魚尚 (太和廣場西翼)

營業中

休息中

魚尚章魚燒真係世一，一直都好鐘意食，有時太思鄉(日本)都會買黎食下味道濃厚，內餡軟嫩，口感綿密～～我就正正鐘意偏軟口感，同香脆外層形成強烈對比..價錢係$27/6粒(食到最尾一粒先記得影相)

十一點才吃完早餐, 但小朋友是餓不了的, 為免她突然話肚餓要到處找食的, 於是就買了兩個燒汁三文鱼飯糰給她, 想吃就有得吃了！ 小朋友吃完說好好味啊, 一吃就兩個了！飯糰中間也有汁, 紫菜易包而吃起來不散開.在別的分店, 也有看到有散賣壽司, $3一件, 但太和這分店門面有限, 只能放兩個大雪櫃, 賣的主要是飲品、盒裝壽司和飯糰等. 沒有散賣壽司,選擇性及購買的彈性上也少了些, 有些可惜. 其實好多時買外賣壽司係喜歡挑自己喜歡的, 多有多的買, 少有少的挑, 滿足感十足. 這店有後舖的, 是工房, 做完就拿出舖面賣, 应該比較新鮮的！

今日又食呢間了 都幾常食佢 因為又抵質素都唔錯佢鋪位好細 但壽司🍣款式好夠 有三角飯團🍙 又有唔同size既壽司mix 我通常都買呢盒大既 再加其他野 佢既三文魚都幾香幾好食 其實同其他坐低食壽司個d元氣個類質素差不多 但價錢比較抵服務都唔錯 今日同朋友拎住好多野去買 店員主動叫我地可以放低袋向佢到 慢慢選壽司 幾貼心我見佢仲有糖心蛋 便過7仔好多 都幾好食 蛋黃超橙紅色今日唔知係咪買得多 仲送左個贈品 一見到嘩左聲好搞笑 下次再幫襯

之前喺大埔墟火車站經過，見到呢間買壽司嘅，就會諗會唔會同爭鮮差唔多質素呢？今日，家人生日，佢哋買咗一大堆返屋企一齊食，終於有機會試吓啦！一盒盒包得好乾淨，感覺唔似平價嘅壽司喎！我就住平時都好少食魚生，因為怕食生冷野，不過我都膽粗粗，試吓啲三文魚啦！點知，又唔差喎！啲魚生都算係好新鮮，最有驚喜嘅係花之戀，同埋帆立貝，肉質都幾厚。另外我覺得會再食嘅，就係鰻魚壽司，因為首先係要冇骨嘅，同埋嗰啲蒲燒醬汁都幾濃郁，值得一試喎！