鳳園雞煲火鍋 (已改名)

麻辣雞煲就食得多, 同朋友去左食依間新開既雞煲火鍋, 除左有得叫椰子雞煲之外, 佢地既脆皮雞煲都好出名, 我地無食過膽粗粗叫左個無花果脆皮雞煲試下出去醬料區拎醬料, 醬料都有幾多選擇, 另外有2個Option醬料教學, 一種係椰子雞傳統醬料, 一種係鳳園特色醬料, 我平常最鍾意食過椰子雞都會用小金桔同沙姜去做醬料調味, 用黎點雞食令到味道提鮮又開胃! 依道有大量小金桔可以自己夾自己榨汁無花果脆皮雞煲係連同7層雞件一齊上, 趁未落雞之前飲返啖湯, 味道都幾清甜, 脆皮雞分別分左第一層係雞翼同雞腳, 第二至六層係雞肉, 而第七層就係雞心、雞腎、雞肝同提燈, 店員解說話湯滾後落雞肉只需要灼6秒, 而雞翼同雞腳就灼30分鐘, 其他部位約要15分鐘以上, 雞肉食起黎比較有咬勁, 連埋雞皮咁食帶脆口感, 比較適合鍾意食煙韌雞肉質感既朋友叫左個涼拌前菜撈汁香辣花甲, 估唔到個涼拌汁幾惹味, 蜆肉隻隻都肥肉飽滿, 完全無沙, 底層仲有海帶苖, 食落爽嫩順滑, 好味!再叫左個咩都有既空中花園, 入面有肥牛、鹹蛋黃蝦丸、潮汕牛筋丸、粟米、冬瓜、南瓜、蟹柳、響鈴、生菜同娃娃菜, 整體食材正常發揮一人叫左一杯凍檸茶, 仲要係大杯版, 其實係手打香水檸檬茶, 飲落幾清香, 非常解膩整體味道都唔錯, 價錢都合理, 餐廳裝修精緻舒適, 服務員都幾友善, 如果喜歡打邊爐飲湯既朋友可以黎食下, 佢地本身個湯底的確整得幾清甜…查看更多

同朋友去咗旺角新開「鳳園雞煲火鍋」打邊爐，呢間主打雞煲，以「靚雞煲靚湯，營養又健康」為宗旨，堅持用靚料，更全港首創「五指毛桃脆皮雞煲」，仲有招牌木瓜椰子雞煲、招牌椰子雞煲同橄欖脆皮雞煲等等選擇，餐廳屬內地連鎖品牌，廣州、上海、珠海等等地方都有分店，旺角店是首間進駐香港第二十五間分店。🥢 原味椰子雞煲 $298/整隻雞我哋叫咗招牌椰子雞煲，店員會將原隻泰國椰青倒入鍋中，等大滾後店員會再過嚟放走地文昌雞放入鍋，煮4分鐘就食得，店員建議我哋先飲雞湯再食雞，全程店員會幫手，完全唔使自己郁手，我哋負責食同影相打卡，服務一流🤭。文昌雞食到雞味又嫩滑，個湯真係好清甜，濃濃椰子香氣，飲完好滋潤，我哋飲咗幾碗湯先食海鮮、菜同丸丸。🥢 海鮮拼盤 $168海鮮拼盤有鮑魚、生蠔🦪同基圍蝦，鮑魚同基圍蝦新鮮爽口又彈牙，乳生生蠔🦪又肥美又大隻又鮮味，真係好正，喜歡生蠔🦪的朋友一定喜歡💕。🥢 鹹蛋黃蝦丸 $58呢個有驚喜，蝦丸一咬人去已經爆汁，入邊有流心鹹蛋黃，好似食緊奶黃月餅的感覺，蝦丸肉質又彈牙，非常惹味又好食。🥢 生菜 $26生菜爽甜又脆。醬料自助台都好出色，除咗平時豉油、芫荽、蒜蓉等等，仲有黃燈籠椒醬、沙姜同小金桔，喜歡小金桔，加咗味道好清新。醬料費 $16/人，最後埋單 $640。…查看更多

