鳳城酒家

營業中

休息中

今日同老友去鳳城食飯，中午嘅時間人山人海，不過好彩都等得唔耐就坐低咗，嗌咗豬膶燒賣，千層糕，上湯炸粉果，鳳城炒飯，薑蔥蒸魚肚，有一啲都係老牌點心，唔係周圍都食到。首先第一樣上嘅竟然係鳳城炒飯，有啲失望，飯底比較濕，唔夠乾身，可能係因為人多嘅關係，所以師傅冇用心製作，差咗少少火候，好似日式炒飯點樣，濕濕地。豬潤燒賣豬潤蒸得比較老，有啲韌，同埋有啲搞笑嘅係兩塊大豬潤，但係有四粒燒賣。薑蔥蒸魚肚好食，冇腥味同埋魚肚洗得好乾淨，爽口，時間啱啱好。上湯炸粉果係一樣好特別嘅點心，外皮好似酥皮蛋撻咁樣，不過唔知係本身咁樣定係點，個湯凍既😅。最後嗌多一個炸蝦卷，但係明顯得炸得咗龍同埋油溫不對，所以炸出嚟個皮唔趣，失準之作。根據我個friend嘅口供，琴日係有少少失準，整體嚟講個味道係唔差嘅，但係真係感覺上有啲大意同埋每樣都撐少少咁樣。唯有下次俾多次機會。

早茶時段人流唔算好爆，但食物真心一般，可能比老人家打牙鉸既地方吧。點左馬拉糕，已經即刻起筷但個馬拉糕中間竟然係凍既。。然後蛋撻無咩味，唔知係咪為長者而設架呢😅鮮竹卷個人覺得正常，無特別，但身邊既老人家咬唔到😅話好似食橡筋咁。其他食物例如燒賣，蝦餃，鮮蝦腸粉都一般，雖然食到唔新鮮但未至於難食。但值得一提既係個餐廳環境，好傳統香港茶樓，特別係而家仲見到送食物既運輸𨋢，好似去返70年代咁，個人就幾鐘意。整體來講好懷舊。

今日做孝順女同阿媽去飲茶，阿媽好想食傳統嘅灌湯餃，於是就特登過海去到北角一間傳統茶樓叫鳳城酒家去下佢哋嘅餸菜。媽媽就經常食呢間餐廳，但係我就第一次去，所以我對餐紙上嘅點心都好好奇😯我哋兩個人叫咗六碟食物，有蛋黃千層糕、芋絲春卷、鳳城灌湯餃、豬肚、豬潤燒賣、上湯炸粉果。灌湯餃係入面有汁既好特別，值得一試！蛋黃千層糕喺好多年前係茶樓既名物，但係而家真係買少見少，好欣賞鳳城酒家仲保留呢道點心。豬潤燒賣對豬潤控都係必叫點心之一，豬潤大大塊，性格比絕對高！豬肚亦都好爽好淋好入味！上湯炸粉果細個去飲先成日食，而家去朋友婚宴就唔多見，黎呢度又可以襯機會試下見到圍住我地坐果四枱客都有叫芋絲春卷，於是我地又叫埋試下！無後悔可以encore 🤓🤓佢啲炸物係新鮮炸起，唔怕中伏！現場的裝潢都好懷舊，但唔代表唔衛生！門口有消毒搓水液同酒精，可以任用！

讚1 食左幾間鳳城菜 都係鳳城穩陣 不過真係要訂餸先好味 魚雲羹好足料 魚雲無腥味 夠肉地 蟹拑夠足料 皮脆肉彈 乳豬保持一貫水準彈1 環境的確係逼既 坦白講佢好彩無人黎巡場 唔係真係罰鑊甘2 星期五晚係等餸等得慢既

一行八人慶祝友人生日，預訂左蓮蓉西米布甸和生日桃包一打。餸就叫左炸子雞一隻皮脆肉嫩熱辣辣又大隻好食，煎粉果、蝦多士保持一貫水準，小炒皇材料豐富，薑汁芥蘭只係用菜遠部份所以好嫩，椒鹽肉排送酒一流，鳳城炒飯有獲氣，藕餅冇試。西米布甸吾太甜，生日桃包就吾夠鬆軟這個比較差。想叫個脆口生腸，但沒有供應。埋單$1850/8 位，抵食。

