鮮芋仙 (東港城)

營業中

休息中

大隻仔今次覓食嘅店舖就係💥 鮮芋仙💥大隻仔真係好鍾意食芋圓，所以成日食鮮芋仙，差唔多每次都會食熱手工芋圓系列，最鍾意就係鮮芋仙既「芋圓4號」，因為有芋頭同紅豆，好好食。😂😂但今晚晚餐食得太飽，真係食唔落咁大碗「芋圓4號」，最後叫咗呢款食物，第一次食估唔到喜出望外，依家已經成為大隻仔鮮芋仙嘅No.1飛佛 -就係「凍鮮芋鮮奶綠」。🤣🤣⋯⋯⋯⋯⋯⋯⋯⋯⋯⋯⋯⋯⋯⋯⋯5⭐️ 超班3⭐️ 一般1⭐️ 差味道 ⭐️⭐️⭐️⭐️⭐️抵食 ⭐️⭐️⭐️⭐️服務 ⭐️⭐️⭐️環境 ⭐️⭐️⭐️⭐️⋯⋯⋯⋯⋯⋯⋯⋯⋯⋯⋯⋯⋯⋯⋯⋯🔥 凍鮮芋鮮奶綠 $35因為晚餐食得太飽關係，大隻仔打算叫飲品而唔食芋圓，第一眼睇Menu就見到芋泥，即刻諗都唔使諗就叫咗呢杯飲品嘞。飲品嚟到好大杯，芋泥份量好多但偏甜，芋泥打得好幼滑，比起芋圓4號入面嘅芋頭更加好食，芋泥同鮮奶綠茶一齊飲，十分十分之好食，對大隻仔嚟講，如果可以減輕甜度就Perfect。凍鮮芋鮮奶綠而家已經係大隻仔嘅最愛😋😋🔥 熱芋圓4號（芋頭、紅豆、珍珠）$45大隻仔鍾意食芋頭同紅豆，所以最鍾意就係「芋圓4號」，芋頭軟冧，味道香甜，有紅豆嘅紅豆湯十分好飲，再加上芋圓同珍珠，份量好充足，食一碗已經好飽

鮮芋仙 (東港城)真一去到5、6點就好多人,特別係中學生,好多會幾個人食一碗,好正~依間要入去前就要叫定野食,如果第一次叫,真係好難選擇,因為佢有不用湯底或冰。芋圓同麻薯都係我既至愛,依間係好有口感,不過麻薯就不可叫一個甜品再加點,只可以叫小食點,希望可以改善下,如果甜品都可以加點就好了。今日叫了杏仁同抹茶,自己覺得杏仁有點藥水味,感覺一般,而抹茶拼紅豆緊係無得輸。因為真係無咩糖水店,如果可以有多點水果選擇就好了。

我並唔算係甜品控但如果出街同朋友仔食完飯🍽/天氣開始轉涼❄️，總愛飯後來個甜品為飯局作一個完美句號，更加為一天添上一點甜鮮芋仙對大家應該都唔陌生多左唔少分店但因為次次經過都超多人，所以我咁耐只係食過銅鑼灣果間分店今日就試下將軍澳分店我見網上評語/係朋友口中聽返，都不是好評唔係態度差，就係落錯單，比漏野😬我決定外賣自取同店員只係接觸果幾秒，感覺正常～1️⃣芋圓6號，紅豆湯 $45我覺得冬天食呢個好好紅豆湯：唔會太甜，我最怕好‘潔’身，呢個剛好，仲食到唔少紅豆粉條：食落粉糯，咬落好似烏冬既口感粉粿：都有3，4舊，微甜有咬口珍珠：正常發揮，唔太甜芋圓：一貫的好整碗食落，好有滿足感，勁飽肚，配料口感不一，我鍾意🈵～2️⃣招牌仙草冰沙🍧，走冰$45因為外賣，所以走冰呢碗朋友仔食雖然走冰，但望落d 料都係滿滿仙草+芋圓呢個配搭超穩陣，冇得輸仲附上淡奶自己加⭕️可能本身期望唔高我又係外賣+唔加料，減少佢漏比野既機會整體我覺得唔錯都完全滿足到我食甜品既要求下次試堂食

