麗姐廚房

營業中

休息中

前一天打去訂坐，waiter冇要求留電話就掛了線。今日上到去，另一waitress發現booking攪錯了，禮貌地表示歉意，欣然接受。加上，原來不是叫小菜(選快餐)是自助形式的。😂$50三個餸！在灣仔區簡直係奇蹟！🤩仲有包一碗飯加例湯，完全係夠飽的。齋菜質素不錯，好愛那炸蓮藕。❤️唯一有待改善，是坐位嘅安排。餐廳的六人枱，竟要求兩pair唔識嘅人連坐。👇🏻OOXOOX而不是用中間枱來分隔。👇🏻OXOOXO希望餐廳會改進此安排。🙏🏻🙏🏻

朋友話想食清淡啲，所以試咗依間素食。雜菜煲味道香濃，炒米粉望落去普通但食落好香口，而羅漢齋炒麵香脆可口，齋咕嚕肉則酸甜開胃。對於素食餐廳嚟講依間算平價低食👍🏻👍🏻

聞名以久的麗姐廚房，一直都沒甚麼機會上去試，昨天早上在銅鑼灣飲完咖啡，想不到吃甚麼就忽然醒起可以行過去試下。一上到去見到勁！多！人！午餐時間簡直坐無虛設，排隊取餐排了好一陣子，還差點找不到位坐，有沒有這麼誇張？食完行返去灣仔地鐵站先發現原來勁近，一出站行兩分鐘就到，交通非常方便！餐廳在某商廈的二樓，樓下沒有明顯大招牌，找的時候看地址比較容易搵到。大堂等升降機上去要排隊，行樓梯比較快啊。樓梯一出就見到啦，進去發現餐廳比我想像中大間。但係！成間都係人！坐到密密麻麻滿晒座！我諗真係好受附近長期素食者歡迎，上班族應該也會很喜歡這裡的價格，方便快捷健康美味兼備，真係一個好去處。餐廳沒有人帶位，自己搵位坐，有空位可以隨意搭檯。進門可以先去櫃檯點餐付款，每天有六款素食小菜，可以自己揀三款，均一價 HK$50/位，附白飯和例湯。白飯和湯不夠吃可以添，另外也有水飲。點餐其實用號碼就OK，拿著小單去排隊，左右人龍排堂食，右邊人龍排外賣。廚房好幾個人在工作，手腳都算快，不過條人龍真係幾長所以都要等少少。 HK$50我見姨姨裝小菜都幾闊綽，唔會淨係夾兩條菜咁，所以係一定食得飽！我覺得餐牌上面六款小菜都幾吸引架

因為有朋友是素食者，所以就帶咗我去試吓，價錢大眾化兼且大大碟，叫了一碟糖醋咕嚕，係用猴頭菇當肉，炸得外脆內軟真係好似咕嚕肉，竹笙素翅羹材料豐富，牛油果吞拿魚卷亦都食唔出係齋嘅，依家啲素菜款式選擇真係很多

麗姐廚房可以話係小妹既飯堂staff又好nice 出菜既速度又好快餸仲多過啲飯 香港地可以去邊度搵呀優質平靚正之選 清清地又好味$50有三份素菜 （仲要六選三）白飯任裝 仲要牛蒡湯任飲♡ 白豆角炒肉片♡ 肉鬆水蛋♡ 南乳齊好味仔 特別係肉鬆水蛋 肉鬆同水蛋本身都夾到飛起 再加啲甜豉油 水蛋又好滑 餸飯一流☺️南乳齋比起平時食既較為淡味左少少 但都好食既 白豆角就冇咩特別不過量好多😂牛蒡湯入面仲有粟米同蘿蔔好好飲好清甜！♡ 欖菜豆腐♡ 南乳齋♡ 椒鹽雞髀🍗呢個係第二日黎食！終於食到椒鹽雞脾～原來所指既椒鹽雞脾係用腐皮包住一層層而整出黎都幾好食 不過小店都係一貫佢既作風唔會太重口味 不過我都幾喜歡😘

