影片
港鐵銅鑼灣站 D2 出口
繼續閱讀
電話號碼
70460482
開飯介紹
以乾式熟成燒鳥聞名，嚴選三黃雞與日本土雞，於專業控温熟成櫃中強化風味與肉質纖維，燒製後入口軟嫩，脂香凝練，把高品質燒鳥帶入日常餐桌。
繼續閱讀
以上資料只供參考, 請與餐廳確認詳情
有關獎賞計劃
銅鑼灣最近新開咗一間以熟成為主題嘅燒鳥店——鳥熟成，由Tempura Tenon同Sushi Yayoi餐飲集團打造。餐廳以三黃雞、日本雞同熟成肉為主角，環境簡約乾淨，帶點新店嘅清新氣息今次試咗串燒同小食，食到飽人均約 $400，另外仲有omakase選擇 $580。三黃雞系列選擇特別多，由雞掌心肉、雞蠔、雞尾、雞中翼到背肉都有！！！其中三黃雞腿肉最叫人滿足，嫩滑多汁，外皮微焦，入口充滿肉香。限定嘅無骨雞翼尖亦幾特別，口感細嫩。熟成特上鴿皇胸腿肉就係成晚亮點，濃香 juicy，帶點野味感覺。荔枝豚肉卷果香同油脂混搭，甜而不膩；汁燒鮮雞肝內裡綿滑，味道濃厚。烤玉米同鳳梨則清甜爽口，平衡咗串燒嘅濃烈風味。最後上枱嘅明太子燒飯團外脆內糯，鹹辣交織，簡單卻很滿足特濃雞白湯烏冬，端上枱時熱氣蒸騰，湯色濃白，入口有雞骨鮮甜，暖胃又飽肚，係成晚一個舒服嘅收尾新店火候同上菜節奏仲有少少磨合，但食材新鮮，選擇夠多，三黃雞同鴿皇表現特別突出。餐廳仲話之後會加推更多熟成雞肉部位，值得期待。係一間可以同朋友坐低慢慢食、慢慢傾嘅地方—𖠿𖥣 雞熟成〒 銅鑼灣逸園中心—
繼續閱讀
貴為 弥泩 同 天御 嘅姐妹店，質素有保證！自設熟成櫃，將雞肉、乳鴿升級到另一個層次，香氣、肉汁、口感都 💯！◞最值得試係熟成 48 小時嘅特上乳鴿脾外皮香脆到「咔嚓」聲，咬落爆汁又帶濃郁肉香而且肉質呈粉嫩透紅，好似粒紅寶石咁般剔透對上一次見過咁靚色澤嘅乳鴿肉係中環一間 fine dining◞一坐低先送上welcome food —— 雞卷、南瓜沙律、鴿全翼◞串燒嘅雞部位應有盡有：雞翼雞頸肉雞橫隔膜雞跟腱雞背肉雞髀肉包紫蘇雞心室血管每串都熟成得啱啱好，雞皮位焦脆、肉質嫩滑多汁，香到忍唔住再嗌多串。仲有招牌月見免治雞肉棒，自己將雞肉沾埋蛋黃食～◞仲試咗其他好唔錯～・日本山芋海苔燒 —— 煙韌綿密・燒翠玉瓜 —— 清甜解膩・牛油燒粟米 —— 香到停唔到口・乾咖喱牛配法包 —— 香辣濃郁・特濃雞白湯烏冬 —— 濃到可以當湯底飲◞蔬菜串燒 $18 起，又可以揀$580食18款串燒嘅 Omakase set我今次單點食到扶牆走都係三百幾蚊，完全係銅鑼灣逆市價！
繼續閱讀
平時都好少喺香港去居酒屋食野，因為總係覺得質素麻麻🥹 但今次朋友介紹去呢間！好有驚喜！入到去氣氛已經好好，人流滿滿，員工亦好熱情招待～廚房仲要有透明玻璃窗，可以睇到廚師烹調過程😍熟成黑安格斯封門柳 （$68）有五大塊，封門柳底下鋪咗洋蔥解膩，個人覺得最完美嘅配搭係配旁邊嘅芥末醬加少少海鹽，美中不足係肉質有啲韌🤣特上厚切牛舌芯 （$68）高質！厚身得來又有口感，油脂豐富😍 三黃雞腿肉-4件（$68）表皮燒得香脆，雞肉都好入味，鍾意清爽啲可以配埋紫蘇葉食～日式唐揚豆腐-4件（$38）又係超高質！豆腐外脆內軟，仲要超多汁！食多幾舊都唔厭🩷自家製月見免治雞肉棒（$42）原來雞肉扒配埋醬油半熟蛋係咁夾！好似食緊壽喜燒咁不過就係雞肉底😆汁燒千層京蔥雞肉（$34）正常發揮！日本雞中翼（$34）表皮燒得香脆，亦係外脆內軟🫶🏻都幾入味！