鳳園雞煲火鍋

同朋友去咗旺角新開「鳳園雞煲火鍋」打邊爐，呢間主打雞煲，以「靚雞煲靚湯，營養又健康」為宗旨，堅持用靚料，更全港首創「五指毛桃脆皮雞煲」，仲有招牌木瓜椰子雞煲、招牌椰子雞煲同橄欖脆皮雞煲等等選擇，餐廳屬內地連鎖品牌，廣州、上海、珠海等等地方都有分店，旺角店是首間進駐香港第二十五間分店。🥢 原味椰子雞煲 $298/整隻雞我哋叫咗招牌椰子雞煲，店員會將原隻泰國椰青倒入鍋中，等大滾後店員會再過嚟放走地文昌雞放入鍋，煮4分鐘就食得，店員建議我哋先飲雞湯再食雞，全程店員會幫手，完全唔使自己郁手，我哋負責食同影相打卡，服務一流🤭。文昌雞食到雞味又嫩滑，個湯真係好清甜，濃濃椰子香氣，飲完好滋潤，我哋飲咗幾碗湯先食海鮮、菜同丸丸。🥢 海鮮拼盤 $168海鮮拼盤有鮑魚、生蠔🦪同基圍蝦，鮑魚同基圍蝦新鮮爽口又彈牙，乳生生蠔🦪又肥美又大隻又鮮味，真係好正，喜歡生蠔🦪的朋友一定喜歡💕。🥢 鹹蛋黃蝦丸 $58呢個有驚喜，蝦丸一咬人去已經爆汁，入邊有流心鹹蛋黃，好似食緊奶黃月餅的感覺，蝦丸肉質又彈牙，非常惹味又好食。🥢 生菜 $26生菜爽甜又脆。醬料自助台都好出色，除咗平時豉油、芫荽、蒜蓉等等，仲有黃燈籠椒醬、沙姜

鳳園雞煲火鍋真係旺角打邊爐嘅好選擇！😋一入到去，環境乾淨企理，坐得舒服，唔會逼逼狹狹，啱晒同朋友或者屋企人一齊慢慢嘆。🪑今次試咗佢哋招牌竹笙椰子雞煲，真係有驚喜！🥥🐔用原個椰子做湯底，啖啖都飲到淡淡椰香，清甜又唔膩。水滾之後，職員會幫你落雞同竹笙，服務一流，完全唔使自己搞，坐定定就有得食，真係好貼心。👍雞肉新鮮滑嫩，竹笙爽口，兩樣夾埋一齊食，口感層次好豐富。🍗🍄湯底飲落去好滋潤，飲完都唔會口渴，感覺好健康。每次加湯都係加雞湯，唔會稀釋咗個味，保持到原本嘅濃郁，呢點真係加分！💯空中花園拼盤都好正，有冬瓜、蟹柳、粟米、南瓜、潮汕牛筋丸、鹹蛋黃蝦丸、蔬菜、響鈴、黑皮姬松茸同牛肉，選擇多到唔知點落手。🥬🦀🌽每樣都新鮮，特別係潮汕牛筋丸同鹹蛋黃蝦丸，彈牙又有味，食完想再encore！🦐精品肥牛都唔可以錯過，油花分布靚，落湯一陣就熟，入口即溶，牛味濃郁，真係食到停唔到口。🥩總括嚟講，鳳園雞煲火鍋無論食物質素、服務態度定環境都好有水準，價錢合理，CP值高，絕對值得一試！下次一定會再嚟！🤩

「鳳園雞煲火鍋」最近在旺角新開了首間餐廳，餐廳堅持「靚雞煲靚湯，營養又健康」的理念，造出健康又好味的雞類食品。這裡的招牌鳳園雞煲，雞肉新鮮、味道濃郁，還有果園脆皮雞、椰子雞，創新又傳統的選擇。😋餐廳使用QR code點餐，是日選擇：1️⃣原味椰子雞煲🍽️新鮮椰青水為主要湯底，清甜又有椰香，雞肉新鮮、嫩滑。2️⃣海鮮拼盤🍽️包括蠔、鮑魚及蝦，特別推介蠔，大大隻，肉質飽滿，很新鮮，不會有腥味。3️⃣空中花園🍽️二層層架盛載，內裡有多款蔬菜、響鈴、丸類、蟹柳、牛肉及南瓜，色彩繽紛又營養豐富，滿足唔同口味。

