鮨点

營業中

休息中

終於捱到星期五啦🥹為左獎勵自己返左一星期工，我決定約朋友行街食飯Happy Friday😊平時食飯都係去開尖沙咀旺角多，今次就去沙田行下，行行下睇下有咩好食就比我搵到間新開既壽司店，既然未食過一於就去食下😬.職員親切有禮，而餐廳外面有外賣壽司盒同刺身，如果唔想堂食可以買外賣返家慢慢嘆😏近年好多壽司店都用高速列車運送食物比客人，佢唔似得某壽司店甘會好嘈😂食物到左會靜靜地出現係你面前，讚！.豐盛雙蝦刺食 $38兩款蝦刺身都鮮甜彈牙，幾新鮮.香蔥汁燒日本和牛壽司 $20和牛有牛脂既香味加上肉質鮮嫩再配上炸過既洋蔥絲，味道好match 好食，鐘意食牛既一定要叫呢個.呑拿魚三品壽司 $44呑拿魚有驚喜，雖然油脂唔算多但係件件都大塊入口鮮甜，而呑拿魚蓉質感幼滑，件件都好食.鮨點豐之卷 $52卷物上放上呑拿魚蓉，三文魚子同海膽，超豐富，卷物入面有青瓜絲夾埋一齊食好fresh之餘又好滿足.黑松露軟殼蟹反卷 $68同朋友傾左好耐計先開始食呢個反卷，反卷好濃黑松露味擺左甘耐軟殼蟹依然好脆口，而且頭尾都有大件軟殼蟹，好足料，呢個真係大讚！！.花漾三文魚蟹肉杯 $34杯入面佈滿蟹肉同三文魚子，仲有三文魚扮成玫

肥美嫩滑日本A4牛 牛肉同好不妨試試2022/11/27疫情下嘅假日就係想出街行吓，明明已經係屋企食咗好多麵包，被日本A4牛肉壽司的promotion 所吸引。共3款A4牛，我哋點了其中2款，最值得一讚係圖文相乎。2款牛肉都好嫩滑，配合唔同醬汁香口而不同香味。👍🏻香辣日本和牛卷牛肉粒及卷物上的牛肉都👍🏻香口嫩滑半生熟狀態，可惜肉塊🤫根位較多咬得有啲辛苦，👍🏻牛肉厚度十足，食落好滿足。🤭卷物有雞蛋，青瓜片口感齊備，大小剛好。少少辣味，剛好食中辣嘅香料粒粒會好想飲水。👍🏻炙燒蒜香三文魚邊肉（右）三文魚邊很肥美配上香蔥，炙燒過後香口好味，炸蒜非常搶味，配合得好好🙆🏻‍♀️令人忍唔住口。👍🏻香蔥汁燒日本和牛壽司(左）推薦👍🏻⭐️牛肉上的香料燒得非常香口，脆脆的香料配搭醬汁，混埋肥美的牛肉，令人有encore 即衝動。😂桌上🤨的玄米茶包都需要時間先出味，茶味偏淡，或許轉為採用茶粉會更快入味。🙂三文魚籽壽司一直很喜歡大大粒嘅魚籽，紫菜還好唔算太淋，魚籽一般，普普通通。👍🏻虎蝦壽司蝦肉大隻，鮮甜可口，好食。👍🏻炸日本廣島蠔炸粉非常出色鬆脆可口，上菜時新鮮炸起每件都燙口🙆🏻‍♀️蠔肉無食得出特別鮮甜或新鮮，

它有點像壽司郎的格局都是獨立卡座 點完後食物會直接速遞到座位整體壽司質素都相當不錯 性價比相當高👍🏻牛油果吉列炸蝦反卷炸蝦屬於大size的海蝦 一口咬不下整顆壽司雙色刺身盛兩種都很肥美～烤三文魚鮫有海鹽調味 三文魚不會腥 不過如果更熱上枱更好海膽三文魚籽鹽炙日本和牛和牛雖然未到入口溶化的地步 但牛味都相當重 柚子胡椒吞拿魚中腹感受到一塊脂肪放入口中的感覺🤤入口滑溜本鮪大拖羅壽司味道正正常常 鮮味不重鮨味天婦羅很有趣的組合 鮮蝦和海膽置於炸海苔之上 多重鮮味和口感極鮮蟹天丼 最喜歡這道 原隻炸軟殼蟹炸得酥酥脆脆 蟹膏、蟹肉和蟹籽和米飯混和在一起 啖啖鮮味香梨芝士蛋糕最後以一件甜品作結😍最後更在店門外買了兩盒外賣壽司回家～價錢都相當便宜 會再光顧的👍🏻

