鮨之

營業中

休息中

旺角朗豪坊近food court位置都有唔少餐廳，有次🐻同家姐行街行到餓，決定搵一間試試，當然揀左🐻最愛既日本野啦 🤣 餐廳環境比較昏暗，食物價錢會貴價一點，後來先發現佢地係同鮨千壽同一集團旗下既餐廳 😛 ⁡🐻食後感‼️⁡✨「火炙壽司」$22-$68其實🐻唔係講笑，佢地既火炙壽司真係食過最好味頭三位，上枱亦微暖，魚又夠近鮮，「火炙大吞拿魚腩」「火炙左口魚裙邊」「火炙三文魚腩」都非常推介 😍 ⁡✨「串燒」$30-$148話說🐻都叫左好幾款串燒，但每款黎既時間都不同，證明師傅將每款串燒既最佳時間都調較到最好，推介「佐賀A4和牛」「牛脷鹽燒」「日本黑豚五花腩」「雞皮」，每款咬口都一流呢😍⁡✨「西京燒銀鱈魚」$128尼碟係後追加，因為望到人地order左又幾吸引 🤪 最後發現無跟錯隊，銀鱈魚好滑富油香，非常鮮甜，點少少日式沙律醬，無得輸🥺⁡✨「北海道紫芋蛋捲配抹茶雪糕」$52本身🐻唔係最想食尼款，但剛好試到尼個紫芋蛋捲，真係超驚喜 😱 細細件放入口充滿紫芋味，而且口感十足，伴埋香濃抹茶味雪糕，真係一餐最美好既ending 🤣

今年１月份，買了 Lubuds Group餐飲現金券，集團内所有餐廳均可使用，有效期為１年，我和家人都喜歡吃日本料理，５月試了旺角朗豪坊的鮨之，午餐選擇多，性價比高，挺喜歡的！我們試了３款午市定食，最喜歡串燒配壽司御膳，１份有齊串燒、壽司、湯烏冬、沙律、日式蒸蛋，適合貪心的人，如我！#串燒：有３串，２葷１素，燒雞翼皮脆肉香，好味！免治雞肉串加了雞軟骨，豐富了層次感；青辣椒串燒是微辣的，好味！#壽司：有５貫，甜蝦、火炙左口魚群邊、三文魚、帆立貝、油甘魚，生品全部都新鮮，鮮味十足！壽司飯軟糯，醋的份量剛剛好，加強了提鮮的效果！另外２款定食是吉列豬扒御膳和黑豚肉生薑燒御膳，味道都挺好的！

比青衣城魚釧的刺生高質素，很新鮮，尤其清酒煮蜆，蜆肉肥美無苦味，連湯都可以飲埋，所以店員一早準備好湯碗。刺生拼盤豐富，最鍾意係吞拿魚腩，肥美清甜，相比之下，三文魚腩顯得傭俗。最滿意係服務一流。落單時侍應生會問起菜要求，朋友怕胃寒，所以要求先上熱食。侍應生建議先食刺生，逐樣菜食完再上另一樣，所以，整個午餐都慢慢享受，唔會將食物全部堆滿枱面。依家真是無咩餐廳有咁嘅服務啦，間間都希望消費者快啲食完就走，可以趕多一枱客，尤其係星期六日添。

好食，地方舒適， 小朋友來都得，小心sofa gap 小朋友有機會跌， 有bb 椅，串燒 壽司 好食 ，待客有禮， 小朋友都有烏東 ，叫了 串燒牛舌 雞 菇， 同 一些壽司，會再來 ，好好好好

今日點左一個雜錦刺身Set, 有前菜，有沙律，有味噌湯，跟白飯，之後有個泡芙作總結。介紹番個主食： 雜錦刺身主要有隻好大好甜嘅蝦，個蝦頭d 膏一定要記得吮埋佢！！超級鮮甜！！另外有一碟仔魚生（唔知咩魚），配左個柚子汁，味道好夾。 有一隻帶子，兩片三文魚，兩片吞拿魚，兩片油甘魚，兩舊有皮嘅唔知咩魚（好有油香，可惜唔記得問係咩魚），最驚喜係嗰幾片海膽， 好爆鮮甜！！ 每次出街食海膽都係要博，幾貴都試過唔好食，不過呢間餐廳嘅海膽真係超香甜😋

星期五夜晚去食飯😚😚個待應係咁落錯單.... 😅😅有3分之1都係唔岩，好彩之後另一侍應幫忙啲單終於岩啦！Overall啲野食都唔錯既 不過份量就唔太多，同埋串燒價錢都小貴！

今次同朋友慶祝生日🎂好足料既丼飯~食極都仲有~飯好甘香!刺身好新鮮~厚度十足❤️種類好多~服務員每個都好好👍👍環境舒適~刺身 串燒 丼飯既時間都安排得好好👍仲會不停介紹朋友黎

第一次黎呢間餐廳之前已係openrice 訂左枱先，去到吾洗等位午市時段客流比較多，所以黎之前最好book定枱啦▫️刺身好新鮮😋除左海膽同牡丹蝦只得1份外，其他刺身款式都係2件👅侍應服務態度都吾錯

三文魚刺身加海膽再加三文魚子再加飯加埋就係一個’貴‘雜錦海鮮丼。餐廳環境沒有一種高級壽司店的感覺但係食物質素係算好同埋刺身和海膽好新鮮。好處在晚飯時間係朗豪坊都唔需要排隊排長龍