鳳園雞煲火鍋真係旺角打邊爐嘅好選擇！😋一入到去，環境乾淨企理，坐得舒服，唔會逼逼狹狹，啱晒同朋友或者屋企人一齊慢慢嘆。🪑今次試咗佢哋招牌竹笙椰子雞煲，真係有驚喜！🥥🐔用原個椰子做湯底，啖啖都飲到淡淡椰香，清甜又唔膩。水滾之後，職員會幫你落雞同竹笙，服務一流，完全唔使自己搞，坐定定就有得食，真係好貼心。👍雞肉新鮮滑嫩，竹笙爽口，兩樣夾埋一齊食，口感層次好豐富。🍗🍄湯底飲落去好滋潤，飲完都唔會口渴，感覺好健康。每次加湯都係加雞湯，唔會稀釋咗個味，保持到原本嘅濃郁，呢點真係加分！💯空中花園拼盤都好正，有冬瓜、蟹柳、粟米、南瓜、潮汕牛筋丸、鹹蛋黃蝦丸、蔬菜、響鈴、黑皮姬松茸同牛肉，選擇多到唔知點落手。🥬🦀🌽每樣都新鮮，特別係潮汕牛筋丸同鹹蛋黃蝦丸，彈牙又有味，食完想再encore！🦐精品肥牛都唔可以錯過，油花分布靚，落湯一陣就熟，入口即溶，牛味濃郁，真係食到停唔到口。🥩總括嚟講，鳳園雞煲火鍋無論食物質素、服務態度定環境都好有水準，價錢合理，CP值高，絕對值得一試！下次一定會再嚟！🤩…查看更多

餐廳位於旺角，鄰近地鐵站，路程5分鐘左右，方便又快捷。這間餐廳早已在內地品嚐過，沒想到在香港也能好好享用。這天我和朋友挑選的就是無花果脆雞煲，喜愛無花果的那份清甜，湯底完全是可以即時好好品嚐，加入雞後，味道變得更加豐富。土雞只需要數十秒，便能馬上好好品嚐，因為廚師的刀工了得，薄薄的一片，輕輕的一灼，便能品嚐到嫩滑可口雞味豐富的雞塊。另外當然少不了的就是煲仔飯，原煲上，可觀性極強，店員在你面前即時攪拌調整，按照個人需要調整豉油的份量，加上末段的飯焦，更是煲仔飯的靈魂所在，帶點香脆，米味香濃，加上豉油的香味，絕對是絕配。…查看更多

無花果脆皮雞煲 $228呢個好特別，第一次食個湯好養生可以先飲湯，後食肉😚😚😚😚雞肉淥左30秒就食得😋 正仲有雞雜跟埋，要淥5分鐘好新鮮雞味，雞肉好嫰🐥🐥🐥🐥特級肥牛 $158打邊爐食雞煲必須的😎基圍蝦 $58有6隻🦐🦐🦐🦐🦐🦐可以新鮮d🤣娃娃菜 $26好索湯，好正😋😋😋😋百香果檸檬水 $38百香果香橙水$382杯都超大杯，檸檬水偏酸d香橙水就甜d😚大大杯唔會唔夠飲…查看更多

木瓜椰子雞煲以新鮮椰青水作湯底，椰香清甜、帶淡淡果酸，解膩而不膩口，加入木瓜後更清新。雞選半隻，滾左先落鎖住肉汁，皮仍滑，控制得好雞胸都唔柴。木瓜熬到軟糯，吸滿椰香，偏向清補路線；建議先喝原湯，之後加南瓜同粟米，湯底後段越煮越甜，涮蔬菜尤其適合。空中花園人少少既抵食組合, 有肥牛，冬菇，響玲，蟹柳，生菜，娃娃菜，牛丸， 鹹蛋黃蝦丸，南瓜，粟米，像是為椰子雞設計的「配菜盤」。肥牛切薄，三秒滑入湯即食；冬菇厚身吸湯；鹹蛋黃蝦丸幾特別，但不是我杯茶。臘味煲仔飯傳統鑊氣足，米心有咬口。臘腸臘肉薄切甘香，飯面淋上豉油後趁熱拌勻，飯焦香脆，與椰子雞湯交替食，鹹甜互襯不搶戲。泰國椰青即開即飲，清甜度自然。最鍾意呢度嘅調料有沙薑同埋桔仔， 開胃嘅配搭。…查看更多

路過旺角試咗呢間7月中。嘅椰子雞煲專門店，源自廣州的內地連鎖［💫旺角鳳園椰子雞］首次插旗香港， 餐廳樓高三層，裝潢以自然元素為主，搭配綠色植物和木質家具，氣氛令人舒適放鬆，非常適合家庭聚餐或朋友聚會。部分座位還設有小型的空中花園，讓用餐者能夠享受大自然的氣息。⭐️原味椰子雞🥥🐔這道菜是餐廳的招牌，真材實料以原隻椰子打造椰子湯底清甜而不膩，雞肉鮮嫩，與椰香完美融合。 ⭐️空中花園拼盤拼盤內包含新鮮的時令蔬菜、肥牛、小食等，色彩繽紛，視覺上非常吸引。個人大愛鹹蛋蝦丸。唔大食樣樣食少少勝在包羅萬有👍 🌟蔬菜拼盤這道菜以新鮮的當季蔬菜為主，保持了天然的鮮甜味，讓人感受到健康與美味的完美結合。 ⭐️百香果檸檬水這款飲品酸甜適中，清爽可口，特別適合在炎熱的天氣中解渴，百香果的香氣更是增添了飲品的風味。 ⭐️鳳園大滿貫招牌甜品，抵食足料好豐富，有紅豆、桃膠、 芋圓等， 滋補又養顏。 ⭐️天然桃膠椰子凍這款椰子凍口感滑嫩，桃膠的加入使得整道甜品更加有層次，清新的椰香與桃膠的天然甜味相得益彰，是完美的結尾。 總結，餐廳無論是在環境還是菜品上都表現出色，適合喜愛椰子雞及健康飲食的人士。…查看更多

