鮨樂 (如心廣場二期)

營業中

休息中

今日難得放假，對自己好啲，同親友去咗荃灣西如心廣場鮨樂嘆日本菜，食材源自日本，超級新鮮，大大推介！😍😍1. **鹿兒島和牛西冷巨切壽司** 來自日本鹿兒島的和牛，以其細膩的油脂和豐富的口感著稱。這款壽司選用大塊的西冷牛排，經過輕鬆的炙燒，展現出牛肉的鮮美和多層次的味道。2. **海膽牛油蟹湯掛稻庭烏冬** 這融合海鮮與濃郁奶油，用新鮮海膽和蟹肉搭配牛油，熬煮成香濃的湯底，搭配日本稻庭烏冬的細緻滑嫩，口感層次豐富，令人回味無窮。3. **岩蠔** 來自日本海域的岩蠔，肉質鮮甜多汁，帶有海洋的鮮美。岩蠔通常生食，展現其原始的鮮味，為筆者最愛。4. **清酒煮日本大蜆（北海道）** 北海道產的大蜆，經過用清酒慢慢燉煮，豐富的酒香與蜆肉的鮮甜完美融合，既有濃郁的風味，又保留蜆的鮮美。5. **山幸.本鮪（壽司盛合）** 由山幸提供的本鮪（本地鮪魚）壽司盛合，匯集多款不同部位的鮪魚，展現其細膩的肉質和鮮甜，是壽司中的經典之選。6. **原條關池魚刺身（大分縣）** 來自大分縣關池的生魚片，選用新鮮的魚料，切片後呈現原條狀態，肉質鮮嫩，味道純淨，展現日本在海鮮捕撈與保存上的高超技藝。📍

好掛住日本啲新鮮刺身，呢晚就搵咗呢間荃灣嘅日本菜，叫咗佢哋嘅日本真直送Menu，入面樣樣刺身都好新鮮🥰原條伊佐木刺身嚟自山口縣嘅伊佐木，可以欣賞到師傅嘅刀工。魚肉質地幾柔軟，食落口都幾有油香🐟 本來嘅魚香比較清，仲可以點少少醬汁吊味，幾推介鍾意食白身魚嘅朋友過嚟試吓呢個期間限定菜式。北海道毛蟹我哋嗌咗全份嘅毛蟹，因為已經拆肉真係食得好方便，又唔會食到好狼狽🦀 師傅將成隻蟹嘅蟹肉都放喺蟹蓋上面，面頭仲加埋啲蟹膏，望到都覺得好正。岩蠔呢一個係嚟自岩手縣嘅蠔，嗌兩隻或者四隻都有優惠🦪 所以我同朋友嗌咗一人一隻，兩隻都幾肥美，配埋面頭嘅柚子啫喱，仲更加帶出蠔嘅鮮味。北海道原隻紫海膽呢款菜式有七折優惠，真係抵食好多😳 有原隻海膽，入口即溶，加埋面頭有啲三文魚籽，令到菜式賣相更加豐富。材料同樣新鮮，絕對唔係將價就貨🥰 清酒煮日本大蜆呢個日本大蜆嘅蜆肉好大隻，食到貝類嘅鮮甜🐚 食落口真係好有驚喜。鍾意食刺身嘅朋友一定唔可以錯過呢度，食材每日由日本豐洲市場空運到港，真係非常新鮮啊😋

好耐好耐冇食過原條刺身🥹如果依家要食呢種刺身，特別係夏天我一定會揀間有品質保證，信譽良好嘅今次推介呢間引誘大家去試吓先😆💖✨鹿兒島和牛西冷巨切壽司✨海膽牛油蟹湯掛稻庭烏冬✨日本豐州市場直送岩蠔✨清酒煮日本大蜆✨北海道原條金目鯛刺身✨山幸本鮪壽司盛合刺身新鮮，一塊接一塊咁放入口壽司盛合嘅飯已經有調味過～太卷同個手卷都有啲驚喜，特別係個紫菜！蠔同蜆嘅味道都鮮甜到貼近食材原味超鍾意呢種唔會有過多鹽味鹹味～海膽烏冬入口勁creamy但又唔會好漏反而個和牛西冷嘅油脂勁到好邪惡整體係出色嘅～想下次嚟再食佢嘅壽司😆