🔷🔶🔷脆皮雞火鍋 你又試過未？🔷🔶🔷⬇️睇內文食評同地址啦⬇️。‼️Follow me @pig_g_pig 睇多d食玩買資訊‼️👍🏻 有你地嘅Like & Share 係我繼續出Post嘅動力。係旺角一個好方便嘅位置，開左一間新火鍋店，而佢係主打食脆皮雞火鍋，我就真係無未食過啦，唔知你試過未呢？。無花果脆皮雞煲（$228）無花果湯底本身已經係老火湯，脆皮雞分左數小碟上，仲有雞內臟跟上，店員會先示範點煮脆皮雞，記得煮30秒就OK，脆皮雞入口果然係脆脆地幾得意，煮咗大約三碟之後就可以開始飲湯，個湯好清甜好正！我忍唔住飲左3碗！。優選肥牛（$128）牛肉分咗幾個價位，我叫咗中間價錢，肥瘦啱啱好。鮮鮑魚（2隻）（$58）每隻鮑魚$30都唔洗好抵食。蝦滑（$68）如果有叫蝦滑，店員會過嚟幫你處理，唔使擔心自己整得唔好，蝦含蝦量極高。繡球菌（$36）、娃娃菜（$26）呢度仲有啲特別嘅菌類，如果鍾意食菇菇嘅朋友就可以試吓。@fungyuen_chickenpot 。📍鳳園雞煲火鍋 (旺角)旺角豉油街36-42號榮高大廈地下至2樓

📍旺角豉油街新開餐廳～除咗可以食雞煲，仲可以食椰子雞同埋招牌果園脆皮雞，仲有煲仔飯食。今次就揀咗比較特別嘅脆皮雞煲($228)食，仲可以揀湯底(橄欖/五指毛桃/無花果），揀咗無花果個味道會比較清甜。另外湯底本身都仲有椰子肉、竹笙同埋雞件等配料去煮。脆皮雞切條分成一碟碟，淥30秒就食得！佢呢隻雞皮爽脆彈牙，同比較重油香，雞味會比平時食開嘅濃。另外叫海鮮拼盤($168)，全部都幾新鮮，尤其生蠔幾大隻。菌菇拼盤($98)就唔係平時食開杏鮑菇同金針菇嗰幾款，連比較特別嘅金耳菌都食到，索哂湯，唔使點醬都好好食。

於2013喺國內創立嘅❣︎鳳園雞煲火鍋❣︎品牌，正式登陸香港🇭🇰啦😀🎉 品牌理念為🐔靚雞煲靚湯，營養又健康🐔岩晒各位貪靚🧏🏻‍♀️嘅女仕們。全港🇨🇳首創「五指毛桃脆皮雞煲」及「橄欖脆皮雞煲」非常有特色👍🏻入座每枱會有免費蜜桃🍑烏龍茶提供，醬料費每位$16，店舖放滿好多植物做裝飾，座位寬敞舒適，鍾意食雞煲同火鍋嘅朋友以後又多一個選擇啦😀❣︎無花果脆皮雞🐔煲❣︎$228💁🏻‍♀️建議湯滾起後，即刻飲返碗先😋👍🏻湯底用上原隻鮮椰子🥥整成，再配上無花果同其他藥材，超鮮甜👍🏻👍🏻飲完完全唔口乾，保證真材實在👍🏻雞隻🐔選用養足3️⃣0️⃣0️⃣天嘅果園雞，肉質緊實，外皮爽脆，雞味濃郁，用層架上將雞件分成6️⃣碟👍🏻最尾個碟係雞內臟，超推薦🤤唔同部位有唔同口感，內臟控必試🤤🤤❣︎鮮鮑魚❣︎$58/2隻鮑魚用冰底上👍🏻有誠意，味道鮮美有嚼勁。❣︎空中花園❣︎$138鍾意樣樣有啲，推薦叫呢個拼盤😀有肥牛，南瓜🎃片，冬瓜片，粟米🌽，黑皮姬松茸，蟹柳，響鈴，鹹蛋黃蝦丸，潮汕牛筋丸同雜菜，我地2個人食，可以樣樣試啲，又唔使浪費👍🏻❣︎皇帝菜❣︎$36我用呢個湯底來打邊爐真係超夠味，用來淥菜食，啲菜都特別鮮甜🤤👍🏻唔需要沾醬汁都勁正。❣︎華豐麵❣︎$12

今次去咗旺角 鳳園，主打椰子雞火鍋，真係同一般打邊爐唔同，夠特別又養生 ✨🍲 原味椰子雞（$208）用新鮮椰子水做湯底，甜甜清香，愈煲愈出味，雞肉嫩滑得嚟又吸晒湯汁精華，好鮮甜！🐔 半隻雞（$98）追加半隻雞，雞皮薄滑，肉質彈牙，食落完全唔覺膩。🥩 精品肥牛（$58）薄切牛肉涮一涮就食，油花均勻，入口香滑，啖啖肉香。🦐 新鮮基圍蝦（$58）蝦隻頭頭新鮮，煮完爽甜彈牙，啖啖鮮味。🍡 肉丸拼盤（$26）丸類口感彈牙，落湯煮到入味，簡單抵食。🍮 天然桃膠椰子凍（$28）飯後甜品一流，冰涼爽口，桃膠滑溜又清甜，啱晒解膩。✨ 另外仲有「即起銀耳桃膠蓮子」甜品，滋潤養顏，成餐真係食得飽又養生 🥰

