鳳鳴居

營業中

休息中

旺角人氣排隊名店：鳳鳴居！成日搭巴士經過都見到排哂隊，咁啱出旺角做完facial ，下午茶時間未食lunch，想食飽少少，見到舖頭唔係好多人，就決定試試佢。餐廳座位都幾闊落，見到有唔少單人座位，如果繁忙時間一個人嚟食都唔使同人搭枱。坐底之後店員就比左個QR code 落單，野食上枱既時間都好快。第一次食，穩陣d ，揀左classic 醉香雞湯米線。本身對d 小食都有興趣，但得一個人食唔到咁多><湯底帶有酒香，唔會太濃，雞湯有少少油，但唔會膩。米線保持到彈牙，我個人幾鍾意食。配料見到有紅棗、雲耳同雞件。雞件份量多，肉質嫩滑，唔會過熟。跟左一碟醬油，應該係點雞肉食既，不過個人覺得唔點醬都夠味。另外店家好細心，附上小碟去放雞骨，唔會食到污糟晒。總括而言，十分推薦👍🏻 飲晒成碗湯都冇問題😆

呢一間位於喺旺角嘅米線係朋友推介，我之前都經過，見到好多人排隊所以放棄咗，今日就再約咗朋友去試吓，等候時間好彩都唔使太耐，大概都係10分鐘就有位，非常好彩！✔️醉香雞湯米線，嚟到呢度一定要試吓佢嘅招牌菜，佢嘅湯底非常香濃，而且有少少好香嘅酒味，不過絕對係非常好食，佢嘅米線煮嘅時間控制得非常好，唔會太林，而且加埋湯底非常夾！佢嘅雞肉亦都做得出色，整體上唔會做得好鞋，而且呢一個價錢嚟講都唔算太貴，鍾意食米線嘅朋友都唔可以錯過呢一間餐廳！

【人氣鋪頭之醉香雞米線💛】呢間米線鋪頭平時路過都會見到大排長龍！香港人真係好鍾意食米線👀呢間既米線幾特別 湯底有花雕醉雞同喇沙等選擇 今次見人少少就黎試吓佢咩料啦🔥【醉香雞湯麵】 $60🌟麵底可以自由選擇 唔想食米線既朋友都可以揀河粉、米粉等其他麵類✨亦可以另外加配其他配料～或者自行選擇酒的濃度（多酒/正常/少酒）如果同我一樣唔鍾意食紅棗既都可以選擇走紅棗😈（湯底都飲唔到紅棗味哦～）⭐️係手機點餐 所以大家可以好清楚咁睇到可以揀啲咩〰️💯湯底絕對係重頭戲❕第一啖入口 成個人舒服曬✨（講明先 我本人唔太鍾意花雕酒味 所以太濃既酒味我就會唔鍾意🙈）但係想讚呢間既湯底味道拿捏得恰當好處👍🏻有酒香得黎又唔會令人反感 再帶少少藥膳味 好神奇咁覺得唔錯💫❄️冬天食絕對暖入心💛 不過食到最尾會覺得越黎越甜！第一次食甜既米線 唔係好似普通番茄湯底🍅 又係別有一番風味😙然後都想讚雞肉好足料 唔鞋 差啲食唔曬🤣仲搭配左一碟秘制醬汁🙈會帶少少辣同少少麻！點黎食更加惹味哦😎整體黎講 偶爾養生吓都唔錯🥰女仔食真係好補！（唔好睇我影得好似幾油 但係食落真係唔會🤣）路過見到冇咩人排隊可以去試吓✨😋：7.5/10性價比：8

藥膳雞湯米線之選🍜：📍鳳鳴居最近開左好多唔同嘅藥膳雞湯米線，而鳳鳴居係我食極都唔厭，而且人氣好高嘅米線小店😍🐔蟲草花雞湯米線（$60）雞件份量好多，而且肉質好嫩滑☺️餐廳都好細心提供碟俾我地放骨👍而佢嘅湯底都著好香嘅雞湯味，一啖米線一啖湯都唔會好濃同埋頸渴😋去到嗰陣，雖然一個人，同埋人唔算太多，但係都要等15分鐘，想試嘅話都要有定排隊嘅心理準備。📍 鳳鳴居 (旺角)旺角西洋菜南街138號地下2號舖

