鳳鳴居

營業中

休息中

呢間雞湯米線係旺角好似好出名，成日見到好多人係門口等位，今日有時間就持飛等下位先😋🩵主食：姬松茸雞湯麵+響鈴$70米線一上枱，就試下個湯底先，飲落甜甜地配埋雞件好正，雞件份量都算多，雞肉質地都滑身，加埋我最愛既響鈴，大大既滿足感🤩🤩

今次已經係二訪鳳鳴居，去之前都有睇到評論好壞參半，但見人氣咁高，自己又好鍾意食醉雞，所以決定一試。.醉香雞湯米線 $60 另加響鈴 $7米線一上，隨即試一下湯底，係我最愛嘅藥膳雞湯味再加上淡淡嘅醉香，完全係我鍾意嘅口味。雞方面，不過不失，正常水平，不會煮得過老。.炸細三兄弟 $35 (魚片頭，花枝丸，爆醬肉丸)魚片頭、花枝丸都係坊間能夠食得到嘅味道，而爆醬肉丸，咬一口會有好多嘅汁，味道非常濃郁，值得一試，所以只係叫爆醬肉丸就夠.辣豉油爽脆鵝腸 $52 無咩鵝腸味，可以唔洗叫.最後附上餐牌，俾大家參考一下

鳳鳴居🐤🐤🐤🐤🍜 醉香雞湯米線期待左食呢間鳳鳴居好耐啦次次經過都排曬長龍咁樣今次避開左高峰時間 就唔洗排咁耐隊啦個陣花雕酒味聞落極香 岩曬我呢啲酒鬼個湯底真係好出色配埋紅棗木耳都好食覺得唔夠味仲有碟豉油可以點下雞下次想試埋佢地啲小食特別想試黃金魚皮！

次次經過都好多人排隊！好奇之下就排隊試下～😌但……味道好似唔係好啱我😅之前story投票結果都發現每個人鍾意程度係有幾大分別😂🔸蟲草花雞湯米線材料好足夠！唔係得幾條蟲草花咁，但就食到好天然嘅蟲草花泥草味（？）我就唔係幾接受到，👦就覺得ok；雞係好滑好嫩👍🏻湯底係偏紅棗嘅甜味，係清甜的，但個人鍾意鹹鮮鹹鮮嘅湯底～🔸雞翼尖辣味慢慢滲出嚟🥵係好食嘅，好入味但又唔會太淋太霉，辣味出過蒜味。🔸黃金炸魚皮同想像中嘅鹹蛋黃魚皮有d分別🤔感覺似奶粉，味道都重奶味（定係我理解錯黃金嘅意思🤣）；魚皮係脆嘅。🔸鵝腸（微辣）係爽嘅，份量都多，醬油調味剛好，但就冇咩記憶點🤔

每次食都要排隊嘅鳳鳴居🤣真係要好彩先入得快。今次午餐時間等咗半個鐘🥹食完之後，感覺上水分店比較好食！醉香雞湯米線雞件份量都算多，雞肉質地唔算嚡亦都唔算特別滑，雞皮比較肥。點咗靈魂嘅辣椒豉油，即刻提升咗雞肉嘅味！醉香雞湯香濃，少少甜味後勁有少少酒香味，個湯係幾好飲😋姬松茸雞湯米線 加蘿蔔呢個湯底明顯清淡好多🤣感覺上食返招牌醉香雞會好啲。蘿蔔清湯腩米線 加紫菜牛腩份量都幾多，不過牛腩比較硬身🥹蘿蔔吾算煮得好入味。睇餐牌原來小食種類都有好多款，留返下次試吓先🤭🍗

⁂⁎◝#旺角🇭🇰 世一醉雞湯米線⁎◜⁂.原來無出過post講呢間我心目中第一嘅醉雞湯米線🫣 已經食過無數次，仍然唔會厭😆.餐廳主打雞湯米線，個人認為招牌醉香雞湯米線最好食🤘🏼由佢只有上水店嗰陣已經好鐘意食，知道佢喺旺角開超開心，平時都可以食，唔洗去到上水咁遠😆 真係抵佢長期都咁多人排隊，試過一個人食都要等大半個鐘先有位ಠ_ಠ.🔸醉香雞湯米線 $60湯底用上十幾隻雞同唔同藥材熬製，超甜又有酒香味同藥材味，每次食都會飲一大半碗湯😋雞肉好多，仲要用雞髀肉，雞肉都索晒酒香，好嫩滑，點埋配送嘅辣椒豉油更加好味☺️ 配料仲有木耳、紅棗同蔥花..*･゜ﾟ･*:.｡..｡.:..｡. .｡.:*･゜ﾟ･*𝘍𝘰𝘳 𝘮𝘰𝘳𝘦 𝘪𝘯𝘧𝘰𝘳𝘮𝘢𝘵𝘪𝘰𝘯:📍鳳鳴居🗺️旺角西洋菜南街138號地下2號舖..#mytaste_旺角#mytaste_粉麵#mytaste_米線

