魚事者 (威德閣)

營業中

休息中

bookmark咗好耐嘅餐廳，早幾日去開呢邊就搵返佢黎食。原來呢條街咁多餐廳！叫魚事者，佢嘅branding都好統一。魚麵，炸魚條（無薯仔嘅薯條）， 魚餅（魚shape),...韓式熱狗成條都係魚糕！飽到傻咗每人叫一碗魚麵，share魚薯條再一條熱魚狗~飽到~~~莞茜魚麵配白魚湯，有魚腐，魚皮餃，魚皮加牛丸（最多配料嘅version),仲有炸蒜OMG~黎到嘅時候見到d餐具好靚，全部用晒同一款，睇落碗麵以為會好少唔夠飽，點知！未食完都已經有d飽。魚薯條，係一段段嘅魚麵沾炸粉再炸，炸粉炸咗好香，有薯條陣香味咬落中間係魚麵，所以似平時中間係淋嘅薯條咁，點truffle醬，味道好似薯條!熱魚狗，啖啖都係魚肉，飽到。。。外層沾咗醬同洋蔥粒，都幾得意。

係北角既「魚事者」係最近Happy hour 既至愛～～最愛係佢地既預食類，同埋似有荔枝味既「鬼佬」啤酒🥰 餐廳細細間，主打「魚肉」料理～ 工作忙完，來這裡看到七色彩虹🌈既碗碗碟碟，即既累氣全消～ 全程QR code 落單～超方便～～▫️燒賣上面嗰個魚辣醬～ $20 有8粒好抵食😁▫️芫荽魚麵食到淡淡的芫茜味，就算唔係「芫茜愛好者」都會岩食～▫️炸魚皮好似食墨西哥脆片嘅感覺，因為有牛油果醬同牛肉碎，係墨西哥風味。▫️炸魚無薯條好脆+煙韌嘅口感，有𡁻頭。正宗偽薯條🍟套餐可以 +$28 轉手功啤或$8轉花茶*呢度既服務都好好架～

平時食魚麵都係港式粉麵多，但呢到就有好多得意口味，e.g. 冬陰功/麻辣/白汁🤩🤩卡邦尼烤雞魚麵撈味道比較似白汁雞皇飯而唔係卡邦尼🤣我估改呢個名純粹因為上面啲煙肉粒🙈煙肉係有加到分嘅，令佢有返啲脆口野👍烤雞就唔似烤嘅，都只係雞皇飯嘅肉質🤣但真心係幾鐘意佢啲魚麵，每條麵都好似魚蛋咁🤩仲會喺口入面彈下彈下，都需要咀嚼下，幾正👍

《創意魚盛宴🐠》———————————————-#魚事者🐟-魚，全部都係魚😆 Weekend去咗新開嘅東岸公園hea下，之後係炮台山附近搵好野食～餐廳所有製品都係用魚做，超有驚喜，非常特別呀😍-🐡 魚湯麵黑白鴛鴦春卷好特別，魚麵夠哂爽口彈牙，配埋濃郁嘅白雪雪魚湯，簡直係絕配，同一般米線舖嘅麵完全唔同，味道豐富好多，另外佢仲有個手工魚辣醬，加埋就perfect 啦🌶-🐟魚撈麵超多款式，港式、川式、泰式、日式、西式同越式咩款式嘅菜都有～我哋揀咗呢個泰式蝦頭油炸蝦球魚麵撈🇹🇭，蝦球彈牙，魚麵上佈滿櫻花蝦碎，香味突出😆-小食方面都好吸引，特別推介大家叫呢款炸魚無薯條，係無薯仔嘅薯條，直接以魚肉製成，口感特別煙韌，點埋蟹皇醬就正哂啦！-另外新產品炸魚狗腸都值得食，大家可以同我哋一樣揀和風紫菜味🇯🇵，好好食😋 餐廳做緊限時新品優惠，特價$18～-跟餐可以加錢升級做特飲，洛神花茶渣雪梨茶同夏菊羅漢果茶都唔錯，生津解渴，清爽香甜💕-⭐ 參考價錢︰泰式蝦頭油炸蝦球魚麵撈：$63黑白鴛鴦春卷湯麵： $43炸魚無薯條：$28炸魚狗腸：$18手工魚皮：$23梳肝花茶：$13🍌 抵deal 指數：8/10💰 人

