鮮味蒸滾鍋

營業中

休息中

天氣涼涼地，即想打邊爐，有人提出個更好的建議，係蒸海鮮鍋加火鍋。蒸海鮮鍋確是久違了的玩法，可吃到海鮮的原汁原味，猶記得當年潮福帶起熱潮，做到連開分店，無人不曉。蒸海鮮鍋再加埋打邊邊，一次過滿足兩個願望，我當然沒有異議。近入口位有大魚池，各式鮮活海鮮，琳琅滿目，非常生猛。瞄一瞄餐牌，只可說是時光倒流價，印象中十數年前潮福都唔止呢個價位。吃蒸汽鍋又好，打邊邊也好，總要有嘢飲才夠爽。啤酒汽水以及竹蔗茅根水等在放外面的飲品櫃，全部任飲，悉隨尊便。一開波先有盅湯，是夜的烏雞湯真材實料，估唔到食呢啲都會有靚湯飲。飲完湯，開始品嚐蒸海鮮。跟當年的玩法一樣，有人會幫你控制晒時間。先來的活海貝，沙白、花甲開張口，隻隻鮮甜細嫩，不用添加任何醬料，吃原味就是皇道。接下來是龍蝦，每人半隻，雪白的龍蝦肉已說明了一切，用叉將肉撬起，大大啖咬下去，滿足。之後可自選四款海鮮，我哋揀左蠔、蟶子、扇貝及鮑魚。先講蠔，個子唔細，夠晒飽滿，咬落去好鮮美。有專人控制時間，蟶子保持爽脆唔韌，蒜茸粉絲蒸最為正路。如果俾著我自己搞，好可能會過晒火。扇貝同樣嫩口，就連鮑魚也沒有過韌。一輪海鮮過後，再來兩款丸類，梅菜蒸豬肉丸，以及鮮蝦丸

蒸氣石鍋本是廣州一帶的食法，鍋上面蒸肉，下面熬粥，不浪費任何肉汁的食法相當聰明。食法引進香港後，餐廳將設計改良，及迎合香港人愛吃海鮮的口味，主打蒸氣海鮮，另外更同時可用另一鍋打邊爐，共有八個招式。一個價錢可左右逢源兩者兼得，啱晒我們今天的朋友晚飯聚會！餐廳入面有魚缸，讓食客看到各種不同海鮮，像龍蝦、蟶子、鮑魚、活蟹等等，全都很新鮮生猛。今次來到，當然要吃夠本：第一式「養生滋補燉湯」，蟲草花雪梨響螺燉豬𦟌，湯清澈鮮甜無味精，食材精華全跑到湯頭裏，先用熱湯滋潤一下：第二式蒸「生猛龍蝦」及「活海貝盛盆」，不用擔心蒸得過火，因為有專人幫手睇時間，服務貼心。新鮮龍蝦游水即撈出來，開邊用少許蒜蓉吊味來蒸，肉質爽實甜美：花甲及海白熟後一隻隻張開笑口，食材新鮮，自身味道已夠鮮甜並帶天然鹹味，夠爽夠甜：第三式可自選蒸海鮮4款，有「鮮活鮑魚」、「活乳山蠔」、「鮮龍躉件」、「生猛海蟹」、「鮮元貝」、「活海生蝦」、「鮮魷魚」、「活大蟶子」。我們選了鮑魚、龍躉、元貝及蟶子。龍躉肉相當結實甜美，是吃得出的鮮活：元貝蒸後肉質鮮甜彈牙，元貝自家的汁水甜美，必吃：蟶子與粉絲混入蒜蓉，吸收了濃烈香味，再加入蟶子鮮味，蟶子

唔知大家之前有無食過同類蒸氣鍋，總是覺得同「🥘❤️」好相似，不過佢較優勝嘅地方係多了一個打邊爐嘅食法，所以價錢亦相對地提高了一點，可以理解嘅，以佢嘅食材亦覺得比呢個價錢係值得嘅。當日我哋一行6人，因為預早已訂位(記得一定要訂位呀！)，所以是無限時任食，坐低後首先一位女職員來介紹佢哋今晚有新鮮竹蔗茅根精，亦有其他罐裝飲品，之後就問我哋需唔需要先來一個刺身，老實不客氣問她是否包埋㗎？她說不是，是需要另外叫，由於我哋是第一次來食，我哋未知佢哋嘅食物份量，所以我哋話不需要了！她亦好好招呼話唔叫都唔緊要，因為佢哋嘅食材好新鮮，所以問我哋要唔要。跟著叫我們選蒸鍋的食材及打邊爐嘅湯底，其實佢哋本身就已經包了：每人一燉湯，記住唔好食啲湯渣，食咗一陣食唔落之後嘅嘢食，因為個湯勁多湯渣。花甲鮮甜多汁，份量都足夠。龍蝦新鮮可口。之後就是8揀4嘅食材，佢嘅食材係會變嘅，所以未必每次一樣本來是想選鮑魚(因每枱只可以選4款相同嘅食材)，但由於我哋其中一位一食鮑魚會胃痛，所以我哋只好選其他，最後我哋選了！扇貝、聖子、蠔、象牙蚌。我哋覺得扇貝、聖子同蠔(大隻多汁)都選得好正確，象牙蚌相對就遜色了一點。食到呢個時候就會轉