🌟旺角·新開特色脆皮雞煲火鍋🌟餐廳有兩層，周圍放了很多綠植裝飾，環境裝修好靚，主打果園脆皮雞、椰子雞、雞煲等，食材新鮮，重點冷氣夠涼（夏天好重要呢！）✨五指毛桃脆皮雞煲🐓✨加埋雞件落去煲滾，記得乜都唔落住飲咗啖湯先，哇～真係好清甜！🤩主角「果園雞件」用層架華麗登場，涮30 秒就食得，真係皮脆肉嫩。仲有雞內臟，雞腎爽脆冇雪藏味💯火鍋配料：◼️生蠔🦪｜好大隻又新鮮肥美◼️精品肥牛🐂｜淥幾下就食得，好嫩滑◼️皇帝菜🥬｜好新鮮◼️華豐麵🍜｜索盡雞湯精華甜品：◼️鳳園大滿貫｜冰涼解膩◼️天然桃膠椰子凍｜天然清甜！

突然好想食雞煲呀！今次我地黎到位於旺角嘅「鳳園雞煲火鍋」！一行到入去環境乾淨舒適，店員服務都還nice，雞煲即場煮，各種食物食落味道都好讚，另外仲有自製調料區添！我地今次都叫咗唔少野食！🍲木瓜椰子雞煲(半隻雞) $238- 雞肉鮮嫩多汁，木瓜同椰子嘅湯底味道清甜，唔會過分油膩，木瓜越煮越甜！🥬西洋菜 $26- 西洋菜擺盤精美整齊，菜非常新鮮，加埋入雞煲煮，令湯底味道更上一層樓！🥘黃鱔煲仔飯 $138- 非常驚喜，煲仔飯上檯之後，再由店員現場撈特質醬汁，香氣四溢，鱔肉滑嫩，加埋濃郁嘅醬汁，簡直必食！🍧天然桃膠椰子凍 $28- 口感清新，唔會過甜，桃膠令成個甜品口感更豐富！🍹百香果檸檬水 $38@1- 口感清新酸甜，非常之解渴解膩，而且超級大杯！今日都食得非常滿足，飲咗好多碗湯！鍾意養生健康雞煲嘅朋友一定要黎試下啦！

旺角有間新開食脆皮雞的火鍋店！我當然唔會錯過啦😗必食無花果脆皮雞煲‼️天然養生湯底都系每日現熬雞湯，再加入無花果令湯底很清甜！雖然打邊爐系熱氣，但呢個湯又能中和可以下火～🤩選用果園雞🐔每日由職員新鮮整只拆骨切片🔪雞味濃郁又鮮甜😳建議先煮雞後入湯！一隻雞可以切出7️⃣碟😳 職員真系刀工了得🤭有雞架、雞肉及內臟，分部位食仲可以有不同口感‼️之後再叫我一碟優選肥牛，淥一淥就食得！再叫一份肉丸拼盤，當中最愛牛丸！非常爆汁！而打邊爐點少得響鈴！吸收雞湯精華很好味！最後飲椰青仲可以下火呢～

今日同老公一齊食午餐，帶佢去食椰子雞火鍋先，好耐冇打邊爐。我地去左旺角有間新開叫鳳園雞煲火鍋，食佢地既原味椰子雞煲(半隻雞)，用左新鮮椰青做湯底好清甜呀，啲雞煮完食得出雞皮彈牙肉質結實有咬口之餘，又有雞既鮮味。叫左幾個配菜都好好食🩷🩷🩷🩷🩷精品肥牛 佢係比較多油脂分布，不過食落都唔會太漏，牛味都濃。優質肥牛 佢個油脂分布比較平均，食落肥瘦適中，比較有咬口。汕頭牛筋丸 好彈牙，同埋咬落去爆汁。娃娃菜 食落好清甜，同埋好爽脆，夠新鮮。凍檸茶 好正呀個茶底，有港式檸檬茶既濃度，配埋酸酸地既檸檬味加埋糖水好解滯，又好大杯。估唔到唔洗反大陸都有咁高質既椰子雞煲。

