鮨点

營業中

休息中

前兩日經過沙田廣場間新開嘅迴轉壽司，見到都幾多人，應該唔差掛，仲有個外賣嘅櫃擺咗好多盒壽司，望落都ok😆豐盛雙蝦刺身:有甜蝦同赤蝦，兩款都夠彈牙夠鮮甜。吞拿魚三品:呢個吞拿魚都幾有驚喜，三樣嘅油脂都唔算好多，不過好香好好味。三文魚蟹肉杯:蟹肉都好多，加上我最愛嘅三文魚子，同幾塊厚切三文魚，口感豐富，非常唔錯🥰芝士蒜蓉扇貝：呢個扇貝都幾大隻，有兩隻味，一邊係芝士味，一邊係沙律醬，我就鍾意芝士味多啲。鮨味天婦羅：呢款天婦羅好特別，下邊係炸嘅天婦羅紫菜，上面係甜蝦再加啲魚子，又香又甜，而且唔會炸得好油。香蔥汁燒日本和牛壽司: 選用九州產A4和牛，肉質鮮嫩，油脂均勻，$20就食到☺️黑松露軟殼蟹反卷：呢個份量十足，好似食咗一個丼飯咁。黑松露醬都幾多，軟殼蟹都夠香脆。蜜桃脆脆粒芭菲: 呢個甜品都有驚喜，佢嘅雪糕好好味，啲黃土就甜咗少少，不過撈埋雪糕同埋啲脆脆食又啱啱好，食完壽司記得試吓啦。餐廳環境唔錯，不過最大問題係冷氣太凍，建議校細啲個冷氣，客人就會食得更開心。