魚一壽司 (教育路)

營業中

休息中

之前睇完紅葉都天黑喇🦥，梗係去出名多嘢食嘅元朗市中心搵食！記得之前都有唔想人推介過呢一間平民壽司店又抵又好食🍣，我唔導遊唔多人排隊，等咗一陣就已經可以安排入座閣樓座位。雖然坐得唔算舒服，勝在價錢公道，食物質素可以接受👌🏻。————————————————👅三色刺身丼（$78）👍🏻三色係指三文魚、帶子同海膽，估唔到唔使$100都已經可以食到海膽😮，說真的刺身質素OK，雖然細細碗，但係咁多飯都好快飽👅京蔥拖羅蓉丼（$68）👍🏻拖羅蓉入口即溶，而且份量大方😍，用紫菜捲住拖羅同醋飯，秒變鐵火卷👅刺身拼盤 - 木（$118）👉🏻唔想食咁多飯就叫一個刺身拼盤，牡丹蝦同劍魚腩比較一般，但係三文魚腩同赤貝新鮮度唔錯😼👅炸蝦天婦羅（$48/6隻）👉🏻味道一般，算係抵食之選🍤————————————————🚩總結：還可以😌過得去———————————————— 🌟注意：多為2-4人座位————————————————📍 魚一壽司地址：元朗教育路68號兆豐樓地下7號舖🗺地區：#bem元朗📥分類：#bem日本菜💰人均消費：#bem_201至400蚊

之前朋友請badboy食生日飯，嚟咗呢間喺元朗幾出名嘅壽司店，性價比高😋🐟本鮪丼$118有齊厚切赤身、中拖羅同拖羅蓉，食到唔同口感嘅吞拿魚。赤身比較重魚味，而拖羅蓉最肥美，badboy比較鍾意魚味同油脂並存嘅中拖😋🍣竹set(火灸壽司)$98- 三文魚、穴子、珍寶壽司蝦、皇帝蟹肉棒、左口魚邊、帶子、牛肉他他、加州卷、茶碗蒸朋友叫咗呢set壽司，可以一次過試好多款。款款都唔錯，壽司都算新鮮，份量好夠飽。🥑牛油果軟殼蟹卷$38軟殼蟹好香脆😋舖滿蟹籽同邪惡嘅沙律醬😋

元朗高質日本壽司店，沒有平日的長龍，一行四人今次不用等可以直入。💦炸蝦天婦羅 $48炸得脆脆、乾身又香口，一客6隻4人有點唔夠。💦牛油果軟殼蟹卷 $45一客5件，牛油果肉厚厚的，配香脆的軟殼蟹及蟹子，好有口感，既清新又香口，口感豐富。💦刺身 - 油甘魚 $58 三文魚 $68 帶子 $36新鮮美味，全部都厚切。💦火炙壽司 $12-18/件火炙過的壽司變得軟軟、入口即溶，好香好滑。💦滑蛋豬扒飯 $62份量好大，豬扒香脆，滑蛋好有蛋香，好美味。💦吉列炸蝦卷 $28一客四件，炸蝦應該係即炸，配上蟹子，食落感覺爽爽脆脆。💦雜錦魚生沙律 $48魚生份量多，沙律菜新鮮，配上調味醋，好清新好開胃。

元朗人氣高質壽司店🍣❤️‍🔥魚一位於元朗嘉誠廣場附近 去完嘉誠gel甲nail就順便係附近覓食🤤🔹竹CHIKU火炙壽司🎋$98定食set有8件手握壽司🍣兩件卷物+茶碗蒸 仲有熱茶自助refill🦦三文魚 、穴子 、珍寶壽司蝦、皇帝蟹肉棒、左口魚邊、帶子 、牛肉他他、加洲卷🦀·原條燒穴子非常之驚艷到我❤️‍🔥原條上 目測有我手掌咁長✋🏻燒到非常之香口 上面仲有鰻魚汁 甜甜地·三文魚三文魚厚度適中 火炙後所有魚油迫曬出嚟 油脂甘香 再加小小美奶滋 一啖擺入口 滿滿魚香 大滿足·左口魚邊又係油脂十足既魚類 油脂分布比三文魚較高 如果係好 好魚油既朋友仔必試💓其他握物整體水準都可以 就唔再一一介紹🙌🏻眼闊肚窄既我 仲追加左三文魚手卷🐟仲有火龍卷！🐉係吉列蝦 外層滿滿蟹籽仲有個炸蝦頭🍤擺係最前前 做龍頭 氣勢十足！有人稱黑洞胃既我 最終都ko曬所有壽司🍣無做到大嘥鬼👻值得推介❤️‍🔥CP值高 壽司新鮮🍣舖頭有兩層 今次坐上層都幾闊落！

