麋鹿小孩

營業中

休息中

今日一起身忽然好想食台灣嘅蛋餅，喺天后學完車之後即刻上Openrice，最後俾我發現搵到呢間麋鹿小孩🤩餐廳喺後巷入面，門面唔係咁易搵，真係好隱世。除咗蛋餅之外，餐廳仲有提供其他地道台灣美食，包括鐵板麵、翅包飯、吐司等等。- 薯餅起司蛋餅蛋餅即叫即整，口感非常煙靭，一夾起蛋餅就見到拉絲芝士，入面薯餅香脆但唔會好油膩。就算返到屋企過咗30分鐘依然咁好味👍🏻。另外仲附送蒜蓉醬，味道提升另一個層次🔝買蛋餅加$7仲有一杯好順滑香甜嘅台式奶茶。下星期喺天后學完車又可以再試麋鹿小孩其他食物！