鮮選壽司

營業中

休息中

工作日lunch 只需要排隊20分鐘左右每碟壽司12-37蚊不等 好抵食飯團濃郁醋味 好香 粒粒分明 夠彈牙！比普通壽司店的米好吃🍣吞拿魚3味只需要37蚊雖然有少少筋 不過唔太影響口感畢竟價錢擺在這裡 我覺得性價比已經很高！最驚喜的是炙燒裙邊配了紫蘇完美解膩 也增加了不一樣的風味👍👍

聽聞荃灣"鮮選"是DONKI全球首間迴轉壽司店。襯新開幕試試。店位於Donki food court 後面. 沿路有指示。輪候百多個位大概等了40分鐘. 等候區內有幾張長凳作休息。由於鮮選全店屬C區 (－般只接受掃安心出行 )。員工服務態度很好, 有耐性，有禮貌。食物就... 最深刻是: 厚切拖羅來了"雙層"拖羅. 以為嚟錯，服務員查迪原來厚切賣哂. 以"雙層"拖羅替代. 吃日本菜首次遇到這處理手法。另外，發現uni "照騙"但食物上又非－無可取. 壽司的飯帶鮮味與－般醋味有別。另外, 三色吞拿魚CP值算高。

今日排企鵝排左2個半鐘，成功吃到！我們選了最好吃藍鰭吞拿魚赤身 ～ 彈牙有少少筋藍鮨吞拿魚拼盤 ～ 3件比較抵食，每款1件藍鰭吞拿魚大拖羅 ～ 37元有點貴 但滿足到想食好d心態原條海鰻壽司，超級長很滿足生八爪魚壽司 ～ 煙韌有咬口，口感特別三文魚子壽司，粒粒脹卜卜好大粒赤貝壽司，鮮甜爽口不錯！火炙明太子三文魚，好香好滑，辣辣地好喜歡！燒汁帶子，甜甜地不錯！納豆壽司好特別，甘甘地原味！碎上納豆蓉火炙油甘魚壽司 ～ 油甘魚幾厚，火炙過特別滑溜！

第一日開張遇上生日🎂壽司🍣壽司d醋比較特別，但味道搶了魚生的鮮味藍旗吞拿魚中拖羅性價比高，值得一試。不過魚卵珍味太咸，但對喜歡味濃的人可以接受最後有師傅live手切藍旗吞拿魚加分

DONKI最近係香港開設咗全球第一間迴轉壽司專門店「鮮選壽司」，一直都好想去朝聖下，但新開幕一定係people mountain people sea，免不了要等成幾個鐘，所以都係望而卻步！ 但估唔到前幾日男朋友嚟接我收工，佢預先拎定咗飛，我收工一去到就可以入得，完全唔需要等~真係認真抵讚！超叻仔！ 由於我個人唔食得生冷嘢，但又想全面介紹「鮮選壽司」嘅嘢食畀大家做個參考，所以以下嘅食評交畀男朋友~ 🧡藍鰭吞拿魚拼盤（$37）食齊3味新鮮、肥美、優質嘅吞拿魚壽司先收依個價，無理由唔叫~ 🧡日本產池魚（$12）唔錯，魚味都幾香，值得一試！ 🧡北寄貝（$12）🧡螺片（$12）正正常常，價錢相宜！ 🧡蝦三味（甘蝦、蝦、赤蝦）（$17）蝦三味都喺抵玩嘅，蝦同赤蝦都夠味同質感好！ 🧡火灸芝士蝦（$12）味道不錯，價格合理！ 🧡火灸香草蝦（$12）香草味濃，蝦肉優質，CP值高！ 🧡牛油果沙律醬蝦（$12）味道夾，口感佳，推介！ 🧡蟹味噌（$12）鮮味十足，入口超重蟹味，必點推介！ 🧡火灸照燒沙律醬三文魚（$12）🧡火灸明太子沙律醬三文魚（$12）不過不失，合理水準！ 🧡芝士鰻魚（$27）芝

-🦄SEN SEN SUSHI @sensensushihk-萬眾期待嘅鮮選壽司終於開張喇今日係開張第四日 唔知道大家食咗未呢-我呢啲心急人士 琴日已經朝聖咗一次不過 我短期內都未必會再訪 因為團火已熄滅正所謂 有爸的孩子像個寶 我爸負責排隊拎飛琴日佢大約係朝早10點到埗 1030前拎到飛當時拎到C區第24張 最後12點左右入座成個過程我諗等咗兩個鍾左右 比想像中快食鮮選壽司只接受用安心出行 唔比填紙仔呢個都係我哋去到先知道嘅事 就要即場下載-基本上我哋無拎過迴轉帶嘅壽司 只係用Ipad落單送壽司嚟嘅速度好慢 慢過壽司郎好多等極都未送到過嚟 唔多唔少都有啲唔耐煩-👨🏻: 我爸食的 👩🏻: 我妹食的 👱🏻‍♀️: 我食的以下食評出自於佢哋嘅個人感受 不代表本人立場而我妹只係識講ok啦一般啦呢啲字眼 好抱歉😮‍💨-👨🏻藍鰭吞拿魚拼盤 Hkd37▪️Rating🌕🌕🌕🌑🌑以37蚊呢個價錢有3件嚟講 都算抵食嘅除返開都只係差唔多12蚊1件 好似唔應該挑剔賣相唔錯 好明顯分得出赤身 中拖羅同埋大拖羅大拖羅望落啲花紋同埋油光都靚靚囝囝咁不過赤身略嫌佢有少少腥味 大拖羅又唔夠肥-👱🏻‍♀️我心諗 你好似食

