鴨大哥 (時代廣場)

營業中

休息中

1.鴨大哥嘅主角當然係北京烤鴨。我哋7個人點咗一隻，上枱賣相固然係靚，食落鴨嘅外皮金黃酥脆帶甘香，而部分連肉嘅皮肉質鮮嫩，而且皮同肉嘅比例啱啱好，唔太膩但每啖都食得好滿足；薄餅皮亦Keep住溫度，唔會放一陣就凍晒，滿意。2.點心嚟講鮮蝦餃皇皮薄蝦肉夠彈牙；腐皮卷夠脆；小籠包都肉嫩多汁；鹹水角造型特別；奶皇包味道正常。3.XO醬蘿蔔糕同椒鹽雞軟骨同樣夠香口，但鍾意蘿蔔糕多啲。4.用鴨大哥嘅$100 Cash Coupon，減咗$300之後，每人二百鬆啲。5.回頭指數：🌝🌝🌝🌝（為鴨而回）

走進鴨大哥餐廳，空氣中飄散著撲鼻的烤鴨香，即使只是兩位食客，依然決心一試店裏的招牌菜。服務員笑臉迎人，份量適中地推薦了招牌北京烤鴨和豉汁帶子蒸豆腐。北京烤鴨香皮誘人，賣相靚仔至極。皮脆肉嫩，但感覺鮮味略欠，雖然麵皮略嫌不足，但那個保溫的小熱窩實在蠻得意。葱丝、黃糖和麻醬搭配得宜，幫味道加多幾分風味。豉汁帶子蒸豆腐溫度正好，豆腐入口滑溜，帶子肉質彈牙。雖然豉汁可以更豐富一點，總體來說都算得過及格。喝的茶香味略顯淡薄，下次有機會要試試其他口味。雖然沒有機會品嚐南山咖啡糕，但這頓簡單卻溫馨的餐飲體驗，讓人食在忘形，樂也融融。舒服的用餐環境，猶如一場視味兼優的城市短假，好滿足！🉑️🍽️🎉

朋友臨時約食飯聚會, 加上又係星期五, 最後只有8點半時間入坐.原本想食埋甜品,  可惜時間唔夠, 9點半未夠要CUT單, 加上上菜勁快, 食物一次過上晒臺,  又涼得快,  檯上又沒有太多空間, 唯有盡快食完.  食物方面, 烤鴨吾錯, 上檯時已是凍左. 稍為感覺'漏'一點. 黃魚; 小籠包唔值得推介, 前者好腥, 後者湯; 豬肉小, 沒有特別, 加上食唔切; 涼了沒有口感.值得推介 : 海鮮鴨湯泡飯, 足料和味道平均; 加埋有脆米放在飯頂, 好夾, 好味.

之前慶祝朋友生日嚟過，今天決定帶朋友來食，相信一定會喜愛吃🥰👍🏼首先一定要嗌北京填鴨，兩個人叫咗半隻，叫左一食既食法。北京填鴨果然名不虛傳，真係好好味，皮脆肉滑，而且加埋配料真係好好味。而且份量都好多。兩個人起碼每人食7至8塊😂😂另外又係必點嘅荔枝肉咕嚕肉，第一次食咕嚕肉係配荔枝，出奇地夾，而且好入味。配上酸酸甜甜嘅醬汁，真係好開胃呀❤️❤️上次呢個食完一直都好掛住，今次一定要叫😂就係脆米海鮮鴨湯飯，落咗啲脆米，成個湯飯都有口感，脆卜卜。而且鴨湯好入味，我哋兩個都好快清晒😂

服務態度很好，因店員溝通有點誤會，他們為了客人不開心，主動請我們食多一個壽包，語氣有善，食物質素好，片皮鴨和咕嚕肉都出色，會再同朋友光顧。另外衛生情況也令人滿意。