今日lunch, 3 條友諗住試新地方所以試吓呢間鳳鳴居，13.09分拎飛等到13.40分先有位入得，其間已叫咗起碼10張2人枱嘅飛，都冇叫過1張3-4人台嘅飛。入去問企門口高高大大嘅男士，佢話佢哋得2人台走，未有4人台，我話我3個人(心諗如果想做生意都唔會咁答，將2張2人台拍埋咪有4人台，後來先知佢係腦細，同路人腦細個腦咁窄都真係冇辦法) 我問點解4人枱等咗30分鐘都冇位，我哋3個人喎，佢話你哋3個咋，咁又㩒4人飛(粉果，你個㩒飛系統寫3-4人吖嘛 你唔出嚟問下，淨係9企喺裡面㩒飛入台？) 然後先話門口張2人台本身搭多個位嘅走咗咪到你哋坐囉，都算了，等極都唔走，我問腦細，其實佢哋走未？收晒碗，坐緊喺度傾計，都唔走，我哋係咪只能等呢張台？腦細話喎，每台限時食60分鐘，佢哋唔走唔趕得佢走，我企喺度等咗30分鐘又洗唔洗計埋落用餐嗰60分鐘裡面呢？未食都已經成肚氣，問店員，你哋今日負責人或者腦細喺邊，先知高大9企門口是腦細😂😂😂去到食物方面，衰過南記，清雞湯得個死咸，豬紅得4粒偏咸，甜酸根正常。。。貼錢買難受。。真Sorry … 無下次。。

因為平時都要排好長時間嘅隊先入到去堂食咁，所以我每次都係叫我去買嘅。每次都係例牌醉雞米線，而另一半都一定係識蟲草雞米線，加雞翼尖。去到拎外賣嘅時候見到張單點解貴咗咁多於是一睇就發現原來接聽電話嘅收銀平頭哥哥仔落多咗一碗蕃茄米線。於是我就上前同佢講落單嘅時候我淨係嗌咗兩碗，冇叫返茄米線。平頭收銀哥哥仔第一句就話:肯定你嗌咗三碗。明明聽住你講話叫蕃茄米線。如果你話要取消嘅話我都會取消俾你嘅。咁幼稚為咗贏啖氣嘅行為，我都費事同佢嘈，我就話咁你幫我取消咗佢啦。都費事同佢嘈阻住人做生意。我諗佢都係出嚟做嘢冇幾耐唔夠經驗。邊會有食客特登嗌多一碗麵，然後過嚟取消呀？如果我係話佢落錯單係叫另一碗麵就有可能係我叫錯。不過我諗佢都係為咗一啖氣，所以先至要咁樣講，但係呢啲咁嘅態度就會減少咗令客再去嘅機會。

📍旺角-鳳鳴居 #旺角雞米 #香港雞米 #醉雞米線 今日同大家去旺角人氣醉雞米！🍜🐓睇下究竟鳳鳴居值唔值得排隊(●°u°●)​ 」~~醉雞米線 $60首先講佢個湯底先啦~ 肉眼可見嘅材料有紅棗(///▽///)❤️所以個湯底飲落去除咗香酒味之外 仲有陣陣甜味！~但係雞都幾多碎骨🐓所以食都食得不太爽(´･_･`)同埋唔係滑雞 所以如果想飲湯嘅朋友都可以一試！————📍旺角-鳳鳴居地址: 旺角西洋菜南街138號地下2號舖

