麥奀記 (忠記) 麵家

營業中

休息中

銀絲細麵鮮蝦湯底呢個配搭一食就食得出係麥奀記上過米芝蓮 可以話係香港最好食嘅雲吞麵店Particularly thin noodles with an absolutely excellent combination of shrimp based soup.Introduced by michelin magazine and was recently renovated One of the best wonton noodles in Hong Kong

聽就聽過好多次呢間餐廳既名，今日第一次去食。平日下就1點幾，唔洗等位就入座，叫野食都好快上枱，不過都幾爆棚，同埋有D迫。我同朋友叫左雲吞麵，又真係幾好食。個雲舌冇咩特別，個麵就好爽，唔會有鹼水味，又夠幼。不過好細碗，女仔都唔太夠飽，可以嗌多少少野食或者出去買杯野飲！

This is not a place I would check out especially on weekdays when all the people working in the area go there.I only happened to dine there on a Sunday afternoon because it was raining and I was too lazy to walk else where.As it was Sunday, there were less people hence the staff were laid back so I was lucky and didn't have to put up with the usual unfriendly service which you can imagine when they are busy during lunch hours!!Well, it was just noodles or noodles with different toppings.I actual

今天5月25日買了一盒生雲吞外賣。我揸住張$100,向個唔男唔女的收銀員落 order : 唔該一打生雲吞。佢唔理我，仍然低頭。D樓面大聲重複：一打生雲吞。我仲揸住張$100等個收銀取，但他/她無咁做，反而取出兩張$20找續，我意會是找續，取了；但他/她仍然唔攞張$100，我唔知應唔應該放低張$100係櫃枱，因為個出口好大風，容易吹走，個唔男唔女又唔伸手取。咁我仍然揸住張紙幣向住他/她。D樓面再話：執緊俾你。我覺得無理由仲揸住張紙幣，於是放低在櫃枱，企出面口等。張纸幣被風吹下吹下，不過無跌落地。到我攞到雲吞，張紙幣仍然係個收銀前面吹下吹下。好奇怪。又話支持小店。但咁嘅態度又點再幫襯得過？

今日見餓行過，食左雲吞麵！細碗嘅38蚊，大碗嘅58蚊，我就叫碗細嘅試下，環境方面好多遊客，型男索女！唔錯唔錯！碗雲吞麵入口 彈牙爽口，後悔無叫碗大嘅食！食完好滿足！ 但俾錢嘅時候真無OMG!我放下單及錢，收銀大姑一張厭世嘴臉斜視我一下敲一下枱（意思係話我知我D錢放左喺單嘅上面，佢 睇唔到值錢同佢一雙纖纖玉手唔郁得，只有眼珠郁得），之後我把單同錢分開放，佢眼珠 用 鄙視眼神移開，放返低2蚊俾我。 呢位眼珠收銀大姑真係影衰左碗 雲吞麵 ~唉

麥奀記的兒子，自立開的麵店，好有老舊香港餐廳既感覺，好親切。講番碗雲吞麵，除咗有好濃既梘水味，仲有鮮甜既海蝦味。雲吞裏面啲蝦大大粒，咬落爽口又足料，而個麵就好彈牙，煮既時間啱啱好。仲叫咗個子薑皮蛋，都幾好食，而家廿蚊食到咁既皮蛋，真係算係咁。另外，服務員同街坊好熟，街坊一抵步，服務員已熟練地幫佢地落叫開既麵食，唔洗熟客出聲，服務唯一不足之處，就係顧客、員工都太熟，閒話家常時全店都聽到... 有點吵耳... 但係為咗呢碗雲吞麵，的確值得再幫親

無水無茶，百無。有味精，食完非常口渴。湯超少，縱然湯底是有水準的，配合起來，根本不滋味。面頭那層油，看到已經吃不消，像油溝水般。芥蘭超級硬，難嚥，完全無特別無吸引之處。付款時，那個男人頭肥女人將要找換的錢統統掉左枱上，極無禮貌。她那眼睛一直晦氣地瞪著你，完全不知道她為什麼在發脾氣。當時我的腦海只想到，何必貼錢買難受？香港好味道的雲吞麵多的是。單單是中環，已有非常非常多的選擇。永世不再光顧，免費也受不了那咀臉。