在荃灣發現一家能讓人反覆打卡的日料店！「鮨樂Sushi Raku」真的是日料控的快樂星球～藏在如心廣場二期，進店就能感受到濃濃的日式氛圍，木質裝潢和柔和燈光，讓人瞬間放鬆下來。最驚喜的是他家食材，每天從日本豐洲市場直送，新鮮度肉眼可見！這次專門衝著北海道原隻紫海膽來的，端上桌就被金燦燦的色澤驚豔到，每一粒海膽都肥嘟嘟的，舀一大勺送入口中，綿密鮮甜在舌尖散開，完全沒有腥味，現在7折只要$96.6，直接實現海膽自由！岩手縣生蠔也給了我超大驚喜！生蠔個頭飽滿，肉質肥嫩，輕輕一吸就滑入嘴裡，帶著淡淡的海水鹹香，回味還有一絲清甜。重點是現在買720原枝清酒，生蠔直接6折，每隻只要$34.8，搭配清酒簡直絕配！他家的刺身拼盤也很能打，山口縣伊佐刺身是每日限量，師傅現場切片，刀工精湛。魚肉紋理清晰，入口細膩柔軟，油脂分佈均勻，蘸上現磨山葵，鮮味直接在口腔裡炸開！還有清酒煮日本大蜆，湯汁清甜，蜆肉鮮嫩多汁，一口湯一口蜆，暖胃又滿足。服務也超貼心，店員會耐心介紹菜品，還會根據喜好推薦搭配。整體性價比超高，無論是約會還是和朋友聚餐都很合適！日料腦袋快收好地址，衝就完事！📍鮨樂荃灣如心廣場二期

鮨樂一向嚴選日本季節性嘅時令海產，每日清晨喺豐洲市場入貨，親自揀貨，即日空運到港，絕對新鮮。北海道原隻海膽季節限定登場，北海道原隻紫海膽$138/隻，海膽超肥美，入口即化，三文魚籽增加鹹香。當造岩蠔$58/隻，size相當大隻又飽滿，柚子醋做嘅啫喱，鮮味滿分。原隻北海道毛蟹$288，完全唔使自己拆，啖啖肉連蟹膏蘸少少蟹醋汁，正正正。原條金目鯛刺身$368淨係望條魚嘅眼都知佢好精靈，師傅刀工了得，切左好多片，肉質有彈性。清酒煮北海道大蜆$98蜆肉肥美鮮甜，湯底帶有淡淡清酒味。唔使飛去日本🇯🇵今餐完完全全食到新鮮·鮮味😋おいしいoishii🔊今期優惠凡購買原枝清酒🍶(720ml)岩手縣生蠔 🦪 6️⃣折北海道原隻海膽 7️⃣折

係數碼港收工直落荃灣西同男朋友食飯,見鮨樂最近推出日本豐州市場直送系列,決定豪食下✅北海道毛蟹:本身諗住要人手自己開，但係原來已經拆殼上仲幾乾淨,少量碎殼only😍好貼心,仲配左蟹醋✅北海道原隻紫海膽:善用咗佢哋嘅七折優惠叫咗兩隻過下口癮,海膽超肥美,配埋我最愛嘅三文魚子,仲加咗少少柚子皮添✅岩蠔: 58蚊一隻,大小有半隻手掌咁大,爽口既而且加左柚子醋啫喱~呢個價錢嚟講唔算太過份✅原條伊左木刺身:約廿二片,同朋友食飯可以叫依過款細細地既原條魚黎打吓卡✅清酒煮大蜆:隻隻煮到有水泡,超鮮甜!!!

呢餐真係大滿足😍嘆咗一餐超級鮮味嘅日本海鮮盛宴，每一道菜都好滿意！首先北海道毛蟹，原隻上枱，霸氣十足！蟹肉拆好晒，啖啖肉又鮮甜，仲有蟹膏，真係食到停唔到口！跟住就係肥美嘅岩蠔。海水味濃郁，鮮甜爽口！北海道原隻紫海膽更加正！金黃色嘅海膽，入口即化，甘甜鮮味！清酒煮日本大蜆嘅湯汁亦都非常出色，鮮甜嘅蜆汁帶有淡淡嘅清酒香，暖笠笠，好舒服！蜆肉飽滿，非常鮮甜。最後壓軸出場嘅係原條伊佐木刺身，魚肉晶瑩剔透，好新鮮！魚味清甜，口感細膩。師傅嘅刀工亦都一流，每一片魚生都切得啱啱好，擺盤亦都好精美！

📍鮨樂@荃灣如心廣場二期12貫炙燒壽司🍣御膳（包括12款壽司、蒸蛋、沙律及麵豉湯）壽司擺盤賣相吸引，刺身新鮮，壽司飯略嫌較腍，醋味不足；蒸蛋鋪滿蟹籽，味道好；沙律配以沙律醬清新開胃；麵豉湯一般⭐️⭐️⭐️（⭐️3/5）味醂魚乾⭐️⭐️⭐️⭐️（⭐️4/5）免治雞肉串（附月見）⭐️⭐️⭐️⭐️（⭐️4/5）

訂好了7:00pm的4人枱，門口都有幾個人問枱，7:06pm找得到機會說訂了7點枱，侍應回應「今日人多沒留枱，枱已給了別人。我們的枱只留5分鐘，你遲到所以不給你枱。」明明terms n conditions 說明留枱10分鐘，而且我應該是7:05pm就在店外，只是沒有機會湊近到櫃位。Anyway，這店生意太好，好食唔好食都已不要緊了，不要去幫襯或訂枱就是了，反正她們都不會理會你的預訂！就別幫襯，免失望！