一入門口，帶位嗰個問：有冇安心出行？我話冇之後，佢話咁你就要寫紙仔先可以入去！入到去冇問我想唔想坐吧檯就帶咗我埋去。我話唔坐，佢就帶我行返出去，遊花園咁！之後搵過另一個人幫我落單，我話要一份赤身刺身，佢問我係咪魚背脊。我指住個餐牌俾佢睇，指住赤身兩個字，佢講：咁咪即係魚背脊囉～ 我話成張單要走wasabi同蔥，佢答我：哦！然後走咗！結果個魚背脊係痴住Wasabi上菜！

經過旺角朗豪坊，即刻上openrice search有咩好食。搵到呢間日本野，算比較少負皮，就去左食啦。佢位於4樓foodcourt旁，比較多人，唔為意以為係平價餐廳。但錯啦，佢入面既野食一d都唔平。晚飯時段6點半左右，入都去都係好少人，total10個人左右。所以都坐得幾舒服。我坐窗面位，陰暗既燈光同闊落既枱面係舒服既，但景觀就麻麻啦，你要望住出面食foodcourt既mk仔女黎享用壽司。咁我就叫左10件壽司，本身叫7件，但怕唔夠飽。佢d壽司set全部係"Omakase"形式，由師父決定整咩壽司比你，唯獨唔係一件件上，而係一次過上晒。唔想諗食咩又有錢既，可以叫佢既壽司set上左菜後，都幾唔錯，有一件海膽軍艦，而且好新鮮，唔會有腥味。d壽司選擇都幾豐富，唔會淨係比d cheap壽司你食。有玉子，有蟹子飯（飯略咸，但蟹子算ok），幾長既鰻魚壽司，吞拿魚，三件卷....d魚全部都好新鮮，好好食。壽司唔會呃秤，正常size，唔會好似某d店咁整bitesize你食。食完都意外地飽，可能d壽司都足料，所以10件岩岩好。呢個價錢係有d貴，但係比到omakase食物質素同新鮮，都算係咁。

📍#鮨之🇭🇰香港旺角亞皆老街8號朗豪坊4樓6號舖人均消費: HKD196味道: 👅👅👅👅賣相: 👀👀👀👀價格: 💰💰💰💰環境: 🌹🌹🌹🌹服務: 👨🏻👨🏻👨🏻👨🏻性價比: ⭐️⭐️⭐️⭐️回頭率: 🔆🔆🔆Bookmarked一段時間的鮨之 無留意，原來是LUBUDS 集團旗下，之前食過其他分店都好不錯！餐廳內部環境不錯，脫離了朗豪坊的煩囂⭐雜錦魚生飯🍱$178魚生加配料一共有16款，比我想像中多！當中牡丹蝦，左口魚邊，三文魚籽和海膽十分出色，尤其左口魚邊，入口溶化，極滿足！特別一提蘿蔔漬都非常好味！買單加一$196，價錢中上，但食物質素對得上價錢！一人速食都不錯！

同朋友求其喺朗豪坊揾嘢食呢間野嘅嘢食係好似食迴轉壽司咁serve即係啲嘢食係有部機攞去你前面 而唔係店員拎比你但係就要收加一 有啲百思不解😂講翻重點先天婦羅好香 但炸醬太厚88蚊得兩隻蝦 其他全部都係菇嗰啲個人認為唔太抵食呢個飯就不過不失冇咩特別 148黎講可以有更好嘅選擇性拖羅蓉丼都好好食 148算抵呢個飯178 個人就覺得唔太抵首先三文魚來貨極平 帶子應該係一舊切三塊 每塊都好舊 亦冇乜咬口 三文魚子唔腥 但亦唔大粒飽滿 蟹肉冇乜特別 海膽新鮮好食總括黎講 一試無妨 唔會話好伏 但唔會話好食到再專登翻去

和老闆約會三小時五個人一傾坐到店員出聲叫埋單...位於朗豪坊四樓，人來人往，地理位置良好！是日午餐入座率都八成。環境好舒服，牆上的畫作栩栩如生，圖四的餐車魚由廚房送到我哋面前，成件事好開心！用openrice支付平左$30，原價$1029。人均：$200.北海道刺身飯 $178 😋😋😋😋所以都跟餐配上前菜、沙律、湯、一粒泡芙。魚生新鮮，海膽一流，無腥味，帆立貝一開半，有點吝嗇，壽司飯不錯，份量有點少。.霜燒魚生飯 $148 😋😋😋😋好味，燒過的魚生，魚生的油脂配上壽司飯，不用醬油都好夠味！.枝豆 😋😋😋平時少吃，食完飯又聽又講，有啲嘢食吓先食，又食落幾好味！.牛蒡 😋😋😋過咸，可能爭緊杯酒！.燒河豚魚乾 😋😋😋😋燒得過軟，勝在好香口，味道搭夠！

好耐無去朗豪坊，原先打算食food court，路過見到開咗間新店諗住試吓食，見舖入面有大量卡位，諗住可以坐得舒服一點，價錢算中上，都無咩所謂。見到帶位員正在接待幾位客人入座，咁我就乖乖站在Q頭等候入內。轉頭該職員出返嚟，見到我與另一位男士同在等候，職員問邊位嚟先？其實有眼睇都知我係企Q頭第一位，唔知我係咪寸親佢，佢啲態度真係好差，問有無訂檯，我真係無諗過喺朗豪坊4樓，food court隔離嘅一間日式食肆食lunch要訂位，正如去一風堂嗰啲都係咁walk in啦，或者我真係鄉下仔出城。入到去時見到起碼有5-6張卡位係吉嘅，但職員以無訂檯為由，要坐bar檯，聲稱啲檯全部有人訂咗，只係啲客未到。其實無訂位要坐bar檯，點解唔喺店外時講？帶晒我哋入去先講？係咪玩嘢？大家心知。原來貴店係咁高尚嘅，租返個高樓層啲嘅舖位啦。我真係當咗係街邊茶餐廳咋。