首先，唔好去錯，北角鳳城只此一家！其他同名既，與我食評無關！推介大家，一家人/ 一班朋友去飲茶或者晚飯，都係非常出色。直接分享，午市飲茶精選點心：No.1 鮮蝦腐皮卷：腐皮超薄，炸得超脆，蝦非常彈牙，絕！No.2 排名不分先後：🫴🏻豬肚：爽脆，唔會好似普遍咁咬極都吞唔到。🫴🏻煎腸粉：外脆內軟，個醬仲癲，應該放左少少豬油入麻醬，非常之香！🫴🏻炸子雞：皮薄、脆，雞肉非常嫩滑多汁，連雞胸肉都好食🫴🏻炸粉果：普通粉果係蒸既，但佢炸左，再特別在佢俾個湯你沾，係一個新鮮既口味。🫴🏻鹹水角：皮薄、脆；內里煙韌，餡料足！環境比較懷舊，員工好有善，地點就腳🤪

今日同朋友搵食先面發現鳳城有好多間，去開既係銅鑼灣、太子、油麻地，後面兩間都關店。原來北角有間叫鳳城酒家，跟鳳城1954不同的，酒家位於北角渣華道，懷舊得來亦有間出名蛋捲鋪一起見證現代的香港😃。聽聞呢間鳳城有懷舊點心，而且味道很不錯，份量也很足🥰。我地三人今日叫左幾樣熱門點心🤭🤭⋯⋯👉🏼 豬潤燒賣 - 3塊大豬潤🤗🤗👉🏼蝦米煎腸粉 - 煎得好好！似即煎即食🥰👉🏼叉燒包 - 兩個大包feel👉🏼雞包仔 - 軟熟的雞包🤭👉🏼煎韭菜餃 - 很有韭菜同蝦味，感覺滿足😛👉🏼上湯炸粉果 - 略嫌梳打粉味濃了點🤥👉🏼潮洲粉果 - 阿媽至愛😇 皮剛好，餡料足👉🏼灌湯餃 - 一盅兩件，湯料都甜味足👉🏼 蒜蓉鮮魷 - 一般，較稔👉🏼蒸鳳爪 - 濃味者合🤪以上最推薦的就是豬潤燒賣，煎韭菜餃，灌湯餃 其他都有正常水準😊😊。價錢方面 大部分都係中點👍🏼$30，小點都$21，但好少係小點😂😂酒家環境與一般酒樓差不多，一到12:00午膳時候，客人𣊬間坐滿店內，座位間隔尚算寬闊👍🏼。呢間酒樓都會係我可encore 之選😌👍🏼

幸福就是與家人一起分享美食。一年一度慶祝母親節，當然是依從媽媽的選擇。鳳城的經典名菜—當紅炸子雞、明爐燒乳豬和脆卜卜蝦多士，由細食到大，但自從太子鳳城光榮結業後，一直也想找個機會到僅存的「元祖店」尋回久違的味道。適奉晚市放寛，八人一枱，便成就了這個「歡樂晚聚」。在前枱舉頭一望就是蔡San 的墨寶😙 是老饕的心願吧！「中」豬比例牌多幾件。少了炸花生墊底，雖然皮脆肉香，骨酥肉嫩，但「化皮」程度不及以前，有點美中不足細窩雞燉翅：老媽子的選擇。自知不太環保，每人淺嘗幾啖。金華火腿高湯精華，喝一口也齒頰留香上湯龍蝦伊面：新鮮彈牙的龍蝦肉，還有少量的膏，沒有無謂的生粉芡汁，原汁原味蝦多士：金黃鬆脆，保持水準炸子雞：皮薄肉嫩，多汁香口雖然沒有附上檸檬一片以中和肥膩感，但美食當前，管它吧🤪 稍稍點一點准鹽，更惹味！免費奉上香草綠豆沙：完美謝謝在無常亂世中，依舊保存一貫的味道，令人感動

晚市剛剛可以重開，一定要再嚟食炸子雞。炸子雞炸得剛剛好，肉質鮮嫩，保持水準。蜆介鯪魚球炸得彈牙，梅菜扣肉入口即溶，鳳城炒飯加咗番茄🍅濕濕地又唔會太乾，加埋梅菜扣肉，非常好味😋

因疫情已無來此間酒家飲茶，昨日太太要食灌湯餃便到來飲茶，叫了灌湯餃但裹面不是湯而是有片片的湯膠，最差的是碟雞扎，衹得一片雞，一片竽頭，一片豬肚和今豬皮，賣到三十九元大點，又難食簡直性價不成正比。並且酒家服務極差，無伙記沖水，灌湯餃又無跟碟醋，最後要自己去取。雞包仔的皮太甜而雞肉落了太多胡椒粉，糯米雞的料又太咸。整體是一次失望的飲茶，什麽老字號的酒家，相信是這樣的水準下去必被淘汰，遲早執笠。

