麵山口商店

早就想試油麻地呢間由真北海道人同港人太太主理嘅「麵山口商店」。幾年前兩夫婦曾喺大角咀開外賣小店，當時我好鍾意佢哋嘅腐皮壽司，但最終小店結業收場。睇吓佢哋東山再起轉型做拉麵會點。點咗個鯖節豬骨白湯拉麵同辣帆立貝口味嘅「貓飯」。拉麵係豬骨同魚介湯底混合，濃得嚟算順喉，不過飲到最後幾啖可能會偏鹹咗少少，所以學日本人食到最後撈白飯應該會match。配搭呢個湯底嘅喺似油麵嘅偏幼身麵，兩樣嘢都夾嘅。配料仲有叉燒、味玉同筍乾。至於鯖節係用嚟刨木魚碎嘅「鰹節」嘅親戚，外表幾靚仔，食落帶點微酸味，可以平衡一吓碗麵嘅油膩度。不過，鯖節係咪令碗麵變化好大我又唔覺。整體嚟講碗拉麵都有心機做嘅，味道亦有中上水平。反而「貓飯」就係MVP。睇過《深夜食堂》嘅應該知「貓飯」喺咩嚟。呢度除了基本材料木魚碎同白飯外，仲加咗辣帆立貝干、蛋、紫菜、葱、魚介粉等，撈亂後辣辣地幾惹味，啱食。兩樣嘢埋單$145，算香港正常拉麵店價錢囉。下次嚟我應該會試吓辣味噌拉麵，睇吓老闆做唔做到北海道家鄉嘅感覺。…查看更多

朋友推介話呢間日本拉麵好食，據講仲要派籌，剛巧在油麻地返學黎試下，適逢颱風塔巴逼近，風雷雨交加，路過見店鋪見難得無人龍，天賜良機就入去試試😂。店鋪位置小巧，大約坐15人左右，一入鋪聞到一陣怪怪既酸味。不知道是什麼地方傳來。QR掃碼落單，叫左札幌辛味噌拉麵，等左十分鐘左右就上台啦。麵碗係熱既，叉燒兩片都有口感，湯頭飲得出脂肪溶於湯既感覺，都係用左心機同時間煮既。小店結帳只用現金及payme, 整體係合格，但無再返轉頭食既意慾😆算係見識下[IMG:2][IMG:4]…查看更多

老公上網搵資料知道我鍾意食拉麵仲要係日本人開嘅，起碼地道啲大概七點時間好彩唔使等位，剛剛有Bar枱兩個位一坐低可以用二維碼落order 叫咗一個豬骨白湯拉麵，通常試新嘢我都係由基本食先好快嚟到非常香濃嘅湯底淡淡蝦味，非常濃郁我揀選嘅拉麵係要硬嘅的而且確完全好用心真係爽口嘅拉麵再慢慢食個叉燒，雖然就比較薄，但係有口感嘅有半隻流心蛋一塊紫菜食吓食吓飲吓飲吓已經飲咗好多湯底完全唔覺得鹹亦都唔覺得口渴值得推薦反而老公食嗰個就加咗一條醃製咗酸味味嘅青魚唔錯唔錯⋯佢個湯底就係魚都係好好味，好香濃成個感覺都係好完美埋單盡量用現金冇所謂啦！支持本地消費一定再食過.…查看更多

藏身油麻地嘅「麺山口商店」 係由北海道籍師傅與香港太太聯手主理💖主打唔用任何化學調味料嘅原創特製豬骨湯：通過極致嘅去脂工藝，將豬骨中嘅豐富膠質完美淬出，再加入十款新鮮蔬菜，經過長時間熬煮，將天然鮮甜嘅精華鎖喺湯頭入面🥘店舖細小僅十餘座位，吧檯設計還原日本町屋風情，開放式廚房飄出熬湯香氣，未食先醉🤤最正係餐牌夠晒「專一」得三款拉麵，但款款都係王炸：​✨醬油豬骨白湯拉麵✨札幌辛味噌豬骨白湯拉麵（辣）✨鯖節豬骨白湯拉麵今次我試咗【鯖節豬骨白湯拉麵🍜】呢碗拉麵將山口商店嘅特製豬骨湯+精心熬製嘅魚介湯底合二為一🤤🐟魚介湯底匯集咗香氣四溢嘅鯖節、宗田節、潤目鰯，再搭配昆布同乾冬菇透過日式傳統烹調手法將海洋嘅鮮味發揮到淋漓盡致~同醇厚嘅豬骨湯完美結合鮮甜加倍！！🍜麵條煮得好彈牙每啖都掛滿湯汁 叉燒軟嫩入味仲有半隻流心蛋🥚…查看更多

