鮨處松戶 (彩星集團大廈)

營業中

休息中

朋友介紹黎食其實前一次是食晚餐 , 印象唔係太深刻今次佢又約我在這裡LUNCH係彩星集團大廈間間都不是便宜貨所以很少同同事黎彩星食今次望望餐牌, 咦...又唔係好貴 (定我已經被我一班富貴同事帶壞了)由於我想食蝦, 所以已鎖定食那幾款....猶疑在那個....那個海膽我不喜歡食海膽...次次食都覺腥....(爸爸新鮮開過給我試我都頂唔順)朋友堅持你再試 , 好, 我就決定點北海道魚生飯先來是蒸蛋及湯, 叮完已飽了半主角上場了我先試海膽...一入口, am...味道唔錯bor , 滑滑不腥, 我竟然可以ko 晒刺身好新鮮 , 工文魚籽我就唔知啦, 我唔食的最後加上雪糕一球, 完美完結$130 價錢都算合理 ps 如果男人可以未入夠飽回味海膽中~ 好想快點再食一篇

去年來過這家, 印象中味道唔錯!可是近几個月來, 這大樓較低層位置正在裝修.還以為整個商廈都關閉呢!今天和同事再到這家日本餐廳午餐.經過接駁電梯, 再轉乘至餐廳樓層.職員馬上安排入座, 仲有毛巾抺手呀上次試過燒鯖魚定食, 這次依舊.職員先上日式蒸蛋(茶杯呈上)這是每個定食都有的.上面有一塊葉, 係什麼葉呢?再食至中間, 杯內有鳴門卷, 蟹柳及白果.蒸蛋當然係滑LUT LUT啦, 但很重蛋味(唔係蛋漿勁溝水果種)燒鯖魚定食HKD 80所有配件都擺放整齊,先喝一口湯, 內有油豆腐皮呢!腐皮雖然軟軟的, 但口感頗特別.開始動手食燒鯖魚了!  才發現没有那個酸酸的汁呀!一般日式放題或餐廳, 都會附上一小碗/一小碟酸酸的汁, 用以沾燒鯖魚!雖然不知道如何稱呼這個醬汁, 但同事都知道欠缺這個!於是向女職員提出要這種汁,這位職員竟然說 : 用枱面果樽豉油淋上去咪得囉!淋豉油??? 清蒸魚咩!!!!!!!! 呢度唔係食中菜喎!!!!!!!我心心不忿, 於是搵經理.他見到枱面, 馬上了解欠了酸汁, 並為我安排呢.擾攘一番後, 燒鯖魚雖已放涼!但仍然是又滑又多汁, 燒得剛剛好呢!如果在上枱時, 馬上品嚐,

有朋友生日佢好鍾意食日本野, 另一朋友介紹食呢間話有半價刺身~  樓上店, 唔講都唔為意同唔會諗起呢度~~ 裝修似居酒屋同客人應該都主打日本人~~半價刺身拼盤有3款, 壽司拼盤都有幾款, 我地叫左1個大刺身拼盤同2個壽司拼盤, 再叫其他小食~~服務ok同都好態度, 但朋友生日, 買左蛋糕切, staff只係原盒上要自己開, 就比較扣分, 之前打去問佢收唔收切餅費時, 佢只話同要同師傅一齊切先要收費(驚聽錯,我有double confirm係同師傅切???) , 但我心諗三唔識七同師傅切!!??? 好奇怪..... 不過所有食物都有水準, 當然食刺身同壽司拼盤最抵,無話半價就將貨就價, 會想再去~~

得悉鮨処松戶是因為上次到附近的Fandango時遇到一群日本戶紛紛都到８樓去光顧心想能吸引一班當地食戶必定有其過人之處趁着日本料理的心癮起之故特地走去看看這松戶一室的庭院裝修很風韻，榻榻米房很吸引，下次黎可以多叫幾個人菜單上很多罕見品，看來食材選得很嚴謹半價特上刺身拼，質素依然有保證，海膽Toro高質素唔洗講，鯛魚與玻璃蝦都好爽 (9/10)追加兩件壽司滿足大胃口，入口即溶的吞拿魚食幾多都唔夠喉 (9/10)吞拿魚鮫唔係度度有，一向喜歡佢冇三文魚咁油，雖然這個鹽燒有啲燶過頭，但皮脆肉嫩口感依然好 (8/10)喜歡鍋燒烏冬的鰹魚湯頭，烏冬又煙靭有咬囗 (7/10)店家送的餐後甜品，唔特別但濃郁得很 (6/10)吃得出這小居酒屋很用心從食材、煮法到招呼都很認真簡簡單單卻很誠懇很有日本店家的的神韻

