鳥熟成

最近發現銅鑼灣有間隱世串燒新店，專玩乾式熟成技術，仲要係全港首間自設熟成櫃嘅燒鳥店！用本地三黃雞同日本土雞，裝修走日式居酒屋風格，昏黃燈光加吧檯位，可以睇住師傅即燒，氣氛幾chill～最正係晚市有免費鴿翼送，未點菜已經有得食！今次試咗幾款招牌熟成串燒，「熟成特上鴿皇胸腿肉」真係一試難忘！乳鴿經過48小時熟成，肉質粉嫩多汁，外皮燒到脆卜卜，鴿味濃到似食緊迷你版燒鵝，絕對係全場MVP！「三黃雞腿肉」分前後腿四件，雞皮香脆肉質嫩滑，店員教路後腿要包紫蘇葉食，果然清新解膩～「自家製月見免治雞肉棒」沾滿蛋黃同醬油，口感豐富，係完美嘅comfort food！其他串燒都各有特色，「明太子翠肉瓜」明太子鹹香配多汁翠肉瓜，平衡得剛好；「本地活豬玻璃肉」肥瘦均勻，燒到脂肪透明如玻璃，入口即化！主食「特濃花膠雞白湯烏冬」超抵食，湯底熬足12小時，奶白色濃郁到黏嘴唇，花膠份量唔孤寒～飲品推薦「桔仔薄荷鴨屎香茶」，清新解膩，同串燒出奇地夾！整體嚟講，串燒火候控制得好好，熟成技術真係令肉質提升不少，價錢合理（仲有Sapporo買一送一！）。但缺點係稀有部位有時賣晒，旺場服務稍忙亂。聽聞老闆之前喺Nadagogo學藝，質素有保證。…查看更多

🇭🇰鳥熟成·Omakase $580呢間新開嘅燒鳥我自己覺得幾有驚喜 佢肉質好好 而且師傅燒到啱啱好 係一個好完美嘅燒雞盛宴🥰·熟成三黄雞及日本地雞 共6款佢個熟成三黃雞雞中翼 雞皮好脆 而且好juicy🐥雞背肉 口感就好彈牙 雞蠔肉都好飽滿😎😎比較特別就係個雞橫隔膜 呢個油份超好 好香🤩雞掌心個皮燒到脆卜卜 好正 無骨雞翼尖起曬骨有少少好似炸雞皮咁都好邪惡😈·熟成特上鴿皇胸腿肉 l 三黄雞内臓3款 l 自家製月見免治鷄肉棒另外個熟成48小時乳鴿都超級好味 好驚艷 佢係超嫩 啖啖肉🦆之後雞心室血管口感都唔錯 燒雞腎就好厚切 食落好爽🥰🥰免治雞肉棒點嗰個醬汁都好惹味🥚·花膠鷄白湯烏冬 l 乾Curry 牛配法國麵包佢個雞白湯烏冬超濃 不過我自己覺得食完燒鳥再食會有少少太濃🫢反而個乾咖喱牛有驚喜 牛肉肉質好好 而且辣辣地咁樣配埋法包好好食🥖·野菜3款 l 前菜2品 l 焦糖新鮮鳳梨之後野菜都有驚喜 佢個日本燒銀杏甘甘地咁 好岩食完燒鳥食 之後山芋海苔燒都好夾😍我自己就最鍾意燒日本軟豆腐 呢個係真係外脆內軟 超正🤤🤤·#rbyeat#rby日本菜#rby銅鑼灣·📍銅鑼灣軒尼詩道525號澳門逸園中心10樓…查看更多

