粉好快就埋單。我自己叫咗個廈門炆米，酸酸地好有鑊氣，可惜午餐例湯水準一般。奶茶最抵讚，冇落糖，茶濃奶香，香港唔多茶記可以做到。但仍好肚餓，老公食完個魚蛋粉也未夠喉，我哋再叫多個牛肚河。麵留香出名魚蛋，魚片及頭頭，水準依然; 牛肚(腩汁)食河粉最夾。早餐好抵食，撈麵也值得一試。豬嘜嘅常餐同特餐呢度都有。

我都知道 現今社會租金昂貴 但係叫一碟油菜只有四條 實際係兩條切開一半 咁樣嚟欺騙顧客是否有啲過份 跟住同店員反映 回覆係係咁㗎啦 態度衰到爆不知所謂 呢啲咁嘅店 請都唔好再去 另外所謂的招牌魚蛋魚片 更加不外如是 魚蛋一咬落口 已經鬆散 都唔知溝咗啲什麼 魚肉落去 牛丸又係一陣怪味 咁嘅水準真係唔知點解會可以生存到。 夜晚都已經冇乜客人 六一碗魚蛋粉都竟然可以溜單 班夥記淨係掛住響度望住個電視機 見到你都擰開塊面望住個電視 我真係想叫佢不如你坐低慢慢睇啦我自己寫單好唔好…… 一句到尾 食物差環境差服務差

衰到爆，牛筋un到食唔到，有朋友食齋話想同將腩肉同碗粉分開上，點知條友串串貢話，唔得喎，老細唔準喎，叫撈麵啦，或者剩送先得，我問點解唔得呢？唔係好難既要求咋?佢話無得解。唔係多朋友係度，會即刻起身走人。一句到尾無下次!

每次行花墟，行完都會想起魚蛋粉。今次也不例外，因為今日係假期所以特別迫人。迫其實冇所謂，因為要食好味的東西。叫了牛肚河，牛肚不究淋、另一碗牛腩魚片頭河，唔知點解，片頭同之前有好大分別，很難食，牛腩太痩又嚡口。我唔係挑剔，但係只想講真的不會有下次了！

呢間麵留香既小食真係吾錯,坐落喺花園街近太子既兩個鋪位,係一間細細既粉麵檔.入面如同一般茶餐廳冇異, 我坐低叫左細碟炸魚皮同魚片頭河炸魚皮十分香口鬆脆,而且比較大塊,由於魚片落既香料比較多同重口味點, 所以配合側邊用葱花吊味既湯,好味!魚片頭河,首先湯底都好夠魚味,河粉比較厚身,所以口感啖啖粉,而四粒魚片頭入面好夠魚肉味,出面塊皮喺事前炸得剛剛好,另到魚片頭浸落魚湯時吾會話發到太大或太細,好味

今晚放工去到太子行落花園街搵食， 嚟親呢條街多數都係食大豐翠苑， 但今次想食粉， 所以去左麵留香。但入到去見到D 小菜套餐平均$45-50 左右一個， 仲要跟飯、例湯、飲品， 以宜家嚟講真係好抵！咁就唔食粉轉食小菜， 我地2個人叫左2個小菜套餐；1. XO 醬翠玉瓜炒豬頸肉呢個餸等左5分鐘左右就到， 個樣都OK, 份量都算大碟， XO 醬唔夠濃味， D 豬頸肉太多食粉，感覺漿漿地， 但都可以接受。2. 咸旦蒸肉餅呢味餸等左20分鐘左右， 來到見到 D 肉白雪雪， 冇乜色水，一睇就知冇奄製過。 面頭個咸旦王好大顏色好靚。先試肉餅好鮮味， 真係完全冇奄過， 再試咸旦王， 一個字㊣。(*由於我食到個肉餅， 先覺得一定要寫個食評， 所以D 餸差唔多食完先影低。) 就係因為咸旦蒸肉餅呢個餸， 令我地選食晚餐小菜又有一個新食點！

今天來此食午飯，是因為下午要去上學，便找間較多人前往的店來食午飯。來了這裏較多人食的一間麵店，味道又不錯呀!******************************這份麵餐要了杯凍檸茶便為HKD30，凍飲要加HKD3，再配一份炸魚皮要HKD6，以HKD39食碗麵餐真的有點貴。凍檸檬茶的茶味過濃有點苦澀，甜度就適中了，或許他們想用多凍可以把茶味變淡，但其實是沒用的，因為那茶的苦澀味還在。來了一份加錢的炸魚皮。因為炸魚皮做得好食是要炸得脆口，皮又不會很厚。這裏的魚皮皮厚又不脆，可以用硬來形容，但當放入湯時又會腍一些，味道不咸但又不香口，整體來講也是一般，因為我愛食那些薄脆香口的魚皮。要了牛腩粗麵，牛腩炆得入味夠腍，牛腩肉也不會太肥，腩汁少了點但整體味道也不錯。為何會如此多人來食，那只是因為茶餐廳所提供的食物款色多，不是因為麵好食而來。粗麵煮得不會太硬又不會腍，麵底也是較少份量，男仕們真的未必夠食。