一家人慶祝呀妹生日，就試下食依間扁皮鴨 😋book左8pm但去到都要等一陣先有位全晚感覺到員工太少，唔足夠應付全場既人🧐落單會有落漏/等好耐先有人幫你ಠ_ಠ🐤陳醋海蜇 $128口感彈牙，味道好濃醋味，超開胃👍🏽加埋有大量蝦米吊味，好食😋🐤南翔小籠包 $68一嚟到見到好扁就覺得一般，夾起無話好多湯食落去入面肉較少，不推薦😶🐤北京烤鴨 $590/一隻主角！我地5個人食一隻覺得岩岩好！切左一大半係連肉，另外有D就只有皮個鴨皮都烤得好脆，食落唔太膩，所以可以食多幾片🤩薄餅皮重有個蒸盤熱住，非常貼心💖🐤海鮮鴨湯泡飯 $218依個必食！個湯好味之餘重好足料🤪每一啖都有食左鴨肉絲同埋蝦泡飯重可以加埋脆米食，成煲都食哂(˶‾᷄ ⁻̫ ‾᷅˵)🐤薑蔥班球 $280滿足想食魚肉又怕多骨既朋友，有好多大片既魚肉👍🏽薑蔥味道就預左比較重味，有好多不同種類既菇🐤鴨大哥砂鍋炒飯 $198炒飯都好不錯，岩岩嚟到係超熱出哂煙🍲材料應該同泡飯差唔多，但炒飯就食到獲氣，夠哂香🤩🐤黃金蝦 $198超大舊蝦肉，彈牙爽口，略嫌唔夠咸蛋黃香😀🐤蓮蓉壽桃包 $58依個係要預訂，三個三個咁計唔係超大個個款，不過入面都有咸蛋黃😋包都鬆軟同埋

因為上次食完送左啲優惠卷，而且亦都覺得食物水準幾好，所以今日再嚟，一行五人六點多到達，差唔多九點埋單，高峯期都有九成入坐率。烤鴨、海哲、魚付娃娃菜煲、楊枝甘露都保持一貫水準，尤其烤鴨，片得好靚，個鴨皮真係好脆好鬆化。五柳鴨絲炆米，鴨絲不多，而且並不是炆米，只是將啲五柳和鴨絲放在米粉上，這個真系吾建議食。原味炒鴨崧，份量少，味道一般，吾推介。黃金脆奶，個皮依然好厚，叫佢系因為埋單時差少少至可以用 $100x3 張優惠卷，侍應提議叫多一個甜品湊夠數，所以才後加的。埋單實數$1385/5位，已這個地段來說，都可以啦。

今晚友人相聚，但因為在上菜時上緊online course, 令到今次影唔到靚靚的食物相…只有剩下的一些食物，灰😔呢間餐廳喺未有鰂魚涌分店嘅時候，已經想食好耐。今晚終於都食到，真係超開心！而且啲裝修和杯子設計都好吸引。😆我哋見三個女仔，午餐未落格都堅持要食依間餐廳的晚市，所以今次食唔到好多嘢😅，只是叫了黃金蝦和半隻片皮鴨。原本想像的黃金蝦是香脆的（我哋點菜嘅時候唔知點解想像是類似星加坡的麥皮蝦），不過這兒的黃金下滿佈蛋黃，蝦肉是爽口及厚身的，很邪惡！片皮鴨應該是即係必吃的。皮可以點糖吃😆而且嬤嬤皮是用熱力隔水一直蒸着的，吃到尾的時候，還是暖暖的，非常重要！😋

第一次尼食片皮鴨，真係唔錯，我地亦叫左烤鴨二食，揀左原味炒鴨崧，炒鴨崧配生菜食，甘香清爽，食唔停！其他小菜都唔錯，推薦海鮮鴨湯泡飯、荔枝咕嚕素肉。甜品亦叫左藍山咖啡糕，打卡唔錯，味道就一般。