旺角有超多間米線舖，作為超中意米線又中意食辣嘅我每次都會嗌麻辣湯但見到依度似乎醉雞湯係招牌今次就直接試佢啦!揀咗走紅棗同埋蔥，木耳都可以揀要唔要~連湯底嘅酒都可以自選，要少啲又得、多啲都得(+$8)今次第一次食就要原味其實我唔算太中意飲酒但唔知點解都幾中意用酒整嘅湯底好大碗!無論雞定係米線份量都好足平時食米線總係覺得差小小先夠飽但今次食完覺得非常滿足第一啖先試湯底好香好濃厚嘅酒味特別中意米線嘅質感偏硬身，好有咬口完美咁吸收晒醉香湯超夾!!!仲有碗鼓油，應該用嚟點雞食雞未算好滑，不過啖啖肉都唔錯而米線舖嚟講算坐得舒服而且一直播緊廣東歌食嘅環境都覺得幾舒服

在社交媒體網站上看到好友們經常吃這家醉雞，路過旺角就來試下，由於我不喜歡醉雞所以叫做麻辣番茄雞湯麵雞肉好嫩滑，但湯底偏甜，不是我想要的鹹辣口味。喜歡健康的朋友可以試試。 好友叫做招牌醉雞麵，但表示湯底不夠濃。不失不過，推薦🌟🌟

之前有同事推薦呢間米線既雞湯超好飲，所以想試好耐，每次經過都勁多人排隊，今次去都要等。試左呢個蟲草花雞米線，的確不錯，米線唔會太淋，雞同蟲草份量都足料，雞湯係香甜，而且係冇味精，飲完全晚都冇覺得好渴。

次次去旺角經過呢間餐廳都好多人排隊由其夜晚，心諗係咪真係咁好食呀咁多人排隊🧐，咁啱係旺角附近，碰下運氣運氣如果唔多人就試吓食，去到餐廳門外發現唔算多人就入咗去餐廳食佢地最出名嘅醉雞米線。醉香雞湯麵 $60湯底有紅棗同花雕酒飲落甜甜地帶點酒香味好好飲👍🏻，雞件份量都幾多，肉質好滑唔韌，再點埋旁邊嘅辣椒豉油突出雞肉嘅鮮味，好正！米粉煮得啱啱好唔會過淋，食完成碗醉香雞湯麵都唔會覺得口渴，睇得出個湯底係冇落味精，呢個米線好出色真係值得一試😋。

呢一間鳳鳴居喺旺角一向出名，而今日終於有機會嘗試。醉雞米線$60湯底嘅酒味濃郁，有香濃嘅酒味，但又唔會太苦。相反地，飲落十分清甜。醉雞有數幾件，因為有酒調味，食落好清香，十分推薦👍🏻

看店名都知道這店最耍家的就是食雞，但大大沒想到，耍家程度係去到是食雞專門店，來者都食雞。肉質鬆軟彈牙，味道濃郁。招牌醉香雞，配上藥膳配料，味道非常吸引，完全係補身湯放大咗之後配粉麵嗰隻。聞到都感受到濃濃既滋補氣息。葱油切雞，今次揀咗淨食，點解？白切就係最考啲雞既品質好唔好。一般肉質鬆軟彈牙的，味道欠奉，味道濃郁的，肉質又偏靭，難以咀嚼。無遮無掩，一食就知龍與鳳。鳳鳴居當然順利通過我既驗屍式品嘗考驗。食雞就去呢間，絕對冇揀錯。

終於食到旺角呢間幾出名嘅雞湯米線今次叫咗醉雞雞湯米線($60)顧名思義米線真係有酒味 而且都頗濃 唔鍾意酒味嘅朋友可以少酒湯頭飲落較甜 唔算好咸不過有啲油雞肉俾到6舊同埋幾滑米線唔會煮到好林 熟度啱啱好整體成碗米線不過不失 未有網上吹捧到咁好食 ❁.｡.:*:.｡.✽.｡.:*:.｡.❁.｡.:*:.｡.✽.｡.:*:.｡.❁抵食：🌟🌟🌟🌟回頭率：🌟🌟🌟環境: 🌟🌟🌟🌟

醉香雞湯飯 $60+$8 秘製腩肉好味指數 4/5 🍭🍭🍭🍭{雞新鮮大件 而且好多 肉質不算很嫩滑 雞和湯底酒香味都很突出 秘製腩肉好入味 肥肉既部分入口不會有油膩感 湯飯係分開飯和湯上 可以自己選擇放多少湯}