鬆啲大排檔

營業中

休息中

話說上星期表姐們同表姐夫約食飯，建議去荃灣出名既三坡坊食大牌檔。求之不得添啦！因為一直都知嗰度有好多正野食。約左喺一間裝潢幾靚既大排檔，有別於傳統坐街邊既。宜家天氣熱，又成日落雨，所以有得坐室內絕對係喜出望外！室內裝潢唔錯，幾有特色，寫曬菜名既牌掛曬喺牆。同埋原來有兩層，一大班人黎都夠位。有位好熱情的伙記招呼我同家姐入去。表姐同表姐夫發板。前菜黎左一碟生腸魷魚雞腎。都幾好食，夠彈牙，汁都夠味。叫左碟臭豆腐，細細件，一口一啖。唔記得影相，不過味道還好。呢度係有新鮮既海鮮食既，聽嗰位熱情既伙記（原來佢係經理，叫DEE哥）講要預先講定佢地會留貨。佢今次幫我地預留左蟶子皇、鮑魚同埋蟹。我心諗：今次有口福了哈哈哈！蒜蓉粉絲蒸蟶子皇實唔會伏既煮法。碟餸一上枱就已經聞到好香既蒜蓉味。不愧係蟶子皇，一望就知啲蟶子夠曬大隻！食落彈牙，將蒜蓉連同入曬味粉絲一齊食真係好滿足。陳皮蒸鮑魚本人一向麻麻地好蒸鮑魚，因為我總係覺得蒸既鮑魚冇味，唔係咁好食，好似食緊嚿冇味但有𡁻頭既東西。但今次呢碟蒸鮑魚有驚喜！首先嚿鮑魚好入味，啲汁沁到入去，所以𡁻緊都有味。其次個汁先係重點，令到嚿鮑魚提鮮左！海鮮一浪接一浪，之後送上

見鋪頭內面無惴客人，諗緊會唔會中伏，朋友就話太肚餓，唔好理啦，入去試一次一口臭豆腐 - 唔太臭, 臭D仲好但現在加甜醬都幾過癮松露蝦多士 - 呢個真係要介紹大家試下, 松露同蝦多士好夾, 又唔油淋淋 炒麵 - 有驚喜, 夠味夠干身仲有食咗個薯仔牛柳粒都唔錯...... 甜咗少少 唔洗等，價錢合理，值得推介

今日同老友路過荃灣三陂坊，見到有間鬆啲大排檔有酸菜魚食，於是抱著試吓嘅心態走入去幫襯。入到去，整體環境非常乾淨衛生，裝修設計又幾特別，令人感覺坐得好舒服，D伙記好鬼熱情招呼。於是揀選咗幾道菜試吓。重慶酸菜魚、台式三杯鷄、香煎蓮藕餅同勁爆辣子鷄，再加上幾支大啤。重慶酸菜魚-味道濃郁鮮香，魚肉十分嫩滑，哩D就係我印象中嘅重慶口味，要嚟送飯一流，好開胃，我連湯都飲晒。其它菜式都好好味，下次一定再去食過！

呢用左大排檔既槢格槢櫈, 食物選擇又多, 仲有飲啤酒必備既戰鬥碗添🤩🍢麻辣黑柏葉($68)爽口彈牙既黑柏葉配上大量既青瓜絲, 紅椒絲, 白芝麻, 辣醬,一齊食勁惹味🤓香辣雞翼尖($58)炸到脆卜卜既雞翼尖食落有啲似KFC既炸雞同辣度都有啲似😊陂坊三鮮($78)鮮橙色既生腸, 大腸好爽身好好食😋回味一口臭豆腐($62)聞落唔臭, 食落會聞到少少臭係我鐘意既味道, 但對重口味者黎講應該唔夠臭😂黑松露鮮蝦多士($120)厚厚既蝦肉連埋多士一齊攞去炸再點埋個黑松露醬真係無敵, 個黑松露醬食好關鍵, 記得食既時候重醬🤩黄金炸魚皮($68)魚皮正正常常, 上次九龍城間潮洲菜館果啲好食啲🙃🍲XO醬馬拉盞芥蘭煲($98)“炸炸”聲既芥蘭煲好夠鑊氣, 仲有大量既肉碎, 蒜頭, 蔥頭, 洋蔥勁送飯😎砂窩臘味豬油撈飯($68)大量既潤腸, 臘腸, 蔥花係幾香, 但係啲臘腸既油香蓋過左豬油既味🥹蔥頭抽魚雲煲($138)魚雲炸到脆卜卜幾惹味, 平時唔食魚頭既我都食到🥰🔥黑椒蜜餞薯仔牛柳粒 ($148)薯仔同牛柳都佈滿白芝麻同蜜糖, 牛柳粒好腍身, 大家食完都忍唔住嘩一聲😙半隻家鄉蔥油雞 ($158)雞幾肥美,

