麋鹿小孩

營業中

休息中

在這次光顧「麇鹿小孩」的經歷中，我感受到了一種不太愉快的變化。之前對他們的食物品質和服務都非常信賴，但近期紅火後，質素似乎有明顯下降。首先，外賣叫餐時，我注意到食物的包裝並不如以往那樣用心，菜式的擺盤也顯得隨意，失去了之前的精緻感。主打的招牌菜雖然味道仍然不錯，但食材的新鮮度和口感卻有明顯差異，讓人感到有些失望。此外，等候時間也變長了，這對於忙碌的工作日來說，實在不太友好。雖然「麇鹿小孩」的創新菜式依然吸引，但希望他們能夠保持初期的品質，無論在外賣還是堂食的體驗都能重拾昔日的水準。期待他們能夠將這些問題解決，讓顧客再次感受到那份美好的用餐體驗。

上youtube介紹前食過一次，記憶好深，當時好味多材料！youtube介紹後多人食，要排隊所以不考慮，我是附近街坊，冇謂同人去排！近月發現少左好多人食，可能熱度過左，想重溫美好食物(記憶中)！但今次一買就失望，我仲買左兩份呀！同以前兩回事，皮好厚又濕，D材料又少！唔知製作唔同左定材料供應改左？個皮係冇包好D材料，一拎起D肉鬆完美落返紙盒中！價錢唔平，一份蛋餅可以食一份茶記餐，令人失望！我仲買左2份，唉~

買早餐係我每朝返工唯一嘅綠洲，唔買返個早餐返工食平衡下心理，我擔心我一陣會入房反老細枱🤣今朝經過街市眼尾望到佢，心諗呢間嘢有啲熟口面，又唔使排隊就試吓佢！落完單之後發現，佢廚房好多單。心諗今次出事了有排等。等嘅過程R老細吹水消磨時間。傾完先發現點解覺得佢熟口熟面，原來係早嗰排喺影片分享平台見到，果然影片分享平台加持過嘅舖頭都要排隊。等咗都唔係好耐，大概10分鐘左右就已經有得食了！咁我就心諗，等我即場試吓你有咩符fit。我叫咗薯餅蛋餅加奶茶。薯餅好脆，冇油膱味，好大塊。應該就咁叫一塊淨薯餅都會好好食。但係我應該唔夠時間再等了所以下次吧。個蛋餅都好有feel！蛋餅煎到啱啱好唔會太燶亦都唔會太乾，我諗新鮮即場食都有味道加成。奶茶完全係台灣嘅味道！好香嘅奶味，相對香港奶茶而言冇咁澀，凍飲嘅話台灣來茶都係一個唔錯嘅選擇！唔知係因為我叫得少，定係因為佢太好味。我好快就食完。但係食完意味我又係時候上路返工。感謝你個早餐賜予我一個好開始🤣

睇到佢哋社交媒體網站啲片，所以特登過嚟試 😆 最鍾意佢哋嘅台式蛋餅同埋凍奶茶 ☕️ 由於自己唔係太鍾意太油膩嘅食物，所以覺得佢有少少多油，但係好有台式味道，薯餅好脆，食物新鮮，因為都係即叫即正。尤其是嗰個蒜蓉醬 ，亦都試咗個鐵板麵，好香，10分豐富 🥰 一定要試！老闆娘亦都好好人，同佢傾咗好耐偈，發現香港其實唔係好多咁地道嘅台式餐廳 (好似係台南) 🥰 原來都可以喺網上外賣平台度叫，下次應該叫外賣方便啲 🛒

第一次喺香港食到咁正宗嘅台式早餐 喺香港其他地方都未點見過，雖然舖頭比較細，但係真係好地道又好食 而且店員都好Nice 非常推薦佢哋嘅蛋餅同埋奶茶！如果有經過嘅話就唔好錯過啦👍🏻👍🏻👍🏻

最台的早餐店！是早餐店！不是一般餐廳牛肉麵！最愛的黑胡椒鐵板麵、薯餅蛋餅、巧克力厚片、奶茶組合！🫶🏽🤤🤤🤤🤤小孩子才給你做選擇，我全都要！！！（另外卡拉雞腿三明治也是非常好吃，還有鮪魚蛋餅裡面甚至有洋蔥🥹🥹🥹）

原先都唔係好識呢間早餐店，但後尾因為MM報咗就慕名而來，第一次都覺得真係好好食，但唔知係唔係就因為大家都畀佢吸引到，變相開始啲貨源唔穩定、要咩無咩，質素更加每況越下，而且等嘅時間都好耐，今日等完一輪再返屋企開更加發現佢落錯單，打返電話已經無人聽，太失望，Never again and never recommend 完全無法接受今日嘅用餐體驗我明白小店經營唔容易，但接受唔到為咗提高客源反而降低質素希望店主真係諗返初衷去做返好間早餐店