銅鑼灣高質熟成串燒！串燒天花板，多款特別部位，鳥熟成Tori Jukusei 必食熟成乳鴿皇胸腿肉＋日本絹豆腐+和慢煮特選和牛三角肉＋打卡日式氛圍🍡🍶 串燒控＋打卡達人必去！Tori Jukusei 鳥熟成 香港銅鑼灣軒尼詩道525號澳門大廈10樓 （最近銅鑼灣站A出口，超方便！）一入嚟就見到超有feel嘅日式吧枱＋多人長桌，無論係同朋友聚會定想淨係小酌chill下都一流！店舖環境溫馨又有格調，啲熟成食材由廚師用心處理，真係一件件都似藝術品，影到我手機都唔夠儲存空間🤣！餐廳每日都有限定嘅廚師發辦套餐，18道精心製作嘅美味佳餚。🎉感受餐廳對食材的專注與用心。最攞命係「Welcome Drink」居然升級變咗「Welcome鴿翼」，比普通welcome drink仲有誠意，拎嚟打卡完全冇壓力～呢度主打日本食材串燒，款式選擇又多，睇到都眼花繚亂！😋😍必試推介： 💎 熟成乳鴿皇胸腿肉 – 嫩滑多汁，入口即化！ 🍍 新鮮燒菠蘿 – 微焦超juicy 🥚 日本絹豆腐 – 滑到溜口 🍡 荔枝豚肉卷 / 明太子紫蘇豚肉卷 – Fusion滋味，完全唔膩 🥩 慢煮特選和牛三角肉 – 肉香爆棚！🥣特濃花膠雞白湯，濃郁的雞湯與花膠融合，口感醇厚，美顏滋補。🦪流浮山生曬金蠔，金蠔滑順美味，海味濃郁，口感極佳。今晚食到超開心＋心情超滿足！精選菜品一覽👇・三黃雞腿肉 ・熟成黑安格斯封門柳 ・熟成特上鴿皇胸腿肉 ・自家製月見免治雞肉棒 ・日本雞膝軟骨 ・日本雞頸肉 ・新鮮燒菠蘿 ・荔枝豚肉卷 ・明太子紫蘇豚肉卷 ・流浮山生曬金蠔 ・靑森県產 蘋果汁 ・螢光魷魚 ・特濃花膠雞白湯 ・汁燒鮮雞肝 ・日本雞腳筋 ・杏鮑菇 ・日本絹豆腐 ・日本產鰻白燒 ・慢煮特選和牛三角肉 ・Sapporo 生啤酒打卡、美食、聚會一個都唔少，性價比又高，師傅真係好認真咁做每一串，食完超有驚喜！如果你都係串燒控，真心推你快啲book位嚟Tori Jukusei 享受下呢個日式熟成盛宴啦！⏰ 建議致電或網上訂座…查看更多

📍 好少見專攻「熟成雞」既日式串燒店🤫 餐廳平日都full house，以熟成技術與居酒屋手法結合，口味精緻但不矯揉🔥 絕對係香港少見嘅用心雞料理專門店✨ 新開張仲有送小食! ▫️送贈小食- 特上鴿皇胸腿肉: 鴿胸肉色粉嫩，燒得香口▫️特濃花膠雞白湯烏冬: 我私心推! 奶白色湯底幾清甜濃郁，飲落係滿滿骨膠原感😃 ▫️日本雞胸軟骨: 軟骨都燒得恰到好處🫶🏻雞胸軟骨爽脆有嚼勁▫️日本雞膝軟骨: 雞膝軟骨就多咗層軟嫩口感，咬落「索索聲」▫️ 月見免治雞肉棒: 必點招牌📌 免治雞肉混入軟骨粒增加咗口感，外層燒得微脆好邪惡香口▫️日本雞中翼: 簡單用鹽燒已經帶出雞肉鮮味👾 ▫️三黃雞尾: 三黃雞尾一粒粒好似波波咁! 一咬落有少少空氣感，簡單用鹽燒已經帶出雞肉的脂香。▫️ 生燒熟成雞胸: 雞胸肉內嫩有熟成肉香，沾上梅子燒烤醬增添咗酸辣味道，味道大躍進非常解油膩。 ▫️明太子紫蘇豚肉卷: 明太子鹹香與紫蘇清香互補，入口圓潤。 ▫️明太子翠玉瓜: 清甜解膩，作為中場小品很合適▫️熟成黑安格斯封門柳▫️日本雞頸肉: 有嚼感▫️ 本地活豬玻璃肉: 玻璃肉外脆內彈、脂香明顯▫️ 小林酒造檸檬茶酒香港特別版: 茶味回甘，解膩開胃▫️ 白桃乳酸梳打酒: 酸度帶動，適合配豚肉整體嚟講，雞肉菜式係有提升到口感層次，每款串燒火候控制精準，食材處理見心思。價錢中上但絕對物有所值，可試～…查看更多

