鳳城酒家

營業中

休息中

上星期五放工跟男朋友到了北角的鳳城酒家食飯，因為我鐘意食廣東菜，有機可以試一下出名的酒樓．．．太好了！這裡沒有豪華的裝修、可是有一種舊街坊食飯既感覺！都不錯～我們２個點了（餐請的酸菜花生好好食）１）炸子雞半隻（特價＄６０）　－　賣相是一流的，也是酒家的招牌菜，可是在香港食到好有雞味已不是易事！表面炸得很脆，肉質也ＯＫ，只是雞始終都是冰鮮的～這不能怪酒家啊～２）大良炒鮮奶（＄５８）－　我都是第一次食這個菜，鮮奶炒得軟綿綿，配上松子仁，味道好好！３）釀豆腐（＄５８）－　這個簡單的菜，一點都不易！因為平日食到的不是鯪魚肉太多、就是沒有鯪魚肉．．這裡吃到的卻是材料十足的釀豆腐！ＧＯＯＤ！飯後的甜品是蕃薯湯水家住屯門的關係，來到北區當然四處蕩蕩，發現酒家旁邊有一間賣蛋卷的老店，都幾好食架！可以一試～

星期六北角間鳳城慶祝母親節, 之前特登打去問有乜野要訂定, 佢話只係粉果同布甸, 點之一去到, 俾佢吹到”啤”一聲, 原來一定要食套餐, 咁我問佢點解我打電話來佢唔講, 咁佢話唔記得左, 我地其實好憎食套餐, 咁我地全部黎曬可以點, 唯有焗住食, 但一睇過餐牌個價錢要成三千幾(我地有十五個人), 有無攪錯, 全部普通野, 除左有條東星, 同埋所謂翅(你都可以想像非常求其). 仲有仲有就係佢地出菜差唔多想一次過出曬, 好似要我地半個小時食完, 我諗佢想做4倫客, 大佬! 食成四千蚊野, 唔係咁ma, 你要做生意, ok無問題, 但你都要好d服務, 有d質素呀, d上湯粉果入面蝦臭臭地, d伊麵硬過象筋, 個招牌炒飯可以一舊舊, 係我食過最差一次, 埋單成四千蚊, 真係十萬個唔底, 我地全家決定以後唔去鳳城. 其實佢地好蠢, 做到咁差, 叫人以後點再幫趁呀. 果日唔係母親節正日, 正日真係唔敢像. 母親節正日我地去左楓林, 人地唔使叫套餐, 質素依然, 又唔趕客, 十二人唔使三千, 學野喇! 鳳城, 我地杯葛你!

到了今時今日，還有這些有誠意的點心師傅，這當然是鳳城的福氣，也是我們食家的福氣，大家有生之年不要走寶呀！午市上去都可以叫炸子雞架，隻雞真係好「正」

First time there, environment is not so good but much much better than "Lin Heung" in Sheung Wan that also have big name. The quality of Dim Sum is good and the ingredients are fresh, even better than "Lee Yuen" which had doubled the price, must go for dinner next time !

哩度至出名既點心.....都應該係灌湯餃....因為d湯係入面, 唔係用水浸住~~ 諗住都唔錯啦~~ 特登一試~~~星期日既早上十二時.....無咩人wo, 唔洗等位....不過要搭台, 都算啦`~ 我地2個人者~~~灌湯餃- 兩大隻, 但係d 料唔多, 得兩隻蝦....咩都無....入面湯就唔多....但好多大菜糕....唔好食.....非常失望~彊蔥蒸爽肚- 一般, 無咩特別~~四寶滑雞扎- 都算唔錯, 有粟米仔, 棉花.....份量同味道都唔錯`炸粉果- 以前晚飯時候, 係細細隻, 一口一隻ga ma , d 料同皮剛剛好....但係今次就好鬼大隻, 仲大隻過咸水角....又唔熱.....唉~~ 又失望~~蒸排骨- 哩個算係幾好味, 唔多肥膏, 但係好多油, too bad! 但味道都幾好....用左黎送飯....正~~海節分蹄($28) - 海節都ok, 但係分蹄唔知點解係"鞋"既....搞錯.....至於服務....簡直係無服務呀~~ d 人又少, 都算啦~ 見到你又扮見唔到.....shit!! 環境陳舊.....都係時候搞下d 裝修啦~~ 真係完全唔掂呀....今時今日咁

