影片
魚蛋佬 (土瓜灣)📍土瓜灣馬頭圍道183號地下B號舖之前喺天光道已經成日幫襯開而家搬咗落嚟大馬路旁邊 就更加方便價錢好親民 選擇又多而家逢親路過都一定會嚟幫襯香茅豬扒撈烏冬店主強烈推介嘅撈烏冬自己揀咗咖喱味 吸晒啲汁豬扒醃得好入味 又好大塊日式餃子烏冬日式餃子炸到香脆點左蠔油撈烏冬 一樣係好掛汁 烏冬又夠彈牙加央多士多士雙面都焗到超脆中間查咗好多咖央 幾有椰香味雖然邪惡 但係值得一試鬼馬豬柳條 墨魚條雙拼幾彈牙 炸完之後更加好食
繼續閱讀
位於土瓜灣的港式街頭小食外賣店，2022年推介的米芝蓮小食店，由天光道搬到對面街道的新址，出地鐵站步行5分鐘就到。食物種類也很多。招牌白魚蛋這款是招牌菜，街坊經過都買串魚蛋吃。魚蛋白滑彈牙，沾滿醬汁，醬汁帶蒜辣香。另外還點了一份燒賣。港式西多士新推出的西多士，剛好見到店員正在製作中，蛋漿沾滿兩片白麵包，新鮮炸起，金黃富蛋香，淋上煉奶，甜甜的，而且小店很貼心地切好一格格，方便食客享用，吃了一口又一口，很邪惡。招牌腸粉5條腸粉軟軟滑溜的，加了混醬、芝麻最滋味。撈稻庭鳥冬餐每樣都有兩粒，底下是彈牙烏冬麵，很豐富。撈麵汁選了咖喱汁，跟麵條拌勻，微微帶辣，蠻開胃。
繼續閱讀
自費魚蛋佬已經搬咗啦，之前喺天光道而家都係喺土瓜灣一定要住呀佢哋已經連續幾年米芝蓮推介，佢哋好多小吃都好好食㗎，唔使等好耐已經有得食佢哋嘅燒賣有分炸燒賣同埋普通燒賣真係好唔錯㗎仲有啊佢哋有魚蛋真係好好食嘅烏冬撈麵都有唔同嘅款撈麵都係$8咋，所以價錢我覺得尚算合理佢哋有漢堡扒香腸仲有吉列豬扒佢嘅吉列豬扒即叫即整我覺得熱辣辣好鬼正呀好好味的有興趣一定要嚟試吓。佢哋仲有多士個多士係脆卜卜熱熱辣辣好好味，食完勁飽肚啊。
繼續閱讀
喺返工附近發現呢間米芝蓮小店～老闆話原來喺後邊搬過嚟，而且佢都已經攞咗米芝蓮好幾年啦😂老闆都幾好傾～夠晒親民👍今次試咗幾款經典街頭小食，每款小食價錢親民，啱晒隨時醫肚。秘醬陳皮魚蛋（$10）：魚蛋彈牙，陳皮味唔會太搶，秘製醬汁鹹香帶甜，幾易入口，食落有返啲懷舊風味。燒賣拼白魚蛋7粒（$20）：燒賣同魚蛋份量適中，燒賣肉香平實，魚蛋彈性唔錯，配埋甜豉油辣椒更惹味，平時解饞啱晒。烏冬（咖喱汁）（$13）：烏冬配咖喱汁唔會過辣，掛汁力不俗，每條烏冬都沾到咖喱，簡簡單單。腸粉四條（$12）：腸粉滑溜，醬汁鹹甜適中，豆豉味略帶香氣，雖然唔算特別突出，但熱辣辣食落都幾開胃。黃金熱狗棒（$15）：外皮炸得金黃酥脆，內裡熱狗鹹香，口感豐富，啱晒邊行邊食。椒鹽墨魚丸（$12）：墨魚丸彈牙，椒鹽味濃郁但唔會太鹹，作為開胃小食都唔錯。整體黎講，價錢親民，想醫肚或經過為食嘅話可以一試！
繼續閱讀
今朝一早去咗朋友住係何文田區既會所打咗兩個鐘頭網球，今日天氣炎熱打完波成個人散晒，真係要經常走動先可以保持心肺功能。本身同朋友打完波食飯，點知佢有緊要事做最後唯有食自己，因為唔太肚餓，所以去左土瓜灣區黎個深度遊。由於啟德體育園區落成從而帶動到呢區發展，加上土瓜灣交通配套及食肆都一應俱全，所以好多野都好完善。經過馬頭圍道見到間手搖店，因為口渴而買杯野飲。喺等緊過程中發現旁邊有間小店不停有人幫襯，門面雖平凡但原來係連續四年米芝蓮推介，對我嚟講都係個大發現。既然買左手搖又唔想食咁多嘢，咁不如試下米芝蓮推介啦。見佢餐牌都好多選擇，不過觀察到好多人買既野，最後揀左五款：招牌白魚蛋、椒鹽炸燒賣、鬼馬豬柳 / 墨魚條、咖央西多士、香茅豬扒撈麵。等候途中老闆同職員都好快手處理食品，而且老闆態度好好又有禮，都建議我有咩好食。等咗大約十分鐘所有食物都已經上枱啦~~~ 由於今日無揸車咁就食埋先起行。第一時間試咗佢個招牌白魚蛋，因為即叫即炸所以入口非常熱，而且白魚蛋彈牙又爽口，再配合泰式辣醬好惹味，值得推介! 到試佢個鬼馬豬柳同墨魚條，豬柳條肉質鮮嫩多汁好有口感，而墨魚條每一口都有豐富墨魚肉，肉質彈牙爽口，如果喺屋企嘆住啤酒就更加爽。之後到椒鹽炸燒賣，平時多數係食蒸嘅，但佢個椒鹽炸燒賣由於都係即炸，所以個燒賣皮好脆卜卜，亦因為係魚肉燒賣關係做到外脆內軟，口感煙煙韌韌好好味。跟住份咖央西多士好有驚喜，係老闆嘅新菜式，餐牌都仲未出現。西多士份量同賣相好吸引，坊間食到嘅西多士大部分餡都係花生醬，而呢間係用咖央醬，因為落單後即炸，所以做到外脆內軟，加上咖央醬甜甜地，比起傳統花生醬味蕾衝擊相當大。最後食埋個香茅豬扒撈麵，麵底係印尼撈麵，麵質口感大同小異，反而好欣賞佢塊香茅豬扒，豬扒醃得好入味，肉質鮮嫩豐富多汁，加埋豉油撈埋一齊食質素相當高。估唔到土瓜灣都會搵到一間隱世米芝蓮推介嘅小店，果然深藏不露質素高，左一間手搖、右一間小食，兩者相得益彰，下次同朋友打完網球一齊再嚟試。
繼續閱讀