鴻福堂

營業中

休息中

4-5-2024(Sat)晚，翻熱埋20-4-2024（Sat）喺喥用劵攞嘅另外兩包湯嚟飲，老公飲川貝枇杷葉鱷魚肉湯，我飲黨參黑豆紅棗鮮魚湯，呢兩款都冇湯渣。我嗰隻湯冇魚腥味，老公嘅我就冇試到。上次食評係2024年4月25日到刊登嘅呢篇:https://www.openrice.com/zh/hongkong/review/blue-%E6%9C%89%E6%B8%A3%E5%86%87%E6%B8%A3-e5429821

20-4-2024(Sat)晏晝，同老公喺呢喥用劵攞定啲湯包，我哋攞4包先，而呢一刻所有湯每包都各值$60.00，我哋嗰晚先飲花膠響螺煲竹絲雞湯同麥冬雪梨沙參玉竹響螺湯。老公嘅花膠響螺煲竹絲雞湯係冇渣，我嘅麥冬雪梨沙參玉竹響螺湯就有。我嘅湯匙沾到花膠響螺煲竹絲雞湯，試吓先，味道淡淡。而我嘅麥冬雪梨沙參玉竹響螺湯呢？呢個味道明顯甜啲，雪梨亦未變酸，好味。其實啲劵最高可換值$65.00嘅湯.上次食評係2024年3月8日刊登嘅呢篇:https://www.openrice.com/zh/hongkong/review/blue-%E6%BD%AE%E6%B5%81%E8%88%88%E5%86%87%E6%B8%A3-e5341201

大前日（5-3-2024 Tue)，老公為咗止大家嘅咳嗽，就係咁搵鱷魚肉湯，終於，被佢搵到鴻福堂有，佢就即場用$380.00買10張現金劵，就換咗兩包各值$65.00(?)嘅川貝枇杷葉鱷魚肉湯返嚟飲。整返熱後倒出嚟飲，睇吓，又係冇湯渣，我記得以前飲嘅時候係有湯渣（嗰個食評係2016年12月24日刊登嘅呢篇:https://www.openrice.com/zh/hongkong/review/%E5%86%AC%E8%87%B3%E9%A3%B2%E9%BB%91%E7%99%BD%E6%B9%AF-e2700668）咁飲啖先，味道冇乜問題，亦好彩飲唔到我唔鍾意嘅枇杷味。其實啲湯渣去晒邊?佢哋當廚餘掉?上次食評係2023年8月19日刊登嘅呢篇:https:/掉?/www.openrice.com/zh/hongkong/review/blue-%E5%A5%BD%E5%91%B3%E4%BD%86%E5%A5%BD%E7%87%A5%E7%86%B1-e4951938

今次去咗間鴻福堂試下佢哋嘅飲品，一入到去就被眼前一大排五彩繽紛嘅涼茶吸引到🌈。我點咗杯燕窩抹茶紅豆甘露，第一啖已經俾到我驚喜，抹茶嘅味道啱啱好，唔會太濃亦唔會遮過紅豆嘅甜味🍵。紅豆彈牙得嚟，好過癮！燕窩就比較少，但仍然可以嚟到少少嘅滑韌感覺。隨後再試咗百合玉竹飲，一飲落去清新提神，成個人都輕鬆咗，啖啖玉竹嘅清甜，真係飲完心情都好哂😌。至於小食，點咗芋絲來增加食滿感覺，嘩！煮到啱啱好，芋頭香四溢，又腍、又滑，真係惹味！這間餐廳環境潔淨，服務員態度友善，哩下繁忙嘅日子，不妨來鴻福堂坐坐，搵到啲舒心好味喺呢裏面喔🍵🌺。

1-8-2023 (Tue)放工時 ,女同事PM送咗張呢喥嘅豬腳薑劵俾我,要喺8月31日或以前換領,喺5-8-2023(Sat)晏晝同老公由沙田返到荃灣時就攞咗先,然後到12-8-2023 (Sat)晚我就整返熱嚟食.倒出嚟睇,有兩隻雞蛋,兩舊薑同幾舊豬腳,我先食一隻蛋,外面嘅蛋白幾硬,有啲似台灣鐵蛋,薑醋味道唔辣偏甜,好啱我.而豬腳好夠腍,肉質乾嚡應該在所難免吧;而薑呢?我膽粗粗食吓,唔辣但好嫩,應該因為佢係子薑,而辣味已經煲出咗.老公食就覺得呢個好食,話要喺冬天買嚟食,不過我哋食完翌日都好燥熱,老公食兩日龜苓膏,我就熱氣咗幾日.味道係4.5分價錢:呢隻豬腳薑係價值$68.00,唔知MK買劵係幾錢.2.6分