前兩日經過沙田廣場間新開嘅迴轉壽司，見到都幾多人，應該唔差掛，仲有個外賣嘅櫃擺咗好多盒壽司，望落都ok😆豐盛雙蝦刺身:有甜蝦同赤蝦，兩款都夠彈牙夠鮮甜。吞拿魚三品:呢個吞拿魚都幾有驚喜，三樣嘅油脂都唔算好多，不過好香好好味。三文魚蟹肉杯:蟹肉都好多，加上我最愛嘅三文魚子，同幾塊厚切三文魚，口感豐富，非常唔錯🥰芝士蒜蓉扇貝：呢個扇貝都幾大隻，有兩隻味，一邊係芝士味，一邊係沙律醬，我就鍾意芝士味多啲。鮨味天婦羅：呢款天婦羅好特別，下邊係炸嘅天婦羅紫菜，上面係甜蝦再加啲魚子，又香又甜，而且唔會炸得好油。香蔥汁燒日本和牛壽司: 選用九州產A4和牛，肉質鮮嫩，油脂均勻，$20就食到☺️黑松露軟殼蟹反卷：呢個份量十足，好似食咗一個丼飯咁。黑松露醬都幾多，軟殼蟹都夠香脆。蜜桃脆脆粒芭菲: 呢個甜品都有驚喜，佢嘅雪糕好好味，啲黃土就甜咗少少，不過撈埋雪糕同埋啲脆脆食又啱啱好，食完壽司記得試吓啦。餐廳環境唔錯，不過最大問題係冷氣太凍，建議校細啲個冷氣，客人就會食得更開心。

平時去沙田都會直入“新城市”逛逛，今次一出閘行過某珠寶店、見旁邊有通道推門原來就係沙田廣場。望到呢間壽司舖格局光猛新淨、價錢唔算貴最重要唔駛等位，入去食下sushi都好喎。職員們幾有禮貌亦幫忙，座位點餐後會有壽司列車載著食物到客人面前，同長龍店個運作差唔多豐盛雙蝦刺身 吞拿魚三品壽司花漾三文魚蟹肉杯海膽三文魚籽鹽炙日本和牛香辣日本和牛卷鮨味天婦羅 脆蜜糖手羽 松葉蟹肉四鮮丼 蜜桃脆脆粒芭菲$400有找食得咁豐富算係咁。雙蝦刺身令立立幾鮮甜，吞拿魚三品壽司嘅拖羅魚肉甘香，鹽炙日和牛有牛脂香、加埋海膽三文魚籽無得輸。三文魚蟹肉杯嘅三文魚幾肥美蟹肉份量多味偏淡，加醬油好食啲。香辣日本和牛卷味道幾特別亦唔太辣接受到。松葉蟹肉四鮮丼啲蟹膏夠鹹鮮撈飯好、帶子幾嫩。手羽可以再入味啲，蜜桃芭菲甜入心仲有脆脆啱晒咀嚼控

難得同朋友聚餐，決定三人行試下哩樣新開無耐既餐廳，先俾個結果論，情寧落樓下食大喜屋都無禁嬲圖1 三文魚／吞拿魚質素一般，有小小雪味，都算佢！心諗壽司唔得，照計炸野都ok掛，點知豆腐啲汁太酸，完全唔夾。炸雞太乾，尤如M記／KFC放左好耐既炸雞圖2 個松葉蟹肉仲可以食到雪粒，完全唔得喎！唯一可取係和牛壽司不錯。圖3 先黎玉子燒，同出面坊間相比太淡，味道似平時雪藏個啲。再黎就係牛舌串燒，得一面有燒過既痕跡，完全係用水恰熟到一定程度後再係禁意燒下，再加上味粉，完全唔得食物唔得，不過環境同服務都ok，員工都勤力！

呢間壽司店喺沙田開咗唔算耐但作為沙田友有新嘢一定試依家食物質素都高而且價錢亦都唔貴如果食生冷嘢嘅朋友一定要試佢嘅拖羅😽如果唔食生冷嘢嘅朋友佢嘅熟食都一樣咁好食蟹柳鰻魚壽司呢啲都係必叫😽燒牛小排壽司同埋椒鹽鮑魚都一定要嗌🤤甜品蜜桃芭菲都好好食🤤🤤🤤🫶🏻

無意中係沙田撞撞下入左去試鮨點，雖然附近住宅平台已雲集唔同既壽司舖，但鮨點真係俾到我驚喜，款式夠多，種類都好多，咩都有，特別係吞拿魚，有款係紫菜底，上面勁多吞拿魚蓉，同埋有期間限定既和牛壽司，都幾Juicy，但有款睇相都見好重七味粉個款就麻麻地記憶中佢有貝之盛刺身，好滿足到愛貝者！重有燒雞翼都好正，佢熱食算好多，所以好適合一家大細黎，小朋友都揀到野食，又唔洗好似去元氣同壽司郎咁排隊排到暈最後桃味雪芭甜品又出奇地好食，佢既脆脆幾夾😋所有野都大大件，性價比超高！如果我住附近，應該係我食壽司既首選～