北角呢間餐廳，舖頭細細，但夠晒鬼馬喎色彩繽紛，主打魚肉dish～都係第一次聽，就試試佢😙炸魚狗腸 $18 each Corn dog 嘅concept，魚嘅味道夠晒新奇～做緊promotion 有3隻味道揀，小孩子先做選擇😌我全都要～Sawadee 酸酸甜甜嘅泰式風味惹味山椒 呢個jenny 推介必試！好香山椒味，仲有啲炸蒜脆脆地一齊食😋和風紫菜呢款食落有少少似冇蛋黃醬嘅大阪燒，都好好味無豬肉芫茜燒賣 $20 8粒芫茜控要嚟識吓～好特別，如果芫茜味再重啲就好啦🤏🏻蝦頭油炸蝦球魚撈麵 $63店員話係熱門菜式，蝦頭油撈麵配上沙律醬炸蝦球，蝦同魚好夾喎～扮墨西哥魚皮 $33第一次食炸魚皮同牛油果嘅組合，脆卜卜邪惡之選，停唔到口鬼佬啤酒 $68咁邪惡梗係要嚟番杯鬼佬啤酒啦，放呢餐畫番個完美嘅句號😌

前排見到有個follow開的股評人推薦這間專門食魚麵的餐廳，就趁星期六去下！睇左好多次相終於食到呢個抵食兼高水準嘅好多卜卜蜆昆布木魚湯底，原來真係好值得去！估唔到$58就有鋪滿面的卜卜蜆，每粒都有蜆肉而且味道鮮甜。魚麵配這個甜香湯底更加係perfect match，彈口的魚麵吸收了卜卜蜆和昆布的甜味，好滋味😋卜卜脆鹹豬手同樣有心思，果然是超脆的口感，點上芥辣好好食。豬手肉質軟嫩，鹹度適中。胡麻醬煎餃子魚麵撈fusion幾特別，食出彈口魚麵的另一番風味，配胡麻醬好香口。撈麵可以加他們特色的魚辣醬，是他們自家製魚磨碎加辣椒，滋味到成碟食了。另外他們的飲品價錢亦合理，特別喜歡洛神花，甜度適中帶點香甜。下次一定再來😋

今晚約左朋友去上咖啡workshop, 見未夠鐘小妹就諗住去附近食d野先, 之前成日經過一直想試下E間魚事者, 於是今晚就入去試試! 餐廳環境幾colorful, 以粉藍粉紅湖水綠做主調, 非常少女心🌟桂花雪梨綠茶入口甜甜地有微微桂花味🌟炸魚無薯條份量幾多, 仲可以跟餐加配啤酒, 薯條好香口, 熱辣辣脆卜卜, 食落幾特別, 配上鮮味嘅蟹皇醬, 食落鮮上加鮮, 佢地嘅自家製辣椒醬仲惹味, 用左大地魚粉混合辣椒而成, 夠哂惹味, 中意食辣嘅朋友一定唔好錯過啦🌟炸魚狗腸小妹揀左新出嘅Sawadee口味, 魚狗腸上面鋪滿醬汁, 食落口感爽彈, 好有泰式風味🌟Fishotto魚米粒粒·扮意大利飯意大利飯食得多, 如果換左做魚米粒粒又會點呢, 魚米粒粒形狀可愛, 食落好爽彈又唔會覺得膩, 好似一次話食好多粒魚蛋嘅感覺, 上面仲有好多蟹籽令口感更豐富, 唔好以為魚會唔夠飽, 小妹就覺得幾飽肚！