🔥 新開優質熟成燒鳥串燒店@ 🌟 鳥熟成 🌟.💁‍♀️ 圖片展示美食為：乳鴿翼三黃雞掌心肉 HKD 32三黃雞中翼 HKD 22三黃雞腿跟腱 HKD 32三黃雞腿肉 HKD 68日本雞胸軟骨 HKD 28日本雞膝軟骨 HKD 18紐西蘭羊架 HKD 58荔枝豚肉卷 HKD 28慢煮特選和牛三角肉 HKD 88赤味增凍茄子 HKD 38新鮮鳳梨 HKD 18特濃花膠雞白湯烏冬 HKD 38巨峰葡萄乳酸梳打 HKD 35荔枝檸檬梳打 HKD 35.👽 挖到寶，超鍾意呢間新開嘅串燒店，主打熟成燒鳥，食材用料優質，但定價好合理，衛生企理，好有氣氛。.🥳 一坐低就收到新開張免費送嘅驚喜，每人一份「乳鴿翼」，炸到香脆，肉質超嫩滑，椒鹽調味惹味到食完要吮手指！.🐔 好彩早嚟，嚟得切食到每隻雞只得兩舊嘅稀有部位！「三黃雞掌心肉」口感爽脆又彈牙，燒到微微焦香，點少少辣椒粉更帶出雞油香，識食一定搶呢個！.🪽 蜜糖色脆皮嘅「三黃雞中翼」肉質保持JUICY唔乾柴，香到癲，送酒一流之選～.🦶 咬落索索聲超過癮嘅「三黃雞腿跟腱」，軟骨位帶點嚼勁，燒香後油香四溢，係隱藏版美食。.🌿 一份四件上檯嘅「三黃雞腿肉」，外皮燒到好脆，肉質嫩滑爆肉汁，九層塔包住食更豐富，必點！.🍢 脆口程度滿分嘅「日本雞胸軟骨」同「日本雞膝軟骨」，軟骨連著少許雞肉，口感更軟韌，咬落有雙重口感。.🍖 「紐西蘭羊架」燒到外脆內粉嫩，零騷味得嚟羊脂甘香，用手拎住啜骨先過癮。.🐷 水果烤肉完美配搭嘅「荔枝豚肉卷」，薄切豚肉卷住清甜荔枝，燒到焦糖化後鹹甜交織，爆汁效果驚喜。.🥩 「慢煮特選和牛三角肉」保留肉汁，簡單黑胡椒調味已經帶出濃郁牛香，高質之選。.🍆 冷盤可以揀「赤味增凍茄子」，淋上濃郁赤味增醬，鹹甜中帶黃豆發酵香氣，清新完美平衡其他食物嘅油膩感。.🍍 燒過後甜度爆升嘅「新鮮鳳梨」表面焦糖化，熱辣辣咬落果汁迸發，酸甜清爽正好清新味蕾。.🍜 濃到黏嘴唇嘅「特濃花膠雞白湯烏冬」，花膠厚身軟糯，雞湯熬到奶白色，烏冬吸盡精華，食完飲碗湯超正。.🍹 一定要配嘢飲，「巨峰葡萄乳酸梳打」香甜唔假，乳酸酸甜氣泡足、「荔枝檸檬梳打」檸檬清香，氣泡刺激感完美沖走烤肉油膩感，解膩效果一流。.🥳 呢度真係用料優質又好味，繁忙時間超好生意氣氛好，位置超方便，趁新開張有優惠記得試下！.⠀📍銅鑼灣軒尼詩道525號澳門逸園中心10樓꧁𖠌ꕥ𖠌ꕥ𖠌ꕥ𖠌ꕥ𖠌ꕥ𖠌ꕥ𖠌ꕥ𖠌ꕥ𖠌꧂.…查看更多

