麵尊

營業中

休息中

都已經忘記來多少次的一家車仔麵，真的很好吃。我公司附近那家分店，沒有排隊等上半個小時都吃不了，幸好香港仔這家對我來說又就腳，又不用排隊，味道又好😋，性價比更高😋。今天在香港仔有事做，就約了朋友一起吃，我一不小心就點多了，因為份量真不少，吃不完😂。我朋友就聰明了，選了菜底。我們分別都選了4個餸，之後選麵／菜底，都很不錯。✴️豬皮／咖哩魷魚／豬大腸／五香牛腩 + 菜底 （咖哩小辣）$56豬皮滷得非常入味，咖哩魷魚非常厚肉爽脆，豬大腸滷得非常腍滑，五香牛腩有筋有肉，也是相當出色，份量還非常多，我朋友選了菜底，是新鮮的生菜。✴️酸齋／濃汁香菇貢丸／雞中翼／五香牛腩 + 油麵 （咖哩中辣／多蔥）$56食車仔麵我還是喜歡傳統的，油麵／酸齋是必選的。油麵煮得剛好，有口感是我喜歡的，酸齋就正常好吃，香菇貢丸非常彈牙，雞中翼大大隻，滷得入味，肉質嫩滑，五香牛腩同上。很喜歡他特制的咖哩汁，非常香濃，我選的中辣不會很辣，加在有點甜味的湯頭裏，就一整個絕配，相當濃郁。多蔥是必須的，因為本人蔥怪👻🤪。我真的非常喜歡這家車仔麵的口味，所以我常常過來吃。在車仔麵界，我覺得在香港仔他是沒有對手的。

平時經常經過這間店，都見到不少人食，今日決定來試試，一般車仔麵店都比較細小和環境不太好，但這間麵尊門面很闊落，入邊裝修很新淨，我們都坐得很舒服，難怪平日的晚上去食都坐滿晒人。大尊最抵食👍👍，裏面有豬紅.蘿蔔.咖哩魚蛋.紅腸.豬皮.菜，六樣菜都只需要$49咖喱魚蛋很彈牙，豬頸肉肉質鮮嫩而富有彈性，脂肪分佈肥瘦均勻😋😋😋還可以加汁，有咖喱、麻辣和腩汁可以加他們還有自家製麻辣及咖哩醬，只需要 $80/樽，用來炒餸同火鍋湯底勁正！#麵尊 #車仔麵 #香港車仔麵 #新店速遞 #香港仔美食 #銅鑼灣美食 #咖喱魚蛋 #港式 #港式美食 #香港美食

尋日喺香港仔收工後，我香港仔好出名嘅「麵尊」車仔麵，由於店舖太多人排隊，於是買咗兩個外賣，返去同老婆一齊食。第一個係腩汁豬頸肉、咖喱魚蛋、咖喱魷魚同酸齋配油麵，味道真係唔錯！豬頸肉嫩滑，腩汁濃郁入味😋，咖喱魚蛋同魷魚夠香辣，酸齋又提升咗整體味道層次，油麵吸晒啲腩汁，真係好惹味🍜。至於第二個係滷水雞翼、豬腸、豬皮、蠔油冬菇配油麵，絕對係重口味之選。滷水雞翼夠香，豬腸好腍好入味，處理得非常好，豬皮軟糯，膠質滿滿，而蠔油冬菇亦加強咗整體鮮味，油麵吸晒滷汁，老婆食完都話正🍗🍄。整體嚟講，個人認為麵尊車仔麵價錢合理，份量係絕對夠飽的。如果你地去香港仔，不妨都可以試吓「麵尊」，絕對值得一試！👍 老婆仲話下次要再試埋其他食物配料🤤👍 #麵尊 #車仔麵 #香港車仔麵 #新店速遞 #香港仔美食 #銅鑼灣美食 #咖喱魚蛋 #港式 #港式美食 #香港美食