第一次黎，開業無耐（開左幾日），咁話哂都donki，一於黎試下喇。首先聲明，本人係冇收錢的，但係呢到話寫篇食評就有碟三文魚送，可能我個人比較c奶，所以咪有呢篇食評。再次聲明我絕對非打手（亦唔需要咁做，你估donki比好多錢我咩），而且我係有讚有彈的，唔係盲撐（睇落去就明）。第一，等位系統值得一讚，唔係好似壽司郎咁一次過攞哂啲飛，個系統自己派幾十張又停下，防止啲人攞左飛唔食，值得一讚（但都等左個半鐘）（今日係星期一下晝）。食材方面較壽司郎略勝一籌（特別是三文魚，拖羅），特別個隻washibi都幾好（有隻普通washibi)，但飯就真係太散，一夾點豉油即散，好似要扒飯咁。回轉帶啲牌好亂（個牌係三文魚但後面擺碟蝦），跟住成條帶都冇咩野食，主要都係點餐。衛生服務都ok正正常常,係有陣時個場坐唔滿，唔知係咪初期唔夠人有關。但見到有唔少日本人係到管理，真係匠人精神。整體來說質素不錯，但要改善的地方都真係唔少，食完過幾日上網都見到啲人有唔少不滿，希望之後會做番好啲。個人黎講呢，都應該會再黎嘅，我諗。寫篇食評都寫左500字。完。

🍣鮮選壽司 SEN SEN SUSHI (海之戀店)🎏適逢鮮選壽司10月20-28日係內部試業，加上朋友係Donki既職員，當然要去食啦！仲食左2次咁多添（有折又唔洗排呀嘛）！而佢10月29日已經正式開張左啦！😎-食左好多野～小心，以下係長文啊😂-鮮選壽司係以迴轉壽司為主。佢位於係荃灣Donki入邊，只要穿過Donki，行去Food Court果度，就有指示牌指示，非常容易搵到！我地2次都大概7點前到，都係唔需要等位，直接入座！✨👍🏻 入座時，有職員會帶位，其後會介紹兩款醬油，分別係甜醬油同埋刺身醬油。第1次好好彩係坐到卡位，原來枱既正中間會有個暗格，可以用黎收埋筷子同酸薑，呢個設計幾好喎！另外，枱上面都會有綠茶樽，同細木匙羹仔比我地𢳂綠茶粉。而第2次我地就坐左係Bar枱，原來Bar枱櫈底下面，係有藤籃，比人放隨身物品，呢個設計非常窩心。向後一望，原來卡位都有位比人放袋架！勁貼心！不過Bar枱上面就無酸薑啦，要問職員拎。 我地去左2日，所以都食得比較多：火炙明太子沙律醬三文魚 ($12)明太子味唔算特出，不過尚算香口藍鰭吞拿魚中拖羅 ($27)賣相有一點點深紅色，而且切出黎形狀唔完整。

今天趁 weekday 去咗荃灣 Donki 食壽司, 到達時 16:20, 要等候大約 50 個籌號, 共等咗 29 分鐘。申 : 我是綠茶控, 也是 wasabi 控, 平時會自帶 wasabi 出去食。先評座位, 不太逼, 算闊落。食物運載方法是 shinkansen 食物車 + 迴轉帶。食物方便, 比另一新後起類似的 壽司 x 較為好少少佳。詳情, 請看相片.

壽司幾好食，價錢都唔算貴，都算合理，款式一般多，都算新鮮，有其他選擇，唔駛成日食元氣，爭先，唯一店舖比較細，人流又多，4人幾個號碼都要等好耐，2人枱就比較好啲，快好多

如果要等三個鐘一定唔值，最近日本百貨超市驚安の殿堂開了間迴轉壽司店叫鮮選壽司，抱住好奇心態下一早排隊去試09:30去到巳經有人排隊，但未算特別多，10:00開門入座，落單要用平板電腦本來打算點吞拿魚頭軍艦壽司但是沽清，之後點了吞拿魚三味、池魚、鐵火卷等等和比較特別嘅納豆其他壽司十分普通唔算特別好食，壽司飯一夾就散失敗，一品料理吞拿魚頭比較特別但要150$一客比較貴所以無點。其他如茶碗蒸無壽司郎出色，選擇亦都比較少另外芥辣日本出產，味道係比出面好啲但我係食壽司唔係食芥辣╮(╯▽╰)╭服務方面亦都麻麻，員工死氣沉沉，得一張濕紙巾連紙巾都唔提供，小吃薑片又無服務比較欠佳╮(╯▽╰)╭場內有養殖海鮮但未見供應，裝飾嗎？評語：普通壽司店，食就無所謂排隊未搞評分：正常，唔太好又唔太差

味道新鮮，飯好細，材料夠大，誠意之作！上菜速度快，服務員態度友善！唯一不足是排隊較耐，可能因為新開，多人希望嘗試，可以改善叫飛速度！總括來說，會再來試，因為食物味道最重要！

食物好味亦都幾抵，可以再食，只不過排隊真係排得好耐，今日平日下午食都要等成粒鐘，如果唔係放假真係唔會考慮，希望第時可以有電子拎飛系統，令到客人可以食之前拎定飛先。

第一次食，好食好有鮮味，$37既藍鳍吞拿魚拼盤好抵抵食，口感好好好鮮甜入口鮮甜，都好多款選擇，但好可惜好多款都sold out條鰻魚壽司係原條壽司個海膽入口即溶色澤唔錯完全冇苦味好新鮮，豉油有兩隻咁選擇，同其他壽司店唔同，Wasabi都設計特別，

第一次食Sensen Sushi，壽司質素還好，仲要推介係甜豉油，其他壽司店未有喱樣野，覺得壽司同甜鼓油好夾。另外，最重要係雪糕🍦好食，必食！好重奶味！下次一定再食過！