星期六、日中環、灣仔一帶做晚市嘅素食店唔多，所以琴晚就去咗麗姐食飯。麗姐晚市係散叫餐牌上嘅餸菜，價格適中。糖醋咕嚕 ($88)咕嚕肉係用猴頭菇做，外表炸得夠香脆。南乳齋煲 ($88)各食材都好入味，但只有鹹味冇咩南乳味，我覺得似羅漢齋煲多D，而且比例上太多豆腐卜，如果下次放多D椰菜同加埋茄子會更好食。雙併餃 ($68/ 8隻)雙併餃包括流沙餃同梅菜餃。流沙餃入面有蕃茄薯仔同蛋，仲有少少薑味，好好食。我覺得去麗姐必食佢哋嘅水餃。糙米飯 ($12/ 碗)

教師教考試mode又啟動👨‍🏫🤣，解下個題目先所謂「麗姐廚房，食左先講」，意思有✌個一來指到達麗姐時，已十分肚餓🥺，所以食野第一，乜都咪講住二來，「講」也可理解為「介紹食物」，廢話的說，唔食左d食物先，又點介紹呢？數晚前大約8點多🕗，去到麗姐時，已經饑腸轆轆😵。甫一坐下，拿起餐單，一於黎個「斬件式下單法」，先請侍應來一碗雙併餃充一充饑先1️⃣雙併餃~流沙餃和梅菜餃流沙餃的材料包含薯仔🍅、蕃茄🥔和蛋🥚。麗姐的流沙餃，是絕對「不流」的😆，點解咁講呢？一，如果你諗住流沙餃會好似茶樓的流沙包咁，一口咬下時，內裏的餡料會傾瀉而出，那就要調較一下期望值了🙈，因為流沙餃是沒有這效果的二，「不流」的另一個意思，乃是指「唔hea/沒有渣流攤」。流沙餃是麗姐的招牌食品之一，品質亦算不俗👍。在味道上，蕃茄的味道會較薯仔突出，作為降低↘️「饑腸指數」的第一款食品，是不錯的。至於梅菜餃，口感頗爽，不過和流沙餃相比，個人會較為喜歡💕流沙餃。2️⃣椒鹽炸雞脾素食界的「炸雞脾」，通常都是由腐皮「擔網飾演」，這食品的吸引之處😋，一定是它卜卜脆的外層。今次的外層，也是「脆」味十足，不過內層的味道則較為淡，未能吸收調味料的精華，有少

特意到灣仔光顧麗姐廚房，每次必吃的是梅菜餃子，今晚試了冰梅千層,酸甜味道均匀，非常鬆軟；炸雞脾外型極之可愛。老闆娘話疫情嚴重影響市度，不單舖租難捱，連員工出糧也成問題，幸得業主體諒願意共度時艱。麗姐廚房向來具質素而且取價公道，希望大家支持小店，否則又會少了一間優貿的素食館子😢

💛黃店推介之前同幾個同學喺灣仔會展睇完展覽出黎揾食，揀咗間食素嘅餐廳——麗姐廚房試吓。而家聽講佢哋仲會用納米觸煤消毒，大家可以食得放心啦～糖醋咕嚕猴頭菇（$88）糖醋咕嚕係唔會錯嘅選擇，因為醬汁令佢非常香甜，送飯食一流🥰台灣炒米 （$78）✨台灣炒米入面有素叉燒、素餐肉、銀牙、冬菇、椰菜、蛋，面頭仲舖咗浸芝麻。成個米粉口感豐富，而且好香口，食落感覺新鮮，一啲都唔油膩👍🏻沙爹金菇雜菜煲（$88）✨我最愛係呢個沙爹金菇煲，入面巿超多配料，份量超多嘅菜、金菇、粉絲，呢個餸超級搶手呀，三兩下手勢就比我哋清曬😆羅漢齋炒麵 （$78）✨羅漢齋炒麵入面有唔同種類嘅菇、咁甘荀、蘿蔔等等，我幾鍾意呢個麵，佢係乾身嘅脆麵，食落好似零食咁😋平時多肉少菜嘅香港人，兩三個星期應該黎呢度食返餐齋菜，detox吓🤣👍🏻

