馬泰

營業中

休息中

地道泰國菜，價錢好抵食，好地道，好似去咗泰國食一樣。地點都好方便。佢有set lunch，食下午茶，包埋嘢飲，價錢好抵食。種類選擇好多。佢嘅餐單都好靚，好友泰國風情。佢嘅斑斕椰汁冰都好特別，好香斑斕味，顏色好靚，好適合夏天飲用。泰國啤酒都好好飲，飲完之後好似去咗泰國一樣。軟殼蟹蒙粉，味道非常之好泰式風味，酸酸甜甜，非常可口，軟殼蟹都好大隻，有手板咁大隻，用料上乘，配菜都好豐富。好有泰國特色。泰式海南雞叻沙，非常之出色，海南雞好幼滑，好新鮮。叻沙都好地道，辣得好惹味，食過返尋味。海鮮冬陰功湯，用了十足，海鮮好多好豐富，辣得好惹味，真係好似去咗泰國咁。芒果糯米飯都好獨特，新鮮嘅芒果加上糯米嘅飯香，食到唔捨得停口。

今日同友人經過銅鑼灣見到呢一間泰國菜，店舖好乾淨，於是試一試呢度嘅款式好多，價錢亦都好實惠～1. 招牌無骨海南雞飯係雞髀位啊，肉質非常鮮嫩，肥瘦適中，唔痴牙，配埋兩款醬汁亦都10分搭，不錯～ 碗湯都好鮮甜2. 馬來咖央多士麵包好脆，咖央味好濃，同埋足料～ 3. 泰式蠔仔蛋蠔仔同蛋份量好多，蠔仔好新鮮，另外底下鋪滿左芽菜，無咁易食滯最後，想讚一讚呢度嘅職員，好好服務，例如飲水都會問要凍水定暖水，同埋提供埋濕紙巾同口罩袋，讚～

今次黎咗呢間食泰國菜嘅餐廳食下午茶，距離銅鑼灣地鐵站行五分鐘左右，好快就到👍🏻環境幾舒服，燈光充足，而且牆上裝修幾有特色😙下午茶餐牌選擇都幾豐富😋而且仲可以優惠價加芒果糯米飯🌈馬來無骨海南雞喇沙 $66份量好大啊🤣🤣🤣一上枱有少少震驚，海南雞好大份之餘仲好滑，而且仲有唔少花生同其他配菜😍好足料！喇沙個湯底好香濃😚好辣好夠味，啲麵煮得啱啱好，好食！🧡泰式酸辣鳳爪沙律 +$22個賣相好得意😚😚係一隻船黎，同埋地幾大份，而且仲無骨架！食落酸酸辣辣咁，好開胃！🧡凍泰式檸檬茶 +$3賣相同樣唔錯👍🏻飲落好清新，飲到少少檸檬香味仲飲到茶香，仲好適合解辣🤣🌈招牌無骨海南雞飯 $68份海南雞真係好大份😍😍雞肉好嫩好滑，個飯都唔錯，食落好香，而且軟硬啱啱好🤤🤤仲有個湯，入面有粟米蘿蔔鳳爪，好足料！而且煲得好入味好好飲👍🏻👍🏻👍🏻🧡馬來杏仁蝦餅 +$26第一次試🤤好好食啊，蝦餅入面有好多杏仁，每啖都咬到，再點啲泰式辣醬，味道好夾😋😋🧡健康薏米水（熱）飲到好清香檸檬同薏米，好足料😚😚好適合養生朋友🌈馬泰香芒糯米飯 +$28擺盤好靚啊💕💕而且塊芒果好大塊，仲好鮮甜🤤配埋啲糯米飯同椰汁食超正！

週末去咗久違嘅銅鑼灣shopping，無意間發現咗哩間位於銅鑼灣同灣仔中間嘅「馬泰」，大家唔好睇門面好似普普通通咁，一入去就俾卡通版嘅美食壁畫所吸引，餐廳好光猛而且店員服務相當親切👍🏻重點係週未都有下午茶仲免加一，翻開餐牌有齊喇沙、湯河、印尼娘惹、咖喱等，價錢由$52起仲包餐飲😋，唔夠喉的話仲可以優惠價加點小食同甜品😉馬來無骨海南雞喇沙 $66喇沙超級地道椰汁🥥味香濃，記得要將辣椒醬拌勻，摻摻係米粉加上油麵相當掛湯，每一口都嗦滿喇沙湯仲好大碗，海南雞份量絕不欺場，好好彩地仲要係雞髀🍗，雞髀肉已經去骨啖啖肉仲好嫩滑，加上甜醬油膏同海南雞辣醬真係好似去咁星加坡咁😆軟殼蟹撈檬粉 $58天氣咁熱就想食酸酸甜甜嘅開胃菜，好鍾意哩度嘅甜酸汁嘅酸甜度適中，就算食完都唔會好渴口，軟殼蟹炸得香脆而且新鮮唔會霉👍🏻馬泰香芒糯米飯 （升級優惠 +$28）有別其他泰國芒果🥭糯米飯，馬泰嘅版本好似手握壽司，芒果切片放上以椰汁🥥蒸煮嘅糯米飯上，旁邊仲有濃椰漿可以自由添加，一口一件好方便😋新鮮椰青 （升級優惠 +$28）紫米冰 （升級優惠+$20）馬泰有多款特色飲品只需以優惠價便可升級，夏日炎炎來一杯清涼解渴嘅椰青