1月2日中午時間去食，沒有想過差到不得了🤬，之前都食過幾次，都冇咁差，一次差過一次，越嚟越難食，叫咗一個豬骨湯底叉燒拉麵，叉燒乾到條邊位變硬晒，柴皮，根本冇可能可以入口，個豬骨湯底完全冇味😤，淡到同水冇分別，未食過拉麵d豬骨湯底會冇味🤬，從來未試過食拉麵要加豉油先有味，我見另一台食烏冬都要加豉油😵‍💫，另外叫咗一個燒牛柳溫泉蛋飯，啲牛柳又硬又鞋又冇味，為咗唔浪費先免強食晒，以後唔會再去食了

去到元朗食LUNCH，又再次幫襯魚一壽司，佢地既午餐SET又幾好食幾抵食既，首先魚一係用QR CODE自助落單，LUNCH HOUR就會有午餐定食，叫左個苒簥麥麵拼壽司套餐，簥麥麵份量都多，再配埋3舊壽司，夠飽既，但壽司就普通左少少，似外帶壽司FEEL。另一個就鰻魚定食，鰻魚真係大大條，加埋D汁都好夠味，飯量夠飽。最後仲有一個咖哩豬扒飯，日式既咖哩帶有少少甜，炸豬扒炸得好香口好脆，咖哩汁撈埋飯食，真係一流呀。

本鮪拖羅向來都唔平，今日食晏見到由本鮪丼，即叫嚟試吓🤪 呢個價錢當然唔會有肥美大拖羅，但有厚切赤身、中拖羅加拖羅蓉，口感豐富而且份量十足，絕對抵食！拖羅味未算好濃郁，但口感唔錯，亦無筋，性價比算高。💰本鮪丼 $118 📍魚一壽司地址︰元朗教育路68號兆豐樓地下7號舖

呢間平時經過開都一定會見到大排長龍，咁岩今日早收工同朋友行過見到仲有位就即刻入左去食。餐牌野食種類好多，同朋友睇完樣樣都想試，最後每樣叫啲。芒果蟹子沙律黎到已經撈好，唔洗怕自己撈彈到成身都係，沙律醬份量岩岩好，唔會話食完個底全部都係沙律醬。三文魚刺身普普通通，都夠厚身。玉子燒超好食，甜蛋控一定要試。壽司同朋友揀左幾款，火炙牛肉他他有驚喜。我本身唔太好天婦羅，不過朋友想食就叫左個雜錦，食完冇好油膩既感覺，都幾脆。叫左兩款串燒 京蔥雞肉同豚肉野菜，兩款都好好食，不過最後先上，已經食到好飽。😂😂仲有食到燒蠔，不過唔記得咗影。有機會再早收工又黎碰下運氣先🤫

元朗抵食又好味又💛之壽司店首選😉魚一壽司🍣竹Chiku (火炙壽司) $98火炙過嘅三文魚油脂特別香🤓穴子好長一條🤓珍寶壽司蝦鮮味🤓皇帝蟹肉棒唔係Hea嘅貨🤓左口魚邊口感豐富有嚼勁🤓帶子鮮甜🤓牛肉他他食肉獸好滿意🤓加州卷好多蟹籽🤓茶碗蒸夠滑溜🤓炸軟殼蟹卷 $32軟殼蟹份量都俾得好多😎而且炸到好酥脆😎壽司飯個面有好多紫菜碎香口感大增😎仲有大量嘅蟹籽😎魚一壽司 (元朗)元朗教育路68號兆豐樓地下7號舖

今次同同事一齊食魚一，整體質素都幾好。我叫左個自選丼飯，揀左三文魚腩、帶子、牡丹蝦同北海道海膽。三文魚腩肥美厚身，帶子厚身得嚟又鮮甜，最正係個牡丹蝦，又甜又軟糯。個海膽就相對失色啲，唔係太鮮甜。然後叫左個白子，白子冇任何腥味，好creamy，個汁都清爽嘅。然後叫左牛肉他他同火灸牛肉他他壽司，味道都唔錯。最後甜品食左個水信玄餅，略嫌黑糖落太多，都係中意少啲糖，食果陣清甜。但整體質素已經好好，價錢又唔算貴，抵食！

又黎元朗食壽司，入親元朗都淨係會諗到食魚一鵝肝壽司實在太好味😋辣冷麵都係致愛，同成班朋友一齊嗌咗好多嘢食，掛住食好多都唔記得影😝😝第一次試水母刺身，口感好爽好正，三文魚腩好大舊，馬刀貝刺身都好好味😋仔仔就最鍾意食呢度嘅蕎麥冷麵，同埋鱈魚片，下次要試下D串燒熱食先，我見格離幾張枱都好多人叫串燒