見到網上既好評，特意上星期五去呢間餐廳慶祝女友生日平時都唔會打食評,但今次經歷真係太差,一定要寫出黎,希望其他人唔好中伏.....但一入門口已經傳黎一陣陣煙味，食到一半先發現原來係包房入面傳出，估唔到室內都容許食客食煙食物方面，侍應一開始俾左每人一碟前菜，食完埋單先發現原來收50蚊，覺得俾人搵笨咁，正常餐廳都會問客人需唔需要先安排，點解之前既食評都冇提到呢點？之後我地叫左個壽司拼盤特上，大部分質素一般，海膽尚算鮮甜，吞拿魚亦幾好食,另外叫左個明太子炒意粉 好細碟 完全冇明太子味只食到啖啖公仔麵調味粉味 而餐廳環境亦好嘈，因為一邊係房開緊party，隔住門都聽到，另一邊個壽司師傅竟然做做下野飲醉左，期間大吵大鬧，要其他幾個職員幫手送佢休息最後兩個人食左成700, 性價比低,同樣價錢係尖沙咀仲有好多更好既選擇整體黎講都唔需要點講，唔會recommend去呢間日本餐廳

或許是「近朱者赤,近墨者黑」的關係, 友人們最近也十分鍾愛日本菜,每次聚會也自自然然的選擇日本菜, 我自然樂於搬出一堆堆提議。 星期五晚上的尖沙咀, 當然人來人往, 擠滿了滿心歡喜迎接週末的上班一族。那些人氣的日式料理店, 不是滿座,便是要等上一小時。幸運的是尖沙咀一帶有不少樓上的日式料理店, 不少也比較隱蔽, 若果不是平日有特別留意也不會發現或光顧。我在wish list上選了這間帶著「不起眼的好東西」綽頭的餐廳碰一碰運氣。一步出升降機, 便「松戶」兩隻大字映入眼簾。 餐廳的門面採用了木為主題, 另外添置了此植物作裝飾, 讓人覺得彷如頓時離開了繁雜的香港, 進入了另一個優閑的小世界。一步進餐廳, 這個充滿日本風味的小包廂立即吸引了我們的目光。服務員敞開門過來招呼我們, 敝見包廂內是一張可坐6-8人的塌塌米,另外餐廳的裝修主要採用了深色的木製品, 滲透著日系的優閑與簡潔的感覺。七時許,餐廳也差不多滿坐了,就只餘下壽司吧的數個坐位。很幸運的, 我們等了十分鐘便有空的桌子。食物的種類繁多,無論冷盤熱食也一應俱全。但走進餐廳的途中,我們也好奇看看其他的客人的菜式時,大家也被魚生和壽司所吸引,

媽咪生日 決定再來呢間食!! 上網BOOK位, 刺身有半價感覺真係好抵~記得3年前來過食已經覺得好好食而且好平!$7X就有一大盤, 但用料絕對唔馬虎, 胃口細既女仔分分鐘食一個都飽了雜錦刺身(特上)  印象最深都係個吞拿魚...脂肪夠多 成塊都係粉紅的.. 入口即溶咁滯..美中不足係有少少筋, 海膽都好新鮮, 蝦又大隻又甜~口感係膏膏的成口都係~~可惜冇左三文魚子... 之前來食過雜錦刺身係有的>_<附上3年前的相: *右上角PS: 此店既三文魚子好甜的! (刺身沙律入面都有)唔好睇小上面細細的吞拿魚壽司卷, 味道一點都不普通~ 魚味好濃證明夠新鮮~一人兩粒都覺得唔夠3個人按自己喜好簡不同既壽司食, 我就最冇所謂食邊隻都得,我記得有吞拿魚, 油甘魚, 蔥吞拿魚碎, 海膽, 甜蝦, 三文魚子, 玉子, 凡立貝, 其餘都冇印象, 但聽家人講係好食同新鮮的~~而且D壽司飯 醋同軟硬都岩岩好, 夾落亦唔會散 不錯!其實此店仲有吞拿魚壽司SET叫, 有齊唔同PART吞拿魚, 不過怕家人唔喜歡所以沒叫附上3年前的相:記得由最深色開始食起~愈食愈香! XP炒麵意外地都好食!  掛住食