📍麵尊📍香港仔南寧街6-12號ac5 地下8號舖🟡麵尊車仔麵✨米線$10✨咖喱牛柏葉$12✨豬頸肉$12✨豬紅$10✨豆漿$14麵尊店內環境簡潔舒適，每次經過都見到keep住好多人食！決定今日try try！麵尊的米麵非常彈口，唔似一般車仔麵的米線通常煮得好淋，好正！店內提供的咖喱醬汁好濃郁，好入味，我叫小辣都好夠辣。叫咗3個餸，豬頸肉好大片，好食又有咬口；而豬紅同咖喱牛柏葉都真係值得叫，好入味，好夾咖喱汁！真心希望未來可以繼續保持高水準！香港仔人就繼續有好野食！正！

麵尊今次要介紹喺香港仔一間車仔麵餐廳叫「麵尊」，呢間「麵尊」有兩個入口，正門入口有一級，輪椅人士可以轉左邊入香港仔中心入「麵尊」側門，佢哋側門係無障礙通道，不過要L形入去，真係要考考大家駕駛技術！入到去見到餐廳店舖好乾淨好光猛，座位唔會好逼，一般車仔麵餐廳多數一枱至少有兩位陌生人一齊坐，呢間車仔麵真係坐得好舒服，牆上仲有五個不同國家嘅時鐘，唔知係咪提旅客夠鐘上飛機呢？！1.大尊：豬紅、蘿蔔、咖哩魚蛋、紅腸、豬皮、菜（幼麵）$49+熱奶茶$17（9/10）叫咗一碗大尊，呢個大尊套餐對於有選擇困難症嘅我真係一流，唔使諗又多配料，配料包括有5舊唔腥嘅豬紅、2舊好甜無渣嘅蘿蔔、2粒好彈牙嘅咖哩魚蛋、2舊紅腸、2片索哂牛腩湯汁嘅豬皮同幾塊生菜，麵就揀咗幼麵，飲品就揀咗熱奶茶要加$17，奶茶茶味好出，奶味唔見咗，奶茶整體好一般！2.蘿蔔$10、墨魚丸$12、五香牛腩$12（河粉$10）+豆漿$14（8/10）呢碗就每樣配菜單點，揀咗加$10兩舊好甜無渣嘅蘿蔔、加$12兩粒好粉嘅墨魚丸同加$12六舊有少少韌嘅五香牛腩，麵就揀咗加$10要河粉，河粉份量都幾多，飲品就揀咗豆漿要加$14，豆漿少甜幾好飲！

--講起車仔麵～莫過於一定係入選為全港十大車仔麵之一既「麵尊」，身為車仔麵愛好者～以前係銅鑼灣番工一個月一定麵會食幾次，而家竟然係香港仔麵開左分店😍身為南區人既我點會唔走落去過下麵癮阿～-入去店舖環境好乾淨好光猛，坐位闊落完全唔會好逼～好舒服既環境，店員服務態度都好好，麵尊既特點就係特濃湯底🤤所以今次我地叫左❤️大尊❤️油麵材料好豐富～有豬紅、蘿蔔、咖喱魚蛋、紅腸、豬皮同菜～大部份都係招牌配料，蘿蔔一如既往都係好入味且好腍，仲好甜😌豬紅每一嚿都係正正方方，超滿足！咖喱魚蛋大大粒又彈牙！已我就鍾意散叫～豬頸肉、咖喱魷魚、美味齋咖喱魷魚好入味～豬頸肉鮮嫩多汁，咬落唔會好鞋入哂味，美味齋正👍入哂湯底既味湯底咖喱湯底～咖喱果然係鎮店之寶，超出色！之後一定會再黎食過😍麵尊 (香港仔)📍香港仔南寧街ac5地下8號舖#車仔麵 #車仔麵世一 #全港車仔麵 #車仔麵推介 #南區美食 #南區好去處 #香港仔美食 #香港仔必食 #麵家

🥢- 蘿蔔/豬皮/豬紅 (中辣/咖喱辣/麻辣/滷水汁)這家車仔麵店的蘿蔔/豬皮/豬紅炒得相當不錯。蘿蔔切片入口夠入味，帶有微辣的中辣口感,入口無泎。豬皮和豬紅的份量也剛好！兩樣都沒有奇怪的味道！🥢- 豬頸肉/咖喱魚蛋/豬腸 (小辣/咖喱辣/滷水汁)湯頭濃郁,咖喱香氣四溢,帶著微微的辣度,非常開胃。豬頸肉滑嫩多汁,咖喱魚蛋Q彈有嚼勁,豬腸煮得入味不柴,三種肉類搭配得恰到好處。湯頭的咖喱香氣融合得很好,不會顯得過於濃郁。🥤Zero可樂🥤雀巢檸檬茶💫整體評價整體來說,這家車仔麵份量足夠！配料都算多選擇！而且有咖喱辣或者麻辣可供選擇仲可以加滷水汁，令到個車仔麵啲湯更加濃郁！✨ #麵尊 #車仔麵 #香港車仔麵 #新店速遞 #香港仔美食 #銅鑼灣美食 #咖喱魚蛋 #港式 #港式美食 #香港美食