天氣凍咗，經過鴻福堂又想買一包暖暖的湯，今次買咗川貝琵琶鱷魚肉湯，個湯唔算太鹹，應該冇落味精，清清地容易入口，而且飲落有少少鱷魚肉的味道，飲完成個人暖晒，買返屋企飲下都不錯啊!🤗

唔知幾時開始鴻福堂都有賣貝果、歐包咁啱某日經過地鐵站俾我見到好似已經賣咗有一段時間🤔可能係我無知啩…😂上網查證原來係鴻福堂旗下嘅一間手作麵包店而有賣麵包既鴻福堂分店並不多兩隻手數得曬所以有幸經過見到都幾好彩😂其實第一次經過見到冇買因為唔知咩來頭🤣 上網check過後再次見到先儘管trytry佢兩次經過見到賣既麵包款式都係一樣好似都係得呢幾種🤔100%湯種吐司、全麥湯種吐司、伯爵紅莓軟歐、藍莓貝果，仲有一款唔記得係咩嘅紅莓軟歐😂·因為睇到係手作麵包先好想試🤤而且係「真」手作！見到每個麵包表面既焦香顏色深淺程度都唔同😂 揀咗兩款 - 藍莓貝果& 伯爵紅莓軟歐·✨ 藍莓貝果🫐🥯💰價錢：$18貝果淨係得一種口味揀Size 大小正常一個大約90-95克重我用蒸嘅方法翻熱 冇焗口感外皮煙韌，內裡鬆軟如果10分我俾7分味道唔錯 但唔係超好食嗰隻✨ 伯爵紅莓軟歐💰價錢：$22翻熱方法同貝果一樣係蒸口感鬆軟中帶少少煙韌口感食落口感同貝果好似味道上我略嫌伯爵茶味太重🥺如果你係伯爵茶控就應該會好鍾意或者係咁講 伯爵茶味同紅莓唔夾🧐所以食落去怪怪地…試咗兩款麵包個人口味比較鍾意藍莓貝果唔太甜之餘，帶少許嘅煙韌

放工真係好想食燒賣呀好肚餓呀喺鴻福堂增值一千蚊佢呢會送幾時先買買一送一喎咁我今日都係用咗佢啦同幾個朋友分一齊食真係好開心呀另外仲買咗包湯增值完之後優惠都係買一送一呢排有啲咳所以揀咗呢一隻止咳清熱嘅湯嚟 佢哋最近買埋啲小食呀糖水咁樣真係好方便呀因為而家先放工真係好想食下燒賣魚蛋啦啦嘛呢啲咁嘅小食囉佢真係仲有一間喺附近呀食埋之後就不停好多優惠大概70蚊有一個湯同飯嘅set啦有粥呀之類咁樣真係經常都會買擺喺

收工經過鴻福堂，順便增值下張會員卡先，喺指定日期，增值指定金額，會再多啲優惠👍🏻，慳埋慳埋就係自己嘅😌。本來想食燒賣，但係點知賣晒😞，咁買兩隻茶葉蛋食下囉☺️，都好耐冇食過。🔻茶葉蛋🔻睇落顏色幾靚，但好似唔入味咁，搣咗個殼，good👍🏻，隻雞蛋係茶色，仲有蛋殼嘅裂紋，望落已經好開胃🥰。滅完熱辣辣，即刻擺落口，正！蛋白係有一層一層，睇得出佢係慢慢煮熟隻蛋👍🏻。蛋黃都好香茶葉味，而且唔乾👍🏻。食一隻真係唔夠喉，好彩買咗兩隻😌