呢間餐廳於2013年係廣州創立，秉承「靚雞 煲靚湯、營養又健康」 ，主打椰子雞、果園脆皮雞同雞煲🐓💗原味椰子雞（$208/ 半隻）店員現場將泰國進口嘅原個椰青倒入砂鍋中，湯底鮮甜清爽🥥選用脂肪較少嘅文昌雞，雞皮爽彈，肉質嫩滑，雞味鮮濃🐔配上爽脆帶粉嘅珍珠馬蹄💗精品肥牛（$98）肥牛肥瘦相間，油份多且口感香滑🐮💗蝦滑（$68）蝦滑爽滑彈牙，加咗脆卜卜嘅蟹籽，最足料有大量原隻蝦肉，口感更好🦐💗撈汁鮮鮑魚（$78）鮑魚爽彈鮮嫩，配上泰式醬油，配上細碎芫莤同青瓜，微酸麻辣，非常醒胃🌶️…查看更多

📍鳳園雞煲火鍋📍餐廳環境舒適，平日嚟到都好多人🍲果園脆皮雞配五指毛桃湯湯底鮮甜濃郁，配搭脆皮雞，果然皮脆肉滑，同一般雞肉唔同，呢度雞肉份量精緻，完全冇骨，輕灼30秒就食得！火鍋配料：🥢響鈴🥢皇帝菜🥢精品肥牛- 性價比之選，呢個價錢都食到牛味! 🥢鹹蛋黃蝦丸- 彈牙惹味，入面真係有滿滿鹹蛋黃~🧉榴槤椰子凍滿滿榴槤肉鋪喺面，榴槤控大愛！百香果檸檬水份量十足，解膩一流地址：旺角豉油街36-42號榮高大廈地下至2樓…查看更多

服務質素極低，基本上好似自己serve自己，每次找服務員，得到請等一等既回覆，同電話服務差唔多。食物質素方面，湯底不過不失，但火鍋配料很差，蟹柳未落火鍋已經分左體，食雞煲諗住食下雞件，點知全部都係雞絲，令人非常失望，可能係我點錯la。作為逐碟計的雞煲店，性價比極低，叫了兩碟牛，幾款配料連埋雞絲煲，外加6杯野飲，埋單千一蚊，真係第一次落左一輪野食就走。…查看更多

今日同朋友好想食椰子雞，又唔想反大陸食，發現係旺角開左國內既雞煲火鍋店，係門口已經聞到濃郁嘅椰子香氣🤤餐廳在上層，座位寬敞，裝修以文青風格為主，暖色燈光配埋綠色植物令人感覺放鬆，絕對係同朋友聚餐吹水嘅好地方👭✔️ 原味椰子雞煲 〔 真心推介😋 〕$298 👍🏻 湯底清甜滋潤 👍🏻 椰香濃郁撲鼻 👍🏻 原隻雞👍🏻 真材實料👍🏻 原個椰子✔️ 特級肥牛〔 真心推介😋 〕 $158 👍🏻 雪花紋理分明 👍🏻 嫩滑👍🏻 牛味濃郁✔️ 蝦滑〔 真心推介😋 〕 $68 👍🏻 真材實料蝦肉 👍🏻 爽口彈牙 👍🏻 粒粒蝦肉👍🏻 必點✔️ 天然桃膠椰子凍 〔 推介😋 〕$28 👍🏻 解膩 👍🏻 養顏美容 👍🏻 口感滑溜 👍🏻 飯後甜品✔️ 天然榴槤椰子凍〔 真心推介😋 〕 $36 👍🏻 榴槤濃郁 👍🏻 鋪滿榴槤果肉 👍🏻 榴槤控必試🤤…查看更多

