影片
身為土瓜灣街坊，魚蛋佬響天光道嘅舊舖，終於搬新鋪啦！新鋪就喺舊鋪對面街，既然順路經開，順便同大家分享下食評！1️⃣ 招牌白魚蛋(7粒) $12米芝蓮多年推介，白魚蛋絕對係必食首選！魚蛋乳白剔透，咬落去嘅彈牙感真係無得輸。魚味清鮮唔會死鹹，加上獨特醬汁，帶少少辣，零舍惹味！難怪連續多年畀米芝蓮推薦，$12就食到米芝蓮級小食，真係超抵食！2️⃣ 馳名秘醬陳皮魚蛋(8粒) $10魚蛋帶有濃郁嘅陳皮香，再配上自家秘製醬汁，辣得嚟又帶啲甘香，魚蛋蘸滿醬汁，真係好食到停唔到口！3️⃣ 魚肉燒賣(5粒) $9魚肉燒賣軟糯唔粉，魚香突出！豉油唔會死鹹仲帶少少甜。4️⃣ 司華力腸 $17熱辣辣，脆皮爆汁！真材實料大大條，肉香濃郁，食完一條仲想再encore！5️⃣ 咖央西多士 $18即叫即炸！麵包浸滿蛋漿炸到金黃，切開咖央醬澎湃湧出，煉奶+牛油嘅邪惡組合令人忍唔住食晒成塊！6️⃣ 鬼馬雙拼(豬柳條+墨魚條) $13/8條豬柳條+墨魚條嘅雙拼，炸得外脆內軟！墨魚條咬開仲有粒粒墨魚肉，口感超正；豬柳條醃得入味，鹹香惹味！
繼續閱讀
魚蛋佬 (土瓜灣)📍土瓜灣馬頭圍道183號地下B號舖之前喺天光道已經成日幫襯開而家搬咗落嚟大馬路旁邊 就更加方便價錢好親民 選擇又多而家逢親路過都一定會嚟幫襯香茅豬扒撈烏冬店主強烈推介嘅撈烏冬自己揀咗咖喱味 吸晒啲汁豬扒醃得好入味 又好大塊日式餃子烏冬日式餃子炸到香脆點左蠔油撈烏冬 一樣係好掛汁 烏冬又夠彈牙加央多士多士雙面都焗到超脆中間查咗好多咖央 幾有椰香味雖然邪惡 但係值得一試鬼馬豬柳條 墨魚條雙拼幾彈牙 炸完之後更加好食
繼續閱讀
位於土瓜灣的港式街頭小食外賣店，2022年推介的米芝蓮小食店，由天光道搬到對面街道的新址，出地鐵站步行5分鐘就到。食物種類也很多。招牌白魚蛋這款是招牌菜，街坊經過都買串魚蛋吃。魚蛋白滑彈牙，沾滿醬汁，醬汁帶蒜辣香。另外還點了一份燒賣。港式西多士新推出的西多士，剛好見到店員正在製作中，蛋漿沾滿兩片白麵包，新鮮炸起，金黃富蛋香，淋上煉奶，甜甜的，而且小店很貼心地切好一格格，方便食客享用，吃了一口又一口，很邪惡。招牌腸粉5條腸粉軟軟滑溜的，加了混醬、芝麻最滋味。撈稻庭鳥冬餐每樣都有兩粒，底下是彈牙烏冬麵，很豐富。撈麵汁選了咖喱汁，跟麵條拌勻，微微帶辣，蠻開胃。
繼續閱讀
自費魚蛋佬已經搬咗啦，之前喺天光道而家都係喺土瓜灣一定要住呀佢哋已經連續幾年米芝蓮推介，佢哋好多小吃都好好食㗎，唔使等好耐已經有得食佢哋嘅燒賣有分炸燒賣同埋普通燒賣真係好唔錯㗎仲有啊佢哋有魚蛋真係好好食嘅烏冬撈麵都有唔同嘅款撈麵都係$8咋，所以價錢我覺得尚算合理佢哋有漢堡扒香腸仲有吉列豬扒佢嘅吉列豬扒即叫即整我覺得熱辣辣好鬼正呀好好味的有興趣一定要嚟試吓。佢哋仲有多士個多士係脆卜卜熱熱辣辣好好味，食完勁飽肚啊。
繼續閱讀
喺返工附近發現呢間米芝蓮小店～老闆話原來喺後邊搬過嚟，而且佢都已經攞咗米芝蓮好幾年啦😂老闆都幾好傾～夠晒親民👍今次試咗幾款經典街頭小食，每款小食價錢親民，啱晒隨時醫肚。秘醬陳皮魚蛋（$10）：魚蛋彈牙，陳皮味唔會太搶，秘製醬汁鹹香帶甜，幾易入口，食落有返啲懷舊風味。燒賣拼白魚蛋7粒（$20）：燒賣同魚蛋份量適中，燒賣肉香平實，魚蛋彈性唔錯，配埋甜豉油辣椒更惹味，平時解饞啱晒。烏冬（咖喱汁）（$13）：烏冬配咖喱汁唔會過辣，掛汁力不俗，每條烏冬都沾到咖喱，簡簡單單。腸粉四條（$12）：腸粉滑溜，醬汁鹹甜適中，豆豉味略帶香氣，雖然唔算特別突出，但熱辣辣食落都幾開胃。黃金熱狗棒（$15）：外皮炸得金黃酥脆，內裡熱狗鹹香，口感豐富，啱晒邊行邊食。椒鹽墨魚丸（$12）：墨魚丸彈牙，椒鹽味濃郁但唔會太鹹，作為開胃小食都唔錯。整體黎講，價錢親民，想醫肚或經過為食嘅話可以一試！
繼續閱讀