本身諗住同朋友開心食個糖水…個位攣毛眼鏡男店員態度差到無人有幫人落野食 叫人掃安心果陣 啲態度差到我以為自己得罪左佢全家…循例問吓佢紅豆湯有冇凍嘅，佢答我: 呢度咪大大隻字，寫住熱囉？！我心諗。。今時今日咁嘅服務態度….聽到呢位店員對其他客人嘅語氣都係極差 當時無人排隊 之前去旺角分店食 有10幾個人排緊隊，啲店員語氣同埋態度都係好Nice我朋友都話乜呢間分店嘅店員態度咁，以後唔會再黎食了。嗌左紅豆湯加豆花5號口感黎講比旺角分店嘅差少少。

中午時間，叫外賣無咩人我叫咗個芋圓1號，加仙草凍加芋頭然后，就1秒比多秒佢2秒瞬間想改招牌仙草沙冰加芋頭就同我講已經整好咗🙄🙄🙄🙄O哂嘴。我直頭講出口我話1秒咋喎整好咗但係我都要等🤷🏼‍♀️返到屋企好開心諗住可以食刨冰la點知原來個哥哥仔幫我落錯咗單變左加芋圓😩😩😩😩😩😩打開個蓋我見到唔係刨冰，係一大冰加糖水真心點解可以同我堂食嘅差咁遠🫠仲有我啲綠豆呢去咗邊。綠豆呢？綠豆呢？完

坑口都有芋圓食真好！ 雖然價錢唔平，但勝在夠大碗同足料。其實真係好大碗下，一個人食會好飽，兩個人分享就啱啱好。今次本來點左仙草4號，但食咗幾啖先醒起「點解冇芋頭嘅？」仲有啲紅豆呢？搵極都只見有仙草凍，仙草沙冰同黃紫芋圓。對番啲配料，原來佢俾錯招牌仙草沙冰！但見啲芋圓都好好味，所以都冇同佢哋講了。仙草沙冰同仙草凍好夠味，但又唔會太甜～😋 加埋佢俾嘅嗰盒仔花奶，真係好清新～ 夏天食仙草冰底一流！之後試過紅豆🫘湯底其實都啱錯！下次再試其他款式！

一直係鮮芋仙忠實fans, 由尖沙咀, 葵芳, 食到而家坑口, 雖然價錢唔平但係勝在大份, 足料, 好味. 一碗絕對夠同老公happy share, 平時我係大概放工七點去買外賣, 次次都好滿足.上星期六8點幾去買, 質素差得好誇張, 首先成個碗先至搵到一粒小芋頭, 而食落去好明顯啲紅豆湯係溝稀左. 本身返到屋企好開心打開佢, 點知勁失望. 完全唔好味, 同平時買開好大分別. 絕對唔值50幾蚊. 我之後會繼續幫襯, 只係唔會太夜去買, 又或者轉堂食會好啲.

嗰日我喺將軍澳行行吓街突然想食芋圓，向前望就見到呢度有鮮芋仙分店，真係好驚喜！估唔到呢間台式甜品店巳經開到嚟呢區呀。要先攞飛，等咗一陣就有位啦✌🏻 不過呢，呢度嘅安排係要先到櫃枱點餐和俾錢，之後才可以入座。芋圓2號 (HK$45)．熱版本原來係有紅豆湯底喎！紅豆湯夠熱，不太甜，幾好味😋．雙色芋圓，煙煙韌韌，食到芋頭味和地瓜味．大大舊地瓜，甜蜜，軟腍．薏仁，軟腍，養生．珍珠，QQ的口感，黑糖甜餐牌：

【坑口鮮芋仙😋】飲完迷客夏 有d肚餓 我地就走左去東港城 由於黎m又唔想食凍野（雖然頭先都飲左奶茶哈哈哈）所以叫左兩碗紫米粥* 紫米粥 🥣 $36 好大碗 熱辣辣 溫度岩岩好 黎m真係幾岩食 紫米茸茸爛爛係粥入面 食落好暖胃 *芋圓紫米粥 🥣 $42其實同上面一樣 不過配埋芋圓 軟軟糯糯 好q彈有嚼勁 好好食 芋圓控切勿錯過～📍地址：鮮芋仙 (東港城) 將軍澳重華路8號東港城1樓128A號舖

即興入嚟食甜品，試呢個夏天芒果限定。食得出芒果係新鮮，甜帶微酸，好味！整體食落去唔會死甜， 可能有芒果微酸嘅搭配，加上有雲呢拿雪糕同埋丸子都幾夾！但個人覺得丸子可以再Q彈d，咁就perfect!加左蕃薯同芋泥，一齊食， 感覺冇咁單調，同埋呢兩樣都係個人至愛！