天氣開始轉熱，令我諗起新加坡同東南亞嘅地道小食。見咁啱行開銅鑼灣，就入咗呢間充滿泰國風情嘅小店試一試。入到嚟就見到人哋嗌咗個馬來無骨海南雞喇沙大大碗，有幾靚咁。咁就叫咗嚟試吓。果然冇令我失望，海南雞非常香滑，又大大件。啱晒啲大食嘅朋友。而喇沙個味道都調得好好。之後嗌咗個秘製馬來肉骨茶配飯。肉骨茶好多配料，有排骨，油炸鬼，冬菇，枝竹，豬腩肉同杞子。配埋飯食就啱晒，因為撈埋啲湯汁好入味。馬來杏仁蝦餅都炸得好脆口。但係又出奇地唔肥膩。配埋泰式雞醬，個味就啱晒。芭堤雅炭燒猪頸肉充滿炭燒風味。令我諗起以前喺泰國嘅街頭小食。配埋個秘製嘅泰式醬汁，味道就更上一層樓。我哋都嗌咗個跟餐嘅嘢飲，泰式檸檬茶飲得出係用咗錫蘭紅茶。而健康薏米水就好有住家嘅感覺。

覺得個泰式炒金邊粉唔夠正宗，唔夠酸及欠缺鮮味但環境坐得好舒適店員服務態度有禮芒果糯米飯的芒果太酸，令到整個甜品的口味麻麻喇沙的湯底較鹹，但是分量十足地點算方便，在鵝頸橋附近，但是食物味道有進步空間

位於銅鑼灣同埋灣仔中間既馬泰 係一間泰國料理餐廳 步行大概5至10分鐘就到啦 嗰日仲要落住大雨 但為左快d開餐唔緊要啦 入面裝修簡單牆上配上簡單壁畫  餐廳唔算多人都幾舒服-青咖喱軟殼蟹煲配白飯食泰式料理點少得青咖喱 今次點左軟殼蟹 香脆可口仲有少少調味！ 青咖喱多到可以撈兩碗飯，食唔曬覺得有D浪費，想帶番屋企撈飯食！-招牌無骨海南雞摻摻喇沙椰汁味反而唔係好重 鍾意佢另外上碟嘅海南雞 雞件入味亦唔會好鞋口 鍾意食喇沙嘅我覺得佢辣味好重應該有譚仔嘅小辣至中辣程度 粗麵都沾滿辣油 驚辣嘅朋友可能要去一去湯底齋食麵先得😂-蒜蓉炒通菜冇叫馬拉盞炒通菜因為驚太辣 蒜蓉味香濃 炒得好香 通菜

🧚🏻‍♀️天氣熱熱地，特別想食啲開胃菜🥗今日黎到銅鑼灣搵食，搵到呢間隱世馬泰菜、一次過食到馬來西亞嘅喇沙同泰國嘅小食🤤🤤🥘海鮮滲滲喇沙食馬來西亞菜一定要食喇沙，最鍾意就係食佢嗰種辣辣地又有椰香味嘅湯底。呢間喇沙椰香味好重，辣度又剛好，加埋好掛湯嘅米粉同油麵🤤🤤太好食！坊間有啲喇沙食食吓覺得好漏，呢間剛剛好，比起好多名店好食！海鮮份量都唔錯，同女仔朋友夾埋食一碗就岩岩好🐔泰式酸辣鳳爪呢個份量十分多，有成幾十件，絕對唔會係好似出面坊間食嗰啲食得唔夠喉，個酸辣汁好開胃，連配菜都好好食🐷炭燒豬頸肉肉汁juicy,，外面香脆，點埋醬汁食一流椰青正正常常咁好味～食泰菜必點！