二訪位於香港仔既麵尊，皆因配料選擇多，湯底味道濃郁(唔會死鹹)，食物有質素😘♥️蘿蔔、咖喱魚蛋、米線食車仔麵一定要食蘿蔔，煮得淋，湯既味道已經滲晒入蘿蔔到仲帶有甜香，咖喱有小小辣，魚蛋彈牙😋♥️豬頸肉、紅腸、午餐肉、油麵大大片既豬頸肉，肉質鮮嫩，好厚肉，先用滷水煮過，味道濃郁，再另加咖喱汁，同本身湯底好夾，咖喱食落去辣辣地😍♥️炸魚皮炸得好脆口，食得出好新鮮，味道帶有少少鹹香，想食半脆半淋既口感，浸係湯底到幾秒鐘就可以啦😊✨除左以上食個D配料外，仲有其他三十幾款配料👍🏻✨如果想湯底增加層次，可另外選擇牛腩汁、麻辣及咖哩汁🤗

今日同男朋友入嚟香港仔逛街，經過面麵尊，一直都有聽過呢間舖啲車仔麵非常之唔錯，其他分店都成日要排隊，喺香港仔呢間見到唔使排隊，嗱嗱臨就入去試吓，係咪真係傳說中咁好味！入到去環境都好乾淨明朗，地方都幾大坐得都幾舒服，服務員啲態度都非常之好，知我哋食得辣都推介咗我哋食佢哋嘅秘製咖喱，不得不說大推佢哋嘅秘製咖喱，勁香勁惹味，佢哋嘅湯底都非常之濃郁，我試咗佢哋嘅咖喱魷魚、豬頸肉、糖心蛋、豬紅、蘿蔔、豬皮。我想講嘅係佢哋嘅餸都味道，非常之入味同濃郁，絕對係可以媲美深水埗嘅文記如果九龍區都有多啲分店就好，我一定會成日去食！大推豬紅，蘿蔔,豬皮,糖心蛋。蘿蔔勁腍勁鮮甜。豬皮都勁入味勁掛汁。良心食評試過你就知

車仔麵開到周街都係，但呢間真係好食🤤食幾次唔同餸都好掂👍🏼我地最鍾意咖喱加辣湯底，好惹味但又唔係味精，唔會好口渴！今次嗌大尊有我最鍾意既魚蛋同埋蘿蔔🤓魚蛋大大粒，好彈牙，唔係煮好耐但又好入味！蘿蔔就真係次次都嗌，好清甜冇咩渣😀有驚喜既係豬紅，唔腥又夠味豬皮好爽👍🏼而男朋友就勁鍾意食豬大腸，呢間都係洗得好乾淨，好入味🤘🏽魚皮餃都係驚喜地好味，唔係平時百佳果款😗仲有鮮腐竹，好大塊👍🏼

一直都好想試吓哩間人氣車仔麵店 但去親銅鑼灣分店都大排長龍 今次去開香港仔先發覺原來都有分店 緊係試下啦~ 😎不論麵底/配料都選擇繁多 就連醬汁都可以自行配搭(包括咖喱/麻辣/腩汁) 總會揀到自己嘅心頭好 如果唔想苦惱可以選擇大尊 包括有豬紅、蘿蔔、咖哩魚蛋、紅腸、豬皮、菜 有哂佢哋大部分嘅招牌配料💁🏻‍♀️個人就鍾意散叫 推介酸齋 有二大件 綿綿質感 酸甜適中😆；五香牛腩 肉腍入味 而且份量十足🤩; 豬頸肉都唔錯 大片厚肉 食落爽口~#麵尊 #車仔麵 #香港車仔麵 #新店速遞 #香港仔美食 #咖喱魚蛋 #港式 #港式美食 #香港美食