同班朋友慶生飯，搵到呢間海鮮蒸鍋，真心正！好彩我哋提前book位，有獨立房間，非常有私隱度，適合聚會！侍應全程幫手蒸海鮮兼換碟，我哋只需專心享受，岩哂懶人。首先每人有盅燉湯暖胃，湯底味道濃郁。接著重頭戲來了：龍蝦和活海貝打頭陣，龍蝦肉質彈牙，完全無腥味！八款選四款海鮮，揀咗海蝦、鮮龍躉件、象拔蚌和大蟶子。除咗象拔蚌有少少腥味，其他海鮮都鮮甜到爆燈，尤其是蟶子配上蒜蓉粉絲，蒸得啱啱好，唔會韌！海鮮蒸完之後，輪到蟲草花蒸文昌雞，雞肉入味亦鮮嫩，仲有梅菜蒸豬肉丸和自家制鮮蝦丸，手打丸子彈牙，唔係雪藏貨。最正係個海鮮粥底，吸收晒海鮮精華。火鍋部分有任手切牛頸脊、黑毛豬、羊肉片同其他火鍋配料，但未食到火鍋都其實已經飽到上心口。飲品櫃＆雪糕亦係任拎，最後仲有紅棗糕，完美收尾！整體而言，$400幾就可以食到咁多即點即蒸新鮮海鮮，仲要有包埋任食火鍋，晚市爆場真係有道理，值得推薦！

朋友四月生日，趁天氣涼涼地，梗係打返個邊爐慶祝生日啦。打邊爐除咗個爐夠安全，最緊要啲食材夠新鮮，今次食鮮味蒸滾鍋就一定夠晒鮮，兼且附送專人服務幫手蒸海鮮，食物質素更加鮮美。位置屬於太子旺角交界嘅塘尾道，唔熟路嘅朋友用Google Maps帶路會好啲。餐廳食評可以用三個字概括：鮮、蒸、滾鮮，指新鮮海鮮，雖然係用人頭計算份量，但係絕對係高質。套餐指定每人送半隻龍蝦，每台一份海貝，外加其他任選海鮮，一樣斷人頭計。所有海鮮食得出係新鮮即劏，冇隔夜，彈牙多汁，特別推介一定要叫生蠔，熟嘅生蠔冇流失鮮味之餘，仲爆汁，所有人一致叫好。蒸，每台都有工作人員幫手處理要蒸嘅食物，時間set得啱啱好，等你可以坐定定食頹廢餐。滾，食完海鮮之後，就可以自選湯底打邊爐。除咗牛羊豬三款玉之外，其他食材例如遠慮、蔬菜、餃子就放喺自助吧，值得一提系，自助吧有提供有牛柏葉、鴨血、鵝腸，千祈唔好錯過。由於我哋係星期六晚食，總數係$368+$30週未 +10% 服務費。呢個價錢可以食到新鮮海鮮加火鍋，10分滿意。

昨日(7號)同兩位朋友去食蒸氣海鮮火鍋放題，完全估不到咁大驚喜，海鮮極度新鮮，首先每位有一樽燉湯，燉湯好夠味，每位半隻龍蝦(肉好彈牙)，一盆白蜆(好鮮甜)，依兩種海鮮就一定有，跟住就要選擇了八選四種海鮮(有選擇困難症就麻煩了)，我地就選擇象拔蚌、北寄貝、元貝及大蟶子，四種海鮮又新鮮又彈牙，完全不需要加任何醬汁之類，食完海鮮就食其他，包括蒸文昌雞、豬肉丸、鮮蝦丸(諗住同外面食肆差無幾，結果好食程度好高)，雞又滑又嫩，豬肉丸肉質彈牙夠味，鮮蝦丸彈牙蝦味足夠，食完以上食物後已經飽咗7成。我地就繼續火鍋，點咗豬骨鍋，個鍋好濃郁好香，肉就點咗牛頸脊、羊肉卷及豬豚肉(肉可以無限添加，緊係食到先再叫啦，食物不要浪費)，仲有數十款火鍋配料選擇啦！但我地就食不到太多了，要留肚食個南瓜排骨粥，粥好綿好濃郁。我們走時先發現我們沒有影相，驚喜令我們完全忘記了。我地都發覺好多客都是食過再來食的，你問我地會不會再回來食，我地一致都會答你，我地一定會再回來食，佢地的海鮮完全吸引我們！！如果要去食一定一定要訂位，訂位可以無限時㗎，但不要前一日訂，最好早D訂位，我地6號訂位，好好彩仲有一張枱，因所有枱已經訂滿，你們過去

