鮮芋仙 (東港城)

營業中

休息中

最近我發現了一家令人驚艷的台式甜品店，特別要和你分享他們的一款絕對讓人上癮的招牌甜點！這家店的「布丁Q麻糬牛奶冰」真的是夏日甜品的極致享受！首先，讓我來描繪一下這道甜點的美妙。這碗牛奶冰配有兩個布丁，每一口都帶來絲絲奶香在口中綻放。布丁的口感綿密細膩，入口即化，絕對是奶香愛好者的夢幻滋味。但這還不是全部！這碗牛奶冰的旁邊則擁有一顆顆Q彈可口的麻糬球。這些麻糬球有著嚼勁十足的口感，每一口都帶來令人愉悅的咀嚼體驗。麻糬的彈性與布丁的柔順相互輝映，讓整個口感更加豐富有趣。除了布丁和麻糬，這碗牛奶冰還有一層清涼的牛奶冰沙。這冰沙口感綿密細緻，帶有濃厚的牛奶香氣，讓人彷彿置身於一片清涼的甜蜜天堂。將布丁、麻糬和冰沙一同享用，絕對是一種口感和味覺的完美結合。總結來說，這家台式甜品店的「布丁Q麻糬牛奶冰」絕對是一道讓人難以忘懷的甜點體驗。濃郁的鮮奶布丁、Q彈可口的麻糬球和清涼的牛奶冰沙完美結合，味道和口感的層次豐富多樣。如果你是甜品愛好者，絕對不能錯過這家台式甜品店的「布丁Q麻糬牛奶冰」。快來一趟甜蜜的口味之旅，讓你的味蕾享受無限驚喜！

我今次叫嘅係芋薯圓Q麻糬牛奶冰食落去份量超足，叫一份簡直系兩人份😂😂😂，而食落去每個料都唔洗hea，所有都好好食，同d牛奶冰都好夾，環境都好舒適，服務都唔差，推薦👍🏻

已幫襯鮮芋仙n次， 最愛吃 招牌仙草冰, 芋圓煙韌 ,仙草清爽, 配合黑糖冰出奇地合襯 ，每過一段時間都會 懷念味道。 今次試咗 奶茶珍珠布丁佩配芝麻湯圓 ，布丁茶味濃郁， 珍珠煙韌， 芝麻湯圓 好味

自從《鮮芋仙》紮根在香港之後，我們一家人立即成為了這品牌的忠實粉絲。每次出到街，當大家想到甜品時，《鮮芋仙》早已經是我們考慮的第一位。這一次，我們來到了坑口，想先行行東港城的我們一入商場就發現《鮮芋仙》。結果，就是我同太太在店外，等佢開門。太太比較喜歡的，是仙草系列。她點的仙草4號，是芋頭+紅豆+珍珠。兩舊大大的芋泥，非常之甜，而且芋頭有飽肚感，看得出，食完這一份甜品，已經唔駛再食飯。紅豆，在這一個仙草4號的 presentation 是紅豆泥，甜的味道更加之突出，而珍珠粉圓同仙草本身，夠香甜，夠彈牙，已經是令人滿意的表現。我鐘情的，是豆漿豆花系列。豆漿豆花3號，是紅豆+花生。在這兒，可能因為要浸淫在豆漿中的關係，這次的紅豆是一粒粒的，連同香味濃郁的煮花生，令到這一個豆漿豆花甜味，香甜100分。當然，豆漿同豆腐花都是豆味濃濃的。的確，我們一家對《鮮芋仙》既喜歡程度，已經達到無法抗拒既級別。撰寫此文後，我已經開始在想，若我再撰文評一間未去過的《鮮芋仙》分店，會唔會已經去到不可抗力既地步呢。

初頭新開係幾好，蜜芋頭係入味又綿，配料又俾得足，食過幾次都係合格嘅甜品。太耐冇食，買咗外賣，揀咗豆花4號加芋圓，已經要$55。返到去打開真係🙄，得半碗。。。啲豆花係碎哂，紅豆🫘好多，多到要係咁用匙羹撈個底先見到，蜜芋頭係無味，已經無咗綿嘅口感。成碗野好似飲緊有幾粒紅豆同碎豆花嘅豆漿咁。。。我另外加咗芋圓，係煮過頭嘅芋圓。。。加$10有6粒定7粒，返正痴埋一舊我都廢事數。。。已經唔知食緊乜，觀塘嗰間好好多，起碼係叫做一碗甜品，啲間係。。。廚餘？

叫了2個甜品，先來第一個，攪唔清是那一個item,就問店員，高瘦戴眼鏡，然後好晦氣咁解答咗，到第二個上枱，真心唔知「沙冰」同「冰」的分別，避免食錯，再問，當然更晦氣答！原來冰，係有堆山形嘅冰，原來沙冰　，啲冰響晒底。係我無知唔識分，都唔使咁嘅態度。到隔離枱，又係好冇禮貌咁將甜品上枱，連客人也被嚇到。冇第二次，態度差，又唔係特別好食，唔會再貼錢買難受