鮨点 (沙田).係佢未開張嘅時候已經比佢個名吸引左🤭個人覺得佢有啲似大排長龍嘅壽司連鎖店！.▪️ 雙色刺身盛 ▪️.三文魚，加上油甘魚，作為頭盤啱啱好.▪️柚子胡椒吞拿魚中腹 ▪️.柚子醬係面，呑拿魚中腹入口較爽.▪️本鮪大拖羅壽司 ▪️.入口半化(˶‾᷄ ⁻̫ ‾᷅˵)一件好似$27，喜歡食拖羅之人可以一試！.▪️ 海膽三文魚籽鹽爽日本和牛▪️.半熟嘅和牛充滿油脂感，上面仲要邪惡地有三文魚籽同海膽係上面！.▪️牛油果吉列炸蝦反卷▪️.牛油果滿滿，沙律醬再加上脆卜卜嘅吉列蝦反卷！.▪️鮨味天婦羅 ▪️.好多甜蝦再加上海膽放係紫菜脆上面，價錢唔貴但賣相吸睛.▪️芝士蒜茸扇貝▪️.充滿芝士係面，下面蟹柳包住成粒元貝！.▪️極鮮蟹天丼▪️.😂勁大隻天婦羅蟹，下面仲有蟹肉碎同蟹糕，搞拌一起就勁好食！.▪️北海道巴斯克蛋糕▪️.之前食過同事整嘅先識呢隻蛋糕🤭 入口係厚實嘅芝士感，焗到個面好似葡撻咁，好香！.📌 鮨点 (沙田)沙田沙田正街21-27號沙田廣場3樓33號舖.環境：⭐️⭐️⭐️⭐️味道：⭐️⭐️⭐️⭐️服務：⭐️⭐️⭐️⭐️價錢：⭐️⭐️⭐️⭐️.

身為沙田友，當然要喺沙田捐窿捐罅搵好嘢食啦😜😜響沙田想食壽司？！又多一個選擇啦：「鮨點」～.點菜方式，有少少似壽司郎，不過唔洗排長龍😜至於食物種類都幾多，可以慢慢揀、慢慢歎🥳.。豐盛雙蝦刺身：兩款蝦刺身都鮮甜爽口，幾新鮮👍🏻。吞拿魚三品壽司：其實我好鍾意叫一碟三件唔款嘅壽司，就算同行者唔食，自己一個人都可以食多d唔同口味！今次嘅大拖羅當然最吸引，下次再encore🥳。花漾三文魚蟹肉杯：用料豐富，賣相仲好靚添！。海膽三文魚籽鹽炙日本和牛：鹽炙和牛好嫩滑，加埋三文魚籽更香口😍。香辣日本和牛卷：飯卷沾滿左七味粉，再包一塊嫩滑嘅和牛，夠晒惹味！。鮨味天婦羅：蟹子、海膽、甜蝦，只要食材夠新鮮，呢三樣野加埋真係冇得輸！再加埋脆卜卜嘅天婦羅薄片，好味道😋。脆蜜糖手羽：去皮蜜糖雞翼，熱辣辣、香噴噴，有甜又好味。松葉蟹肉四鮮丼：蟹迷一定唔可以錯過！四款食材入面，蟹膏特別香濃，好滿足🦀。蜜桃脆脆粒芭菲：最後食埋呢杯口感豐富嘅千層雪糕，呢一餐已經飽到捧住個肚.兩個人咁樣食法，都只係$400有找！太抵啦🥳🥳🥳

平時沙田反工 放lunch已經念唔到食咩好🥹最近沙田廣場開左呢間鮨点既壽司店 有高速列車送上食物🙈午餐同單點既價錢唔貴 未試過而好奇心驅使下 就拉左同事過泥食啦😂如果唔想堂食 門口仲有外賣壽司盒、刺身 睇落都好新鮮👍🏻價錢同食物質素都成正比😍▫️豐盛雙蝦剌身 ▫️花漾三文魚蟹肉杯▫️吞拿魚三品壽司 ▫️香蔥汁燒日本和牛壽司我地叫左幾款唔同既壽司刺身 食落好新鮮 價錢都唔貴 份量都唔少 個人最愛和牛壽司 大大舊好厚身 肉味濃郁又充滿油脂感💓 吞拿魚三品分別有中拖羅、大拖羅、吞拿魚蓉軍艦 食落拖羅好肥美 充滿光澤 吞拿魚蓉質感幼滑 入口即溶🔥▫️鮨点豐の卷▫️黑松露軟殼蟹反卷驚唔夠飽 就叫左兩款卷物😂 超級有特色同驚喜 小卷上放滿吞拿魚蓉 海膽、三文魚籽、口感好夾 食落濃稒感十足 好滿足！▫️鮨味天婦羅▫️芝上蒜蓉扇貝▫️香脆雞軟骨炸物同燒物都唔錯 同同事share食 炸到好香口 即叫即炸熱辣辣 份量好足✨芝士蒜蓉扇貝好邪惡 大大隻好新鮮😍▫️蜜桃雙層脆脆粒芭菲食到最後 叫左個甜品💓酸酸甜甜既口感好解膩！