最近旺角又有新火鍋店，呢間係由內地進駐嘅品牌，主打椰子雞同脆皮雞煲，有二人餐可以揀，而我哋就選擇咗單點❤️.✨五指毛桃脆皮雞煲呢個雞煲有別於一般用炒嘅方式製作嘅雞煲，而係有一個好養生嘅湯底，再放入切好嘅雞肉同雞內臟，估唔到雞皮真係做到脆口嘅效果，雞肉細細粒再點埋醬汁幾好食😋✨鹹蛋黃蝦丸蝦丸入面有流沙鹹蛋黃，超級邪惡，蝦丸爽口彈牙，值得一試👍🏻✨精品肥牛✨蔬菜拼盤✨鳳園大滿貫.📍 鳳園雞煲火鍋 (旺角)旺角豉油街36-42號榮高大廈地下至2樓…查看更多

內地愈黎愈多餐廳過黎香港開店，呢一間椰子雞煲都係其中一間過江龍。之前返大陸嘅時候食過一次，都已經覺得好好食，難得係香港開店就即刻搵個機會食一食。上到去仲有兩層，環境裝修得好靚有種清新感覺，未到6點都已經好多人。五指毛桃脆皮雞煲 $228足料嘅火鍋湯底結合左藥膳食材，除左有一大束五指毛桃之外仲有龍眼紅棗杞子同椰子肉，當然仲加埋椰子水入去一齊煲，淨係個湯底經已好香甜。雞隻係用左文昌雞，特別去骨起左一條條嘅肉，落湯淨滾5秒就已經食得，肉質勁爽脆又好香雞味，好滋補好好食。雞雜 $36原本雞煲其實已經有雞雜，不過另外再嗌多左一碟。雞雜有好多初生雞蛋同埋雞內臟，雞心同雞腎都好爽脆，雞潤好香好濃味，好新鮮生蠔(4隻) $88雖然係內地台山蠔，不過蠔身好大隻好飽滿。淥熟之後都唔係特別縮水仲係好大隻，蠔味幾香同埋仲係嫩身蒜香焗生蠔(4隻) $88另外叫左4隻焗嘅，蒜蓉好多，生蠔下面仲放左芋絲吸晒D蠔汁同蒜香味，一樣好好食天然榴蓮椰子凍 $36好多榴槤，椰子凍好香好清甜，個口感同牛奶布丁差唔多，打完邊爐食係幾唔錯西洋菜 $26白飯 $6調料費 $16/1位…查看更多

平時返深圳食椰子雞就食得多 冇諗過香港都開咗間 仲要好正宗🤩✔️竹笙椰子雞煲 $258湯底好清甜🥥😳 甜度適中唔會好似加咗糖水 嗌咗半隻雞件份量已經唔少 而且大多肉質都唔嚡❤️推薦大家叫埋竹笙可以朔晒啲湯 超正🤤✔️脆皮雞（不含湯底）$158脆皮雞口感爽彈‼️ 仲要基本每件都會連住小小雞皮 啖啖肉超好食🥰最底層仲有雞心 雞潤同雞腎😚✔️撈汁紫菜生蠔呢個個汁做到好fresh 酸酸地有陣金桔香 清新開胃🍀而且蠔隻都算幾大隻🦪👍🏻✔️鹹蛋黃蝦丸呢個入面嘅餡料好有驚喜 真係有幾濃嘅鹹蛋香😍 外面蝦丸都好彈牙😆…查看更多

最近見旺角有間椰子雞煲好多人介紹，今次小編就約埋友人們，帶埋大家一齊黎鳳園食雞煲 一 鳳園雞煲火鍋 @fungyuen_chickenpot打邊爐既靈魂就系湯頭，而小編同友人們今次就嗌左：🌟原味椰子雞 $208用原個椰青水作為湯頭，味道清甜，雞肉紮實，雞皮爽脆🤤👍🏻👍🏻🌟特級肥牛 $158打邊爐又點少得肥牛，油花都可以🤤👍🏻打邊爐最怕食到膩，小編同友人們就分別嗌左：🌟百香果香橙水 $38友人1號嗌既百香果香橙水，味道酸酸甜甜，好解膩🤤👍🏻🌟泰國椰青 $48友人2號就嗌左椰青，椰青水清甜又下火🤤🌟凍檸茶 $38而小編嗌既凍檸茶真系勁大杯，飲落清新好岩打邊爐🤤👍🏻而小食，友人1號就嗌左：🌟泰式雞腳 $52泰式雞腳酸酸辣辣好開胃🤤👍🏻📍鳳園雞煲火鍋地址：旺角豉油街36-42號榮高大廈地下至2樓#旺角 #鳳園雞煲火鍋 #雞煲 #火鍋 #肥牛 #打邊爐 #豉油街 #留港消費 #支持小店 #覓食旺角 #食在旺角 #椰子雞煲 #泰式雞腳 #泰國椰青 #為食關注組 #旺角食乜好 #香港美食地圖 #百香果香橙水 #九十後行到邊食到邊 #HKIG #HKIGER #HONGKONGFOODIE…查看更多