銅鑼灣食片皮鴨都會諗起呢間。舖頭門口已經好大隻鴨，有個透明玻璃可以睇到師傅燒鴨😂😂😂幾有趣幾得意!兩個人當然叫半隻片皮鴨，味道不錯，個皮好薄，夠軟熟！兩個人都食唔晒😂 可能我哋比較細食😂😂😂仲叫咗個酸辣湯，非常之推介 ！個酸辣湯酸度同埋辣度都調校得啱啱好！！😆 飲酸辣湯要辣辣地先好飲～～～最後叫咗個新素嘅炒飯～不過呢間餐廳炒飯種類唔算好多，有得揀嘅話都唔係太有興趣食素😂但係真係吵得幾好食！算係有鑊氣。啲嘢食上到嚟都係熱嘅！

訂了12點4位，點了片皮鴨4人餐。叉燒上先，味道都ok，賣相靚仔嘅。第二個上片皮鴨，片皮鴨只是微熱，沒有熱辣辣新鮮出爐的感覺。味道同一般酒樓嘅分別唔大，冇咩特別驚喜，但貴一半價錢。咕嚕肉偏肥膩，酸甜味唔突出。味道只是普通。龍躉食落冇咩鮮味，腌得太咸，得配菜嘅木耳同菇唔錯。炒飯好遲先上，諗住留少少餸可以送飯食，但等到嚟啲餸都涼咗，味道變得更差。最後埋單發現收茶水每位20蚊，仲要另外收加一。性價比好低。今餐是第一次光顧，體驗麻麻哋。

一行六人六點半左右到，大約有五、六枱客，食到八點幾，差不多有8、9 成客。皮片鴨1隻，皮脆有點炭香，幾好。海哲，夠凍粗條彈牙多汁。酸辣湯（位上）濃烈醋味，料頭豐富。和牛叉燒，系一件鬆化嘅切片牛扒。龍蝦粉絲煲，龍蝦得1、2件有肉，其他全部都係蝦腳，而且粉絲冇乜味，這個比較差。茘枝咕嚕肉，肉都脆但個汁略為吾夠，個人覺得波蘿比茘枝更適合配搭這個餸。燉湯和魚付娃娃菜冇試。黃金脆奶，即系炸鮮奶，個皮厚左啲，入面嘅奶亦都冇乜奶味。壽桃包，熱辣辣，蓮蓉吾太甜。楊枝甘露，夠凍，柚子西米可以，但吾系好見到mango嘅。埋單$2673/6 位，ok 啦。

I had a less than ideal experience at this overpriced restaurant. The service was slow, the food lacked flavor. I believe it is just a overrated restaurant . I would suggest them working on improving the overall dining experience by focusing on prompt service and enhancing the taste and presentation of dishes. I would rate 1 out of 10 and will never come back again.

Sliced Duck:Each piece melted in my mouth, leaving behind a burst of rich and savory goodness. The accompanying sauce was the perfect complement, adding a touch of tanginess that elevated the dish to new heights.The Yunnan Black Soil Pork BBQ Pork: The pork was expertly marinated with a blend of spices, resulting in a juicy and flavorful meat that had a subtle smokiness. The outer layer had a delectable caramelized glaze that added a delightful sweetness, making it an irresistible treat. Pancake

想帶父母去食片皮鴨，但又想試吓新地方。見佢裝修門口隻鴨仔幾得意，就openrice訂位，食12點lunch有八折（好似幾抵）。點咗1隻片皮鴨，切片前會比我地睇下成隻漲卜卜，好靚呀，食欲大增，皮會用蒸爐熱住，好好味，但略兼份量比較少，一般會食剩，但今次好似唔夠食咁。另外二食係生菜包鴨鬆，剛剛好六人份量。再點了幾款點心，油菜，食物質素良好，侍應招呼周到，最後埋單亦贈送禮券，其實同openrice一樣八折。可以再去，因為都比較易訂位