有日行過見到鮨樂做緊外賣7折，難得特價買返去試試。叫左D一人壽司set同刺身set食。雖然外賣拎返去有D距離，但拎到返去都仲好靚仔，味道唔錯，Ｄ白身魚同刺身好新鮮，除左個海膽就一般，可以唔洗叫。如果唔叫海膽既話，除返開性價比都唔錯，好過叫千両。 有D期待試下佢既堂食，希望keep到個水準!!!見到而家香港既餐廳夜晚都好靜，真係要多多支持下做得好既香港本地餐廳，再係咁落去，香港真係無野好食…………..！

試過唔同的鮨樂，本應對鮨樂都好有信心，但唔會再去呢間分店！！試過最差的分店🥲論食物：- 壽司飯的醋味太過強，壽司得酸味- 甲羅燒得兩片米紙（其他鋪有4片），超鹹！- 檸檬梳打，超酸！- 刺身都還可以論服務：除咗壽司師傅外，其他員工喺餐廳內大聲講大聲笑。雖然唔係討論自己，但聽到其他員工在討論其他客人的不是，感覺有少少去咗茶餐廳咁🫠 另外，員工係上菜同收碟嘅時侯都無咩禮貌。有幾次直接無講聲，搵空位攝入上菜🫠

經過見到佢好似日本開放式廚房咁就去左試除左帆立貝 樣樣都好食炙燒拼盤每樣都新鮮附送既蒸蛋一啲都唔hea 有蝦有三文魚子👍🏻燒物都好食 係鹽燒魚鮫可以再咸d鵝肝都出色 冇腥味 外脆內嫰生蠔燒蠔都好食 仲要特價唯一美中不足係燒帆立貝麻麻地

荃灣近年多咗好多食店，終於有一次養啲嘅日本餐廳出現啦。OpenRice廣場嗰間度食晚餐。。呢度有一個價目表係book咗位有啲食物係好五折試食。就係因為咁咩都想試，今日亦都order咗🤣半價竟然有我嘅吞拿魚湯羅壽司拼盤，第一樣嘢梗係要叫呢樣嘢啦。然後因為冷氣有少少大我另外再叫咗個安格斯肉烏冬。再叫咗一個好好食嘅熱氣炸魷魚天婦羅魷魚嚟嘅。好啱飲酒食嘅一個小食啊，另外仲叫咗啲壽司仲燒元貝。嘢食上得好快，就算8:30仲有八成滿。啲壽司嗰舊魚係好大嚿㗎就細少少佢唔係用白醋，係用一啲比較深少少嘅醋造成嘅。大滿足！😌

自己生日朋友帶我左我去如心廣場既鮨樂食晚餐慶祝生日。可能係平日，當晚餐廳唔算有太多客人。朋友訂左位7點半，一入到餐廳就可以入座。因為之前有訂位，餐廳有個特別優惠，餐牌上有11款食物可以有半價優惠，而且冇限款式同點餐次數。因為半價實在太抵，我同朋友放棄左餐牌後面既食物，直接只係點選有半價優惠既食物🤭我點左餐牌上比較特別既鱈魚白子，聽就聽得多，但我係第一次食。口感有d似細個時食既豬腦🧠。對於一個會食內臟既我黎講，白子加上酸汁，幾開胃。但朋友就唔太接受到🤣例牌有我去居酒屋必食既燒雞泡魚干同枝豆。主食我地就點左本鮪壽司盛合同極上海膽刺身盛合。新鮮既拖羅點都係入口即溶，冇得輸👍🏻其他各款刺身都好鮮甜，特別係我至愛既海膽。飲埋杯巨峰提子酒，輕輕鬆鬆咁又係一個開心既吹水夜。

幾年前第一次食鮨樂就係食呢間分店，個印象就係食一個丼$2xx都唔飽😅 之後都冇乜再試，直到近年開始戒澱粉質，多食蛋白質，先體會到每樣食少少試多啲花款嘅狀態。今日食咗幾款時令嘢(大部份半價）：mustard 螢光魷魚、他他tuna 、monster oyster 、燒貝、oyster sashimi platter 、和牛脂爆枝豆，加恆常menu 的sushi platter 、tuna roll 、oyster udon、燒小青椒、柚子梳打同埋波子汽水。屋企人同小朋友面對我當年嘅問題，就係食咗好幾樣主食都仍然唔夠飽，所以追加多一d carbs base dishes。味道係好嘅，食材新鮮，多花款，上菜速度幾好，child friendly, 唯獨是要記住叫多幾樣嘢先至滿足夠飽，所以唔會係target 抵食之選。