今天到訪品嚐 omakase 串燒，但整體用餐體驗未如理想。原本套餐包含兩款前菜及三款野菜串燒，實際卻只上了一道前菜及兩串蔬菜串燒，侍應亦幾乎忘記上主食，最終在上甜品前才發現並補上。此外，用餐期間並沒有免費提供飲用水，需另行付費購買，每瓶售價為 $25，感覺並不太合理。當晚吧枱同桌客人言行亦較為粗俗，不時講粗口及大聲叫喊，影響了整體用餐氣氛。雖然最後店方有提供八五折優惠，但在服務細節及安排方面仍有改善空間。希望餐廳能多加注意，讓顧客享有更完善、舒適的用餐體驗。…查看更多

睇完啲ig介紹完走黎試下，點知中晒伏。忍唔住即刻註冊OpenRice ac，上黎講下。第一，啲野食份量極少，隔籬枱師傅發辦食完個女士話完全唔飽。第二，冇心機做完全，叫左十五十六串野，一個鐘頭先黎得4串。我隔籬枱遲我20分鐘入坐，啲野食就係咁上 佢地係咁食。 頂唔順 太耐 叫佢幫我跟一跟單， 十分鐘後啲野食都係冇郁過。最後叫佢取消晒佢，點知佢拎張單黎，同我講幫我取消咗一串野， 但其實有大半都冇黎。咁我想問下 佢幫我跟一跟單係跟啲咩？總之 未食過或諗住黎既都唔洗浪費時間。…查看更多

餐廳主打嚴選日本雞及本地三黃雞，確保食材新鮮度達至頂級水準。每串雞肉均即叫即燒，由師傅精準掌控火候，將不同部位的雞肉烤至恰到好處。無論是日本雞胸軟骨、膝軟骨，抑或本地三黃雞背肉、腿肉，均能品嚐到雞肉最原始的鮮味與多層次的口感，肉質嫩滑多汁，令人回味無窮。特別值得一提的是其「三黃雞腿肉」，雞皮燒得香脆可口，雞肉卻保持軟嫩多汁，堪稱鎮店之寶，絕對是必點之選！除了各式雞串燒，餐廳亦提供多款精緻燒物及小食，例如肉質超級嫩滑的「熟成特上鴿皇胸腿肉」、香口惹味的「自家製月見免治雞肉棒」，以及「熟成黑安格斯封門柳」等，選擇豐富，每款都充滿驚喜。飯後再來一份燒得焦香、酸甜可口的「新鮮鳳梨」，為味蕾帶來清新感。而「特濃花膠雞白湯烏冬」更是必點推介，湯頭濃郁creamy，烏冬彈牙，暖胃又滿足。其他如「赤味增凍茄子」及「有機南瓜沙律」等小食亦製作精良，為整頓飯增添不少色彩。儘管食材上乘，烹調用心，但「鳥熟成」的性價比卻出奇地高，讓食客能夠以合理的價格，享受到高質素的日式串燒體驗。餐廳環境舒適雅致，氣氛熱鬧，深受食客歡迎，建議務必提早訂位，以免向隅。…查看更多

最近喺銅鑼灣搵到一間專食熟食串燒嘅居酒屋，主打即燒即食，坐喺吧枱望住師傅熟練地翻動每一串串燒，炭火香氣撲鼻，氣氛超有日本街頭居酒屋feel。🥩【特上厚切牛舌芯】厚切得嚟唔失嫩滑，燒到外層微焦，入口爽彈有嚼勁，牛味濃郁，配埋少少鹽花，簡直係牛舌控嘅夢想。🐔【三黃雞尾／雞中翼】雞尾油脂豐富，燒完外脆內嫩，啖啖香口；雞中翼肉質細嫩，皮脆肉滑，食落去有層次感，好有驚喜。🦑【螢光魷魚沖漬】清爽開胃，魷魚爽口彈牙，醬汁微酸帶甜，係串燒之間嘅完美調劑。🍢【自家製月見免治雞肉棒】雞肉棒燒到外層焦香，內裡嫩滑多汁，沾埋蛋黃一齊食，滑到不得了，鹹香中帶少少甜，好邪惡！🍗【日本雞皮／雞膝軟骨／雞腳筋】雞皮脆到爆，香口唔膩；膝軟骨爽脆有嚼頭；腳筋煙韌彈牙，三串一齊食，口感層次超豐富。🦪【流浮山生曬金蠔】蠔味濃郁，鹹香十足，燒完仲保留咗海水鮮味，入口即化，係海鮮控必試之選。🐷【本地活豬玻璃肉／荔枝豚肉卷】玻璃肉燒到外脆內嫩，肉汁豐盈；荔枝豚肉卷甜中帶鹹，果香滲入肉裡，口感清新又特別。🍲【特濃花膠雞白湯烏冬】湯底濃厚，花膠滑溜，雞湯香氣十足，烏冬吸晒湯汁，食完暖晒個心，好有幸福感。…查看更多

