麵屋神匠

營業中

休息中

📍旺角 麵屋神匠成日去開旺角都見到呢一間拉麵店大排長龍，今日終於有機會試一試。離遠已經見到佢啲燈籠掛滿晒喺玻璃牆外，唔使驚行過間餐廳。佢地有一人餐同二人餐可以選擇，嗌嘅時候就唔使左揀右揀☺️。今日同朋友就叫咗個二人餐，一人一碗拉麵之外，仲有一隻糖心蛋，同埋一份小食加飲品，食完已經捧住個肚。濃厚蝦湯拉麵佢哋嘅蝦湯真係非常出色，超級濃厚之餘亦都好重蝦味，另外配上蝦米仔亦都令到成個口感更加有咬口，而且佢嘅拉麵咬落去都頗為彈牙，基本上我會形容佢係幾出色嘅一碗拉麵。辛辣蝦湯拉麵朋友鍾意食辣，竟然呢度有辣味蝦湯拉麵，其實佢個湯頭同原味係一樣，只不過係加咗啲辣味落去，所以濃厚度都係非常十足，唯獨是食到去後面真係有少少辣，唔怕辣嘅朋友真係歡迎試一試，都真係幾惹味㗎😙。

可能基於一直以來嘅刻皮印象, 我好少會去旺角出擊搵拉麵食. 今次睇左某某人仕介紹, 情不自禁去試試. 😆點知, 一試.... 好好味呀!! 🤪 我食左兩款拉麵, 先講:極上蟹白湯🦀拉麵 🍜香味 (4/5) - 香氣極充足, 蟹香撲鼻而來湯頭 (5/5) - 講你都唔信, 濃郁, 滑順, 鹹度剛剛好, 餘韻停留口腔起碼有3秒之久先慢慢散去, 舌頭似去左旅行, 香, 鹹, 觧, 韻味, 一層一層而來麵條 (4/5) - 中細麵, 扎實爽滑, 吞嚥時响喉嚨嗗嗗落嘅時候好過癮配料 (4/5) - 可能一早預左蟹肉唔會話比得多, 所以反而覺得蟹肉份量係夠, 而且夠鮮夠味. 叉燒都正, 應該係豬里肌肉, 口感扎實, 肉香充足, 唔算好腍但又唔係un. 白蔥, 荀, 海苔全部正常發揮, 溏心蛋就好過平均, 都幾好食.火炙🔥叉燒🍖醬油拉麵 🍜香味 (4/5) - 充足, 煙燻味好濃湯頭 (4/5) - 是咁的, 醬油湯底其實好蝦人做, 因為醬油買回來就好夠味, 但如果冇自家調製過, 就咁溝埋就算, 有心人一食就食得出! 不過呢間店就好有心機, 個湯無論香味同味道都非常好, 夠濃, 夠香, 鹹度剛好,

這間位於咸美頓街巷仔的日式拉麵店，幾乎每次經過都見到有人排隊，都算是旺角頗有人氣的小店。店舖以落地玻璃設計，所以雖然座位有限空間較小，但亦感覺開揚不局促，一整排燈籠佈置亦好有和風感。我們點了份二人套餐$218，已包含兩款拉麵或沾麵，一隻溏心蛋及一款小食，以價錢而言算是非常抵食，至於質素方面亦都不錯。柚子鹽湯蜆肉拉麵配料幾豐富，有5隻大蜆，蜆肉肥美無沙；湯底雖是柚子鹽湯，不過味道不算咸，而是有種清新柚子味；兩大塊叉燒肉幾軟嫰，還有半隻溏心蛋；至於拉麵口感亦爽彈。神匠蕃茄蝦湯沾麵(此款沾麵需額外加$28)沾麵湯底以小碗另上，超濃郁的蝦湯再加蕃茄，湯汁濃稠得像醬汁，放入麵質粗身入口煙靭的沾麵後，每條麵都掛滿湯汁，每一啖都充滿蝦的鮮甜味道。最為特別的是有法包配羅勒醬作配菜，而用火灼過的半肥瘦五花腩叉燒都算香口，還有整隻溏心蛋呢。溏心蛋及日式南蠻炸雞 溏心蛋的蛋黃呈橙黃色膏狀，好食到食多幾隻都不會覺得厭。炸雞肉質鮮嫩不會太乾身，作為食拉麵前的小食配菜，大大件都算份量足。