明太子翠肉瓜（$18）正常發揮～新鮮鳳梨（$18）正常發揮～本地活豬玻璃肉（$32）我第一次食玻璃豬！口感脆卜卜，油脂分泌均勻～一啖食晒好爽😆荔枝豚肉卷（$28）估唔到荔枝配豚肉咁fresh，荔枝嘅甜可以解到豚肉嘅膩🥰特濃花膠雞白湯烏冬（$38）本日MVP！個湯係極度濃郁！好濃稠～雖然冇花膠喺入面但係飲個湯都feel到係落足料！烏冬係扁身嘅烏冬，好掛湯～好想佢大碗啲，因為真係好好食 🤤日式燒飯團-明太子（$38）飯團燒得焦香，配埋明太子，鹹鹹香香～荔枝檸檬梳打（$35）青森県產 蘋果汁 （$35）📍鳥熟成 (銅鑼灣)銅鑼灣軒尼詩道525號澳門逸園中心10樓#居酒屋 #港島美食 #銅鑼灣美食 #sogo美食 #alwaysgugu #gugu #hungry #串燒 #美食 #香港美食 #food #hkfood #foodhk #foodie #foodiehk #hkfoodie #深宵食堂 #打卡美食 #打卡餐廳 #打卡好去處 #香港打卡 #香港好去處 #日本酒 #假期好去處 #情侶好去處 #打卡美食 #宵夜 #bbq #食好西 #omakase
繼續閱讀
平時日式串燒食得多，今次食啲特別啲嘅熟成處理串燒～材料係本地三黃雞、日本雞等，雞鴿牛鴨都以熟成處理，令肉質同肉汁嘅質素升華，可以鎖實肉汁，我同朋友食完都表示讚嘆！店員會細心推介特色食材及推薦菜式，有啲係Menu上係見唔到，要特別同店員落order！另外酒品都唔錯，白桃乳酸酒味道易入口，晚白柚子酒嘅酒精味較濃～鴿翼係Free嘅前菜，皮脆得嚟肉質好有彈性！其實每款燒物都好食無伏，以下重點推介覺得必點嘅食飯～必點三黃雞腿肉，分上脾下脾及食用先後次序，食第一件已經有驚喜，因為我哋傾咗一陣偈，啲肉已經放咗一陣，雞皮仍然勁脆！而且肉嫩，肉汁都鎖實晒，所以好Juicy，第二件係配紫蘇葉，紫蘇葉令層次衝擊更明顯！荔枝豚肉卷嘅口感清甜解膩，建議放喺最前面食～明太子紫蘇豚肉卷味道好Fresh，我哋都好鍾意！另外紐西蘭羊架的調味及熟度燒得剛剛好！特上口切牛舌心，唔好睇佢咁厚，其實口感好軟熟！雞胸軟骨都好爽脆，簡單嘅鹽燒已經好好味！月見免治雞肉亦係自家製！另外佢哋有個特濃花膠雞白湯烏冬，雞味好濃，值得一試！令我聽隔籬枱佢哋係食Omakase，都幾吸引，下次同其他朋友再嚟食！價錢參考：
繼續閱讀
前幾日去咗銅鑼灣新開嘅「鳥熟成」話晒新店主打熟成雞肉串燒，咁有特色點都要試下Omakase～ 套餐包好多菜式，估唔到都唔算貴，物超所值👍🏻前菜南瓜蓉同柚子雞肉都好惹味開胃。跟住嘅熟成三黃雞6款日本地雞嘅串燒～ 全部都睇住師傅即叫即燒，每款串燒火候控制得好好！雞肉燒得外焦內嫩，咬口啖啖肉爆汁。特別係雞腿肉同雞胸，油脂同肉味平衡得好好，食落好滿足⭐️熟成特上鴿皇胸腿肉係主打招牌菜，上枱時聞到燒烤帶來嘅炭香，鴿肉口感細嫩，比雞肉更豐富，回味無窮！ 內臟三款包括雞心、雞肝、雞潤~ 醬汁調味適中，入口軟滑又香口🥢野菜今次係翠玉瓜～ 厚切多汁解膩👍🏻 而自家製月見免治雞肉棒，雞肉好似加入雞軟骨，有咬口❤️ 配上超大隻蘭王蛋黃同醬汁，滑溜溜，味道層次好豐富😌主食就同朋友一人試試一份～ 花膠雞白湯烏冬，湯底濃郁得來唔重口，烏冬彈牙。⭐️ 乾 Curry 牛配法國麵包都可以做招牌菜！好惹味！🍧最後甜品係焦糖新鮮鳳梨，清甜微酸，完美為一餐畫上句號。飲品方面就試咗沖繩縣產菠蘿酒，水果味都教出，微甜清爽；百香果梳打就清新開胃
繼續閱讀
您可能會有興趣的...