麵留香

營業中

休息中

其實鋪內老閭娘同其他職員態度都好，只是其中一個曲短髮女人態度奇怪。在她送餐過來時朋友同時不小心倒瀉飲品，那女職員只是一直重複問係唔係佢整瀉？講左三次，完全無intention 去幫手清理，要叫她拿毛巾過來先做，然後才問要唔要紙巾，最後都無拎紙巾過來。差不多食完，老閭娘見到成地水才叫那女職員用地拖清理。打瀉飲品不是職員問題，但她的態度真係奇怪，正常其他餐廳人員見到無論誰人倒瀉都會主動幫手，但佢好似只在乎自己有無整瀉就算數，所以咁冷淡既態度好奇怪。

飲品等了很久，我們禮貌地催了三四次，職員說：「沖緊、沖緊」，可是 只見不斷出其他飲品，也未輪到我們（我們比其他客人先叫），甚至隔離台說將他的飲品給我！實在太誇張了..不得不寫食評。提醒其他顧客，如果趕時間，切勿到這間食店。

麵留香荼餐廳(太子)下午茶時間，聽聞呢間魚蛋同魚片頭好得於是專誠來到訪，可能近花墟附近好多人下有下午荣可選擇，點了招牌魚蛋河配凍奶茶雖然下午茶仍足夠份量，魚蛋同魚片明顯是自家制不是交貨，味道中規中舉啦，但價錢都合理43蚊。

歲晚行過花墟，熱鬧的氛圍和人潮湧動，享受到節日的喜慶。行經附近，尋找食店，讓我印象深刻是這店門前有不少人買魚蛋、魚片頭。魚蛋河軟滑河粉配鮮味的魚蛋，湯底鮮味好食

呢排 #香港天氣 熱到一個點🥵 好多時都寧願食得簡簡單單醫飽個肚就算😅 不過簡單唔代表求其㗎… 呢日襯得閒，我哋就嚟到位於 #太子 嘅「麵留香」，嘆個 #下午茶 先出發😉下午茶時段，小小嘅餐廳已經坐滿人👀 而大部份食客面前都會有碗 #魚片頭、或者 #魚旦 做膽，當然 #小秘書 都唔執輸啦！不過呢次轉吓口味，我叫咗個 #魚片麵 配 #熱奶茶 ☕️ 熱辣辣奶白色嘅湯底充滿魚香，但就似乎鹹咗少少😅 不過配埋啲 #生麵 🍜 一齊入口，又另一番風味🤤 第一次唔食 #魚片頭 轉為食 #魚片 嘅我，唔係覺得塊魚片唔好食，而係少咗嗰種豐富口感😅 好在有杯熱奶茶墊底，成個餐$40算係咁啦😉除咗堂食，其實佢哋仲有好多鮮制嘅食物可以比客人外賣… 原條嘅 #炸魚片 同 #炸魚片頭 都係佢哋嘅馳名之作🤤 可惜之後我有嘢要做，唔想拎到一抽二掕🛍️咁… 唯有下次再嚟幫襯啦😉📍 麵留香 (太子)花園街219號地舖

記得以前母親很喜歡來這裏食晚飯，貪佢價錢優惠，水準出色；幾個人每人叫一個小菜，就已經好豐盛了(套餐包白飯、例湯及熱飲)，如把熱飲改成例湯，就更可享有兩大碗湯了。🤭這裏的蒸魚，即叫即蒸，保證新鮮熱辣，雖然等的時間會比較久，但每次蒸魚的生熟度也把握得幾好，值得一讚。👍🏻例湯清甜又滋味，而且飲得出沒有加「師父」，對我這些不懂得煲湯的人，就更加吸引了。#清蒸䱽魚 $78#例湯(青紅蘿蔔冬瓜煲雞腳湯)#麵留香地址: 太子花園街219號地舖電話: 23963239

呢間餐廳多數做街坊生意開咗大大話話幾十年好多人都會特登黎買魚片頭咁你就知佢既魚片頭真係唔係講笑😎所以我都要黎試吓！佢既炸魚片頭係三角形，真係好彈牙，好滑！咬落去既口感有啲似魚腐但佢會比較彈牙感覺好特別另外呢碗係牛腩麵牛腩嘅份量係超級多！幼麵好爽口不過湯底略略有點兒咸牛腩肥瘦適中唔會好柴仲配有兩片生菜添好味！😋通常我會加埋辣椒油咁樣就會更加好食，唔會太滯除咗麵之外，佢仲有其他晚餐晚餐只做到晚上9點粉麵就去到晚上11點.總括嚟講：粉麵都做得好出色，麵好爽口唔會煮得過時，配料揀嘅兩款暫時都好滿意，加埋大大杯凍檸茶，正呀🤤