係銅鑼灣成日食個幾度地方突然想去搵下周邊地方食野～無意中行過依間睇落好似唔錯～上網睇睇介紹即刻就入去試下先～齊齊跟小編去啦🏃‍♂️🏃🏃‍♀️馬泰特色拼盤(素菜春卷·蒜蓉牛油雞翼·杏仁蝦餅·酸辣鳳爪·鮮蝦米紙卷)春卷冇咩特別～睇色好似好濃不過食落無咩味···蒜蓉牛油做到有d咸🥲1-2舊都夠···個蝦餅啖啖蝦肉好正～不過夾埋杏仁食就覺得杏仁有點多～小返d口感更好···鳳爪發揮正常～小編偷懶唔介紹😆鮮蝦米卷入口好清新～蝦都算大隻～點埋個酸汁吊返小小味就正啦😎招牌無骨海南雞(半隻)有雞味🤤胸位都唔會好痴牙～唔錯唔錯～配點兩款汁醬亦好夾～小編覺得大家可以一試👍👍海鹽焗翡翠螺有咬口得黎入口好淋～都算新鮮但有d位燒到黑左🥲馬拉盞通菜正常馬拉盞通菜一碟🤣純粹想食菜無讚無彈🤣🤣—————————————————☻非專業食評·純個人口味☻—————————————————📍總結:唔係話好好食～但又未到普普通通咁～可以再去試埋其他菜式～有冇觀眾係附近返工食過～推介俾小編下次去食😆

📍［銅鑼灣｜馬泰］今次黎到銅鑼灣既馬泰，顧名思義，馬泰就係馬來西亞同泰國菜既餐廳，見到個menu影到啲相好靚，又多選題，真係難揀。主食叫左個馬來椰漿飯（牛腩），佢都有好多配菜，有參巴、咸魚仔、巴東雞肉、香脆花生、雞蛋同埋青瓜，再配埋牛腩，送飯一流。特別要講講佢個飯，濕濕地好重椰味，味道會係甜甜地，配埋佢既配菜，咸咸甜甜，都幾夾，份量都多，但又係會唔覺唔覺咁就食哂。叫左個小食，泰式蠔仔蛋，見到張圖已經好想食，想講下佢蛋同蠔仔既份量好多，基本上每啖都會食到蠔仔，芽菜會係底，但唔會話芽茶多過蛋，冇取巧，仲有配埋辣醬，好食。飲品方面叫左鮮椰青，正常，椰肉好易食到，都真係新鮮椰青。最後，員工好helpful，全日免加一，可以一試。馬來椰漿飯（牛腩）$76泰式蠔仔蛋 $88鮮椰青 $38

嚟到銅鑼灣同朋友行街行到夜左 條街都黑咗好多🤣但係就見到呢間舖頭門口勁光 第一眼以為係啲老牌餐廳🤭（啲燈太懷舊🤣）但望入去裝修竟然勁靚 又有壁畫🥹🥹🥹係好有格調嘅泰國菜！揭一揭餐牌發現勁多選擇 之後同朋友一齊入咗去試吓！！真係俾個Menu嚇親 非連鎖式餐廳竟然可以有16頁menu……有小食有飯有麵 有甜品有特飲😋😋😋真係揀到眼都花🤣🤍馬來咖央多士 $32第一次食咖央多士竟然可以揀餡料但係我哋都係揀返最傳統嘅斑蘭味～多士好脆 餡料又唔會太膩 有機會真係好想試埋其他個兩個味！🤍青咖哩雞扒配白飯 $86估唔到食落真係幾辣！但係同時都仲係好creamy! 味道好香😋😋😋撈飯一流～～雞扒大約有五至六件 份量十足咖喱入面仲有茄子 菇 豆 超級豐富嘅配料🤍招牌無骨海南雞摻摻喇沙 $78海南雞超級嫩🥰🥰🥰 仲有海南雞醬💛個喇沙湯入邊仲有蛋 豆卜 芽菜 超豐富！但係個湯底就有少少芫荽🥹如果你都唔食芫荽就要留意啦！整體評份：🤍🤍🤍🤍🤍有時真係會忽略咗呢啲小店🥺價錢合理 環境餐具等等都好有誠意🫶🏻餐牌選擇又多 真係好啱一大班朋友嚟食！！超級建議大家去試呀🥹🥹🥹🥹🥹