星期六到了 荃灣地鐵站內的鴻福堂 購買二包 粥品來做星期天的早餐，有好幾種味道可以選擇，包裝 漂亮衛生， 店員也用心介紹，服務很好。我選的是 粟米南瓜瘦肉粥和皮蛋瘦肉粥。粟米南瓜瘦肉粥是 黃黃橙橙的， 很是好看， 內裏也有 很多碎肉， 和一粒粒的香甜玉米，很是好味。皮蛋瘦肉粥也很軟綿綿的， 皮蛋和瘦肉的比例剛好， 不會感覺太稀

今日經過鴻福堂就入咗去食佢嘅燒賣，魚蛋同椰子雪耳竹絲雞湯，作為今日既第一餐。燒賣好味，份量都剛剛好。粒粒唔痴牙，又香濃，職員會主動問你需唔需要加豉油辣油好熱心服務的，雖然佢叫杞子醬汁燒賣，但杞子味不太出。一共10粒。今次仲試左魚蛋，雖然份量唔多得6粒，但個咖哩好香好濃郁。我覺得個汁用黎拌飯拌麵都適合啊！今日仲試左個椰子雪耳竹絲雞湯，好足料啊！又有椰子同其他湯渣。啲湯好香好似自己係屋企煲個啲咁，佢既自家湯又方便到一啲好似我咁既無飯主婦。

❣過新年"鴻福堂創意賀年糕品"陪住你❣過新年點少得食傳統糕點應下節，當中都食年糕、蘿蔔🥕糕一定唔少得， 雖然喜歡食嘢😋，但都要注重健康💪🏻，鴻福堂嘅糕點香港製造、無添加味精及防腐劑，選料上乘👍🏻，啖啖真材實料一定係健康之選，無論喺屋企🏫應節定送禮都係必備之選☝🏻今年新年，鴻福堂推出全新創意賀年糕品呀， 除咗上升級版"鴻運椰糖年糕🥥"，採用全新天然椰糖配方🍭，以清甜的椰糖融入新鮮椰漿，關注血糖人士都可以放心享用外! 更搞搞新意炮製"韓式泡菜蘿蔔糕"選用皇牌滋味的蘿蔔糕，加入蝦米🦐、 臘腸及香辣惹味的韓式泡菜醬汁🔥，刺激你嘅味蕾，口感層次豐富，令人一試愛上，喺新年醒醒神。當然唔止咁少仲有香濃"雙重芝士年糕"🧀，呢個我超like，芝士迷聽到都口水流🤤，佢嘅用嚴選車打芝士搭配巴馬臣芝士🧀，厚切以慢火細煎，啖啖軟滑煙韌，享受Double 濃郁芝味體驗 👍🏻👍🏻👍🏻。最後係"燕窩楊枝甘露糕"啖啖香甜的鮮芒果肉，融和清香爽口的金柚及水晶珠，加上矜貴養顏的燕窩，滋潤養顏，四款糕點 各有特色，送禮自用都一樣啱喔👍🏻👍🏻👍🏻

-呢間鴻福堂有好多分店，多數都會喺地鐵站附近。最啱呢就係懶懶地嘅無飯夫婦， 最低嘅就係無添加味精及防腐劑食品同埋湯水。 就算買街外嘅嘢食都可以keep住健康。花膠響螺煲竹絲雞湯 + 芝麻醬燒豚肉飯團：

話說上月男友堂阿哥個小b 仔 一百日人仔宴 佢地冇煲薑醋 以禮券代替比左兩張鴻福堂 券2019年12月31日先到期上星期口痕痕 就拎左一張試下佢可以揀兩包細或一包大我揀左兩包細 一個人可以食一包味道不太辣岩岩好舊薑我都食埋 蛋就撈埋飯正呀

有湯飲湯/  有茶飲茶我好喜歡呢度d湯呀茶呀每次都係XXTV買套票又平又唔駛比人硬銷仲有得送上門今日飲左百合玉竹飲完好舒服清清地唔太甜平時飲佢d湯有d有湯渣，可以飽肚d有d無湯渣，清d如果有時再餓d可以加包芋絲落去煮飽肚又唔怕肥其實鴻福堂既product唔錯湯又好飲又健康（我估）But the quality of the staffs are not good.佢地講唔到流利廣東話通常都係國語夾廣東話而且非常pushy