鳥成熟燒鳥吃得多, 我都係第一次食熟成燒鳥. 呢間新開銅鑼灣主打熟成日式雞串燒, 以乾式熟成技術提昇本地三黃雞提升風味, 令雞肉食落更嫩滑濃味. 鐘意食串燒值得一試廚房開放式設計, 平日去都多人. 特別係吧台位置可以欣賞師傅燒鳥過程, 建議想去book 枱穩陣d自家製月見免治雞肉棒 $42必食微甜的燒汁，脆脆的雞軟骨，加上濃郁的生蛋黃做醬汁，讓雞肉串變得口感豐富而且多一層蛋三黃雞中翼 $22皮燒得金黃香脆肉嫩特上厚切牛舌芯/三黃雞腿肉(4件) $68牛舌芯厚切好有口感帶牛肉香味, 好食雞腿分前後腿共四件. 店員介紹先食前腿. 前腿雞皮較焦香, 肉質柔嫩. 後食後腿, 較厚肉, 更 juicy 帶油香. 配合紫蘇葉增添清香日本產鰻白燒/汁燒千層京蔥雞肉 $48/34鰻魚燒得皮微焦肉鮮彈, 後者都好食. 雞肉嫩京蔥燒得香熟成黑安格斯封門柳 $68烤至medium, 熟成後更突出肉味同油香日本雞頸肉/荔枝豚肉卷$28前者較出色本地活豬玻璃肉 $32.0肥瘦比例適中, 比起五花腩瘦d, 肥而不膩肉質結實熟成特上鴿皇全翼(2隻) $18抵食之選, 外皮烤得金黃酥脆, 下酒好夾特濃花膠雞白湯烏冬 $38仲冒住白煙雞白湯, 湯底濃郁黏口, 雞香厚實, 飲完好舒腹. 烏冬滑溜唔會太腍池龜酒造 菠蘿果酒 /白桃乳酸酒 Soda $55兩杯都好好飲, 因為分別水果香甜味都好natural好香. 不過都唔好睇少酒精濃度. 平時唔好酒嘅我都特登問店員拿樽影相…查看更多

見佢有d宣傳上黎試下，坐低叫咗野食半個鐘都未上，又冇晒d特別部位，本身想食雞蠔肉的，食唔到唔知好唔好食 。邊等野食邊寫呢個食評 ，員工好忙，但都保持禮貌，所以都唔好意思打搞佢地 。而家開始上菜，上咗蔬菜先，一舊肉都未有，好肚餓所以一路打字 。等咗45分鐘終於上雞脾肉了，已經肚餓到無心機，所以食落都一般般吧 。又唔知之後要等幾耐，都係決定叫埋之後個d野食 。希望餐廳營運可以有所改善，令食客有個好d既體驗 ，心很累結束呢段文字 。…查看更多