今日🐻嚟搵也米😍一齊撐枱腳，我哋去咗間食海南雞嘅舖頭，環境幾舒服，去嘅時候可能因為落大雨🌧，餐廳客人唔算多，所以都幾多位置選擇。依家餐廳其實仲有好多食物選擇👀，不過我哋都想試吓最出名嘅海南雞🐓，所以最後我哋嘅餸係一樣🤣。-🍴泰式無骨海南雞飯🍲($78) - 雞肉份量幾多，依碟主要係雞胸，主要睇好唔好彩🙈，店家提供咗兩個醬去點，分別係佢哋自己嘅秘製醬汁同醬油。秘製醬汁香香哋🤤、少少辣辣哋，配埋香噴噴嘅雞油飯，正👍🏻！-🍴招牌無骨海南雞摻摻喇沙🍜($78) - 今次海南雞主要係雞髀肉，好嫩滑，而醬汁就同海南雞飯一樣。喇沙好香🤩，會有半隻蛋同啲豆卜，仲有芽菜，麵有2️⃣款，分別係米粉同福建麵，粗幼嘅麵吸咗唔少嘅湯汁，湯底幾有椰香味，要留意有啲辣辣哋🌶，超好食😋，應該會再encore依間餐廳嘅喇沙。-🍴馬泰香芒糯米飯🥭($52) - 食一餐飯，甜品係好重要嘅Ending🤭！今次我哋Try咗個芒果糯米飯，4舊擺到好似壽司咁😂，食嘅時候，糯米飯仲暖暖哋，不過未到芒果嘅季節，所以都唔會好甜，食嘅時候，點埋隔離嘅椰汁，係一個完美嘅句號😋。-🍴泰式龍眼冰🥤($28)

今日同朋友過咗嚟銅鑼灣到行街，俾我哋發現咗依間隱世馬來西亞mix泰國菜🥳 嘢食好多元化，基本上所有馬來西亞同埋泰國菜嘅嘢食呢度都有，冇得去旅行都可以過嚟過吓癮😆👍🏻 而且呢度嘅嘢食超級抵！大約60-70蚊已經有一個晚餐，野食嘅質素都維持得好好，小店來講性價比極高🥳✌🏻首先叫咗一個招牌無骨海南雞摻摻喇沙個人認為係必食推介，首先喇沙嘅面同埋湯底都好掛汁，唔會太辣同埋唔會太咸，係好香口嘅馬拉口味，裏面仲有豆卜😛呢個海南雞雞肉超級嫩滑，仲有兩款醬汁點離食😘厚切豬扒摻摻喇沙我哋都係高水準嘅發揮，豬扒真係好似，超級大塊，都係好嫩滑香口💓最後仲叫咗一個甜品，就係斑斕椰汁紫米露👍🏻推介，估唔到斑斕椰汁同埋紫米露嘅味道係咁夾😚

今次黎到灣仔覓食😛 無意間黎到一間外表平平無奇嘅馬泰餐廳😂 但係見到入面有幾幅食物嘅畫作😂 覺得幾得意所以就入左去所lunch😚雖然餐廳價錢都好親民🤑 但係野食質素都好有驚喜🥳 可能咁岩簡嘅菜式都好色彩繽紛 上枱時覺得好開胃🤤 係銅鑼灣附近返工嘅朋友都可以過去食個lunch👍🏻👉🏻 招牌無骨海南雞飯🐤💰HKD7️⃣8️⃣肉嘅份量好多之餘 海南雞食落又嫩又滑👅 連雞皮上既脂肪都唔多 同某米芝蓮海南雞有得鬥下🥴👉🏻 馬來海鮮喇沙🍲💰HKD 7️⃣4️⃣海鮮喇沙有蟹柳🦀蝦🦐魷魚🦑同蜆 配料都好夠 湯底香得黎又唔會太辣🤪 平時唔食咁多澱粉的我都忍唔住食晒😚👉🏻 芭提雅炭燒豬頸肉🐽💰HKD 2️⃣8️⃣ (跟餐）豬頸肉切得好薄 燒出黎個邊燶燶地🔥 食落特別香口 跟埋特製辣汁更加惹味😎👉🏻 芒果糯米飯🥭💰HKD 2️⃣8️⃣（跟餐）芒果而家當造 食落又香又甜🤩 不過糯米飯如果煙韌程度減番少少會更正😝👉🏻 青檸梳打🍋💰HKD 1️⃣0️⃣（跟餐）👉🏻 泰國豆奶紅豆冰🍧💰HKD 2️⃣2️⃣（跟餐）呢個紅豆冰用左泰國豆奶黎整唔會好似平時死甜果d 紅豆冰咁就算唔鍾意太甜既朋友仔都應該接受到😝加一服務費❌

今次黎左一間外表平平無奇嘅餐廳 但係味道竟然出奇地好 如果係灣仔返工的話 都係一個午餐唔錯嘅選擇要特別推薦呢到嘅海南雞飯 啲雞大份之餘入口仲好滑，唔會太肥，比得上某間米芝蓮餐廳價錢仲平好多tim.喇沙味道都唔錯，濃得黎唔會死咸燒豬頸肉質素都好好，燒出黎非常香口不過個芒果糯米飯就差啲。糯米飯un到好似橡筋咁，真係不了。 好彩果肉都叫又甜又多汁， 今次打和 super平民餐廳黎講都算係高質素。最緊要份量唔孤寒！糧尾黎食下都ok