當日入到餐廳，店員見到有客人到好似冇咩反應🫥店員指示不清晰，講完兩位之後並沒有帶位，亦冇講話坐邊張🥴我都好迷惘😐當日晚上6點幾，晚市應該啱啱先開始一陣🤐但係小食已經得番一個選擇😮‍💨所以啲套餐係基本上食唔到🫨之後食拉麵都容易口渴，又唔想飲汽水🫠總共都只係飲左三杯水…但係店員好似好唔情願咁幫我哋斟水咁🙂‍↕️overall成個體驗真係麻麻地😭座位又迫又窄🫥餐廳一啲都唔爆亦都只係得一個鐘用餐時間😮‍💨

🍜🦐神匠蝦汁拌麵蝦汁最怕太咸 開頭幾啖覺得ok幾香但撈均勻啲發現唔夠蝦鮮香 食到尾好油😅🍚神匠火灸叉燒丼本身想食蕃茄拉麵 但冇晒 唯有轉食其他飯桶大王呢個時間揀左丼飯😂雖然冇乜期待 但冇期待都會失望明顯呢個飯嘅精髓係叉燒 而叉燒薄切 唔算燒香不過肥瘦適中 肉質淋 係可取的😌

麵屋神匠📍旺角彌敦道562號地下B號舖又自費去食拉麵，都唔知一年貢獻咗幾多錢俾拉麵店🤣🤣二人餐 $218⭐️極上蟹白湯拉麵+$28雞白湯食得多，蟹白湯🦀就真係未試過🤣湯底好濃厚，蟹味幾岀，不過有少少偏鹹。有拆好嘅蟹肉👍🏻 唔錯⭐️ 神匠蝦汁拌麵意外嘅好食🤣 有滿滿嘅櫻花蝦🦐✨ 撈完之後啖啖都食到櫻花蝦同蔥，個蝦汁都好香，好食！加埋芫荽食個味又會有啲唔同推薦呢款拌麵！跟餐小食：⭐️ 忌廉蟹肉餅（2件）幾大塊，上碟仲係岀緊煙的🔥⭐️ 溏心蛋（1隻）

鋪頭裝修走日本簡約風🎐🎏好欣賞佢既濃湯底 咸而不膩🥹叫左個二人套餐 $218 包兩碗拉麵一隻溏心蛋一個小食✿ 黑蒜醬油拉麵 ✿必須介紹我既No.1 choice🙌🏼兩次黎都係食依碗😻唔係厚厚黑蒜油搶味 麵質硬軟適中有彈牙 淡淡黑蒜油香日式叉燒肥瘦適中 大片薄身👍🏻✿ 濃厚蝦湯拉麵 ✿好香好濃既蝦湯 配上櫻花蝦 鮮味咸味濃郁！！🦐可以飲晒碗湯唔會腎虧😂✿ 溏心蛋 ✿ 蛋黃係完美橙黃色膏狀😍✿ 日式南蠻炸雞 ✿ 外皮炸得鬆脆 入面肉質鮮嫩呈粉紅色油膩感唔重😽