又嚟朝拜！呢間壽司店來過幾次，每次都排長龍，今日星期六午市竟然無乜人，唔通日本通關大家留肚飛去日本食？店有兩層，主要係2人或4人枱，好快有位，用QR code 點餐，食物上得快。炸雞軟骨粒（$45）每次必食！炸得鬆脆唔油膩，點埋沙律醬，超好味，而且分量都幾多，感覺食極都仲有，好抵食！炸蝦天婦羅（$48）炸得鬆脆唔油膩，唔錯！火炙壽司（逐件計）入口即溶，睇得出用心制作 ，留意有部分壽司係一件件計，價錢會貴啲。牛油果軟殼蟹卷（$45）好好味，感覺健康，最滿意係好多蟹虸。滑蛋吉列豬扒飯（$62）有啲失色，洋蔥偏多，豬扒冇乜口感，又淋又濕，可能同蛋汁有關，飯都濕濕地，乾身啲會好味啲。 雜錦魚生沙律（$48）有好多種刺身，性價比高，醬汁分開上，自己想落幾多就幾多。油甘魚腩刺身（$68）魚肉肥美鮮嫩，簡直完美！值得注意：Wasabi只係跟刺身上，點其他壽司只提供豉油，食得冇咁爽。建議服務可以做好啲，我隨身物品較多，又要照顧小孩，唔小心推跌另一餐檯嘅櫈，身邊嘅年輕服務員企喺度冇反應望住我，我一邊執番起張凳，佢只顧心急問我幾多位，有少少影響用餐心情。

因為疫情。魚一我平時係食外賣多，好鐘意食佢冷辣麵。壽司質素就正常不過不失。呢排慢慢放寬食市，因為魚一距離我家偏遠。最近網上口碑麻麻，所以我自己都無去堂食。琴晚朋友提議想食魚一。我諗住甘耐無食，試下堂食係點啦。琴晚好大雨。我同小朋友6點左右到達。因為餐廳要齊人先可以入坐。但我朋友仲要十分鐘左右先行到泥。所以企左係出面一路等。餐廳門頂無簷蓬，啲雨係甘彈到身。眼見餐廳下層得兩張枱食緊，其他都無人坐。明白餐廳有餐廳嘅規矩。有小小覺得餐廳不近人情。最後我朋友覺得既然係甘，佢最近口碑又麻麻，甘大雨不如食間可以坐底係入面等嘅餐廳。就走左喇其實元朗日本餐廳真係好多選擇。88

黎自元朗bb既推介出名性價比高 質素唔錯日日都要排隊🫣🤩魚一🤩壽司/刺生： 推薦火龍卷🥰咩都有啲既感覺🥰每件細細舊咁 但用料十足火灸左口魚同三文魚都係我至愛 入口即溶🥰火灸牛肉他他都唔錯 牛味十足加埋有啲灸燒既香其他魚生都幾新鮮 對得住個價錢馬糞海膽壽司就一般 $28都唔expect好鮮甜架啦 不過過下口癮都唔錯自選丼飯：丼飯既魚生絕對唔hea你三文魚新鮮海膽feel到係靚野 好鮮甜😍同馬糞海膽壽司果個好唔同帆立貝亦夠大同鮮甜食得過我地重有叫牛舌同啤酒🍻啤啤佢完美展開weekend💕Total💰$448 (豐儉由人啦）回頭率 : 🐥🐥🐥🐥🐥/5魚一壽司 @sakaraichisushi 📍元朗教育路68號兆豐樓地下7號舖

話說搬返黎元朗已經一段時間，留意到元朗最多人排隊既日式有兩間，一間係大馬路X中，另一間就係呢間「魚一」。由於早排食完X中，今日咁啱放工去咗嘉城，經過魚一見無人排隊就入場試下。首先上軟殼蟹壽司賣相尚可，但係軟殼蟹又凍又軟，完全唔知炸完擺咗幾耐既口感，沒有比較沒有傷害。燒雞泡魚乾口感唔錯，有濃厚既魚乾鮮味，微溫。三文魚腩刺身賣相普通，肉身鮮甜，食完無腹瀉問題。起初仲諗緊點解餐枱上無Wasabi，原來隨刺身附上。蟹肉蟹膏壽司壽司郎水準，不過不失。火炙壽司、左口魚、牛肉他他等味道無驚喜，都係壽司郎水準。吞拿魚手卷伏到唔知點形容，吞拿魚少得可憐，紫菜又軟又淋，未食過咁低質既手卷。最後係饅魚同帶子壽司都係嗰句，壽司郎水準。由入座到離座前後應該九個字都無，因為太肚餓，快快趣趣食完就走。唔會再有下次，又一間失望既黃店。真係要排咁耐隊既話，我寧願食X中、壽司郎。