海鮮的確新鮮！夠晒飽！我食過幾次，反而近期一次叫蠔.佢用咗扇貝嘅殼裝住啲蠔！我哋問其中一個侍應問原因..佢竟然答我哋係話啲好蠔開爛咗，所以幾隻用咗第二個殼裝住！最奇怪係佢完全冇入過廚房 就直接答我地！咁天真？火鍋出邊有菜同其他配料！除咗菜之外，其他見到都唔想攞！火鍋嘅肉，豬牛羊各一碟！質素不能有要求，每次都食唔晒！唔明白點解咁難訂位！😂😂

今晚和朋友到訪近期 社交平台Reels 爆紅嘅海鮮天堂鮮味蒸滾鍋終於明白點解平日晚市也 full booking 是晚一行10人先嚟每人一盅暖笠笠燉湯之後海鮮盛宴開始龍蝦，沙白花甲貝殼類再自選嘅有蟶子皇，象芽蚌，鮑魚，扇貝海鮮幾優質食完呢round基本上已經飽左蒸海鮮鍋最底嘅南瓜排骨粥集合所有海鮮精華鮮甜到可以encore多碗海鮮部份全程專人睇住時間唔洗你操心火鍋部份幾深刻反而係個麻辣湯底不太辣有藥膳成份越滾越香濃其次係手工餃子Size 啱啱好又新鮮雪花牛中規中矩還可以食海鮮自然配白酒自帶酒水係free corkage 同friend gathering 可以飲多幾杯最緊要你唔怕夜可以俾你坐到3am真心講係唔錯嘅算抵食嘅尤其一大班人👯‍♀️👯‍♀️👯‍♀️👯‍♀️👯‍♀️

我們一行10多人，一家人提早做節。看見宣傳短片，有很多海鮮。決定一試。當日我們中午由12點開始食到三點環境還算可以座位寬闊。我們被安排到房裏面去。有飲品任選，還有一些蔬菜和餃子可以出面拎。首先會有燉湯享用。之後就開始蒸海鮮。龍蝦很新鮮，每人有半隻海鮮份量亦很多，全部都是新鮮的。職員亦都很友善，一家人都想到驚喜。立即商討，我們何時再享用一次估不到中午都能食得比晚餐豐富。第一次感受到中午才可以慢慢享用海鮮餐

海鮮蒸鍋，食完蒸海鮮就有得打邊爐口，肥牛質素吾錯，龍蝦好鮮味多多肉，蜆很鮮甜，龍躉魚味鮮味，元貝鮑魚味道一般。有蒸雞，梅菜豬肉丸，紅棗糕不錯，蒸完海鮮的精華有碗粥，個粥真係好味，自助吧有菜拎，前檯服務很馬馬，侍應好少少，記得就算預約完，前一早要電話確定，否則會被取消檯。

蒸滾煱好多間都食過，今次為大家介紹一下位於旺角塘美的鮮味蒸滾煱，呢間嘢小弟食過二次，佢嘅開邊龍蝦，鮑魚，聖子様様都好新鮮，食完海鮮後仲有大大粒肉丸，仲有可以有豬，牛，羊打邊爐，食到最後仲南瓜粥