25/3晚，行完銅鑼灣，搭左的士黎呢度食飯。8點幾開始食，一行六人，叫左炸子雞一隻、生腸一碟、菠蘿生炒骨、大班兩味、大良炒鮮奶，青島兩支。一心黎食炸粉果，居然無......野食今次麻麻，d雞好生(紅)，同埋d"食送"唔係好夠熱。之前食過油麻地0個間，0個次好好食，又話北角呢間係正宗，但今次唔好食播，以前細個成日經過呢度，但無食過，今次黎，令人好失望。送左紅豆沙。招呼又麻麻。因為唔好食，所以食得唔係太飽，惟有返屋企食生日蛋糕啦。價錢唔平架，仲要唔值。食物同服務都要改善下！而且係時候裝修下啦。

上星期約了2位朋友晚飯，由於怕銅鑼灣泉ｘｘ多人，所以選擇北角鳳城，然而穩陣起見都訂了位。我7:00先到，原本其中一位已經坐低，因為另一位要OT，所以先來一碟小食「乳豬」($28)，脆皮可是不夠熱。到人齊，我們點了炸子雞半隻($90)、大良炒鮮奶、蟹肉豆苗($68)和桂林炸蝦丸($88)。先來炸子雞，侍應一放下已被香味吸引，急不及待吃一件，雞肉熱且嫩，有肉汁，而皮也是脆的，一等！之後來的是炒鮮奶，粉多奶味略少，有多少失望。蟹肉豆苗，碟頭很大（同是鳳城但黃埔店則較細碟），味道可以。最後上陣的是炸蝦丸，原來還有好戲，因為蝦丸剛炸好很盪口（食時要小心），蝦丸大大個很爽口，絕對值得推介。服務方面，訂位時接電話的女士很有禮貌，但奇怪的是不像其他食肆要留電話，至於侍應們也是可以的，他們不算很殷勤，但已有侍應應有的服務態度和禮貌，總比一些客人付了錢還要看面色的好得多。價錢方面，三個人$395，不可叫抵，但是很值。

大腸好好食，脆皮雞都好好味，啲皮好脆餸既份量都幾大件夾抵食．．．．但係除左以上嗰兩味餸，其他都未能夠有好特出既表現算係中等啦，唔會失望但亦唔會有驚喜

越來越稀有時訂左都可以賣晒

北角鳳城不經不覺食了十多年, 雖然比上不足, 但亦比下有餘. 水準有起有落難免, 但也不失為有特色的好食肆. 因為多年來同班伙計熟落晒, 所以服務方面從來無問題. 其實伙計都係人, 佢地都有頂唔順既時候, 會流露真性情, 在此類傳統酒樓, 都無可能要求佢地好似酒店侍應咁"專業". 你對佢地好啲, 佢地都無理由同你過唔去.講番食經, 佢地呢四五年招牌炸子雞一直特價, 嚟到唔食就唔抵, 食得太多又食到厭, 不知不覺近期就反而嚟少咗.今晚同班老友一行六人嚟食晚飯, 有小別重逢既感覺. 炸子雞一向都得, 皮脆肉嫩又入味(有圖為證), 可以收貨. 其它菜色有:大良炒鮮奶- 杬仁好香口, 鮮奶亦唔錯, 略嫌粉多了一點.家鄉炒魚崧- 鯪魚崧加菜粒花生同炒, 味道一流有口感, 家人最喜歡小菜之一.椒鹽豆腐- 鳳城用既豆腐時常都幾好, 有清甜豆香味, 用嚟椒鹽外脆內軟, 掂! (佢地既紅燒豆腐都好得㗎.)中式牛柳- 當然唔係靚牛扒一級但都可以, 唔會鞋唔會韌, 汁甜甜酸酸開胃, 飯都食多碗.金銀貴魚卷- 略為失望, 可能桂花魚本身肉質就唔好, 魚肉欠結實, 唔好食. 生魚卷可能會好啲, 但無特價...飯

早幾個月之前，一家人去左北角鳳城食午飯和晚飯。炸子雞好香脆，炒飯又夠鑊氣和夠晒乾身。

First of all, I would say, Fung Shing is the best restaurant which I would vote so far. Remeber when I was young, my father usually brought us to the one in Causeway Bay, which is the location of Regal Hotel now. The food was so unforgetable. After that restaurant closed down and also we knew that the chef and boss opened another one in North Point, then we stick with them until now. By the way, I am the 3rd generation who eat their food in our family.If say the food is nice, I would not say No