女人就話大肚會轉口味，筆者男人老狗，唔知發生咩事，呢排忽然好想食壽司。繼早前在荃灣吃過平價的街坊壽司後，今天約了朋友晚餐，我也不其然的提議去食壽司，幸好對方又是「順德人」。總覺得彩星大廈的任何一間食肆，均是有水準的，而且地點較方便我，所以我又打這裡的主意了。最後，來了這裡，因為這是全幢食廈唯一一間我沒到訪過的，自然有興趣。我好簡單，有壽司食就可以，其餘的菜色，就由朋友揸Fit便是。對方好健康，先挑了松戶海鮮沙律。份量原來好大，兩個人食就要好盡力才行，大量的什錦刺身，如三文魚、吞拿魚、蝦、三文魚籽等等，加上沙律菜，好豐富，而且色彩繽紛，令人食慾大增，各款刺身新鮮，是個很好的選擇。脆卜卜的三文魚籽，更能收畫龍點睛之效。還要了牛油燒帶子，送上來時香氣陣陣，自行灑一點檸檬汁，可以減低一些膩感。帶子味道不俗，厚身之餘亦不會很韌，吃了兩大隻，好飽肚。我點的什錦壽司 (特上)，有七件壽司，仲有軍艦和吞拿魚卷，以及玉子，好豐盛，口水險些兒要流下來。全都很新鮮，飯糰亦握得對辦，個人最喜歡吞拿魚腩，脂香豐腴，餘韻悠長。帶子都唔錯，厚身又鮮甜。日本的雞蛋 (玉子)，從來討我歡心。雖然只是三款食物，不過份量頗

遲疑於點$120還是$220的壽司SET，看到吧枱沒有一個日本師傅，還是試試$120的看看好了。由於不太偏好三文魚籽，跟侍應要求換別的給我…之前有食評說蒸蛋等很久，但我的蒸蛋很快便上桌了，而且非常滾熱辣…對於現在夏天來說是不太合適。內裏有少少菇、一粒白果、蟹柳等，對板但無甚特別。以$120的價錢，吃得到中拖羅和海膽，覺得滿划算的，而且魚生很鮮甜，不過飯則嫌稍硬，碟邊的WASABI是粉開的，不過$120當然不能要求太高。是日沒吃早餐(平日有吃早餐習慣)，可能本人食量不大，覺得份量足夠，加上結尾的荔枝雪糕，甚為滿意的一餐。下星期再去吃$220的壽司看看。

在尖沙咀上班的這幾年，午飯時段吃得最多的是日本菜，而最經常光顧的便是這間松戶，因為就腳，我們稱之為和食飯堂。基本上MENU中的大部份$100 以下的午市定食全都食過, 心水項目為三文魚親子丼、銀鱈魚定食、燒牛扒定食，每次也點這幾款，或者偶爾試試當天日替也不錯。這一天和同事共進午餐，因為實在有很長時間不能吃魚生，現終可吃時，便點了一個最貴的魚生飯，竟然帶來不少驚喜~~!!所以也就給了它這一個讚好食評~!$130的魚生飯, 有三文魚、大蝦、海胆、帶子、油金魚及三文魚子~好豐富，而且所有刺身都好新鮮。飯好好食，我竟想加飯，侍應隨即送來而且原來加飯是不用加錢的。午市定食還包括蒸蛋及餐飲/雪糕，真的好飽!之前魚生飯我比較多在同座大廈的壽司廣吃，因較有信心保障；想不到這間的也不錯，價錢也OK，下次也會再吃這個菜式~ 

$100喺尖沙咀午飯時間搵食，話貴唔貴，但就絕對唔叫平！點解唔值？1. 服務質素好麻麻，但凡午餐都包的蒸蛋，甚少係同時上菜，次次都要追，次次都會話蒸緊⋯2. 員工質素都麻麻，好簡單，雪糕咩味都講唔清楚，落兩杯飲品都要問兩三次，要走返黎問其實叫左咩野飲。但都難怪侍應們，因為好明顯人手不足。3. 食物唔難食，但又唔叫好食。但若然唔好食，可唔可以價錢相宜返啲啲？百元壽司餐包括：（1）蒸蛋，上菜時間不定，但味道不錯，亦熱辣辣（2）5件壽司加3件小卷物，海膽幾乎無味，其餘幾件還不錯，不過因士可能唔夠飽。（3）烏冬，純粹係怕你食唔飽，同好味扯唔上關係（4）餐飲或雪糕，雪糕要讚，因為成個拳頭咁大，最抵食！野飲選擇極少，檸茶都無，比一般餐廳細杯啲