嗰日食完晚飯，想去鮮芋仙食個甜品，點知嗰日勁多人，我諗門口等位都至少有三十人，所以我決定買外賣返屋企食。外賣都等咗大概15分鐘左右，我買咗一個芋圓5號同埋芋圓6號，跟住我見到佢有個新產品，就係麻薯嘅甜品。因為本人好鍾意麻薯同埋芋圓，所以我決定加埋呢個麻薯買返屋企食。因為外賣嘅關係，佢個碗一定係俾堂食嘅份量係少啲嘅，但係都係好飽既。我最鍾意佢嘅芋圖非常煙靭，因為我唔係好鍾意食豆類嘅嘢，所以我淨係食芋圓6號。你嘅芋圓同珍珠都非常大粒，所以食完係會有啲飽，而麻薯嗰個新甜品我覺得比較普通，係有少少黑糖薑汁味，但係味道就唔算好濃，所以我覺得麻麻地，可以淨係食芋圓就足夠了。

好耐冇食過鮮芋仙，行完街食完飯有啲攰，難得呢間鮮芋仙見唔使排隊，所以黎食個甜品。叫咗一個招牌豆花，個豆花底可以揀豆漿或者糖水，咁我哋食梗係揀咗豆漿啦，因為豆漿 難啲食到。入面有芋頭，珍珠同埋芋圓，芋頭都係甜嘅，好味道。另外仲叫咗一個拼盤，一邊係雲呢拿雪糕白玉紅豆，另一邊係布甸。布丁係有4款揀嘅，有一個係黑糖珍珠，都好似好正，但係唔記得咗我哋雪糕嗰碗已經有紅豆，所以又嗌咗抹茶紅豆布丁，但係嗰個紅豆係好味嘅，雪糕配白玉個邊亦好正。大滿足！！，

之前都常常經過這間舖頭，但每次多人到不想排隊主要是台灣糖水和飲品，款式都好多所有糖水都好大份，天氣熱非常消暑———————————————👉🏻芋圓4號 $45👈🏻一開始沒想到份量很澎湃，應該兩人都夠食沙冰旁都好多材料，有芋圓、芋頭、紅豆和珍珠冰底是牛奶沙冰，覺得沙冰比較粗粒，如果沙冰可以幼細口感應該會更加好，但味道都不錯有兩個好大芋頭，食落去好綿滑和粉香芋圓和珍珠都好煙韌，紅豆好飽滿不算好豆沙，配牛奶冰好好的配塔———————————————整體性價比算不錯，而且份量好多但不會專登排隊整體度：6/10食物：6/10環境：6/10

平時都係堂食，今次實在太多人，實在唔想等位😅所以買咗外賣😛😛😛😛既然外賣就冇得食我平時最鍾意食嘅牛奶冰，所以就揀咗仙草我就揀咗仙草5號 $45 包括有仙草本人，仙草沙冰，花豆，白玉同埋珍珠一打開個碗，嘩！好澎湃啊😱😱😱😆冇諗過有咁大碗，真係好抵食！🤩🤩🤩今次係我第一次食佢嘅仙草😛😆😆原來個底係有仙草沙冰，又可以keep到凍，又比較特別，平時喺街都唔會食到🤣🤣感覺就好似將啲涼茶打做沙冰🤣又幾得意喎👍🏻👍🏻👍🏻讚！佢會連埋一個花奶仔俾你，但係因為我唔係好鍾意所以就冇落到☺️珍珠好彈牙，白玉（即係湯圓）都好好味，而花豆就應該係大紅豆一樣，台灣甜品好鍾意加，香港比較少見，所以都好有家鄉嘅感覺🤣🤣🤣🤣🦽: 因為今次係外賣，所以不適用味道: ⭐️⭐️⭐️⭐️⭐️服務: N/A價錢: ⭐️⭐️⭐️⭐️⭐️🦽👍🏻: N/A🚗: N/A

第二次加左錢唔記得比料豆花2號加芋圓講明加入去！唔係另上！到底厄左幾多錢！$8一款唔通要逐碗打開check?員工有冇帶腦番工！唔該總公司審查一下點解淨係呢一間分店俾人投訴咁多，仲要打去冇人聽！