食物質素不錯, 但等候時間過長, 10：30到時已說要等45分鐘，到11：15 再到店仍然要等45分鐘, 原因是因為太多外賣單, 忽略了門市的客人, 部分客人已經等不了離場。等了1.5小時終於接了兩個門市的客人, 我是其中一個....如果是這樣，直接做外賣店可能更好food is good, but waiting time is way too long, has been waiting for 1.5 hours....because of too much take away order

原來佢只係做袋鼠熊貓嘅單，親身去冇買唔到。 咁其實開門市做乜？去到話要等45分鐘，不過之後又要等45分鐘。原來係因為太多外賣單，做唔切。根本幾應該要截單，廚房得一個人做。不知所謂。

今日一起身忽然好想食台灣嘅蛋餅，喺天后學完車之後即刻上Openrice，最後俾我發現搵到呢間麋鹿小孩🤩餐廳喺後巷入面，門面唔係咁易搵，真係好隱世。除咗蛋餅之外，餐廳仲有提供其他地道台灣美食，包括鐵板麵、翅包飯、吐司等等。- 薯餅起司蛋餅蛋餅即叫即整，口感非常煙靭，一夾起蛋餅就見到拉絲芝士，入面薯餅香脆但唔會好油膩。就算返到屋企過咗30分鐘依然咁好味👍🏻。另外仲附送蒜蓉醬，味道提升另一個層次🔝買蛋餅加$7仲有一杯好順滑香甜嘅台式奶茶。下星期喺天后學完車又可以再試麋鹿小孩其他食物！

今朝好早喺天后開完會同事就帶我去咗呢間外賣舖買早餐食呢度主打台式早餐佢哋嘅蛋餅真係好有台灣嘅味道我就嗌咗個薯餅起司三文治+ 嘢飲佢哋有好多唔同類型三文治新鮮整好熱辣辣三文治搭配薯餅同芝士超級好味薯餅軟淋淋 但好夠香而出面三文治麵包底都好香我地兩個人share都好夠食嘢飲叫左奶茶佢地d奶茶奶香特別濃因為我自己都好喜歡奶味濃奶茶所以我覺得好味佢地仲有其他都好味我朋友另外有再叫雞腿蛋餅我覺得都係好味下次都會再食

十分懷念台灣小店的台式早餐，估不到香港也可以找到小店主打台式早餐必備美食，有蛋餅、三文治及厚片吐司等餐點即點即整、現做新鮮熱辣，味道有驚喜外賣形式台式輕便早餐，套餐優惠主餐加五元有台式紅茶，七元有台式奶茶現炸卡拉雞腿蛋餅充滿蛋香味，外層蛋皮口感香軟Q彈！嫩滑雞腿肉酥脆不油膩，金黃外皮鎖着肉汁，帶出微微辣度，十分惹味雞米球一口大小，小巧可愛，肉質鮮嫩，無骨口感佳團體訂購滿二百五十元贈送點心雞米球一份

我今日約同好友去天后遊玩，路過位於天后水星街 27號地下S號舖的麋鹿小孩，店名好特別，姑且試下它的小食。外賣小店，舖前有石級可坐。我和好友點左個 玉米起司蛋餅（1份）$35，熱狗蛋捲（1份）$38，奶酥厚片（1片）$25，飲品係台式紅茶（1杯）＋5（跟主餐）。玉米起司蛋餅煎得香口好味👍👍，熱狗蛋是將煎蛋和腸仔用方包捲起來食的，這小食算是有特色的；奶酥厚片是將方包烤好後才加奶；台式紅茶是凍飲 ，好清涼好飲👍！

麋鹿小孩天后水星街27號地下S號舖經開天后，老友介紹一間台式小店， 即叫即製，地道有驚喜。😸卡拉雞腿蛋餅蛋餅即叫即制，蛋味濃郁，口感煙韌，面層加了香蔥提升層次。卡拉雞腿處理得很好，外層香脆，雞肉嫩滑，鹹度適中不油膩，少少辣好惹味，份量十足，推薦！🤤卡拉雞腿由台灣空運到港，好少地方有得食，喜歡炸雞的朋友不能錯過。😋玉米起司蛋餅粟米香甜，起司味道香濃，醬汁調和得不錯，建議大家即刻食，因為凍咗效果冇咁正。😽奶茶又香又滑，甜度適中，凍飲好舒暢。😍麋鹿小孩 食材新鮮，即叫即製夠地道，還會再來。😎🤘🏻

知道天后有個隱世小店賣台灣早餐蛋餅嘅咁就放假嗰日經過睇吓有冇開到啦咁好彩又真係開咗喎可以買個蛋餅食吓啦蛋餅即叫即整老闆娘都好友善佢介紹咗我食薯餅芝士嘅蛋餅外賣嘅包裝都好精美帶到返屋企食都keep得好好估唔到薯餅做嘅蛋餅夾埋芝士咁啱口味 軟糯得黎 夾住芝士咸香再加咗$7一杯台式奶茶添，好似置身於台灣食早餐咁 夾啱時間再去買嚟食麋鹿小孩 (天后)天后水星街27號地下S號舖#麋鹿小孩#台式蛋餅#台式飲品#天后美食#hkfoodie#hkblogger##hkfood