自選麵 剩麵底30蚊 每餸+10蚊 肥牛得2塊 個芥末沙律球又係得2粒 完全唔夠食😑 叻沙湯底又偏辣 完全冇椰汁味 同枱叫咗滑雞麵 反而雞係幾滑嘅呢間野唔會有下次😮‍💨😮‍💨😮‍💨😮‍💨😮‍💨

呢間餐廳主打不同雞湯米線🐓除咗招牌醉香雞湯同花膠雞湯外，仲有姬松茸雞湯🍄、芫荽雞湯🌿、喇沙雞湯🥘、麻辣雞湯🌶️、番茄雞湯等🍅，配搭不同車仔麵配料💗醉香雞湯米線 ($60)湯底用上幾十隻雞、當歸、川芎、白芷及黨參等藥材熬製，不加味精，一入口有淡淡藥材味、黃酒味同雞湯鮮甜味，湯底偏甜🍲生滾雞有大約6件，雞肉嫩滑，附送辣椒豉油沾雞食🐔米線都好爽滑，配料仲有木耳同紅棗🍜💗蒜蓉辣椒雞翼尖 ($23)雞翼尖一啃就骨肉分離，又淋又入味，食落好香蒜蓉味，又唔會太辣🧄💗辣豉油爽脆鵝腸 ($51）爽脆嘅辣豉油鵝腸香辣惹味，越食越上癮🪿💗黃金魚皮 ($41)脆卜卜嘅炸魚片裹滿鹹蛋黃粉，超級香口🥚

假日係旺角行下順便食飯，唔知食咩好又凍凍地不如食暖身野，即想起鳳鳴居，晚餐時段果然好多人要等位，差唔多半個鐘到有位。等待時已係門面睇定食咩，都係手機落單。餐廳裝潢感覺明亮。醉香雞湯飯，$60。平時食開麵或米線，今次想試下飯，醉香雞湯底濃郁鮮甜，少許酒香及藥材味，雞肉份量多，肉質嫩滑，飯粒吸收湯汁每啖都好入味，感覺好暖身。熱菊花蜜，跟餐+$8，乾燥之下飲好滋潤呢。好味又抵食，間中都會幫襯下。旺角西洋菜南街138號地下2號舖

醉雞食得多，但甜嘅醉雞湯就第一次食。平時路經鳳鳴居都見有人排隊等入座，今日出開去旺角睇早場後，要揾地方醫肚仔就一於試下佢啦，叫咗個醉雞湯飯，飯同雞嘅份量都算大方，但個醉雞湯點解係甜嘅，而且無乜酒味，心諗係咪落錯調味料，還是我大鄉里未飲過醉雞湯，甜先至係正常呢？ 總之碗湯唔係我杯茶！

之前試過鳳鳴居嘅外賣自取醉雞火鍋套餐，醉雞湯底真係冇得頂，一路都想堂食，今日終於都食到，喺未開店之前已經排隊，12:00開店唔夠10分鐘已經滿座，可見受歡迎程度。堂食係用QR code落單，可以自選湯底、麵類再揀餸，必叫招牌醉雞米線。💜醉香雞米線 $60（🌕🌕🌕🌕🌕/5）麵揀左米線，雞件超鮮嫩同滑，俾多勁多件配以辣椒豉油食用，但其實唔沾豉油已經好入味，先飲一啖湯，係好有雞味再加少少酒香，甜味為主，飲完唔會覺得口渴，飲晒成碗冇難度，個湯甜甜地好似燉過雞湯咁，完全唔覺得油，好少雞湯同個米線可以夾到啱啱好，融為一體，呢間醉雞米線真係世一。💜喇沙雞米線+豬紅 $64 （🌕🌕🌕🌕/5）喇沙湯底喺第二首選，如果唔鍾意醉雞湯底可以試吓呢一個，湯底少少偏辣，但係非常香濃，十分惹味，米線非常掛湯，雞件都係超滑，數過有成8大件，但係豬紅就扣咗分，豬紅唔入味，純粹好似白烚咁。💜麻辣魚皮 $30 （🌕🌕🌕🌕🌕/5）麻辣魚皮，夠麻夠辣，份量都唔少，好入味👍🏻喜歡魚皮嘅可以一試。🍴整體食評：✅湯底濃郁，難怪吸引咁多人排隊✅性價比高，份量多✅上菜快✅適合情侶👩‍❤️‍👨閨蜜👯‍♀️一家人👨‍👩‍👧‍👦❌豬血比較失色