去完荃灣拜神, 見酒樓食到厭 , 老公話想食小炒,周圍行下附近都有好多選擇, 唯獨環境都係麻麻地, 始終都有老有嫩, 搵間企理D穩陣。行到去三坡坊, 見到依間小菜館新開, 乾淨同裝修幾特別, 個哥哥仔見我地望望下, 主動俾menu我地, 見收費正路, 即管俾次機會。哥仔安排我地坐室內, 原來上面仲有多層, 仲可以book房,  不過我地有老人家BB車, 費事上樓梯, 坐樓下算~主打懷舊風小菜, 我地3個大人叫左幾款, 味道不錯蝦多士, 用長法包整, 比方包多一種口感, 配埋黑松露醬,  成件事升Lv~士多啤梨京都骨, 炸粉唔厚, 酸酸甜甜, 幾開胃, 哥哥仔推介出面少有的 ,老公奶奶趁熱食就大讚好味夠足料,可能到我餵完小朋友先食,凍左就冇咁正…炒蟶子王, 配煎米粉片係底, 連配料索曬汁, 好香口惹味, 飲埋啤酒就係爽!最後叫多個豉油王炒麵, 炒得夠乾身又大大碟, 3個人先食得曬對港媽來講大排檔有BB椅提供真係好加分, 女廁夠大又可以推埋BB車入去換片, 可以滿足到想食鑊氣菜而又要就小朋友, 終於多個選擇, 唔洗再食酒樓。下次經開可以再試埋其他菜式

朋友約咗食飯，去荃灣一間新大排檔，個名幾得意叫鬆啲大排檔，間大排檔裝修裝修好友香港情懷坐低後叫咗幾個餸送酒菜黃金炸魚皮，鹹蛋味啱啱好，又唔太鹹，魚皮有脆，送酒一流蝦多士上面有啲黑松露醬，比較其他蝦多士，有浸好香黑松露味酥炸鯪魚球，有彈性，剛剛炸出嚟食第一口非常熱招牌炸乳鴿，外脆多汁瑤柱貴妃雞，隻雞非常之嫩，有一浸浸瑤柱香味魚湯浸豆苗，掛住傾偈，唔記得食之前影相，魚湯一啲魚腥味都冇，豆苗吸晒魚湯鮮味，值得推介豉油王炒麵，炒得夠乾身，我一個人都食咗三碗最後來個臘味豬油撈飯，豬油香噴噴，但我自己就比較少食飯，所以留返比朋友食

星期日做完姊妹就去睇戲，之後就去左荃灣三陂坊搵野食，太耐都黎呢邊，好多大排檔都唔同曬，最後入左一間裝修得幾得意既大排檔試下，個名都好攪笑，叫做「鬆啲」，超易記得。咁岩係睇世界盃，一邊睇一邊食野🙈 印象最深刻係辣肉聖子生菜包，味道係偏辣嘅如果怕辣既人就未必適合🫣 咖喱水魷就非常惹味下次可以再食🙋🏻‍♀️ 砂窩臘味豬油撈飯超級懷舊，越唔健康嘅嘢就愈好味😂 最後一樣就係蝦多士，真係成隻蝦架🥹🥹🥹大排檔黎講，值得推介‼️

聽聞大廚德哥離開旺角後，係荃灣三坡坊開咗鬆d大排檔，立即約腳訂檯食飯。新舖細細地都算坐得舒服，最正門口有露天位方便食煙的朋友仔，必點美食：1）屋村三鮮，橙色的生腸、魷魚童年回憶返哂黎2）一囗臭豆腐3）蝦多士，法飽底比之前係女人街的版本更清爽，點埋松露沙律醬一流4）瑤柱雞，朋友話齋叫雞一定要揾德哥5）臘味豬油煲仔因為今次人少少食5到咁多嘢，要擇日重賽，再嘗大廚的撚手嘢：煎米粉，豉油王炒麵，焗魚腸....