已經係選擇星期三才光顧，但未到12點已經門口出現人龍，我想言之這間店有幾厲害。小小的一間店（目測可以坐20人左右），老闆的拉麵真是名不虛傳。我點了一份北海道元貝拉麵，湯底固然是龍豬骨湯但有一點元貝的青香味。雖然元貝size少少的，但那3塊叉燒真的是很厲害！配菜如筍、紫菜及流心蛋都好好味。另外點了一份鯖魚拉麵，這個更厲害！豬骨湯裏便真係有一份淡淡的鯖魚味，但最畫龍點睛的一定是那一條長長的鯖魚。不知怎樣形容那條鯖魚：有淡淡的煙燻味道，好好味！…查看更多

今日放假無聊我寶寶提議食拉麵，話呢間麵山口商店幾好食咁未來試下囉！來到11:45都有幾個人等緊（未開門）咁我四圍行咗一陣，行咗5分鐘左右返來開始有人排隊之後我寶寶到咗後入去入面大約20個位左右，裝修正常拉麵店風格唔算特別入面係明檔睇到廚師做啲咩，至於落單用QR掃描，我點咗一個貓飯和鯖節白湯拉麵首先貓飯表面唔知係唔係木魚花，入面有蛋黃、辣帆立貝碎、紫菜絲和大葉碎（唔知係未）飯唔係太多食一碗肯定唔飽至於拉麵，最上面係鯖魚節，但個人認為可有可無對個拉麵無咩影響。叉燒少少肥（唔錯）湯頭算濃郁拉麵係幼麵。好食係好食嘅但如果下次專程來食（我住新界）仲要排隊（多個5個人）就未必會幫襯寶寶嘅好似醬油白湯（無點留意分開落單）湯頭味道比較淡（而且佢落好多胡椒粉）所以試得唔清楚味道：⭐️⭐️⭐️⭐️⭐️（味道ok）環境：⭐️⭐️⭐️（地方偏細，非戰之罪）服務：⭐️⭐️⭐️（一般囉）價錢：⭐️⭐️⭐️（正常價錢，九龍位置都唔算貴）評語：用分數評分味道大約值85到90分，原因湯頭未必全部咁有水準，而且只係幫襯一次有機會再試其他分數有機會上調，服務就唔好諗有咩服侍，生意忙肯定唔會有咩招呼。價錢比平均算係正常，最貴120＄平嘅88＄左右，比其他拉麵店比應該貴少少或者差不多，但都接受到嘅！…查看更多

每次嚟到門口都大排長龍， 今日終於食到喇！餐牌其實得幾個選擇，青魚同海姥最吸睛～冇兩個胃，結果要咗青魚。湯底好濃豬骨味， 配搭面一齊食， 湯面油脂來得剛剛好！ 青魚有煙燻味有醋酸味， 平時比較少食青魚，呢個煮法真好好味！可以再嚟 如果唔使排太耐🤣…查看更多

鯖節豬骨白湯拉麵以濃郁豬骨湯底為靈魂，鯖節粉增添深邃柴魚香，湯頭醇厚不膩，鯖魚烹調得非常出色，搭配普通粗細的麵條吸附湯汁恰到好處，入口滑順帶嚼勁。北海道帆立貝撈麵則以鮮甜帆立貝為亮點，撈麵醬汁鹹香微甜，貝肉彈嫩無腥，可惜份量稍顯精緻。兩款麵食風格迥異，前者溫潤暖心，後者海味奔放，價位中上但食材品質對得起定價。餐廳出餐速度流暢，十分鐘內完成兩道料理，菜單選擇多，可以搭配其他小食提升飽足感。整體而言，價格相宜沒有加一收費，適合追求湯底深度與海鮮鮮度的拉麵愛好者。…查看更多

