影片
港鐵旺角站 E2 出口, 步行約4分鐘
繼續閱讀
電話號碼
21119979
營業時間
今日營業
12:00 - 16:00
17:00 - 23:00
星期一至日
12:00 - 16:00
17:00 - 23:00
以上資料只供參考, 請與餐廳確認詳情
有關餐廳
有關獎賞計劃
相關文章
同朋友去咗旺角新開「鳳園雞煲火鍋」打邊爐，呢間主打雞煲，以「靚雞煲靚湯，營養又健康」為宗旨，堅持用靚料，更全港首創「五指毛桃脆皮雞煲」，仲有招牌木瓜椰子雞煲、招牌椰子雞煲同橄欖脆皮雞煲等等選擇，餐廳屬內地連鎖品牌，廣州、上海、珠海等等地方都有分店，旺角店是首間進駐香港第二十五間分店。🥢 原味椰子雞煲 $298/整隻雞我哋叫咗招牌椰子雞煲，店員會將原隻泰國椰青倒入鍋中，等大滾後店員會再過嚟放走地文昌雞放入鍋，煮4分鐘就食得，店員建議我哋先飲雞湯再食雞，全程店員會幫手，完全唔使自己郁手，我哋負責食同影相打卡，服務一流🤭。文昌雞食到雞味又嫩滑，個湯真係好清甜，濃濃椰子香氣，飲完好滋潤，我哋飲咗幾碗湯先食海鮮、菜同丸丸。🥢 海鮮拼盤 $168海鮮拼盤有鮑魚、生蠔🦪同基圍蝦，鮑魚同基圍蝦新鮮爽口又彈牙，乳生生蠔🦪又肥美又大隻又鮮味，真係好正，喜歡生蠔🦪的朋友一定喜歡💕。🥢 鹹蛋黃蝦丸 $58呢個有驚喜，蝦丸一咬人去已經爆汁，入邊有流心鹹蛋黃，好似食緊奶黃月餅的感覺，蝦丸肉質又彈牙，非常惹味又好食。🥢 生菜 $26生菜爽甜又脆。醬料自助台都好出色，除咗平時豉油、芫荽、蒜蓉等等，仲有黃燈籠椒醬、沙姜同小金桔，喜歡小金桔，加咗味道好清新。醬料費 $16/人，最後埋單 $640。
繼續閱讀
鳳園雞煲火鍋真係旺角打邊爐嘅好選擇！😋一入到去，環境乾淨企理，坐得舒服，唔會逼逼狹狹，啱晒同朋友或者屋企人一齊慢慢嘆。🪑今次試咗佢哋招牌竹笙椰子雞煲，真係有驚喜！🥥🐔用原個椰子做湯底，啖啖都飲到淡淡椰香，清甜又唔膩。水滾之後，職員會幫你落雞同竹笙，服務一流，完全唔使自己搞，坐定定就有得食，真係好貼心。👍雞肉新鮮滑嫩，竹笙爽口，兩樣夾埋一齊食，口感層次好豐富。🍗🍄湯底飲落去好滋潤，飲完都唔會口渴，感覺好健康。每次加湯都係加雞湯，唔會稀釋咗個味，保持到原本嘅濃郁，呢點真係加分！💯空中花園拼盤都好正，有冬瓜、蟹柳、粟米、南瓜、潮汕牛筋丸、鹹蛋黃蝦丸、蔬菜、響鈴、黑皮姬松茸同牛肉，選擇多到唔知點落手。🥬🦀🌽每樣都新鮮，特別係潮汕牛筋丸同鹹蛋黃蝦丸，彈牙又有味，食完想再encore！🦐精品肥牛都唔可以錯過，油花分布靚，落湯一陣就熟，入口即溶，牛味濃郁，真係食到停唔到口。🥩總括嚟講，鳳園雞煲火鍋無論食物質素、服務態度定環境都好有水準，價錢合理，CP值高，絕對值得一試！下次一定會再嚟！🤩
繼續閱讀