香港有唔少日式串燒店，要突圍而出，有啲會主打平價抵食串燒，有啲就專攻少見食材或處理手法。最近見到銅鑼灣開咗新串燒店－鳥熟成，主打熟成三黃雞、乳鴿等串燒🍢將串燒做得更極致😎店內有一部熟成櫃，熟成食材一覽無遺。除咗單點餐牌，呢度仲有omakase，由師傅精選三黃雞及其他特色串燒。🍗鴿翼而家餐廳做緊優惠，每位送一隻熟成鴿翼做welcome food🤑對比起一般嘅乳鴿翼，呢度將鴿肉熟成處理再燒，皮脆肉更嫩，亦食到鴿肉香😻🍗熟成特上鴿皇胸腿肉 $58另一道胸腿肉啖啖肉就食得更滿足，用手揸住嚟食要小心啲，因為一咬即爆大量肉汁💦出面串燒店少見，必試✅🍖生燒熟成合鴨胸 $58食慣煙鴨胸嘅我對於呢道菜亦對鴨胸有不一樣體會😆經熟成後，鴨肉特別爽彈。點少少喼汁更能提味。🍗三黃雞腿肉 $68、三黃手羽元 $18、三黃雞尾 $32嚟到熟成燒鳥店，當然要試試招牌三黃雞✅三黃雞腿肉一客4件，做到皮脆、香口、肉質彈牙；三黃手羽元即雞鎚位置，啖啖肉。雞尾則適合追求邪惡感嘅人😈爽彈富油香。經熟成後精華得以牢牢鎖住喺雞肉內，肉味更濃😋🍗日本雞皮 $24鐘意食燒鳥嘅人點會唔鍾意燒雞皮，脆卜卜好香口😋🥓本地活豬玻璃肉 $32豬肉同樣高質又邪惡😈豬肉層層相間，咬落去感受到豬嘅油脂。🍄焗牛油雜菌 $48雜菌份量不少，牛油味唔會搶去雜菌本身香氣👍🏻🍜特濃花膠雞白湯烏冬 $38估唔到串燒店做湯咁出色！呢個一定要試✅唔試會後悔🤪雞白湯呈白色，本身見唔到花膠，原來已經溶晒喺湯底入面，湯底味道超濃郁，膠質好重，會黏嘴，即刻飲曬，好正😋😋🍹青森縣產蘋果汁 $35、百香果梳打 $35推介指數（10分為滿分）：8分…查看更多

燒鳥食得多，熟成燒鳥又試過未❓位於銅鑼灣鬧市嘅「鳥熟成」正正主打熟成日式雞串燒🐥以乾式熟成技術將本地三黃雞提升至極致風味，令雞肉鮮味更濃，肉質更嫩滑，打造獨特風味‼️價錢最平都係$18/串起，相當親民😌鍾意食雞串燒嘅朋友絕對唔可以錯過😍.整個開放式廚房設計令人彷如置身日本小店🇯🇵推介吧枱位置，可以欣賞師傅燒鳥過程，油脂滴落嘶嘶作響，睇到流晒口水🤤.🔥三黃雞腿肉💰$68分前後腿四件🍗前腿肉皮脆肉嫩，油香四溢✨後腿部分夾紫蘇葉一齊食，清香中帶微鹹，層次感十足🌿.🔥熟成特上鴿皇胸腿肉💰$58必食推介‼️唔止雞肉出色，乳鴿肉同樣令人驚喜🤩經熟成後肉味更濃，油脂豐腴，外層微焦香脆，咬開仍保肉汁💦.🔥三黃手羽元💰$18抵食之選🌟外皮烤得金黃酥脆，內裡軟嫩，食到其都唔肉痛😝.🔥日本雞皮💰$24雞皮烤得香脆乾身唔油膩，配檸檬汁一齊食最正🍋.🔥靑葵蟹籽雞肉串💰$28雞肉配靑葵蟹籽醬，辣辣地再加蟹籽爆開鹹香，幾特別😛.🔥日本雞膝軟骨💰$18一口一粒，爽脆有嚼勁✨每咬一下都聽到「喀嚓」聲，超過癮😆.🔥日本雞胸軟骨💰$18咬落既有軟骨爽脆，又帶雞肉嫩滑口感，雙重層次享受😋.🔥熟成黑安格斯封門柳💰$68烤至五成熟，外焦內嫩，肉味突出，熟成後油香更出，咬開肉汁滿溢🥩.🔥乾咖喱牛配法國麵包💰$48濃郁香辣日式乾咖喱包裹牛肉粒，香料層次明顯，配香脆法包一齊食超滿足🥖.🔥日式唐揚豆腐💰$38炸得外層金黃鬆化、內裡軟嫩滑口，上面鋪滿蘿蔔蓉、木魚絲，鹹香開胃😙.🔥特濃花膠雞白湯💰$28湯底濃郁黏口，雞香厚實，食完雞串燒必飲💖…查看更多