想食拉麵又要約到呢個繁忙既閨蜜都唔容易.二人餐$218會唔會太抵，兩個拉麵加小食同野飲。濃厚蝦湯拉麵蝦味鮮甜，同薄身既叉燒配合，岩平時口味清淡又想食到鮮味既朋友，麵條幼身啲。神匠蕃茄蝦湯沾麵蝦湯加埋蕃茄既濃郁沾麵湯底，蕃茄味好出，酸酸地夏天食都幾開胃，夾埋法包配羅勒醬有種西餐既味道出左黎。沾麵麵質粗身彈牙啲，燒過既五花腩叉燒充滿油香，溏心蛋流出既蛋汁令到口感更濃厚!溏心蛋 & 炸日式餃子(5隻)今餐既蛋白質吸收達標，兩個人加埋有2隻半，當然係 PT 食1.5隻啦。餃子炸得脆卜卜，所以一定要飲番可樂雪碧下火。💐💐💐💐💐💐💐💐💐💐💐💐💐💐💐💐💐📍麵屋神匠🏠 旺角彌敦道562號地下B號舖💐💐💐💐💐💐💐💐💐💐💐💐💐💐💐💐💐#hkfood #hkfoodblogger #hkfoodreview #hkig #hkfoodie #foodstagram #eatstagram #brunch #foodblog #getinmybelly #heresmyfood #foodporn #foodreview #foodhunt #travelhk #沾麵 #ramen #拉麵 #蝦沾麵 #旺角

- 神匠一人套餐A ($118+$6)套餐A($118)可以五款拉麵揀一款拉麵再配一款小食 揀咗濃厚蝦湯拉麵+日式南蠻炸雞(另外+$6)湯底幾濃 湯底掛到麵 個蛋整得唔錯 不過缺點係塊叉燒有啲薄 紫菜都係淋灑 神匠一人套餐C ($98)套餐C ($98)可以三揀再配一款小食揀咗神匠蝦汁拌麵+日式炸餃子拌麵個汁甜甜地 都係鍾意一幻個拌麵味道多啲呢款個叉燒係燒過同厚身好多炸雞juicy 餃子炸到有啲硬 湯拉麵比較出色啲 但拌麵個叉燒先吸引啲同好味啲

可以一試～同朋友係附近按摩，行過見到呢間餐廳都幾吸睛，餐廳唔算大，不過掛左好多日式燈籠幾好氣氛咁，又大家都想食拉麵就排隊啦 🤣 排隊個時無乜人，排排下突然有條人龍叫左個二人套餐$279同一人套餐$127柚子鹽湯蜆肉拉麵 ｜ 蜆肉都幾肥美，湯底幾清新，如果麵質可以揀硬度更加好，因為宜家對我黎講麵質有少少軟，仲加左溏心蛋幾好似極上蟹白湯拉麵 ｜朋友話幾好食炸日式芝士年糕 ｜ 好食，幾煙韌日式炸餃子 | 正正常常，不過有少少乾身～拉麵肉量都幾多，食品ＯＫ啦，總括黎講都可以，但未去到好想再回頭食咁；氣氛幾好，不過餐廳有D迫同張櫈都幾硬，唔坐得太耐，傾計既話就其他地方更加合適～🏠店名：麵屋神匠Menya Shinsho🚘地址：旺角彌敦道562號地下B號舖

今日要出旺角買野🛍️，就上OpenRice search下附近有咩食啦，見到book位食午市套餐就送一份炸日式餃子🥟，同埋睇埋menu見到唔洗加一就即刻book左位😋。地理位置都算好方便，出油麻地地鐵站行唔洗2分鐘就到🧍🏼‍♀️。坐底之後都係QR code落單📲。嗌左一碗濃厚蝦湯拉麵🍜（$98）。值得一提同要贊嘅位係落完單，啲野食5分鐘內就送到，真係超快手👏🏻🙈。啲炸餃子正正常常啦，不過嫌佢炸得有啲太過乾身同太過脆，我自己就麻麻地，但呢份係送嘅，就由佢啦🙈。如果要我比錢嗌，我就唔會啦😢。碗麵送到黎果陣聞到好香好濃嘅蝦湯味🦐，飲落都好正😍，可惜係啲麵質偏淋，同埋食到中途會開始覺得悶同反胃，個味濃得黎太單一😢。總括黎講，呢間拉麵店🍜試一次就夠，冇咩特別都唔會再去😢。