平時作為一個食肉獸嘅我真係好少會食齋今日因為一個同行嘅朋友係素食者~~所以就嚟左麗姐廚房食晚飯 結果成功令我對食齋改觀糖醋咕嚕猴頭菇媲美到平時食開嘅豬肉質感 配上開胃甜酸醬汁我哋5分鐘就成功食晒成碟羅漢齋炒麵第一口夾嘅面就好脆 食到最底有啲汁就會變林台灣炒米粉夠乾身，夠爽口普普通通嘅食材炒埋一齊都令我食唔停口沙爹金菇雜菜煲好惹味 ！！雖然入面無牛肉 但係沙嗲汁配唔同嘅菜同吸汁嘅粉絲都好好食決定以後都會試多啲唔同嘅素食健康啲又環保啲

都有一排冇去過麗姐廚房，今晚同太太去咗，發現佢哋用咗煤氣公司提供嘅納米光觸煤消毒，感覺好似安全好多，今晚都係食薑汁炒菜心同埋涼瓜炒蛋，麗姐送咗兩碗黃瓜湯，依然咁好味，食得健康又放心，遲啲再嚟過。😋

麗姐廚房適逢初一有家人會食齋菜於是就去試吓呢間老字號6 點去到餐館已經人頭湧湧裝修樸實簡潔舒適職員親切有禮🔅竹笙素翅羮🔅怡香茄子煲🔅枝竹蘿蔔羊腩煲🔅京都金菇牛柳卷🔅糖醋咕嚕🔅黑松露牛油果炒飯🔅羅漢齋炒麵🔅鮮百合金菇菜苗牛柳卷香脆可口汁亦非常美味另外黑松露牛油果飯亦非常好味牛油果非常清新黑松露充滿整個炒飯真係食完一碗又一碗一般人認為齋菜都係非常清淡款式少煮法大部分以為只有炆、炒、烚但事實上已經唔係喇味道多元化煮法亦多岩曬現代後生仔女陪家人一齊食麗姐廚房 (灣仔)灣仔譚臣道105-111號豪富商業大廈二樓A-D室

今次想推介食家常素菜嘅麗姐廚房~ 印象中lunch係六餸揀三餸 白飯湯任裝 都係HK$50左右超實惠! 呢度夜晚叫餸食飯 所有野都好岩口味健康無味精😌 糖醋咕嚕一定要叫! 用左猴頭菇(定面筋?)整嘅素肉媲美到平時食開嘅豬肉質感 配上開胃甜酸醬汁要扒多兩啖飯! 另外香煎蓮藕餅同芝麻糕都大力推介🤤 芝麻糕果味濃郁到呢 絕對好食過出面街舖賣果啲😍😍麗姐果晚做哂野行出黎同我哋傾計 提及前果排已經生意唔係太好加上近排又疫情嚴重 好多謝幫襯嘅每枱食客! 希望大家都多多支持麗姐🙏🏻

有罷工既小黃店💛我個人本身唔係太鍾意食齋🙊因為我唔係特別鍾意食芋頭又或者豆類嘅製品所以我之前一路都冇冇好鍾意食 但係呢一間麗姐廚房有令我改觀😍😍·燒汁芝麻蝦 $98呢個超好食 我本身自己唔食得蝦 所以我就對呢個好有興趣 亦都可能因為咁 我特別鍾意食呢一個🤣🤣佢真係好似蝦 好彈牙 而且個調味好好 好濃味得黎超送飯 不過我哋食完都唔知係咩整既😂😂但係我男朋友係食蝦既 佢就冇咁鍾意呢一個 佢鍾意糖醋咕嚕多d😋😋·糖醋咕嚕$88呢一個就真係好似肉既質地啦 佢係用猴頭菇整嘅 我都係食完呢個送先知原來猴頭菇係咁似肉😈😈但係我就覺得佢個調味略為單調左少少 相對於糖醋 我覺得佢呢一隻汁係似平時啲菠蘿咕嚕肉多啲 不過都好味既😎😎·📍灣仔譚臣道105-111號豪富商業大廈二樓A-D室

食物水準高! 份量好足料! 兩個人食食到好飽😛😛好好味嘅素食鋪！價錢非常合理!!! 員工態度非常好!!😌😌😌環境乾淨! 推介推介⭐️⭐️😋😋😋一定要試!!