爸爸生日, 咁o岩媽咪前幾日同同事黎北角鳯城飲茶, 食左好有質素o既炸子雞, 就建議黎食晚飯慶祝.八點半到達, 入座率唔夠一半. 坐低即刻點菜, 叫左:1)炸子雞(半隻) - 炸得皮香肉滑, 爸爸獨個兒解決左成隻雞脾2)桂林炸蝦丸- 我同家姐都鍾意食香口野, 但係礙於市面無淡水魚, 想要金銀桂魚卷- 無, 炸鯪魚球- 都無, 百花釀蟹鉗- 賣晒, 無乜選擇下問個侍應乜野係大良煎蝦餅, 佢好不屑咁話咪即係蝦仁煎蛋, 唔推薦, 唯有選擇桂林炸蝦丸. 問"頹"侍應點解叫桂林, 佢話無意思嫁播, 咪普通炸蝦丸囉. 上檯有10粒, 蘸左麵包糠炸得香脆, 而且唔油膩, 裡面裹住一粒馬蹄, 增加口感, 正!3)蟹肉扒雙蔬- 勁多新鮮蟹肉呀! 雙蔬係草菇拼芥菜膽. 味道淡左d, 但係蟹肉好爽!4)蝦子扒柚皮- 第一次食, 口感好得意, 夠晒鹹香5)上湯莧菜- 莧菜老左d連埋啤酒白飯, 賣單唔駛$500, 幾抵食!不過服務態度尚須改善, 侍應頹左d!

是日家人的牛一飯，去邊度食是大會指定的，就是在這裡，不能異議。一行四人，是晚都幾多人，好在一早訂了位。慣左坐低就叫菜，來鳳城當然不用看餐牌也識點叫，不過是晚例外，因為家長話事。媽子叫了個八人的雞肫翅套餐，包乳豬併盤、雞肫翅一窩、炸子雞一隻、咕嚕肉及腰果炒帶子，炒菜及炒飯，因為是牛一飯，所以將個炒飯轉了窩麵，而最後亦加了半打壽包。個餐係八個人食的，咁我地四個人，點食咁多？媽子話「而家食唔起咩？」係係係，做仔既當然即刻收聲。一來就雞肫翅、乳豬併盤同炸子雞，三味一齊來。一看之下，大吃一跳，為何份量如此少的呢？雞肫翅是一盅不是一窩，併盤的乳豬得六件﹝如圖示﹞，下面墊有十件生腸左右，加一團海浙，炸子雞明顯是半隻。當然家長沒出聲，後輩也照吃不敢做次。味道方面，亦好像退了步，雞肫翅是渣還渣，水還水，賣相幾差，吃在要求甚高的家母口中，評語之差，可以預期；乳豬不差，但不及旺角鳳城，生腸夠厚夠爽，還算不錯。炸子雞是最能維持水準的一味菜色，皮脆肉嫩，是真正的炸子雞而不是炸雞，或炸蒜蓉雞。再上幾個菜，就知點解之前的菜色份量這樣少，原來是落單的，寫錯了五和菜。同侍應反映，佢話佢唔知，講來講去都要把菜放下。5人餐

因好耐冇成班兄弟食飯已早訂定今晚飯局,一放工飛毛腿即鬆一行5人踩上去試一試下佢地o既出名地道菜,7點幾上到去人都唔太多,但跟住就越食越多人,如唔想等位最好都係訂定(木台)穩陣d,坐低之後跟手叫菜,分別叫左...叉燒,分蹄,生腸---送酒餐前小食,大致都o.k.炸子雞---賣相幾好,食落肉質都唔錯唔會"鞋"另外皮都幾脆,有水準!蝦子扒柚皮--柚皮煮得好入味及冇苦味唔會似外面食店果d油淋淋咁,幾好,我好欣賞!!!大明蝦--蝦肉幾爽口另外多士底炸得o岩o岩好唔會油淋淋,唔錯!野雞卷拼炒鮮奶---野雞卷似乎炸得過左火,普通,而炒鮮奶加上崧子仁味道唔錯,但一定要趁熱食!揚州炒飯---飯身炒得唔錯幾乾身唔會太油,另都幾多配料...但居然有番茄喎!!但食落又幾好食,今晚另一喜愛!!!甜品當然係....西米焗布甸---香味同味道都適中,但唔夠乾身太濕,只可以話普通咁啦!全晚o既菜大致都有水準,埋單$6百幾,以咁價錢都幾低!!!