香港人最鐘意就係排隊😂作為一個土生土長既香港人當然都唔例外啦😂店舖座位大概有14個左右，見到店家係逐碗烹調，咁所需既時間都會耐少少😀最後我排左個半鐘終於可以入座😂😋海老豬骨白湯拉麵 $98第一啖就試左佢既湯😝好濃郁好重蝦味😉試得出係落足心機😉欣賞佢我寫硬麵，就真係比左硬麵我☺️呢樣野看似簡單，但好多拉麵店都做唔到😂講下啲配菜先，有櫻花🌸蝦有好多蔥有荀有紫菜有玉子有半肥瘦既叉燒🤭都好近貼日本拉麵店既做法😊如果下次唔洗排咁耐隊我都會想試下其他湯底😂舔舔脷指數👉🏻8😋/10😋滿分 值得一試😋…查看更多

《麵山口商店》醬油豬骨白湯拉麵🍜 + 貓飯🍚📍油麻地廟街56-58號地舖《麵山口商店》絕對係油麻地區嘅人氣拉麵店，唔少人就算唔係拉麵迷都好，都會講得出呢間店，可能因為店家宣傳策略做得好。上年八月，仲係大熱天時幫襯左一次，當時試嘅係《鯖節豬骨白湯拉麵》，覺得麻麻地。經過半年修練後，又心思思想再返轉頭試多次，睇睇修練前後嘅感覺有幾唔同。今次試左醬油豬骨白湯拉麵🍜 同貓飯🍚，因為個飯令我印象更深刻，所以講左個飯先。個飯叫價 $38，細細碗，點都要有貨交先敢叫到呢個價位。個飯嘅主要材料有唔少，包括，元貝乾 (整粒)，元貝乾碎，鰹魚乾 (鰹節)，生蛋黃，紫菜碎同洋蔥碎。醬汁方面主要係辣油同醬油。日本d拉麵店都唔少會做呢d跟生蛋黃嘅飯類，所以都唔係咩新鮮事，不過响香港有得撈蛋黃食嘅飯係唔多，而呢碗飯都算有心機，味道搶口，撈勻之後食，質感好好，飯粒又粒粒分明，所以就算呢款飯稍為貴少少，我都覺得係必叫👍🏼⭐。店家我覺得幾醒，將個飯命名為貓🐱飯，本來以為係平野，但d料同個價錢其實係算貴，所以食起上黎感覺有強烈反差。加上成個口味係以貝類鮮味同香辣味為主，味道相當搶口，令人留下相當深刻印象。未開始講碗麵前，先提一提一件事。店家都有標榜佢地冇加味精，同部分其他拉麵店一樣，都有放呢個嘜頭响牆上面：不過咁，No MSG 代表健康 d，我同意。但 No MSG 會唔會令我覺得好食 d 就唔一定。還看店家點樣去處理無化調嘅情況下去提升旨味（うまみ umami）。香味 (2/5)香味比較薄弱。如果好似我咁，第一件事聞一聞先嘅話，印象分會扣左先。湯 (3/5)如果你一心諗住個湯會有濃郁醬油味道，或好似博多豬骨湯咁夠力，咁就會有好大落差。反之，醬油味同豬骨味都係淡淡然，要細意品嚐先食得出。加上鹹度算係中偏低少少，湯底嘅鮮味方面偏弱，所以即使個湯屬於白濁湯，但比到我嘅感覺佢就係一款淡麗湯口味。麵條 (3.5/5)細麵，直身，口感算唔錯。我又影相又食飯，但個硬度都有keep到，食到尾都唔會話淋左。配料 (4/5)豬叉燒方面，我真係要重點讚一讚。用嘅部位係五花腩，不過佢係我食過，最夠瘦嘅一款五花腩叉燒。我本身唔好肥膩野，所以如果叉燒用豬五花，好多時肥膩感會太重，而呢道就完全冇呢個問題，咁啱又對到我口味。溏心蛋跟半隻，入口第一個感覺係有煙燻味，再黎係醬油同味醂，味道上都唔錯，生熟度正常。筍乾同其他配料就正正常常啦。則使又食麵又食飯，不過兩者嘅份量並唔多，特別係個飯，真係幾啖就食完。正好我食量本身都唔大，所以我呢一餐我係足夠滿足，最後都有完食，乜都清晒！…查看更多