【沙田】輕鬆價位壽司店⭐經常會經過沙田，都會很留意沙田市中心附近是否會有新餐廳進駐，今次來的位於市中心的沙田廣場，一間新開張不久的壽司店〔鮨点〕，店內顧客可利用平板電腦查看餐牌及點餐，亦有近幾年新興的自動高速列車軌道及輸送帶，以高速把食品由廚房直接送到顧客面前，方便快捷又省時。今次品嚐了店內期間限定的〔王樣の宴〕 【海膽三文魚籽鹽灸日本和牛】，用了日本九州產A4和牛做成新創作壽司，配上海膽及很有口感的三文魚籽，和牛除了牛味香濃，油脂均勻，入口更有陣陣牛香。店內炸物亦是炸得很香脆，及沒有太多油膩感。而【本鮪大拖羅壽司】，魚油花紋雖然不算明顯，但入口味道肥美，最後【味鹽烤三文魚鮫】，三文魚鮫烤得肉質香嫩。基本上店內食品價錢屬輕鬆價位，難怪店內未夠六時已經坐滿人。⭐海膽三文魚籽鹽灸日本和牛(HK$26) (期間限定)⭐本鮪大拖羅壽司(HK$25)⭐柚子胡椒吞拿魚中腹 (HK$28)⭐味鹽烤三文魚鮫(HK$28)⭐豐盛雙蝦刺物身(HK$38)⭐牛油果沙律醬炸吉列蝦反卷⭐鮨味天婦羅(HK$28)⭐北海道巴斯克蛋糕(HK$26)⭐極鮮蟹天丼(HK$68)🌟堂食設加一服務費〔鮨点〕香港新界沙田沙田正

沙田嘅朋友仔又好口福了，新開左一間壽司店，裝修風格同壽司郎有啲似，都係以卡位為主，所以坐得好舒服，可以同朋友一齊黎食，仲可以用gulu提早攞定飛，咁就唔使排隊好耐食物種類好多化，除咗有壽司🍣，刺身，仲有好多炸物，特色卷物，午市仲有好多特惠定食，仲有下午茶，啱晒唔同人士的需要見到佢嘅Menu主打中拖羅，大拖羅，仲有和牛壽司，當然唔可以錯過✨豐盛雙蝦刺身$38有兩隻玻璃蝦同埋五隻甜蝦，呢個價錢食到兩款蝦刺身CP值超高，玻璃蝦好爽口，甜蝦好creamy，刺身都好新鮮✨鮨味天婦羅🍤$28非常有創意，最底係紫菜天婦羅脆片，上邊有幾隻甜蝦，海膽，蟹籽，可以話雙重口感，一咬落去先有creamy感覺，食到底就好脆口，超級鍾意依個組合✨吞拿魚三品壽司🍣$48分別有中拖羅，大拖羅，吞拿魚蓉軍艦，拖羅極度肥美，入口柔潤鮮甜，吞拿魚蓉質感質幼滑，紫菜仲好脆口✨花漾三文魚蟹肉杯$38打卡影相一流，三文魚整到好似玫瑰花咁靚，三文魚有兩塊，非常厚切，杯底一絲絲嘅蟹肉，超足料，蟹肉仲好鮮味，面頭仲有三文魚籽✨香蔥汁燒日本和牛壽司$20必試推介，蔥絲炸到好香口，和牛炙燒到五成熟，入口即溶，一啲根位都無，牛味極濃✨鮨點豐

好難食價錢貴唔抵食叫咗九樣嘢三百幾蚊天賦蟹飯啲蟹膏腥電烏冬不熱蟹呢根本係完全成隻打落去連殼都畀埋你蟹子呢就係好似狗糧咁樣咁乾，壽司畀bb手細唔抵食同埋一件和牛壽司36蚊兩件義烏冬係雪櫃攞出嚟連湯都係唔熱㗎

見到門口好多人等位，一於去試下依間日式料理。野食款式多，用平板落單，旁邊火車仔送野食黎，落單好方便。野食都ok好食，但配合價位的話，cp值不高。野食可好改良味道再突出一些。服務方面職員態度好好，整體食得都好舒服。