雲吞麵，又叫「蓉」，由「芙蓉面」演變而成，因為芙蓉多數形容靚女，借喻形容雲吞麵係靚麵。大家實聽過有人嗌雲吞麵做「細蓉」，其實佢係代表其中一個份量的雲吞麵。根據資料，佢大概分為3個份量，「細蓉」係1個1両重的麵餅加4顆餛飩，「中蓉」係1.5個麵餅加6顆餛飩，「大蓉」係2個麵餅配加8顆餛飩。以前，雲吞麵係有錢人的玩意，因為份量細，一般平民係唔會當飯食，但時至今日雲吞麵已經係香港地道的平民美食。雲吞麵睇落普通，但做得好可以正到嘩一聲，湯又清又香，竹昇麵彈牙唔重鹼水味，浸耐左都有QQ質地，雲吞薄皮之餘蝦豬肉餡撈得味道突出。但係難食都可以會令人_一聲！麵彈但重鹼水苦味，湯咸又唔香，雲吞餡一堆冇味既野。所以香港地食雲吞麵都係一場賭博遊戲。今日就去左呢間傳統老店試下。一場黎到，梗係叫個細蓉（$38）試試佢。試撈起麵底下的雲吞望望，皮睇落夠薄，但我唔鐘意雲吞餡成隻蝦上，應該要蝦豬都平均，然而佢個蝦又冇味，得個爽字，冇咩特別。到碗麵啦，先飲一口湯，真心唔錯，係淡淡的大地魚湯，唔會勁搶的咸味，係淡鮮味，鐘意佢有韮黃。再食啖麵，彈牙又唔會有鹼水味，食到最後，都仲係Q彈，係有質素。雖然質素唔算好差，但真心價錢

麥奀係雲吞麵世家，出名嘅當然係雲吞，但係我比較欣賞佢哋嘅廣東水餃。由唔知幾時開我每次嚟嚫都係嗌水餃麵。水餃唔同在於形狀，皮感覺上厚身少少，最主要係裏面包多在爽脆嘅黑木耳，成個口感再豐富D彈牙D，食落真係好用大地魚淆嘅高湯真係好鮮甜美味，再加埋D韭黃，簡直 perfect！仲有我好欣賞嘅係麵本身都好講究，平時食淋 bat bat 嘅米線食得多，食返D高質嘅麵真係寧捨唔同！其實我哋廣東人嘅竹昇麵都好似意大利嘅一樣追求 Al Dente，爽口彈牙，有D硬硬哋就至上！講真 portion 係細小啲，港女食完都仲會有啲肚餓...不過 $39.00 可以食到廣東精髓，何樂而不為！最後講多句，食過幾間麥奀，本小姐覺得最好味非忠記莫屬！

今次想講下芥蘭。嚟到一家廣東麺家，通常只會諗到食雲吞、水餃，定係柱侯牛腩；又有幾多人會留意碟菜呢？因為最近要減磅，往往都想中午時分食碟菜，一方面多啲纖維填飽d個肚，二來又可以食少啲澱粉質同肉類。喺廣東麵家通常只得菜心同芥蘭嘅選擇。响其他麵店好少食芥蘭，通常叫菜心或生菜。但自從响呢度食過一次芥蘭之後，每次返嚟都encore再食！！我估計呢度有特定嘅蔬菜供應商，因此芥蘭嘅質素保持得非常非常穩定！穩定到每一次食每一條嘅芥蘭嘅粗度都差不多係一個五毫子嘅直徑，而且十分爽脆清甜，加上用鹼水嚟淥，可以保持非常翠綠嘅顏色！如果想食腍d，要額外同伙記開聲。點解咁讚賞呢度嘅芥蘭？試過喺其他出名嘅麵店叫嚟食，總係覺得淥得太腍，特別係麥文記，而其他又總係覺得唔夠清甜，或者比較幼身唔夠咬口。始終都係呢度嘅係無可挑剔，正！！不過，唔滿意嘅地方就係價錢實在太貴（明白一分錢一分貨），同埋收銀阿姐十年如一日冇笑容嘅十級西面表情。