位於銅鑼灣嘅樓上餐廳🌟鳥熟成🌟，係一家🆕剛開業不久嘅🎌日式居酒屋，主打熟成雞串燒🐓！菜式出品美味😋，仲有好多優惠，值得一試！🪽鴿翼 限時優惠 Free每位奉送皮香肉嫩嘅燒鴿翼，作為期間限定嘅Welcome Food，nice!🍻Sapporo生啤 $55 買一送一日本生啤大大杯買一送一，平過酒吧，爽！🐓三黃雞中翼 $22｜雞尾 $32｜雞腿跟腱 $32店舖主打嘅鳥串燒，採用三黃雞並熟成12小時！雞翼香口惹味！雞尾肥美甘香！雞腿跟腱爽口美味！🥩慢煮特選和牛三角肉 $88慢煮至粉嫩嘅和牛，入口柔軟，肉味香郁！🕊️熟成特上鴿皇胸腿肉 $58熟成48小時嘅鴿皇，肉香濃厚，同時充滿油香！👅特上厚切牛舌芯 $68｜自家製月見免治雞肉棒 $42燒至好香口嘅牛舌芯，同埋滋味十足嘅免治雞肉棒，都推薦！🍍新鮮鳳梨 $18｜有機南瓜沙律 $38燒鳳梨夠香甜！有機南瓜沙律幼滑甜美！🫛XO醬櫻花蝦枝豆 $38｜日式唐揚豆腐 $38加入XO醬櫻花蝦嘅枝豆，微辣口味岩佐酒！豆腐浸住湯都做到外脆內綿！🍙日式燒飯團 - 明太子 $38烤至外面脆身嘅飯團！…查看更多

銅鑼灣發現燒鳥專門店🐓🤩香港比較少見，食到雞嘅唔同部位，有d都真係未聽過🤭如果唔知揀咩好嘅就可以叫個Omakase set，由廚師幫你發辦😝✨Welcome food - 係經過熟成處理嘅乳鴿翼，肉質緊緻，入口帶有微微煙燻感🕊️✨前菜 - 有日本椰菜配流浮山曬櫻花蝦乾同埋芥辣八爪魚，椰菜爽脆清甜，搭配櫻花蝦乾嘅鹹香海味，層次分明；芥辣八爪魚微辣夠開胃🐙✨熟成三黃雞及日本地雞 - 包括三黃雞橫隔膜、三黃雞食道、三黃雞中翼、雞背肉、掌心肉、雞蠔肉，多部位都經過精準熟成，展現出唔同口感同油脂層次，好特別好滿足！✨熟成48小時特上鴿皇胸腿肉 - 肉質超細嫩，油香濃郁，調味同質地做到剛剛好🤤✨三黃雞內臟 - 包括心室血管、雞腎、汁燒雞肝，內臟部位處理得宜，口感獨特而不膩~汁燒雞肝香濃滑潤，好有驚喜😋✨野菜 - 有微苦回甘嘅鹽燒生銀杏、黏滑爽脆嘅山芋海苔燒同埋柔滑嘅汁燒日本絹豆腐🍢 ✨自家製月見免治雞肉棒 - 熟成左12小時，肉質細膩，搭配蛋黃醬汁，味道香濃🧡✨主食 - 可揀花膠雞白湯烏冬 / 乾Curry牛配法國麵包，花膠烏冬湯底濃郁滋補，滑順烏冬吸滿精華；乾咖哩牛則香辣濃厚，配上法國麵包更添層次🤗✨甜品 - 焦糖燒菠蘿外焦內嫩，甜而不膩🍍…查看更多