你間舖頭係喺太子A出口行去界限街體育館方向，經過嘅時候就會見到，於是今日打完羽毛球就見到呢間餐廳，諗住試吓佢咁出名嘅魚片，我就買咗外賣叫咗$40魚片，同埋半打雲吞，水餃，佢話水餃同雲吞魚皮餃呢啲全部只可以擺落雪櫃雪三日，因為如果擺落冰箱就會唔新鮮，冇咁好味，於是我外賣左，之後我就拎咗返公司煮，啲魚片，因為佢本身已經熟咗，同埋佢炸香左，只要煮番熱，其實就已經好好味，食落口，好香嘅魚味，非常之有口感，非常之高質素，我覺得$40可以食到呢啲咁有質素嘅魚蛋真係好難，出面一間麵檔可能真係得一嚿，另外佢嘅雲吞好多餡，好多蝦肉，豬肉非常新鮮好好食，另外叫咗個魚皮餃，同平時出面買嗰啲差好遠，因為佢嗰啲好大粒，而且佢嘅豬肉都好新鮮，好彈牙好有咬口，最尾佢嘅水餃裏面好多菜，都係一樣佢嘅豬肉嘅質素好新鮮。好好食整體嚟講，我買咗$100，但係煮出嚟真係好好食，同一般茶餐廳叫一個$60嘅。差好遠，高質素嘅茶餐廳

行去花墟途經麵留香魚片頭專門店、大多數都係下午時段！但今次就試吓佢嘅早餐啦！早餐：魚片河話明魚片頭專門店、當要試吓魚片啦～魚片爽口、湯頭濃濃魚香味👍👍沙嗲牛肉公仔麵：一般茶餐廳的味道、不過不失。煎蛋多士熱奶茶

位置係太子/旺角交限嘅麵留香，性價比真係冇得輸⋯今朝一早起身，心思思於是就落咗去食個靚早餐，叫咗兩份－個係沙嗲牛肉公仔麵，配炒蛋+多士；另外一份就係最傳統嘅火腿𢇁配防鮑魚𢇁通粉，再跟煎蛋+多士，兩份早餐都係配熱奶茶⋯乜都唔使講，當然係試啖茶先啦，好夠茶味，奶亦都好滑，早上飲返杯，真係各位師兄即刻歸位⋯再食啖沙嗲牛肉，唔係死實果隻，沙嗲亦都好夠味，用嘅係大光麵，點會有得輸；炒蛋好滑，配多士食一流⋯另外嘅火腿通同煎蛋，係正常嘅水準，所以唔多講啦！總括依然$36個早餐，今時今日香港地，你仲想有乜嘢投訴？😅😅😅

一周前连续两次去吃下午茶，跟服务员说好这周四中午1点打电话预订鱼片头，晚上去拿。去了两次，这个事也是说了两次，本来说先付钱，服务员说不用，到时中午打电话就行。结果当天1点打电话过去，一个女的接的电话，上来就说她听不懂国语，直接挂电话两次！！！上周明明说好的，再打过去长时间不接，态度非常不耐烦，非常不耐烦，非常不耐烦，语气很差劲，语气特别差劲！这家店真是毫无诚信，毫无诚信，毫无诚信，生意好不好不知道，但的确诚心欺客是事实！！！

好多人去麵留香都係食粉面，但我就係除咗粉麵之外，其實佢哋會有晚餐可以食小菜，以前規模比較大，仲有炒粉麵，例如乾炒牛河等，但老闆娘話換咗廚房，現時招牌魚蛋粉麵同小菜，今晚就試咗豉汁蒸紅鮋同埋和四川椰菜回鍋肉。跟餐有例湯，今日例湯係沙葛湯，但係唔知點解有陣藥水味，古古怪怪，飲一啖就放棄，碟回鍋肉比較靭， 要俾啲牙力之咬得開🤭🤭，條魚🐟蒸得啱啱好唔會過熟，跟餐除咗白飯，仲可以選擇任何粉面，我哋就揀咗一個白飯，一碗米線，米線偏小，適合胃口較細，份量啱啱好，餐飲就選擇左凍杏霜走甜，可能要走甜嘅關係，味道冲得比較淡，0️⃣杏仁香味，如果杏仁霜落得重手少少效果就好好喇！

2/5 魚味好，質地有別多數彈牙的，這是綿綿的魚蛋。魚片沒什麼特別。湯頭和河粉就普通。The fish tastes good and the texture is different from most elastic teeth. This is a soft fish egg. The fish fillets are nothing special. Soup and noodles are common.#queenbeoly_comdine #foodblogger #foodporn #food #foodie #foodphotography #instafood #foodstagram #foodlover #foodgasm #yummy #delicious #QueenBeoly

麵留香 (太子)我都知我講左無數咁多次😅呢間真係好好食😍😍特別係個魚片頭🐟係我食過最好食嘅一間好夠彈牙😋😋一定要加埋佢嘅辣椒油冇得輸🤪最重要嘅係呢度好有人情味😍就算輪椅入唔到餐廳老闆都會喺門口開張枱💁🏻‍♀️啱啱年頭佢仲攞咗獎🎊🤩值得表揚🥳🎉📷IG: wheelchairvseatinginhk

食物一般 明顯味精味道 服務較差 要杯滾水 讓我們去隔壁711買人多 需要拼台門口貼明星合照攬客 無奈沒有與人氣對應的餐廳質素唯離花墟近 因此得以營業至今normal food qualityquite bad servicenot worth trying