近排睇到 已經冇乜人排隊正在奇怪點解咁好味嘅拉麵都冇人幫襯知道店主好有心做好 所以成日都想主動幫襯小店可惜香港人做生意真係好冇服務質素原來因為服務態度 一人四行打算光顧見到冇人排隊 入邊仲有10個空位一個正在泊車 打算三人先入去Order快快脆脆食完就走點知竟然同我講唔齊人唔俾入其實店內仲有10個位 可以方便吓客人睇吓情況 盡量安排如果人多排緊隊 我都可以理解明明冇人都唔俾客入真係古怪到不得了其實香港咁嘅服務態度 真係唔執笠都出奇又要限時又要齊人 又要呢樣又要嗰樣幾好食都唔會幫襯 …查看更多

麵山口商店就經過唔同youtuber吹奏soko san之後又到米紙由日本人老公同香港人老婆兩夫婦開既疫情初果時兩公婆本身係開便當店之後間舖無左而家就訓身做拉麵店餐廳係廟街美都餐室前面就係球場對面餐廳5月開張我地7月去既當時米紙條片仲未出平日lunch十二點十左右去到前面都有三四個人排緊隊好彩都係等左幾分鐘入得不過排隊就無咩指示入面侍應得一個就忙到hihi唔太得閒理人成個舖連埋侍應就三個人有對窗bar檯有table同埋我地坐對廚房既bar檯廚房都係一眼望晒已經見到山口先生門口有餐牌有三個麵選擇入面就用qr code落單另外叉燒飯就可以追加貴過貓飯少少先黎既係貓飯其實即係飯版本既撈麵肉碎加木魚加魚汁撈暈後少少辣幾開胃叉燒飯個熱熔芝士就仲香朋友就要左豚骨醬油我就揀左最貴既鯖節豚骨兩個麵既湯其實都係差唔多都係順口既豬骨湯味不過鯖節麵就多左魚湯同鯖魚所以變得酸酸地 蛋同叉燒都OK但係隻黃麵就仲廉價過樂麵雖然鯖魚係無咩點試過但始終都係好大路既豬骨湯底加上隻麵真係唔太得成個麵整體就唔算好特出而且個鯖魚麵都成過百蚊我覺得唔太值唯獨係兩隻飯都幾好咁我就唔算特別鍾意呢間麵山口都係試一次就夠既類型同埋侍應勁忙問佢野果下嘴槍根本聽唔到佢講乜唔可以話佢無禮貌但就唔係令人舒服既感受不過無加一就算…查看更多

我最近去了一間由日本人開的小店，呢度嘅豚骨醬油拉麵真係超好食。湯底濃郁香滑，拉麵條條彈牙，配上溏心蛋同叉燒肉，真係一流。食完一碗好滿足，仲有啲乾燥嘅紅蝦增添咗啲特別嘅口感。小店內部裝修好簡單，但氣氛好親切，好似喺日本食麵一樣，真係值得推薦！🍜🥚🍖🍤…查看更多

之前上網見到有YouTube channel，有介紹呢一間小店，今日就同朋友過嚟決定試吓，本身我非常鍾意食拉麵，所以都有好高嘅期望！餐廳位置唔係太多，所以去到嘅時候都要排吓隊，我哋等咗大概20分鐘！餐廳嘅豬骨湯非常濃郁，佢嘅湯頭，係用咗好多個鐘自家熬製，飲得出佢嘅味道非常正，充滿濃厚嘅豬骨味道，拍得住日本傳統嘅拉麵！不過佢嘅拉麵我就覺得，冇日本嘅拉麵面質咁出色，我就揀咗普通硬度，覺得都不過不失，另外佢嘅留心雞蛋都做得唔錯，鍾意食嘅朋友都可以加！…查看更多

今日突登過嚟試試拉麵🍜見只需等一張枱都唔駛太耐叫咗一碗醬油豬骨白湯拉麵 $88一碗鯖節豬骨白湯拉麵$107首先嚟嘅係鯖節第一啖飲飲個湯先嘩…咁咸嘅再食條鯖節…好咸雖然鯖節拉麵喺香港比較少見但出色嘅鯖節經煙燻過後應具備獨有嘅鹹香但成碗麵感覺得1個字：咸再試試豬骨拉麵湯底望落十分濃郁但飲落好單調而欠缺層次沒有豬骨湯濃厚嘅香氣又沒有濃醇嘅風味而細蔥食落有渣麵條揀咗硬身..但都不合自己滿意加上麵身唔掛湯感覺麵與湯唔係好夾唯一OK嘅係叉燒及蛋睇得出店家製作用心可能不合我口味但要排隊就不用刻意經過可以試試…查看更多