開咗都一段時間，今日見無咩人就入去食。女店員用毫無尾音嘅語調叫我哋揀嘢食先安排入座...揀左2個糖水後，安排坐201枱，因有小朋友問可否轉卡位。佢眼尾都無望我哋就用好悔氣嘅態度應，好彩都可以轉位。當時一啲都唔忙，而該女店員不停同廚房入面傾計，當我舉手示意落單時，佢竟然唔應，直行直過，要再叫先應。問佢嘢時，佢係幾乎用丟嘅方法放落枱。我覺得餐廳嘅食物質素唔錯，但該員工態度令我唔想再光顧。

作為一個煙韌控，每次來到鮮芋仙，最鍾意瘋狂加料，叫到成碗都係煙韌嘅配料🥳 整碗係黑糖刨冰嘅打底，配料除咗有珍珠、粉條外，仲有難得喺香港食到台灣粉粿，味道唔會太甜，食曬成碗都唔會太膩～然後好鍾意佢芋圓嘅size，細細粒咁，好好嚼～然後仲嗌咗個杏仁布丁，將布丁倒扣喺碗上，望佢震下震下，有種好興奮嘅感覺🤭另外會附送一杯奶，俾你倒落去食👀 用匙羹一次過畢起所有配料放入口中，真係好似去咗去台灣咁，滿足感係前所未有✨

平時係尖沙咀食開，今日見係坑口就打去嗌定外賣自取，電話打咗好多次都唔聽，一聽就態度超級差Ok算，嗌咗兩碗招牌仙草冰沙行返屋企十分鐘左右，一番到屋企已經急不及待打開食，點知一打開蓋睇，啲冰就融哂，仙草就得一舊，份量少咗一半，我知外賣相比堂食嘅份量係少啲，但未至於少一半掛😓真心建議坑口呢間啲員工真係要再培訓，之前買過幾次外賣都比漏野都算，今次份量仲少到咁係咪無標準份量？點解其他分店唔會有呢個問題，呢間分店就會有呢個問題呢？

之前都食過幾間，黎到將軍澳見到有咪試一試，咁啱安排坐低個位係睇到廚房入面。食到一半就睇到有員工係廚房無帶口罩又無帶手套咁去潷糖水，唔知係咪以為無人睇到，仲要係咁講野，好怕d口水噴過落我碗糖水到，諗起真係唔知仲食唔食落去。食物質素唔差，芋圓食落口係彈牙煙靭。仙草就正常發揮，而份量感覺比起其他分店少咗d。另外本身個位已經有d迫，張枱仲要搖下搖下咁，食得好唔舒服。改善下衛生問題啦，但真係唔推介黎呢間食！

食佢嘅甜品就食得多，由其是芋圓嘅甜品特別好食😋飲品就未飲過！覺得飲品應該都唔差得去邊，真係好好奇佢嘅飲品係點。咁就買咗杯嚟試吓喇。點咗杯熱飲🧋豆漿紅茶加小芋圓：你可以選擇熱／凍。飲第一口嘅味道，兩個字形容 「好甜」！甜味蓋過茶味。豆漿唔似佢自己磨製。小芋圓份量好少。。。飲咗一半都無就唔飲啦。附近有其他台式飲品選擇，味道又好過佢。咁又唔使飲佢嗰啲啦。下次我應該唔會再飲佢。都係食返佢啲芋圓甜品好啲。

食過尖沙咀嗰間，覺得幾好，諗住坑口有咪叫外賣試吓，點知返到去過外賣咩都漏曬，叫個豆花冇咗啲芋圓，淨係得返紅豆豆花。份量又少，三四羹就食晒啲豆腐花，嗰啲紅豆可以數得出有幾多，叫熱嘅完全唔熱，完全唔係嗰件事，同其他分店差好遠，本身價錢已經唔平，成四十幾五十蚊唔知係特約代理定點，總之就係唔得極之唔推薦大家食坑口嗰間，如果要食都係食返尖沙咀算。

家庭樂開心食甜品，四眼男服務員態度極差，叫人坐在沒有屏板的座位(鄰座有人進食中)。叫佢加返又黑面。 到第二個甜品比錯隔離，即時問佢係咪漏左，佢仲態度差答唔係漏左，係太忙(坐左唔駛5分鐘就有吃🙃)。人哋食左先知唔同味道，問返先知黎錯。我哋問返先至補返，四眠男無表情送到黎，我先至話就係問你係咪missed 左既原因，佢無表情至講唔好意思。我無咩要求，但衹想呻你態度好差，分散曬美食注意力，唔想拍照，食完立即走。

星期日晚8pm 食完飯諗住外賣糖水返屋企慢慢食，結果唔只可以慢慢食，仲加埋要慢慢等，等左9個字，問個職員，佢態度仲好有問題，唔想做其實可以唔好接單，或者落單時可以講清楚要等半個鐘以上…我第一次幫襯坑口呢間鮮芋仙，唔知係咪一向都係咁，不過我就會blacklist 佢了… 我相信佢地都係無所謂，反正感覺佢哋唔憂做🤷‍♂️

外賣左一碗芋圓4號沙冰，行左～5分鐘返屋企，一打開，融左大半碗，變曬水，剩低一舊冰塊，係硬嘅冰塊，完全督唔開，完全食唔到沙冰，好似飲緊糖水咁。最衰OpenRice無得放片，有錄埋片。上次外賣都唔係咁，今次食物質素極度差。。。。。。。。。。。。。。。。。。。。。。。。。。。。。。。