我是在網上看到這家的介紹, 特意跟朋友到來食開年飯 ! 點知勁失望 !1.) 我們同行3人, 我一坐低, 店員就把我前面的碗筷收走, 明明旁邊沒人坐, 卻收走我前面的碗筷! 很奇怪 !2.) 每人一碗燉湯, 深色而無味 ! 我們都喝左一口, 就放到一旁 !3.) 餐單上選4款海鮮, 一黎就已經無蟹你食 ! 龍蝦一般 ! 海蝦又瘦削 ! 蟶子 & 蚌又洗不乾淨 ! 元貝 & 蟶子伴的粉絲, 味道超差 ! 唔知係咪知道自己既海鮮麻麻地, 落勁多胡椒粉 ! 4.) 蝦丸, 豬肉丸 & 文昌雞不錯 ! 5.) 吃完蒸火鍋, 便開始打邊爐 ! 火鍋配料就已經差過任何一家快餐店 ! 牛肉, 豬肉一般貨色 ! 都叫食得落口既! 6.) 最攪笑既係.... 其他配料真係差到極點, 西洋菜無西洋菜味, 生菜就連菜味都無, 完全唔知自己食緊D咩 ! 7.) 蟹柳就唔多講, 麵粉一舊 ! 魚皮餃唔難食 ! 鴨血口感好硬 ! 鵝腸好似食丈巾 ! 反之雲吞+韭菜餃不錯 !8.) 打完邊爐, 就要食返個蒸氣鍋下面既粥, 竟然又係無味既....粥底好唔好味, 要視乎海觧夠唔夠觧味 ! 9.) 所以因為食咩都係無味,

同朋友食生日飯，呢個價錢真係幾抵。海鮮定量菜肉任食，仲有飲品同cocoberry 雪糕，我係假日去，5:30pm開頭無乜人，四人幾舒服。龍蝦，扇貝，上蒸下煮粥，個粥好綿夠入味。服務幾好，個個都好似好有心咁，唯一係又話任坐不過八點幾就好客氣咁問我哋可否讓返個位岀黎。不過人地做生意都冇所謂啦。會再帶家人朋友再去。🥰🥰🥰🥰🥰🥰🥰🥰🥰🥰🥰🥰🥰🥰🥰🥰🥰🥰🥰🥰🥰🥰🥰🥰🥰🥰🥰🥰🥰🥰🥰🥰🥰🥰

野食幾新鮮，但間餐廳有d神奇，我們一家人11人訂左台去食晚市，一開始係比ig宣傳「無限時蒸氣火鍋放題」吸引去食，無了解得咁清楚，以為坐低蒸氣海鮮同火鍋都係任食。嗰日去到坐低冇人介紹點食法，自己同屋企人睇住張紙研究左好耐大概明白個玩法係乜嘢啦，但係都有幾個位唔明就都係去問呀姐，原來海鮮係定量5係任食，但火鍋嘅肉(要叫職員落單)同外面d丸菜等自己拎嘅就任拎，覺得都正常嘅，邊有咁多海鮮任食比你呀，諗住火鍋嘅肉可以再加都好正。開始食啦，食蒸氣海鮮之前個職員放低再2個火鍋湯鍋同埋d牛豬羊肉係張大圓台(我們坐房)，我們見佢冇開個爐，我們都好乖冇去開佢，諗住跟下佢個餐牌一行一行咁去食，首先喝左湯，之後就係蛤蒸好，一路食d海鮮都新鮮，就係有d慢同埋龍蝦有一半蒸5熟要返蒸，我們睇左下覺得有d奇，點解咁慢？一望出大廳，知道咩事啦，人地2個人食用1個蒸氣鍋，我們11人食都係1個蒸氣鍋，心諗火鍋個鍋都比2個，點解咁重頭戲嘅海鮮就得1個鍋？我們因為真係好肚餓，就開左個鍋諗住煮住肉食住先，一開鍋個呀姐已經叫住我們，話未食得火鍋住，我們重有其他餸未食，我們同佢講我們真係肚餓，5會食5曬，佢就冇出聲，我們心諗其實你5

呢間火鍋店嘅環境都幾唔錯，燈光夠光猛，枱凳擺放得幾整齊，坐得都幾舒服。講返啲嘢食啦，先講嗰盤肥牛卷，望落去雪花紋理勁靚，好似一幅藝術品咁，幾秒就熟，入口即化，肉香四溢，不過同啲高檔嘅日式壽喜燒嘅肥牛比，呢度嘅肥牛油脂香味就冇咁濃郁。再睇嗰碟拍青瓜，青瓜切得幾均勻，上面嘅蒜蓉醬汁調得幾惹味，酸酸辣辣好開胃，不過青瓜有時會有少少唔夠爽脆，可能係切開之後放咗一陣嘅緣故，同街邊啲專門賣涼拌青瓜嘅檔口比，就差咁啲口感。仲有嗰碟豬手，滷得幾入味，軟腍腍又唔會太爛，咬落去啖啖膠質，不過份量就有啲少，對於我呢啲食肉獸嚟講，真係唔夠喉，同啲大排檔嘅滷豬手比，雖然味道唔錯，但性價比就低咗少少。總體嚟講，呢間火鍋店嘅食材都幾新鮮，味道都算唔錯，環境都舒服，就係有啲小瑕疵，不過平時約埋朋友嚟打邊爐都係一個唔錯嘅選擇。