終於有機會俾我哋試埋喺北角嘅鳳城，環境俾其他分店差，唔係新裝修，有啲舊舖嘅feel。 叉燒包~個汁夠味啱啱好，唔太鹹唔會太甜，但係個包皮有少少乾，仍可接受。 腸粉~皮比較厚，但個餡係OK嘅，只係感覺個腸粉皮唔夠滑。 燒賣~切肉燒賣，彈牙好咬口。正。 炸粉~果個皮好實淨，但係佢係暖暖哋，唔夠熱，不過我都比好評。 灌湯餃~竟然一嚟就上兩個，嚇親，不過個餡就失色咗少少，因為同我哋之前去其他鳳城食嘅都係一樣，裏面嘅湯溶唔得切，食落去有啲啫喱感覺。但係比起上環銅鑼灣嗰間口感好少少，而且我哋拎起佢都冇穿到。 鳳爪~感覺好Standard，冇乜可以批評。 茶幾好，但係每位$14。

市面上有好多間鳳城酒家,但係心水清嘅朋友都知道要食地道順德菜嘅話都必定係去北角呢一間鳳城酒樓。順德菜有好多撚手嘢,但當晚只有三條友,所以食到嘅菜式有限。但係就呢幾樣嘢食都感覺得到呢間酒家係有心去做。D手功菜絕對有料到! 希望佢哋能夠長做長有,可以傳承落去。

在附近體育館做完運動，一行四人在渣華道搵地方醫肚，德成號隔離見到懷舊味嘅鳳城酒家，由於上環同旺角店都食過，相信水準有保證。先來一個出名嘅「鳳城炸粉果」 $120 一打，叫咗半打。 新鮮即製，熱辣辣，外皮脆，餡料足 。另一名菜，大良野雞卷 (應該唔駛$200)同樣炸得鬆脆，懷舊菜式真係好少舖頭會做。咬開見到一層層嘅肥肉，食第一件冇事，第二件都 ok，但第三件入口時已經覺得滿口油，投降啦⋯⋯所以話少食多滋味，係真㗎⋯⋯😅梅菜扣腩仔 $138 腩仔係三層肉，梅菜同腩肉都炆得入味，送飯一流，可惜之前食咗三件野雞卷，所以只食到一件😔勝瓜炒雲耳 $98食咗咁多肥膩嘢，有碟青菜大家都好開心爭住食，勝瓜炒得爽口。姍姍來遲嘅 「油浸筍殼魚」之前四個餸食得七七八八，向經理追咗條魚兩次，最終上枱啦。新鮮魚油炸出來，侍應幫手開魚，感覺有少少炸得過乾，不過不失。果然係隔離飯香，隔離枱嘅荷葉飯、脆皮炸子雞，飯又香，雞皮顏色炸得好誘人，好似好食過我哋枱面啲嘢。坦白講，有覺得呢餐有一啲偏貴。始終係懷舊酒家，每一碟都係手工出品，唯有這樣諗會好過啲 😥

20/9/21下午2:00生日飲茶，開心地選擇了北角鳳城酒家，四個人點了十一款點心，大約吃了一半，當吃义燒包時，搣開包底紙時發現一隻約1.5cm大的曱甴🪳黏在包底🤢，立即叫了一位著黑色西裝的男部長給他看，他立即收走籠點心及說會取消此點心錢😧算！雖然已經沒有胃口了！不過都小心哋吃其他點心，點知竟然在另一碟黑椒豬肚發現另一隻曱甴🪳🤮咩事呀？此時有位着白衫類似cashier立即走埋嚟收走曬全部點心，她解釋可能是之前滅蟲引到啲曱甴🪳走晒出嚟！吓！咁個廚房咪好多小強，我哋一枱都中咗二隻了！當時大家都好掃興、冇晒胃口，又失望又好嬲！😓😓真係未試過咁黑仔同嘔心嘅經歷！😡😡

這趟是要到 北角 海逸酒店 Staycation 在家中出發時 仍未吃午餐 就先到了 離酒店不遠的 鳳城酒家 🫖🫖大約二個月前 曾來嚐過這裡的 上湯炸粉果 非常美味 這天同樣點了這款 🥟🥟還有店家巧手的 傳統正宗 鳳城灌湯餃 沒泡湯那種 老媽從未吃過這款 以為是隻大餃 就用筷子去挾來吃 結果弄穿了外皮 湯汁都流到枱上 😅😅還點了以往舊社會 婚宴時 機乎都有的 精緻菜餚 百花釀蟹鉗 🦀🦀 八十元壹隻 兩隻百六元 即叫即做 可以相同價格 點一份炸蝦丸 不過 還是想 回憶以往飲宴 必吃手工菜 當吃過後回味 以後到這裡飲茶 必定會想再吃 這款名菜的 🦐🦐