鮮芋仙 (元朗廣場)

營業中

休息中

鮮芋仙終於在元朗開分店，這分店在元朗廣場的地舖，位置方便。店內的裝修新淨，甜品店來說算地方闊落、乾淨。鮮芋仙的甜品比出面其他的甜品店份量較大份，打卡一流，價錢尚算合理，性價比高。🌟薯圓Q麻糬牛奶冰（$68）我們點了一份芋薯圓Q麻糬牛奶冰，材料包括芋薯圓、麻糬、冬瓜凍、小芋圓、雲呢拿雪糕，甜品的份量很大，兩個人share食剛剛好。甜品送來的時候很冰凍，沙冰不會很快溶掉，而且冰沙很有牛奶味，雲呢拿雪糕亦冰凍好味，芋薯圓、麻糬及小芋圓的口感都很Q彈，冬瓜凍亦清甜好味，整個甜品都十分美味。

啱啱帶埋小朋友，一心想入去食個芒果系列， 但係店員話冇芒果系列嘅產品， 十分失望! 都唔知點解 ? 元朗分店經常冇呢樣冇嗰樣! 不過去過咁多間分店， 最值得稱讚嘅就係元朗分店樓面個位姐姐， 態度十分好又有耐心，去咗地3次， 佢竟然記得我小朋鍾意食芒果椰奶西米仙草凍。

消暑一流肥老虎見到鮮芋仙推出番巨型芒果雪山，係依家呢個熱辣辣既天氣，一定要去食啦！肥老虎再加左芝麻湯圓，但唔知點解有花生味架！巨型芒果雪山（$88），芒果有甜有酸，雪山有芒果汁同煉奶，仲有香滑雲呢拿雪糕添食完真係透心涼。======詳情======鮮芋仙 (元朗)元朗青山公路249-251號元朗廣場G樓032號舖================#yummy #香港美食指南 #香港美食 #hkfoodie #hkfood #hkeat #吃貨 #吃貨日常 #肥老虎吃貨 #相機食先 #夏日打卡日常 #著數報料 #打卡美食 #打卡熱點 #我是吃貨 #香港探店 #香港美食探店 #著數報料 #夏日打卡日常 #元朗好去處 #元朗美食 #巨型芒果雪山 #芒果控 #元朗廣場 #鮮芋仙

嗰日去開元朗，行到有啲攰，想飲杯嘢，所以決定去位於元朗廣場嘅鮮芋仙。大大杯，非常超值。叫咗杯招牌豆漿，豆香濃郁，叫咗微糖甜度適中，入邊有小芋圓同珍珠，非常有咬口。

星期一下午其實間舖就無客，好多吉枱嘅。我同家人一入店，諗住拎餐牌坐低揀完再出去買，店員就好似唔想俾我地坐，要我地企係收銀位揀完先。唔理啦，同家人行埋位坐低揀完諗住出去買，店員就隊張卡同QR code嚟叫我自己掃code落單，唔該哂，小姐你係掃code落單就早講吖。好喇，落完單，卡響喇野食到，店員就企正係出餐位，阻住哂又要我自己埋去拎。拎完兩位店員一直企係我地枱隔離。佢有佢地傾，我有我地傾，成間店咁大唔企係企我地隔離，又唔係service我地好似監視住咁，個感覺都幾唔舒服。anyway，甜品依舊好食嘅，芋頭同地瓜好粉好好食，不過我哋應該唔會太想再行入呢間分店囉。

每次去到都眼闊肚窄，試過二人食飽飯黎再各自叫一個都食唔哂🤣今次叫一份兩人一齊食就剛好夠✌🏻布丁Q麻糬牛奶冰 份量超級大成座山咁鬼高😂 配料都多到痴線，布丁郁得超有動感😂 頂尖有一球雲呢嗱味雪糕等佢慢慢融落去啲冰到，仲有芋圓跟冬瓜果凍，啲冰好香牛奶味😂 仲淋左焦糖醬，仲有一黑一白既麻糬，應該就係所謂既黑白配🤣🤣 但個人偏向食哂啲白色既先🥹黑色既應該係黑糖味（？）相反食得比較少。布丁係杏仁味同雞蛋布丁🍮香滑夠味👍🏻 都要食得比較快如果唔係冰底融得快，都會變哂水無咩味。整體呢個份量可以share 2至3個朋友一齊食

我叫左碗凍既招牌豆漿豆花（3分糖），超稀，豆腐多到遮哂所有料，食落口係接近常溫，唔凍，好彩加左舊雪糕，成舊浸落去先凍返啲，加上豆漿太多，3分糖都好似零糖咁，要連雪糕食先有啲味。我地比較夜入座，原來已經冇乜珍珠，勉強放左好少量，大約十零粒就算，真係問佢先講話冇哂，芋圓未發得夠中間有硬粉粒。朋友叫杯仙草鮮奶茶，味道好啖，似水溝奶，仙草份量又少，幾啖就啜哂。之前係天水圍果間食過好味先諗住黎呢間食，但味度差太遠，唔建議食呢間。

我食甜品個人喜好只食凍，不吃熱的，有日食完晚飯，屋企人話不如嗌d 甜品返黎，就用外賣平台嗌左佢啦，黎到好彩無溶得快仲健在。牛奶冰，上面有雪糕有冬瓜凍，有芋圓同埋珍珠，最鐘意呢d QQ 口感啦，牛奶冰味道似練奶，甜甜的好味，不過都幾飽下，3個人都食唔哂呀。。。平時我堂食通常去銅鑼灣個間的，今次第一次食元朗個間，覺得差不多。

人氣甜品店「鮮芋仙」再開分店，已經駐元朗。分店位於元朗廣場。新店乾淨企理。主打芋圓，仙草，雪花冰等等。仲有家庭號系列。鮮芋仙手工芋圓，配搭香甜熱紅豆湯，加上各款美味配料，芋圓口感煙韌，甜度適中。

好失望，一心諗住第一次試堂食，糖水稀到水咁，又淡，又冇咩料咁。我問佢點解隔離枱遲嚟上先，個店員先好唔願意咁比佢手頭上碗外賣比我。但仲要將碗糖水冚埋蓋，啲糖水滿到出蓋面，我哋都開唔到，叫佢哋開蓋，結果係要拎番入廚房先開到？之後我再問佢點解係外賣碗，佢居然答我冇人洗碗？！？！最慘佢同我哋講每人minimum charge係$50，後尾我睇番枱係每人minimum charge 係$25。總括嚟講：態度差，食物差。絕對唔會再幫襯！

第一次幫襯元朗分店外賣，諗住終於唔使去其他區分店都有得食！滿心期待！點知打開碗野水仲多過料，以為錯覺！攞匙羹攪幾攪，真係得咁少！我其他分店幫襯過咁多次未見過咁款嘅仙草！啲仙草唔係水多浮面嘅話根本仲少！哎仙草5號走埋花豆走埋冰！$48一碗但個份量倒埋水所有料加埋得1／3碗！冰照加睇落都咁少，之前買親一碗啲料都多又密集，可以2個人分，喱碗一個人食都唔夠！過份左囉！一打開咁嘅款真係以為人地食剩嘅撈埋俾我！啲仙草濕濕碎細細舊咁！張相就係一打開未食過嘅樣！