黎開呢邊想行下新開ge東岸公園,晚餐就簡左呢間一直book marked ge魚事者!屋企人比較中意食魚,所以帶佢地黎食就最岩啦！和風紫菜魚腸有d似便利店食品,但配上紫菜同木魚碎之後,就有種章魚燒ge感覺!魚湯翡翠苗魚湯味濃,菜苗清新脆口,而且菜苗掛湯,相當夾!魚米粒粒意大利飯味道同平時d意大利飯差不多,都有松露香,最特別係魚米粒粒,入面係無飯,魚做成米,非常有咬口!白汁雞肉意大利麵同樣都係用魚做麵條,非常彈牙特別,但本人中意魚米粒粒多d

見客黎開炮台山，經客人介紹黎左呢間食晚飯，果然地膽介紹實唔差！好值得推薦比大家。呢到環境好舒服，都幾型格，用QR code落單，方便簡單.我地每人叫左個主食，我要左fishotto魚米粒粒，扮意大利飯，但其實食落口感真係幾似飯，而且好飽肚，個汁酸酸地，好creamy,加蟹子食好夾。朋友叫左燒鰻魚魚麵撈，賣相好吸引，試食左啖，口感似彈牙但有魚味既烏冬，都好唔錯，個人鐘意食呢款多d。跟餐小食叫左炸魚狗腸配惹味山椒汁，個樣似串燒，食落似條狀魚蛋，好食呀，個汁唔辣，但好香濃！加$28有得跟支鬼佬啤酒，當然要叫埋，好爽！呢間野店細細，但性價比高，店員都好有禮貌，希望可以開分店係新界啦

一直都好鐘意食魚高蛋白又健康，係附近staycation 見到呢間魚做主題既餐廳，覺得好吸引，所以試左第一次，然後我發現一定會有第2/3/4….次！首先，真心高度推介佢個魚做既薯條，唔會好油膩，必點雙子醬（蟹子加明太子）好有提鮮既感覺，無形容詞，就係好食，同男朋友如果唔係飽到嘔係一定會叫多碟。怕熱氣要叫鬼佬涼茶-手工啤，好舒爽，好夾！跟住叫左燒鰻魚魚麵撈，好大塊又好肥大啊塊鰻魚，啖啖肉，而且個鰻魚燒汁甜甜地好夾撈麵，而魚麵口感原來好彈牙，好似食緊條狀魚蛋，正！最後跟餐叫左個牛油燒粟米粒同魚湯翡翠苗，兩樣都跟餐叫平d,份量就一人份，都非常唔錯，感覺呢餐好健康！

喺炮台山有間極具創意嘅魚麵專賣店，佢就係魚事者。呢度嘅魚麵有湯同撈兩種食法，呢次我哋叫左兩個都係撈麵，分別係泰式-蝦頭油炸蝦球魚麵撈，另一款係港式-芝士汁吉列豬扒魚麵撈，泰式除左魚麵條上曬上櫻花蝦增添香脆口感外，仲帶上點點嘅香辣味，惹味又開胃，而港式嘅芝士汁芝士味都好濃郁，用嚟撈麵一流。仲要加埋厚切嘅吉列豬扒，勁吸引。黑白鴛鴦春卷：黑色係魚肉春卷，白色嘅係墨魚春卷，白色嘅口感較爽口彈牙，但黑色魚味會較濃。炸魚無薯條：呢個「薯條」其實係炸魚肉條，熱辣辣脆卜卜，即叫即炸，口感除咗香脆之外，仲有魚肉嘅煙韌。佢哋仲有幾款唔同口味嘅醬可以選擇，我哋就揀咗佢哋熱門嘅蟹黃醬，可以有效提昇魚肉條嘅鮮味。炸魚狗腸：依家除咗原味外，佢哋仲新出咗三款嘅新口味，新口味仲有減十蚊嘅優惠添。我哋就點咗兩款新口味，一款係Sawadee，另一款係和風紫菜。前者其實係泰式，香料嘅味道好突出，好似去咗泰國嘅感覺，而和風紫菜就用咗滿滿嘅紫菜同木魚絲，令到整體口感變得更加豐富。