飯局一頓接一頓，有你們真好，這晚跟劉總來到這吃飯日本料理...在我腦海裡的都是些連鎖的餐廳，而他就選了 鮨處松戶很新鮮的名字，但原來心底裡它也是我的名單之一，只是遺忘了7點多抵達，客人還不算很多我們被安排坐在寬敞的卡位中，也發現到來這邊的很多都是老主顧來的跟服務生們都很熟，大家說說笑笑的身後的吧台座位可以邊看著師傅們專心的在做壽司邊用餐櫃裡閃閃亮亮的魚生每款看起來都很可口耶...可以都來一份嗎？！才剛拿出相機，服務生就貼心的送上熱暖毛巾以及 清甜的蘿蔔絲煮雞肉，這前菜也做得頗美味邊滑手機邊靜靜的等待這淡淡微苦的綠茶配刺身壽司還不錯看到鄰桌點的沙律很吸晴，也難得我這個不健康的也想點來吃吃耶它是 鮨處松戶海鮮沙律 ﹝HKD$85﹞切成大顆丁狀的魚生，口感很豐富裡頭的種類也很多，加上鮮甜啵啵的三文魚籽，微酸的醬油配上爽脆新鮮的沙律菜～一整個都 好！喜！歡帶子牛油燒 ﹝HKD$75﹞一客大概有4-5隻肥美肉厚的帶子襯以我愛吃的菇菌，單吃會容易出現滯膩感，擠點檸檬汁增添酸酸的香氣提鮮之餘，也減低了膩感～ 可以好好享受那鮮甜味雜錦壽司裡有3款選擇，上、特上跟吞拿魚腩手握壽司最後選了 特上 ﹝HKD

某個週末和鬆弛各自出席活動後，直接去友人旳燒烤活動至半夜，累極的我們睡至一點多才起床，起來後鬆弛提議吃些清淡點的，本來打算去吃素菜，但最後選了壽司，壽司也不錯，都算是清淡的選擇。擔心壽司店落場，所以決定去最近的尖沙咀看看，再在車上搜尋一下。沒想到尖沙咀的壽司店都吃了不少，最後看到彩星中心的幾家日本料理，原來都沒有去過，就去走一趙。到達時差不多兩點，店內的客人不多，坐下就急急的點餐。午市套餐選擇不少，價錢最貴的自選壽司二百多元，不過在這種比較港式的日本餐廳，很少會點自選壽司，最後分別點了北海丼($120)和三色丼($180)。點餐後送來兩客蒸蛋，材料只有蟹柳和銀杏，沒有平常的冬菇和雞肉，味道沒那麼鮮味，蛋也不算十分滑溜，但自己本來就愛吃蒸蛋，所以都可接受。等了不一會，三色丼跟北海丼已一起送上，賣相對版，已餓壞的我們快快地的拍了照便開動。三色丼($180)。三色應該是三文魚籽、海膽和蟹肉，不過店員說沒有三文魚籽，所以換成蔥吞拿魚蓉，不過在後來送上的北海丼裡發現三文魚籽的蹤跡，真奇怪。海膽的味道比想象中甜，丁點腥味和苦澀味也沒有，質素不錯。蔥吞拿魚蓉剁得挺幼細，魚油豐富但覺得魚味略淡。蟹腳肉

呢度既Lunch Set 平均都百幾蚊，唔係公司請真係唔會食咁貴。刺身●壽司定食我地黎之前已經叫定野食，但得個名，無圖睇，所以唔知咩樣。我個餐一黎到，嘩！好靚！跟住就係無喇？飽唔飽架？無錯就係得見到咁多野食+麵豉湯+蒸蛋。刺身得五塊同一兜仔，壽司得五件，啲飯仲少過爭鮮果啲。食得出刺身係真係新鮮，唔同平果啲。但除左呢樣就無野值得讚。定食唔係應該好飽既咩？我都唔算大食，但食完真係唔飽，返公司仲要食零食。

這一間餐廳，一年前你試過後已經說要一齊再去一次。今日時間地點都夾到，上到去，餐廳未營業，但可以先入內等待。餐廳內已有幾枱食客等候，等了一會，濕毛巾及熱茶已上。趁這個時間，研究一下menu。 午餐定價由一百多至二百多，包了碗蒸蛋，前菜，餐飲。本想食鰻魚定食的，但當見到西京燒銀鱈魚後，就放棄了。你點了一個火灸雜錦魚生飯。我的先到，蒸蛋蛋味重，滑身但亦都較硬，不過都好好食。銀鱈魚兩邊燒得香脆，有兩大片，一夾的時候會遂片分開，證明魚質很好。入口後滿滿的魚油香，好好味~~~你點的火灸雜錦魚生飯隔左一陣都到，碗內佈滿了各款魚生刺身(有三文魚、三文魚籽、蝦、蛋同一d白魚)加上輕微燒過後發出的香味。令到本身唔食刺身的我都食左兩啖，刺身不會太腥(對唔食刺身既人, 魚鮮味係腥)，加上三文魚籽都好好味。有機會再去食既我都可能會比次機會佢  餐廳服務不過不失，但有少少奇怪，餐飲無檸檬茶，得檸水或者咖啡。亦都可以選擇食雪糕