“五指毛桃脆皮雞煲”($228)“精品肥牛”($98)“撈汁鮮鮑魚”($78)“生菜”($26)“凍檸茶”($38)“調料費”($16/位)旺角最近開咗間嚟自內地嘅雞煲火鍋店店內有唔少綠色植物裝飾,感覺幾舒暢呢道嘅雞煲分為3大類別有招牌椰子雞煲,果園脆皮雞煲,同埋最常見嘅廣式雞煲今次就揀咗未食過嘅五指毛桃脆皮雞煲湯底十分清甜潤喉落雞肉之前忍唔住飲返幾碗🤭脆皮雞淥60秒就食得,質地爽脆叫呢個煲仲會跟埋一碟雞雜,正我地仲點咗份精品肥牛肥牛啲色水都幾靚,淥完都夠腍滑見呢道有啲撈汁小食幾特別所以就點咗份撈汁鮮鮑魚鮑魚爽口彈牙,配上酸酸辣辣嘅醬汁好開胃☺️飲品方面叫咗杯凍檸茶38蚊超級大杯好抵飲🤣

旺角新開咗間雞煲火鍋，以「靚雞煲靚湯，營養又健康」嘅理念，爲大家帶來 ”一鍋兩食” 養生新體驗，仲首先喺香港引入脆皮雞，比傳統雞煲有另一番風味。店內環境舒適，位置寬敞，員工亦好有友善同有耐性介紹菜式。七款雞煲各有特色都好吸引，最後揀咗五指毛桃脆皮雞煲~ 呢個係選用咗養足 300 日嘅果園雞，所以肉質特別爽脆嫩滑，雞味濃郁，配搭袪濕養生藥膳「五指毛桃」湯底，用料十足！脆皮雞淥 30 秒就食得，吸收晒湯汁精華，入口更覺滋味豐富！個湯愈煲愈濃醇香甜，忍唔住飲咗好多碗 😋😋 原來打邊爐都可以健康又養生！另外再叫咗幾份配菜，有黑皮姬松茸（即係 “鉛筆菇”）、牛肝菌、蝦滑、肥牛、皇帝菜，款款食材都好新鮮，食飽飽大滿足！隔離枱叫咗鳳園雞煲，d 香氣慢慢飄過嚟感覺好惹味，下次一定要再過嚟食！

五指毛桃脆皮雞煲$228-將啲雞切到細細條. 幾得意. 好似手絲雞火鍋板咁-個湯底好好味. 飲左3 碗湯🤣-有大大舊五指毛桃～ 有藥材味. -啲龍眼肉好甜！-啲雞有5 碟咁上下. 最後果碟仲有雞腎！ 特級肥牛$158-肥膏十分分名蝦滑$68-好味！ 值得叫～ 好彈牙～ 天然榴蓮椰子凍$38 -好大舊榴槤！ 都係值得叫呀！ -榴連味道濃. 下面既椰子凍道好清. 配合得唔錯～ 鳳園大滿質$18茶錢$16一位-茶係… 花茶味 … 可能係茉莉茶. 好香.

小編發現咗間超正嘅雞煲火鍋店，內地有多間分店，而家終於開到香港！最厲害係佢哋有自家內地雞場，每日新鮮運到，保證雞肉質素💯！📍 溫馨提示：晚市經常爆滿，記得提早book位啊！ 🍲【無花果脆皮雞煲】 雞肉皮脆肉嫩到離譜！✨ 加入無花果熬製嘅湯底清甜滋潤，完全唔會油膩～雞件份量十足，兩個人食都夠晒飽！店員話因為係自家雞場直送，所以肉質特別鮮嫩，同出面食到嘅完全唔同level㗎！ 🦪【撈汁紫菜生蠔】 生蠔肥美到爆！配上特調撈汁同紫菜，鮮味層次即刻升級～必點前菜，開胃一流！ 🥩【精品肥牛】 油脂分佈超均勻，涮8秒就食得～入口即化嘅口感，牛魔王一定愛上！ 🍢【潮汕肉餅】 手工製作嘅潮汕風味，彈牙得嚟又夠香口～火鍋必備！ 🦐【新鮮基圍蝦】 上枱時仲生猛跳跳下！蝦肉鮮甜爽口，海鮮控必點～ 🍡【肉丸拼盤】 手打肉丸超彈牙！牛丸爆汁、蝦丸鮮甜、墨魚丸爽口，一次過滿足三個願望～ 🥬【娃娃菜】【華豐麵】【響鈴卷】 吸湯神器三寶！娃娃菜清甜，華豐麵索盡雞湯精華，響鈴卷脆卜卜～ #香港雞煲 #火鍋推薦 #無花果雞煲 #自家養雞場 #內地過江龍 #香港美食 #脆皮雞煲 #生蠔 #肥牛