麵尊平時食開銅鑼灣分店, 原來麵尊已經開到香港仔都有! 車仔麵嘅餸, 湯底同小食都好多選擇, 黎食幾次都可以有唔同種類嘅配搭! 餐廳裝飾行懷舊風，座位闊落坐得舒服✨質素保持得好好，唔怪得知小編去個一晚由六點幾開始就越坐越多人! ————————————————感想:❆ 大尊 $49一次過就食到豬皮、豬紅、蘿蔔、紅腸、魚蛋、生菜咁多款餸真係超級抵! 適合啲相食好多唔同餸或者特別肚餓嘅人🤣小編好鍾意食米線，所以麵底今次就揀咗呢一款😋 蘿蔔一如既往都係非常之腍, 一啲筋都冇~ 豬紅每一舊都大大嚿，食落好有滿足感!其他餸都非常唔錯❆ 自選車仔麵 想試多啲唔同款式嘅餸，同朋友就嗌多咗另一碗車仔麵, 餸係全部揀唔同嘅(因為我哋想試多啲)有炸魚皮, 魷魚同豬頸肉🐖炸魚皮係另上嘅，服務員會一個膠袋咁樣俾你，咬落去超級脆, 豬頸肉同魷魚都好入味, 下次要再試吓其他嘅餸先!💃🏻P.S. 餐廳有每人最低$40消費要求! ————————————————整體:✦ 價格: 4.6/5✦ 味道: 4.4/5✦ 服務: 4.4/5✦ 環境: 4.2/5✦ 再訪指數: 4.4/5麵尊地址: 香港仔南寧街ac5地下8號

夏日炎炎冇乜胃口，就喺香港仔買左個我近期最愛既麵尊車仔麵返屋企嘆住冷氣梳化煲住劇叫食啦，2個人剔下剔下就叫左9個餸超豐富打開個碗都睇唔到d麵咁制豬皮夠爽彈，蘿蔔次次都超甜必叫，酸齋正常，雞翼尖好入味，米線夠彈牙唔會痴埋哂另一碗就叫左次次必叫既豬頸肉，五香牛腩炆得夠淋，蠔油東菇夠爽，午餐肉勁厚身，炸魚皮又脆，俾得多過街邊粉面鋪，粗面正常湯用另一個碗上，唔使將d餸倒黎倒去同埋記得剔紙記得剔右下角既汁醬，腩汁同多蔥係必叫之外，麻辣都係好常會叫，你見佢有得單獨買就知有返咁上下啦 。

.近排係南區返工..收工去左搵食😋點知發現香港仔開咗間麵尊車仔麵😍又係我最愛車仔麵其中之一😛即刻入去🙂lunch時間稍為多人小小..但等左5分鐘唔夠就可以入坐喇👏🏻豬頸肉蘿蔔咖喱魷魚車仔麵🍜豬頸肉好爽又軟淋👍🏻蘿蔔加湯底好入味‼️咖喱魷魚勁爽口好有口感💯【麵尊】📍地址: 香港仔南寧街6-12號ac5 地下8號舖 #麵尊 #車仔麵 #香港車仔麵 #新店速遞 #香港仔美食 #銅鑼灣美食 #咖喱魚蛋 #港式 #港式美食 #香港美食 #foodie

南區食嚟食去都係嗰啲餐廳，早排開咗間麵尊一路都未去食，堂食爆曬場就買外賣返屋企食。我就叫左碗大尊，入面有豬紅，蘿蔔，咖哩魚蛋，紅腸，豬皮，菜連河粉，蘿蔔又夠甜咖哩又入味，識食就要加埋麻辣同埋多重再加腩汁。老公係食肉獸就揀咗豬頸肉，牛腩，豬大腸，雞中翼，芝士腸連油麵，加埋腩汁就一流啦，豬頸肉就唔會肥，牛腩炆得又夠腍，豬大腸就夠煙韌，雞中翼炆到入曬味，芝士腸純粹個人喜好，油麵就夠彈牙就算坐滿座位外賣都整得勁快整好，一首歌未聽完已經攞得，係靚正又多選擇肯定成日黎食。