朋友話北角開咗一間新開張小店，主打用魚肉造成嘅食物今日一於呢個晚上約開嚟試吓先！餐廳裝修得令人好舒服 ， 用QR code落單，簡單又快捷👍set dinner 有好多選擇，有湯麵，米飯，西式等等 仲有唔同種類小食，價錢都係十幾蚊起，非常之豐儉由人我哋就叫咗以下幾款😝Dont 陰功魚麵 2.0顧名思義係冬陰功湯底，配上魚麵，然後仲有唔同款式嘅肉丸，魚皮餃等等冬陰功湯底非常濃烈，鍾意食辣嘅朋友不要錯過 😁用魚肉製成嘅麵好彈牙，又有魚味，都幾新奇！另外叫咗特色fusion系列 一 餘米粒粒。扮意大利飯呢個超級特別！將魚麵斬碎變成一粒粒，令到外觀好似意大利飯，然後配上非常多嘅蟹子丶carbonara 醬汁味道，好有口感～另外都叫咗啲小食炸魚冇薯條🍟，配上松露醬汁薯條係用魚肉造成，非常之彈牙，亦有魚肉味道，配上濃厚松露醬汁，好有特色！炸魚狗腸，配上和風紫菜大量紫菜，木魚乾碎同沙律醬 配上厚身魚肉腸，非常有日式味道！呢間餐廳價錢相宜，亦都非常有特色，值得推薦！

住北角朋友介紹我食既特色小店，佢話一定有驚喜。跑台山站出左過條馬路就到，小店細細但簡潔又充滿文青風，連餐牌都有好多創意金句。招牌炸魚無薯條好食到停唔到口，你以為係薯條但唔係，咬落有甜甜魚蛋味，面頭脆脆但又有啲煙韌，沾個魚子沙律醬又好夾。魚肉棒整到熱狗咁，賣相好靚，食落又係甜甜魚蛋味☺️，肉魚大啖咬好滿足。魚肉燒賣無豬肉純魚好濃味，唔似出面急凍燒賣，而且係一條骨都無，細心！💛另一創意魚料理係脆香港式魚皮加大量牛油果醬蕃茄粒同肉碎，魚皮熱辣辣新鮮炸配清新牛油果解熱氣🤤仲有兩杯自動走冰花茶健康又解渴。

今日中午做完yoga冇時間食飯，去到放工個人又攰又肚餓。聽同事講呢間餐廳係主打魚肉裝菜式，感覺上好健康，所以一放工即刻去試吓。職員介紹都係話所有菜式都係有魚成份，fusion返唔同地方嘅味道咁。我同老公兩個人叫左一份晚餐加唔同嘅小食，試勻哂佢哈哈！魚湯豆苗好清新，湯底有魚味得黎絕對唔腥，做前菜一流。佢嘅炸魚冇薯條，睇落似薯條，食落似係煙韌啲嘅薯條，但原來又係魚肉做，有驚喜！墨西哥魚皮就將nacho醬舖係炸魚皮上面，食落似墨西哥同中菜混合體咁幾得意。燒賣我地叫左雙拼口味，原味係典型魚肉燒賣，另一隻味係加左芫茜，配上甜豉油同自家製辣醬，好食過街邊個啲好多好多！魚肉狗腸當然都係魚肉做啦，配上蜜糖介茉醬，食落有長洲大魚蛋咁彈牙，又有種西式小食嘅香甜。晚餐叫左個越式魚面配雞翼，睇落唔算大碟，但因為魚面都係魚肉做，所以食食下都有啲飽，點菜個陣大家要注意啦！

下班過來吃飯，聽說北角吃的很多，就隨便走走。這家全是吃魚🐟看上去不錯，就進來試試。確實物美價廉，連麵條都是魚肉做的。很棒。最喜歡是魚香腸，就像大大塊魚蛋，彈牙又好吃😋