麥奀記 (忠記) 麵家

營業中

休息中

愈來愈多老店結業，換嚟嘅係一間又一間一式一樣嘅連鎖食店，我自己就比較傾向去小店大家唔好遺忘呢啲傳統老字號  麵條彈牙好出色！全港數一數二彈牙，絕對好食過某幾間米芝蓮推介嘅麵店！ 大地魚湯底好鮮味，用埋蝦殼一齊煲，忍唔住係咁飲！ 雲吞細細粒，味道就中上，但麵條真係好出色！我覺得係全港Top3嘅雲吞麵！大家唔好搞錯，唔係綠色招牌嗰間麥奀記，呢間係麥奀忠記每次嚟中環都會食，係一條巷仔之間，呢啲傳統手藝唔好比佢失傳呀！

I actually ordered delivery from Mak the other night. It’s great that they separate the noodles from the soup so nothing gets soggy.I ordered the beef tendon and beef stew noodles and my grandma got the beef tendon and wonton noodles.After we poured the soup in, the noodles were still bouncy and delicious! The beef tondon was soft and melts in your mouth. Beef stew was nice and tender as well.My grandma said the wontons were legit and had a good amount of shrimp inside.I recommend trying this pl

先嚟一淡湯🍜，大地魚湯底唔錯呀。雲吞大粒咗啲，蝦就夠爽🍤。水餃皮薄，啱size, 多料夠香。牛腩入味/有牛味，不過有啲位韌咗少少，其實都好少食過柱候牛腩一啲靭位都冇。牛筋最正，入味又滑又唔削。芥蘭夠淋，啱啱好，跟咗腩汁，早知跟蠔油試吓。個人覺得雲吞/水餃/牛腩偏濃味/鹹，要飲住玉泉忌廉😑一般小舖，服務算唔錯, 傳統雲吞麵舖嘅水準🙂。麥氏一門，可以同麥奀/麥兆/麥文/何洪記一齊試吓，睇吓個分別。

上週下午三點左右去食下午茶 ， 見到 冇乜就入去食下。食物味道麻麻，份量極少價錢又貴 。最難頂係佢老闆娘用很不友善的眼神經常看著我 ，一啲禮貌都冇，黑口黑面好似我爭佢幾十萬咁 。我食完 我面行出去門口畀錢 佢在忙住數其他錢。 我畀佢佢又唔接住咁我放低喺佢面前。。 一手就撥歪咗啲錢 繼續數佢嘅錢 。一啲禮貌都冇點做食肆影衰曬香港人

中午吃了點心放題，到上環永安百貨大減價入貨，肚子不餓，但還是想試試麥奀記(忠記)麵家。此店位於橫街，要在德輔道中永吉街轉左，燈柱掛有小招牌提示。麵店不大，門口貼有明星用餐後的留念照二人坐了卡位座，尚算寬敞，枱面放有一般麵店提供的調味料，辣椒醬、醋，醬油等等價錢牌點了一碗雲吞麵、一碗水餃麵雲吞麵(細蓉)$40呷一啖湯頭，有大地魚味，清甜鮮味; 四粒雲吞放碗底，麵條置於其上，麵和湯隔開，食雲吞麵必須分秒必爭，麵淋了就不好吃，此店不大，師傳煮起，侍應馬上送上，時間完全沒有延誤，麵條彈牙有勁薄薄的皮包成一粒一啖的大小的雲吞，豬肉比例不多，蝦肉新鮮爽口水餃麵$41賣相跟雲吞麵一樣，麵放在水餃上水餃皮薄餡鮮，包有蝦和豬肉，飽滿鮮味，放有少量木耳，更添爽脆口感埋單:$81，能夠食到一碗無論麵質，雲吞，湯底都非常用心製作，超水準的雲吞麵，大滿足

在午餐走去想享受一個雖然很貴伹vintage的雲吞麵，叫了大碗(盛惠60)，它的大碗只是正常麵size,叫了油菜和汽水。又坐到彎腰，又被趕，又被老闆娘不礼貌對待，反觀其他店有位也有礼也有水準，當然去一次就夠了。若果無心並無貌要趕客，請不要經營令人失望。

湯頭鮮甜但略欠蝦子，麵彈不過啲雲吞實在包得相當奇怪冇譜，形狀方面冇金魚尾，味道方面黏住較多調味嘅豬肉每粒入面份量不均，有啲得蝦味，有啲就太鹹虧門口條友仲話最出名係呢間，我寧願過海食麥文記中上環地段40蚊都只可以話係不過不失，下次會花多少少錢去斜對面麥兆記再試試

📍 麥奀記 (忠記) 麵家中環永吉街37號地下.🤓正斗雲吞麵(大)💰$60.以為呢間麥奀記係麥奀開點知又唔係 鋪頭寫係池記第三代邏輯推論 姐係呢間忠記 係麥奀個仔開.經過上次食唔飽嘅教訓今次決定食大碗佢嘅大同細 無論價錢定分量 都係1.5倍嘅關係大$60 6粒雲吞 1.5個麵細$40 4粒雲吞 1個麵um…ok 無平到又無貴到 幾搞笑.呢間麥字頭啲雲吞就大大粒啦漲卜卜 蝦都大隻 彈牙皮就 正常厚薄 無亮點反而麵係普通粉麵麵鋪質素