第一句就要講最重要個句：咁嘅質素唔明點解咁多人排住去食😂😂唔建議去試..今晚有位朋友話次次經過旺中都有間勁排長龍嘅餐廳，想試好耐，所以我地幾個就走左去試試佢。同朋友叫左左3款唔同嘅麵食黎試🍜..1. 醉香雞湯麵 60招牌而且多人推薦嘅醉香雞湯麵當然要試一試佢💁🏻‍♀️湯底偏甜，切雞肉質好鞋口，但勝在咁岩切比我地嘅部位還算有肉，湯裡仲有2粒已去核嘅紅棗，醉味唔香濃，只有個甜字，湯頭好水，食完評價係極之普通之餘，好肯定有其他同類餐廳有更好嘅選擇🙈😂..2. 麻辣醉香雞湯麵70湯底同醉香雞湯麵嘅湯底基本上係一樣，但就多了辣油，因為辣油，價格亦比原味多左$10🤔重點黎喇，麻辣味唔香濃，切雞同樣肉質偏鞋口，酒香味亦唔夠，而本來醉香雞湯係帶甜，配上辣，有小小唔匹配🤔..3. 姬松茸雞湯麵63湯底係普通雞湯，比醉香雞湯小左陣甜味，非常淡口味，切雞同樣肉質偏鞋口，無咩評價，只係覺得似係自己係屋企用雞粉調配嘅湯底🙈加上白洽煮得過老嘅雞肉🤔..4. 蜂巢春卷 32炸皮多過入面嘅料🥲但香口野一定好食嘅..呢間普通得黎無質素，一碗麵入面，我地一樣優點麵講唔出🤦🏻‍♀️🤦🏻🤦🏻‍♂️雞係鞋嘅，湯好水唔香濃唔明點解咁嘅

人多等咗一個鐘先入去同行朋友叫蟲草雞真係每次都要食我就叫叻沙，因為太香了仲有叫多個清湯牛腩大大份好好食米線又唔會太冧湯底又好味 搵唔到理由扣分除咗人多有d逼但係味道贏晒就算再去要等我都會食

📍鳳鳴居 (旺角)旺角西洋菜南街138號地下2號舖真係要撞彩先唔使點排隊～每次經過都好多人🥹今次終於撞啱等咗5分鐘就可以入去 太爽了辣醉雞湯 啱啱好唔會話太濃搞到有陣苦澀味 反而係帶啲甜味🤤 雖然佢係辣醉雞湯 但係都唔會太油好香嘅花雕酒味～食完成個人暖笠笠朋友本身就唔鍾意太甜嘅湯底 天寒地凍❄️花膠雞湯就岩哂了 好鮮甜成個湯底可以飲晒而且所有雞件都好嫩 唔會好柴～我哋另外加咗隻醉蛋🥚酒味好濃郁 仲係糖心添👍🏻加分加分

#鳳鳴居 #sorriso_油尖旺區 #sorriso_北區 -星期日夜晚等左半個鐘左右就有位，呢間不嬲都多人排，想試好耐🍜【醉香雞湯麵】 $60 (9.0/10) 麵揀左米線，雞件比得好多，配以花雕豉油食用，個湯略甜好似燉過雞湯咁、完全唔覺得油，真心湯濃酒香雞滑，唔會太重酒味而飲唔到，oo我有飲哂個湯😂😂，好少雞湯同個米線可以夾到啱啱好、融為一體，我食過其他雞湯米線個湯同個米線好似兩樣嘢咁分開，呢間嘅雞米真心好好食🍜【自選喇沙湯底 加配豆卜、秘製腩肉、芥末沙律球、手撕雞】 $30+$7+$8+$10+$10=$65 (9.0/10)麵揀左米線，佢個米線整到同個喇沙湯好夾，喇沙湯偏辣好好食，配埋豆卜好入味，腩肉係類似東坡肉咁嘅形狀，芥末沙律球好似平時打邊爐啲配料但裏面有沙律醬，手撕雞呢個係必選、雞肉，比起雞湯麵嘅雞肉仲要多手撕雞呢個係必選芥末沙律球好似平時打邊爐啲配料但芥末沙律球佢個米線整到同個喇沙湯好夾🥃【凍檸茶 少甜少冰】配餐+$8 (8.0/10)係正常偏甜嘅茶餐廳凍檸茶，好大杯，飲落有少少似維他檸檬茶#sorriso_旺角 #sorriso_九龍 #sorriso_上水 #so