諗緊喺太子食咩之際行到嚟花園街其中一段有好多餐廳食肆嘅地方, 有D有好多人等位, 有D就一個人都冇.....最後揀左呢間麵店, 因為我鍾意食魚片頭~ 餐廳嘅姐姐見客人一入門口就SELL佢哋嘅餐, 但佢講左好耐我都聽唔明, 所以我都係睇餐牌好D, 叫左一個魚片頭米線, 加$6有碟通菜~ 姐姐仲叫我嗌多碟炸魚皮, 不過因為熱氣冇叫到....等左一陣間碗米線就嚟, 一共有四塊魚片頭, 而且塊塊都有1.5CM咁厚, 一D都唔似寒酸, 而且好爽口, 個湯好清, 唔係好覺有味精, D菜亦唔覺得好老或者韌~餐廳播住 Kenny G 嘅音樂, 好有情調咁~~~ 而且牆度掛左周潤發同蔡瀾嘅相, 真係估佢唔到......

麵留香，以炸魚片頭聞名，自開業早期已經是他們捧場客，尤記得開業不算太久，已經人龍驚現，現在繁忙時間去到幾乎都要輪侯，人氣極高的炸魚皮，旺市時晚上六七點已經售罄，想食又撲空。這天午時在附近，就過去光顧，當然要吃招牌魚片頭，還是叫我最喜歡的片頭河多青多蒜，未食已經香味誘人。魚片頭大大件十分飽滿，入口彈牙，具魚味又香爽，吃完四大件會令人掙扎想加單，連飲品才33元，完全超值，當然，飲品質素就很普通了。炸魚皮分大小兩種，這碟是小的，六元，一人吃剛好，炸得香酥脆口，而且具魚味，吃得過癮，有時吃完還會多買一份回家伴酒，癮之極！麵留香的東西都不花巧亦非什麼引人注目的東西，但簡單又好吃，名氣雖然不算響亮，但人氣和出品貨真價實，令人再三回味。

看過食評說這間魚片頭很不錯，有些慕名而來，所以就趁著來花墟賞花、買花，就順道過來麵留香吃碗魚片頭河。看不出原來也不少客，要「搭枱」。本來只打算吃碗河粉的，但見這裡有供應粉麵套餐，任何粉麵，配油菜或茶啡，才賣$25，所以倒不如要套餐，多飲一杯咖啡吧！魚片頭河，湯頭清甜不俗，河粉幼細而柔滑。輪到主角出場，一共4粒大大粒的魚片頭，外層甘香，很有魚味，水準很不錯。而咖啡，看它茶杯是捷榮嘜頭，相信是捷榮貨色，算得上本土品牌，味道香濃！

六月二十八日 (星期二)是日七時許就可放工對於我們來說已很滿足有點早,決定又去太子旺角逛逛金魚街花園街雲集了多國菜式,要試完整條街,恐怕要來多十來趟由於今日我形態不佳,所以說要吃粉麵一類不太飽肚的行到這家多分店的麵留香試試看過MENU知道片頭是招牌菜,不得不試五件大小不一的片頭望着金黃色的片頭實在令人胃口大開而且水準不錯,雖炸得不太脆,但就充滿著啖啖彈牙的魚肉魚皮餃雖不是推介食物,但也做得頗出色這裡的做得不見油膩,皮的厚薄適中吃起來很有口感,魚肉帶有鮮魚香味老公仔不夠飽,加料咸咸的炸魚皮與清湯十分配合伴湯吃,湯底偏清淡,能夠沖淡一點咸味而且令到乾硬的魚皮變得較稔易入口又清香…不錯的簡單的片頭米-在我心中仍留香...

忙完一輪，又有一些時間來寫一寫近來的食評了。希望將來多一些時間來做這一些事。五月中某一個晚上來到了花園街，想不太油膩清清地的食一餐，行到這一間麵店前阿姐不停推介我們入去食東西，看看是一間食麵的店子，正合乎今晚食清一些的原則，所以就入內試試了。我們今天選擇了細個一間麵留香，內裡只有六至七張四人的枱，裝飾也十分之簡單，真是一般港式食粉麵的店子，牆上貼滿了價錢牌，也是港式粉麵店的風格。食物的選擇是港式粉麵和一些盅頭飯的選擇，價錢也是旺角區一般的價錢，不過見到門口說這裡的片頭粉出名，就叫了兩個粉麵套餐，一個叫片頭河粉配油菜，而另一個就是魚旦河粉配熱檸茶。片頭河粉既然就是招牌菜當然要叫一叫來試試，來到時碗上有四件大大的片頭，顏色就沒有在另外一些地方食到的這樣深色而是比較淡黃色的，而形狀也比外面的大一些，試一試覺得味道幾鮮味，經過微微炸過的片頭皮和入面爽口的魚肉都幾配合，食落都幾有口感和質感，因為形狀比較大所以食落都幾有滿足感，而河粉都煮得十分之滑，配上了一些生菜和蔥，好食。魚旦河粉唔想兩個餐都叫相同的食物就叫了這一個食物，來時見到四粒雪白的魚旦和兩片魚片來到的，魚旦的口感沒有了一些地方的彈牙，但