出色大排檔  -  鬆啲大排檔朋友推介食呢間新開大排檔真心好有驚喜款式多水準高⭐️涼伴青瓜雞絲清清地好開胃⭐️潮式併盤生腸超爽脆配埋黃芥辣佐酒一流⭐️黑椒牛柳粒薯仔夠稔牛柳粒完全唔韌⭐️蟶子肉碎生菜包生菜包加蟶子真係第一次味道偏辣但係好惹味推介⭐️鼓油鷄用蒸魚淋蔥油嘅方法令成個鼓油汁多左一種鮮味鷄肉好滑蔥油拌飯一流⭐️芥蘭啫啫煲芥蘭唔老食落爽脆色香味俱全⭐️麻辣鱔煲一定要撈均煲底嘅麻辣汁惹味🤌🏻⭐️乳鴿肥嘟嘟肉夠厚皮脆肉Juicy ⭐️椒鹽雜魚呢道係off menu嘅菜廚師特別炮製條條魚連魚頭炸到金黃酥脆魚肉唔乾仲保留到肉滑⭐️豬油臘味飯豬油飯唔係度度有得食天氣凍食個好食嘅煲仔飯好滿足臘味足料豬油飯唔會太油煲邊飯焦脆卜卜必食推介🤌🏻⭐️鐵板黑椒豬手啖啖肉香噴噴⭐️金銀蛋豆苗上湯鮮味蛋花唔老豆苗鮮嫩⭐️豉油王炒麵真係唔係度度嘅炒麵都好食呢個炒麵不！得！了！麵質夠爽條條分明唔會太油灑上芝麻勁香必食推介🤌🏻環境乾淨服務好值得再次幫襯👍🏼

剛剛新開的大排檔,試完可以再試，有啲特別嘅菜式出邊好少見，例如一口臭豆腐，油渣麵，雞翼尖及炆魚😋，不過一定要試吓椒鹽鮮魷同九肚魚，真係煮得好出色，不得不試橙色炸大腸同尤魚😋必吃菜式，還有炸乳鴿新鮮熱辣好入味。

星期六決定約班朋友去食大排檔，朋友提議去荃灣三陂坊大排檔，最後揀咗尼間新開裝修新派嘅大排檔，當日先點前菜，首先食咗蝦多士，師傅用咗法包代替傳統麵包，非常特別及好味，之後試咗咖哩尤魚及麻辣黑柏葉，2樣都唔錯夠辣，跟住到主菜豉汁聖子米粉底，米粉夠脆口，魚香茄子都好惹味夠鑊氣👍🏻,蔥油雞就普普通通，脆皮頂鴿十分juice十分好味，鮮魚湯浸豆苗魚湯鮮甜魚味夠，重有蒸魚頭腩好味，小炒皇味道一般不過足料，金沙海中蝦好正，重有椒鹽京都骨都幾好食，最後叫咗個砂煲臘味豬油撈飯，超正夠香，啲食一粒粒冇黐底，真係值得一試嘅大排檔，我一定會再去幫襯👍🏻👍🏻👍🏻

個日有朋友介紹我去呢一間新開既＜鬆D大排檔＞，去到嘩！呢間大排檔真係有別於其他舊式既大排檔。裝修比較新式，地方也很寬敞，老實講都真係坐得幾舒服。至於野食方面，成晚所有野食都好有水準，由其是有幾樣野食特別令到我好回味，（一口鬆D臭豆腐）真係一口，食既時候好容易食，唔似係出面小食檔食到既臭豆腐食到成口醬又亂哂龍，味道當然有臭啦，好好味後來要叫多一碟先安樂😁下一次我一定會叫埋屋企人嚟試下先得，真開心又有一個可以成日去開餐既地方。