冇下次了尋日嗌咗個二人餐一碗白蟹湯拉麵 正常發揮一碗白柚子鹽蜆肉拉麵溫泉蛋+炸雞+汽水 埋單 $29x 價錢偏高碗柚子鹽好難食！碗拉麵配左唔應該有嘅清新柚子味，好伏～個湯底太清，清到淨係得鹽既鹹味 連蜆肉既味都冇咗 。可能食碗雲吞麵都好食過佢。見隔籬嗰兩台同我一樣都嗌咗呢個味其他人都食咗一半就停咗手 聽到佢哋都講緊唔好食 不過隻蛋係幾好食嘅 溏心做得幾好如果呢間舖冇呢一款拉麵 我估出品會好好多太伏下次都不想再黎了。。。

今日去咗極具日本特色既麵屋神匠試佢哋嘅二人套餐，環境掛滿日式燈籠🏮，可以賞心悦目地一邊歎拉麵一邊同朋友傾計，真係冇得頂！我哋今次試左佢個二人套餐，抵食之餘，味道十分唔錯😋🍤🍜濃厚蝦湯拉麵湯底濃郁，蝦味十足，每一啖都充滿蝦嘅鮮甜味道。麵條彈牙，加上飽滿既叉燒更加係絕配。🌶🍜辛辣蝦湯拉麵呢個真係啱晒食辣嘅朋友仔！辣味同蝦湯嘅鮮味完美結合，再加埋啖啖肉嘅叉燒，配上一罐冰凍可樂解辣，非常正😆🥚溏心蛋溏心蛋好好食，蛋黃流心軟綿綿，入口即溶，食完即刻想再食多隻😋🍗日式商蠻炸雞炸雞外脆內嫩，配上沙律醬真係一流。每件雞肉都非常嫩口多汁，一啲都唔乾。整體嚟講，麵屋神匠嘅二人套餐真係非常值得推介。無論係湯底嘅濃郁度，定係拉麵嘅口感，都o岩哂鍾意食拉麵既你地，真係唔可以錯過呢間拉麵店！👍快啲約埋朋友一齊去試下啦

呢間拉麵店，我次次同朋友去旺角行完街，都會想食一碗，因為佢個set餐真係幾超值😝我首先試過嘅係柚子鹽煮蜆豚肉拉麵。🤩湯底香醇滑順,仲帶埋柚子清新酸甜嘅味道,😝絕對係我最愛嘅款式之一。😋麵條質感恰到好處,筷子一挑就能分開,咬落口感Q彈,很有咬勁。😙至於蜆肉,鮮甜多汁,搭配豚肉好是好配襯。仲要粒粒都好大粒。😊再來試過嘅就係鮮蝦濃湯豚肉拉麵,😀湯頭極濃郁,完全感受到大量鮮蝦熬煮而成,帶有一種微微鹹甜感。🥰豚肉同樣十分鮮嫩,絕不肥膩,連帶整碗拉麵都十分清新。🫶🏻除咗主菜,佢哋嘅小食煎餃也很出色,🥹個個餡料飽滿多汁,皮脆底軟,相當開胃。😃我記得有三款唔同餡料,全部都份量十足,而且醬汁調製得好鮮味,配搭絕配。😬😬set餐仲有汽水兩罐，行街行到攰，食個快飯真係唔錯嘅選擇😊😊

放工約左朋友去旺角嘅「麵屋神匠」食拉麵🍜～餐廳內掛滿燈籠🏮，很有日本風～🎏嗌左「神匠二人套餐」。套餐包兩款麵或飯+溏心蛋(1隻)+一款小食。我和朋友都嗌左拉麵。朋友食火炙叉燒醬油拉麵🍜，我就嗌左濃厚蝦湯拉麵🍜。❤️濃厚蝦湯拉麵湯底有大量櫻花蝦、蔥和筍，真係好香好濃郁～🥰重有乾爽脆口的紫菜👍🏻。拉麵軟硬適中有口感，份量多，一人一碗拉麵夠晒飽！兩碗拉麵都有叉燒。叉燒半肥瘦，肥膏豐腴入口即溶～🤤兩碗拉麵都有半隻溏心蛋。溏心蛋蛋黃呈流心狀，睇見口水都流埋🤤，入口十分滿足～🥰❤️日式炸餃子🥟(5件)炸得香脆唔油膩，點埋餃子汁更滋味！😋