最近見到好多人都食呢間旺角新開既脆皮雞煲餐廳，見到係好評如潮同埋見到野食都真係幾吸引，我都要黎試下啦✌🏻餐廳有2層坐位，我地7點前入去食就唔洗等位，7點半開始慢慢已經坐滿曬要排隊，開枱每位醬料費要$16，我覺得可以接受，而呢度醬料有沙薑，用黎食雞最適合，另外有教學整佢地既特色醬料🌶️開心椰雙人餐（$456）涼拌青瓜首先送上前菜青瓜，係川式口味既涼拌青瓜，加左蒜特別好食🥒五指毛桃脆皮雞煲呢個雞煲就係今餐重點，五指毛桃湯底有助怯濕健脾，味道帶有椰香，未食之前可以飲幾碗湯，好好味，二人餐當中有份珍珠馬蹄，店員建議我地一早放湯煮，令到個湯更好味😋脆皮雞成個架上，一共有7碟，最頂層係雞翼，雞腳，椰子等最先落去煲既野，中間5碟脆皮雞建議煮30秒就食得，佢係冇乜脂肪，雞味比較出，而且冇腳既雞，煮起一粒粒，配合醬料食，好好味，最底層就係一份雞雜，雞腎好爽脆🐥響鈴卷響鈴就唔係即炸，應該係平時食開既盒裝響鈴，正常料👌🏻潮汕牛筋丸潮汕牛丸有6粒，多汁彈牙🐮蝦滑呢個蝦滑唔止係滑，仲有好多鮮蝦係入面，放湯煮完爽口彈牙🦐生菜生菜綠色冇爛，冇問題，靚菜🥬華豐面套餐有一個大麵餅，特別係個湯飲得，特別好食，兩個人食岩岩好🍜銀耳桃膠蓮子羹x2跟餐仲有兩碗甜品，勁足料，成碗滿滿既桃膠🥰竹笙（$78）我地加左份竹笙，因為個湯底真係好飲同埋又健康，飲多d麵唔怕，跟份竹笙索曬d湯食就最好不過😆凍檸茶（$38）一杯巨大化檸茶，夠2個人飲，仲要有折第2杯半價，幾抵飲🍹呢間脆皮雞煲個2人餐都幾抵食，我地食到好飽，主角既脆皮雞煲亦都好出色，湯好味，雞肉又嫩，份量又多，另外潮汕牛丸多蝦滑都好掂，就算多人黎食，都值得叫份2人餐，之後先再另加食物😉
繼續閱讀
鳳園雞煲火鍋於旺角開業冇耐，以雞煲為招徠🍲最出名系椰子雞🥥同埋脆皮雞，我地就揀咗脆皮雞。✿ 無花果脆皮雞煲 $228無花果原來系無花果湯底，仲有椰子🥥粟米🌽杞子 等材料，清甜可口，令人想飲多幾啖。脆皮雞有幾層，好有打卡feel✨整熟完之後雞皮果然好系香脆，雞肉嫩滑程度尚可。仲有珍珠馬蹄可以放入湯，爽口清甜。✿ 優選肥牛 $128經過優選果然吾同啲，每一片都薄片，油脂多同時又不失牛肉味，有入口即溶感覺🐮✿ 臘味煲仔飯 $118火鍋店都食到煲仔飯😆有臘腸，潤腸乾，芋頭粒。臘腸，潤腸乾充滿港式風味，加埋芋頭粒軟綿綿。底下有吾少飯焦，不過一次吾敢食太多，食少少脆卜卜過吓口癮都幾正。✿ 天然桃膠椰子凍 $28表面系桃膠，好滋補。底下系椰子奶凍，食到椰絲好足料🥥奶凍好滑溜，牛奶味香濃🤍
繼續閱讀
呢晚嚟咗呢間有雞煲食又可以打邊爐嘅火鍋店食晚餐🤣朋友話大熱天時打邊爐出身汗咁就會有助增強血液循環加速新陳代謝對身體有益，呢個係朋友話啫🤣呢度有幾款「招牌椰子雞」可以選擇，咁我哋揀咗 $238「木瓜椰子雞煲（半隻雞）」：店員姨姨同店員哥哥分別將湯鍋底同埋一碟木瓜、椰子、雞放上枱，等湯滾咗之後，就將木瓜椰子雞全部加晒落湯裏邊，煲4分鐘，咁就食得🤣；椰子肉幾爽口，木瓜幾清甜，雞肉就不同部位有不同口感🤣$36「響鈴卷」：灼2秒吸收咗啲湯水仲變得熱熱哋咁就食得🤣$58「鮑魚兩隻」：肉質結實爽滑🤣$58「新鮮基圍蝦」：肉質結實，夠鮮甜🤣$58「肉丸拼盤」：有潮汕牛筋丸、鹹蛋黃蝦丸、墨魚丸，各兩粒🤣；全部都幾彈牙🤣$36「皇帝菜」：夠新鮮，食落幾爽脆尤其係菜蕻🤣$48「泰國椰青」：凍凍哋，夠清甜🤣
繼續閱讀