以前唔好雲吞麵，但吃過忠記的麵後，完全愛上咗！跟住去咗好多名店比較下，都係覺得佢嘅麵質最好！第一次去跟雲吞，但佢嘅雲吞對我來講太鹹，可能我熱氣。第二次去跟牛筋腩，完全過晒火，牛腩好似煲湯豬肉咁乾硬，牛筋好腍但有啲瀉。今日是跟水餃，水餃好食，但係都係對我嚟講有啲鹹。如果我熱氣嘅體質/口味冇改善，個肚要留多啲位加麵底去平衡返啲餸嘅重口味。如果淨面我都唔介意，個麵太正，一試難忘。成日都掛住，再食唔到其他雲吞麵。🤦🏻‍♀️$41 細水餃麵

放工時間行過中環,見到呢間店門口貼左好多名星合照，就走左入去試。雖然可叫細/大碗，但兩者價錢都唔平。因為唔系好肚餓，所以叫左碗細，唔洗等好耐，落左單好快就有。雲吞好足料，美中不足系份量真系有d細，如果for下午茶就夠，正餐既話真系要叫大碗先夠飽。

聽講咧間雲吞出名，牛腩都唔錯。1點前到左，即刻有卡位坐阿姨服務好好，熱情有禮貌。叫左牛腩雲吞麵，餐牌仲有牛筋可以揀，我話好糾結，阿姨聽到就話比「三拼」我。牛腩牛筋各一半上到黎肉既份量唔少，雲吞係底，有四粒。每粒都有蝦仁味道唔錯。不過我D牛筋好碎，基本上無一塊完整既筋 朋友就有一大舊而且唔韌無咬口，失望。牛腩都唔錯既，但唔算出色。麵既份量都唔少，女仔食足夠，男仔我諗要加20蚊加底啦。油菜（菜心）新鮮唔老，算係咁。So far so good啦。隔離有D價錢差唔多/平少少既餐廳，應該唔會再幫襯。

好朋友陪我上完瑜伽，帶我食少少野，佢非常鍾意食這間雲吞麵，推介雲吞。她叫了雲吞撈麵，我叫咗雲吞粗面。雲吞足料，實在蝦肉出乎意料的彈牙爽口。我喜歡粗麵，因為愛它chewy 的口感，而且沒有鹼水味，軟硬適中。唯獨我覺得我的湯比較油膩而已。老字號，屹立咁多年，總有佢原因。大家有機會都可以一試。店舖位於橫街內，門口仲有一些小販排檔遮住，要小心找。

我覺得係好味的雲吞麵。麵不太硬，湯清有味，雲呑蝦爽鮮、皮滑不散、大小適中，而我是點了全蝦的。全走介蘭亦正，新鮮有質素，且無鹼水味。唯一可以話我不太喜歡的，係湯內有太多的油。如果可以走油就無得頂。（純粹因個人不喜歡油的食物，其他人可能覺得恰到好處）店舖是舊式經營，無誇張門面，也沒有什麼裝修。卡位多，坐得舒服的。保持水準，與幾年前第一次來，同樣好味。不過，一麵（大雲吞趟）一菜就$87了，始終都係中環。

前幾日經過上環永吉街附近見肚餓就試下，間鋪都係普通舊粉麵店咁既格局，環境一般有d細，坐底後冇招呼，水欠奉，算了睇餐牌，既然間鋪係主打雲吞就要試下，如果主打果樣都唔得咁唔洗試其他，於是就叫左細雲吞麵，d麵黎到見到係有少少O咀既，因為冇諗過只係得一個細飯碗，恕我見識少食咁多次粉麵都未見過咁細碗，唔知最近d麵價係咪好貴所以唔捨得落咁多，味道方面都係一般唔算好有水準，d麵只係一兩啖就食完，同一價錢下有大把比佢優勝既選擇，可能佢只係sell所謂既老字號，唔會再試。

麥奀記 忠記今次來到上環既麥奀記食牛腩麵。麥奀記有好多間，但係唔係間間都好食。江湖傳聞呢間係最老字號，其他都係那間舖頭老細既親戚。呢個世界就係咁，正所謂窮人鬧市無人問，富人深山有遠親。你做得好既，搵到錢既，咪有人認親認戚 lor。講返碟牛腩麵，我鍾意面身夠硬，所以食粗麵。加上唔鍾意 d 麵浸住，就叫撈麵。旁邊呢碗係大地魚湯，點解食撈麵要俾碗湯你呢，就係怕你 dry 過頭，濕一濕 d 麵，容易 d 入口。佢 d 大地魚湯真係好香，你好少可以係外面食到呢個味道。真材實料係無得呃。呢間野 d 牛腩非常淋，如果你有機會食到 d 筋呢，你會覺得好似化左咁，個人覺得非常好食。麵本身已經有少少腩汁跟，個人喜好鍾意落多一兩匙潮州辣椒醬，非常野味。