呢間唔係好多分店嗰間麥奀，但碗雲吞麵都係好細碗嗰間，招牌加埋「忠記」個字號！今日放工貪口爽，入去食咗碗細淨雲呑。呢度賣嘅係傳統鮮蝦雲吞，絕對唔係以大粒為賣點，而係以一隻中蝦為基礎包一粒雲吞。中蝦肉質雖然爽脆，但似係啤水出來嘅效果，啤得足結果就犧牲咗鲜甜味，所以調味落得好重！雲吞皮煮得火候非常適中，保留咬口！見佢客唔多嘅時段，係用生雲呑即煮，所以等耐啲都抵返；如果係繁忙時間要預先煮定，能保持咬口定必是過足冷河，不像其他舖頭求求其其煮熟就放落筲箕由得餘溫繼續煮淋哂啲雲吞皮！雖然今次冇食雲吞麵，但呢度煮麵嘅功夫實在值得一讚！麵餅落滾水不是一直煮到尾，中途會上水過一過冷河，然後再落返滾水煮多陣，效果令麵底非常爽口弾牙！呢啲工夫今時今日好多麵舖哟師傅都已經偷懶唔再做了 ... ...不過，呢度最令我失望嘅地方就係個湯底，以前仲有啲大地魚味，冝家已經欠奉，再者，味道是死鹹，鹹得將所有雲吞湯應有嘅鮮甜味都淹沒了！

星期日早上閒來無事決定慢活一下去忠記食一碗細蓉唔洗等位就食到見到一批新鮮雲吞水餃細蓉來了非常正宗的雲吞在底雖然有輕微鹼水味但麵質好爽彈雲吞細細粒大地魚湯好鮮味食得出全部真材實料好滿足！

我公司就在中環，我好鐘意食呢間啲傳统雲吞麵，成日都去每两三個星期就食一次，36元細碗，鮮蝦雲吞皮薄蝦肉爽口味甜清香三四粒，爽口彈牙靚蛋梘水麵小小地，香濃甘香滑候大地魚湯，真係飲晒啲湯喉嚨都留有鮮甜香味。好正！但。係。呀。最近兩次去...個大地魚湯底好明顯差咗，淡咗同冇咁鮮甜！點解呢？不過麺本身仲係好彈牙，雲吞仲係好爽

睇到本雜誌，就想再嚟呢度食天氣太熱，所以無咩胃口。我就想食d開胃d既嘢食，就決定食炸醬雲吞撈麵。終於有得食，麵爽口彈牙，又冇咩鹼水味，好爽口！炸醬味道酸酸甜甜，撈埋d麵食好開胃，而且炸醬入面d豬肉有肥有瘦，有咬口得嚟又有豬肉既甘香，仲有少少辣味，不過唔係好辣，啱晒我易啲唔食得辣嘅人雲吞入面冇豬肉得蝦，就比較爽口鮮甜，加埋d調味料，更加鮮味仲附送碗上湯，湯味道得好濃郁，有淡淡既大魚香味，淨係食撈麵，會有d乾，加埋碗湯就正喇

經過見到呢D舊式小店，小妮子通常都好有興趣入去試下，呢間麥奀記都有D名氣，出名食舊式細蓉，即係雲吞麵，既然經過又咁熱就當抖下涼試下都好不過可能希望愈大，失望愈大，試完之後又覺得唔係真係咁好食，佢唔係唔好食，但係小妮子唔會有衝動想再去食囉，唯一值得既可能只係佢夠傳統夠舊式，的確依家香港都係愈黎愈少嫁啦雲吞麵，傳統雲吞蝦肉比例，所以會有肥豬肉，都夠既，個麵就真係幾彈牙，湯底大地魚味夠濃，不過真係偏咸，仲帶有少少苦味牛腩麵既牛筋好淋好入味，牛腩都係，呢個幾好食，小妮子覺得出色過雲吞添希望呢D小店可以繼續做落去啦，為左支持佢地，小妮子下次經過都會再去食，希望可以出一分力啦